paliTIPITAKA Volume 15 - Sutta Pitaka 7

Dutiyam udayasuttam [677] Savatthinidanam . atha kho bhagava pubbanhasamayam nivasetva pattacivaramadaya yena udayassa brahmanassa nivesanam tenupasankami . atha kho udayo brahmano bhagavato pattam odanena puresi. [678] Dutiyampi kho bhagava pubbanhasamayam nivasetva pattacivaramadaya yena udayassa brahmanassa nivesanam tenupasankami . Dutiyampi kho udayo brahmano bhagavato pattam odanena puresi. [679] Tatiyampi kho bhagava pubbanhasamayam nivasetva pattacivaramadaya yena udayassa brahmanassa nivesanam tenupasankami . Tatiyampi kho udayo brahmano bhagavato pattam odanena puretva bhagavantam etadavoca pakatthakvayam samano gotamo punappunam agacchatiti.

--------------------------------------------------------------------------------------------- page256.

[680] Punappunam ceva vapanti bijam punappunam vassati devaraja punappunam khettam kasanti kassaka punappunam dhannamupenti rattham punappunam yacaka yacayanti punappunam danapati dadanti punappunam danapati daditva punappunam saggamupenti thanam punappunam khiranika duhanti punappunam vaccho upeti mataram punappunam kilamati phandati ca punappunam gabbhamupeti mando punappunam jayati miyyati ca punappunam sivathikam haranti magganca laddha apunabbhavaya punappunam ^1- jayati bhuripannoti. [681] Evam vutte udayo brahmano bhagavantam etadavoca abhikkantam bho gotama abhikkantam bho gotama .pe. upasakam mam bhavam gotamo dharetu ajjatagge panupetam saranangatanti. @Footnote:3 Ma. Yu. nasaddo dissati.

The Pali Tipitaka in Roman Character Volume 15 page 255-256. http://84000.org/tipitaka/pitaka_item/roman_item_s.php?book=15&item=677&items=5&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=15&item=677&items=5&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=15&item=677&items=5&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=15&item=677&items=5&pagebreak=1&modeTY=2 Study Atthakatha :- http://84000.org/tipitaka/attha/attha.php?b=15&i=677 The Pali Atthakatha in Thai :- http://84000.org/tipitaka/atthapali/read_th.php?B=11&A=6338 The Pali Atthakatha in Roman :- http://84000.org/tipitaka/atthapali/read_rm.php?B=11&A=6338 Contents of The Tipitaka Volume 15 http://84000.org/tipitaka/read/?index_15