[174] Bhagava etadavoca seyyathapi bhaddali dakkho assadamako
bhadram assajaniyam labhitva pathameneva mukhadhane karanam kareti .
Tassa mukhadhane karanam kariyamanassa hontiyeva visukayitani
visevitani vipphanditani kanici kanici yathatam akaritapubbam
karanam kariyamanassa . so abhinhakarana anupubbakarana
tasmim thane parinibbayati . yato kho bhaddali bhadro assajaniyo
abhinhakarana anupubbakarana tasmim thane parinibbuto
hoti tamenam assadamako uttarim karanam kareti yugadhane .
Tassa yugadhane karanam kariyamanassa hontiyeva visukayitani
visevitani vipphanditani kanici kanici yathatam akaritapubbam
karanam kariyamanassa . so abhinhakarana anupubbakarana
@Footnote: 1 Ma. ayam patho natthi . 2 Ma. Yu. kam . 3 Ma. na cayam.
Tasmim thane parinibbayati.
{174.1} Yato kho bhaddali bhadro assajaniyo abhinhakarana
anupubbakarana tasmim thane parinibbuto hoti tamenam assadamako
uttarim karanam kareti anukkame mandale khurakase 1- dhave varatthe
rajagune rajavamse uttame jave uttame haye uttame sakhalye.
Tassa uttame jave uttame haye uttame sakhalye karanam kariyamanassa
hontiyeva visukayitani visevitani vipphanditani kanici kanici
yathatam akaritapubbam karanam kariyamanassa . so abhinhakarana
anupubbakarana tasmim thane parinibbayati . yato [2]- kho
bhaddali bhadro assajaniyo abhinhakarana anupubbakarana
tasmim thane parinibbuto hoti tamenam assadamako uttarim vanniyam
ca baliyam 3- ca anuppavecchati . imehi kho bhaddali dasahangehi
samannagato bhadro assajaniyo rajaraho hoti rajabhoggo
ranno angantveva 4- sankhyam gacchati
{174.2} evameva kho bhaddali dasahi dhammehi samannagato bhikkhu
ahuneyyo hoti pahuneyyo dakkhineyyo anjalikaraniyo anuttaram
punnakkhettam lokassati 5- katamehi dasahi idha bhaddali bhikkhu
asekhaya sammaditthiya samannagato hoti asekhena sammasankappena
samannagato hoti asekhaya sammavacaya samannagato hoti asekhena
sammakammantena samannagato hoti asekhena sammaajivena
samannagato hoti asekhena sammavayamena samannagato
@Footnote: 1 Yu. khurakaye . 2 Yu. etthantare casaddo atthi . 3 Ma. paniyanca.
@4 Yu. anganteva . 5 Ma. Yu. itisaddo natthi.
Hoti asekhaya sammasatiya samannagato hoti asekhena sammasamadhina
samannagato hoti asekhena sammananena samannagato hoti
asekhaya sammavimuttiya samannagato hoti imehi kho bhaddali
dasahi dhammehi samannagato bhikkhu ahuneyyo hoti pahuneyyo
dakkhineyyo anjalikaraniyo anuttaram punnakkhettam lokassati.
{174.3} Idamavoca bhagava attamano ayasma bhaddali bhagavato
bhasitam abhinanditi.
Bhaddalisuttam nitthitam pancamam.
---------
The Pali Tipitaka in Roman Character Volume 13 page 176-178.
http://84000.org/tipitaka/pitaka_item/roman_item_s.php?book=13&item=174&items=1&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=13&item=174&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=13&item=174&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=13&item=174&items=1&modeTY=2
Study Atthakatha :-
http://84000.org/tipitaka/attha/attha.php?b=13&i=174
The Pali Atthakatha in Thai :-
http://84000.org/tipitaka/atthapali/read_th.php?B=9&A=2782
The Pali Atthakatha in Roman :-
http://84000.org/tipitaka/atthapali/read_rm.php?B=9&A=2782
Contents of The Tipitaka Volume 13
http://84000.org/tipitaka/read/?index_13
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
