บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 16 : PALI ROMAN Sutta Pitaka Vol 8 : Sutta. Saṃ. Ni.
[235] Savatthiyam viharati ... tatra kho bhagava ... Assutava bhikkhave puthujjano imasmim catummahabhutikasmim kayasmim nibbindeyyapi virajjeyyapi vimucceyyapi tam kissa hetu dissati hi bhikkhave imassa catummahabhutikassa kayassa acayopi apacayopi adanampi nikkhepanampi tasma tatrassutava puthujjano nibbindeyyapi virajjeyyapi vimucceyyapi . yanca kho etam bhikkhave vuccati cittam itipi mano itipi vinnanam itipi tatrassutava puthujjano nalam nibbinditum nalam virajjitum nalam vimuccitum tam kissa hetu digharattam hetam bhikkhave assutavato puthujjanassa ajjhositam mamayitam paramattham etam mama esohamasmi eso me attati tasma tatrassutava puthujjano nalam nibbinditum nalam virajjitum nalam vimuccitum. [236] Varampi bhikkhave assutava puthujjano imam catummahabhutikam kayam attato upagaccheyya na tveva cittam tam kissa hetu dissatayam bhikkhave catummahabhutiko kayo ekampi vassam titthamano dvepi vassani titthamano tinipi vassani titthamano cattaripi vassani titthamano pancapi vassani titthamano dasapi vassani Titthamano visampi vassani titthamano timsampi vassani titthamano cattalisampi vassani titthamano pannasampi vassani titthamano vassasatampi titthamano bhiyyopi titthamano . yanca kho etam bhikkhave vuccati cittam itipi mano itipi vinnanam itipi tam rattiya ca divasassa ca annadeva uppajjati annam nirujjhati. [237] Tatra bhikkhave sutava ariyasavako paticcasamuppadamyeva sadhukam yoniso manasikaroti iti imasmim sati idam hoti imassuppada idam uppajjati imasmim asati idam na hoti imassa nirodha idam nirujjhati . sukhavedaniyam bhikkhave phassam paticca uppajjati sukha vedana tasseva sukhavedaniyassa phassassa nirodha yam tajjam vedayitam sukhavedaniyam phassam paticca uppanna sukha vedana sa nirujjhati sa vupasamati . dukkhavedaniyam bhikkhave phassam paticca uppajjati dukkha vedana tasseva dukkhavedaniyassa phassassa nirodha yam tajjam vedayitam dukkhavedaniyam phassam paticca uppanna dukkha vedana sa nirujjhati sa vupasamati . adukkhamasukhavedaniyam bhikkhave phassam paticca uppajjati adukkhamasukha vedana tasseva adukkhamasukhavedaniyassa phassassa nirodha yam tajjam vedayitam adukkhamasukhavedaniyam phassam paticca uppanna adukkhamasukha vedana sa nirujjhati sa vupasamati. [238] Seyyathapi bhikkhave dvinnam katthanam sanghatasamodhana usma jayati tejo abhinibbattati tesamyeva dvinnam katthanam Nanakatavinibbhoga 1- ya tajja usma sa nirujjhati sa vupasamati evameva kho bhikkhave sukhavedaniyam phassam paticca uppajjati sukha vedana tasseva sukhavedaniyassa phassassa nirodha yam tajjam vedayitam sukhavedaniyam phassam paticca uppanna sukha vedana sa nirujjhati sa vupasamati dukkhavedaniyam phassam paticca uppajjati dukkha vedana tasseva dukkhavedaniyassa phassassa nirodha yam tajjam vedayitam dukkhavedaniyam phassam paticca uppanna dukkha vedana sa nirujjhati sa vupasamati adukkhamasukhavedaniyam phassam paticca uppajjati adukkhamasukha vedana tasseva adukkhamasukhavedaniyassa phassassa nirodha yam tajjam vedayitam adukkhamasukhavedaniyam phassam paticca uppanna adukkhamasukha vedana sa nirujjhati sa vupasamati. [239] Evam passam bhikkhave sutava ariyasavako phassepi nibbindati vedanayapi nibbindati sannayapi nibbindati sankharesupi nibbindati vinnanasmimpi nibbindati nibbindam virajjati viraga vimuccati . vimuttasmim vimuttamiti nanam hoti . Khina jati vusitam brahmacariyam katam karaniyam naparam itthattayati pajanatiti. Dutiyam.The Pali Tipitaka in Roman Character Volume 16 page 116-118. http://84000.org/tipitaka/pitaka_item/roman_item_s.php?book=16&item=235&items=5&modeTY=2&mode=bracket Classified by content :- http://84000.org/tipitaka/pitaka_item/roman_item_s.php?book=16&item=235&items=5&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=16&item=235&items=5&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=16&item=235&items=5&modeTY=2&mode=bracket Study Atthakatha :- http://84000.org/tipitaka/attha/attha.php?b=16&i=235 The Pali Atthakatha in Thai :- http://84000.org/tipitaka/atthapali/read_th.php?B=12&A=2570 The Pali Atthakatha in Roman :- http://84000.org/tipitaka/atthapali/read_rm.php?B=12&A=2570 Contents of The Tipitaka Volume 16 http://84000.org/tipitaka/read/?index_16
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]