paliTIPITAKA Volume 15 - Sutta Pitaka 7

Pancamam dutiyasangamavatthusuttam [372] Atha kho raja magadho ajatasattu vedehiputto caturanginim senam sannayhitva rajanam pasenadikosalam abbhuyyasi yena kasi . assosi kho raja pasenadikosalo raja kira magadho ajatasattu vedehiputto caturanginim senam sannayhitva mamam abbhuyyato yena kasiti . atha kho raja pasenadikosalo caturanginim senam sannayhitva rajanam magadham ajatasattum vedehiputtam paccuyyasi yena kasi . atha kho raja ca magadho ajatasattu vedehiputto raja ca pasenadikosalo sangamesum . tasmim kho pana sangame raja pasenadikosalo rajanam magadham ajatasattum vedehiputtam parajesi jivaggahanca nam aggahesi. [373] Atha kho ranno pasenadikosalassa etadahosi kincapi kho myayam raja magadho ajatasattu vedehiputto adubbhantassa dubbhati atha ca pana me bhagineyyo hoti yannunaham ranno magadhassa ajatasattuno vedehiputtassa sabbam hatthikayam pariyadiyitva sabbam assakayam pariyadiyitva sabbam rathakayam pariyadiyitva

--------------------------------------------------------------------------------------------- page123.

Sabbam pattikayam pariyadiyitva jivantameva nam ossajjeyyanti . Atha kho raja pasenadikosalo ranno magadhassa ajatasattuno vedehiputtassa sabbam hatthikayam pariyadiyitva sabbam assakayam pariyadiyitva sabbam rathakayam pariyadiyitva sabbam pattikayam pariyadiyitva jivantameva nam ossajji. [374] Atha kho sambahula bhikkhu pubbanhasamayam nivasetva pattacivaramadaya savatthim pindaya pavisimsu savatthiyam pindaya caritva pacchabhattam pindapatapatikkanta yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum {374.1} idha bhante raja magadho ajatasattu vedehiputto caturanginim senam sannayhitva rajanam pasenadikosalam abbhuyyasi yena kasi assosi kho bhante raja pasenadikosalo raja kira magadho ajatasattu vedehiputto caturanginim senam sannayhitva mamam abbhuyyato yena kasiti atha kho bhante raja pasenadikosalo caturanginim senam sannayhitva rajanam magadham ajatasattum vedehiputtam paccuyyasi yena kasi atha kho bhante raja ca magadho ajatasattu vedehiputto raja ca pasenadikosalo sangamesum tasmim kho pana bhante sangame raja pasenadikosalo rajanam magadham ajatasattum vedehiputtam parajesi jivaggahanca nam aggahesi atha kho bhante ranno

--------------------------------------------------------------------------------------------- page124.

Pasenadikosalassa etadahosi kincapi kho myayam raja magadho ajatasattu vedehiputto adubbhantassa dubbhati atha ca pana me bhagineyyo hoti yannunaham ranno magadhassa ajatasattuno vedehiputtassa sabbam hatthikayam pariyadiyitva sabbam assakayam sabbam rathakayam sabbam pattikayam pariyadiyitva jivantameva nam ossajjeyyanti. Atha kho bhante raja pasenadikosalo ranno magadhassa ajatasattuno vedehiputtassa sabbam hatthikayam pariyadiyitva sabbam assakayam pariyadiyitva sabbam rathakayam pariyadiyitva sabbam pattikayam pariyadiyitva jivantameva nam ossajjiti. [375] Atha kho bhagava etamattham viditva tayam velayam ima gathayo abhasi vilumpateva puriso yavassa upakappati yada canne vilumpanti so vilutto vilumpati ^1- thananhi mannati balo yava papam na paccati yada ca paccati papam atha [balo] dukkham nigacchati labhati hanta hantaram jetaram labhate jayam akkosako ca akkosam rosetaranca rosako ^2- atha kammavivattena so vilutto vilumpatiti. @Footnote: ¹ Ma. viluppati . ² Si. rosato patirosakotipi rosato ca parosakotipi patho.

The Pali Tipitaka in Roman Character Volume 15 page 122-124. http://84000.org/tipitaka/pitaka_item/roman_item_s.php?book=15&item=372&items=4&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=15&item=372&items=4&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=15&item=372&items=4&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=15&item=372&items=4&pagebreak=1&modeTY=2 Study Atthakatha :- http://84000.org/tipitaka/attha/attha.php?b=15&i=372 The Pali Atthakatha in Thai :- http://84000.org/tipitaka/atthapali/read_th.php?B=11&A=3843 The Pali Atthakatha in Roman :- http://84000.org/tipitaka/atthapali/read_rm.php?B=11&A=3843 Contents of The Tipitaka Volume 15 http://84000.org/tipitaka/read/?index_15