|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.
|
|
[91] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. [92] Bhagava etadavoca seyyathapi bhikkhave vattham sankilittham malaggahitam tamenam rajako yasmim yasmim rangajate upasamhareyya yadi nilakaya yadi pitakaya yadi lohitakaya yadi manjetthikaya durattavannamevassa aparisuddhavannamevassa . tam kissa hetu . Aparisuddhatta bhikkhave vatthassa evameva kho bhikkhave citte sankilitthe duggati patikankha . seyyathapi bhikkhave vattham parisuddham pariyodatam tamenam rajako yasmim yasmim rangajate upasamhareyya yadi nilakaya yadi pitakaya yadi lohitakaya yadi manjetthikaya surattavannamevassa parisuddhavannamevassa . tam kissa hetu . Parisuddhatta bhikkhave vatthassa evameva kho bhikkhave citte asankilitthe sugati patikankha. [93] Katame ca bhikkhave cittassa upakkilesa. Abhijjhavisamalobho cittassa upakkileso byapado cittassa upakkileso kodho cittassa upakkileso upanaho cittassa upakkileso makkho cittassa upakkileso palaso cittassa upakkileso--------------------------------------------------------------------------------------------- page65.
Issa cittassa upakkileso macchariyam cittassa upakkileso maya cittassa upakkileso satheyyam cittassa upakkileso thambho cittassa upakkileso sarambho cittassa upakkileso mano cittassa upakkileso atimano cittassa upakkileso mado cittassa upakkileso pamado cittassa upakkileso. [94] Sa kho so bhikkhave bhikkhu abhijjhavisamalobho cittassa upakkilesoti iti viditva abhijjhavisamalobham cittassa upakkilesam pajahati . byapado cittassa upakkilesoti iti viditva byapadam cittassa upakkilesam pajahati . kodho cittassa upakkilesoti iti viditva kodham cittassa upakkilesam pajahati . upanaho cittassa upakkilesoti iti viditva upanaham cittassa upakkilesam pajahati. {94.1} Makkho cittassa upakkilesoti iti viditva makkham cittassa upakkilesam pajahati . palaso cittassa upakkilesoti iti viditva palasam cittassa upakkilesam pajahati . issa cittassa upakkilesoti iti viditva issam cittassa upakkilesam pajahati . macchariyam cittassa upakkilesoti iti viditva macchariyam cittassa upakkilesam pajahati . Maya cittassa upakkilesoti iti viditva mayam cittassa upakkilesam pajahati . satheyyam cittassa upakkilesoti iti viditva satheyyam cittassa upakkilesam pajahati . thambho cittassa upakkilesoti iti viditva thambham cittassa upakkilesam pajahati . sarambho cittassa--------------------------------------------------------------------------------------------- page66.
Upakkilesoti iti viditva sarambham cittassa upakkilesam pajahati . Mano cittassa upakkilesoti iti viditva manam cittassa upakkilesam pajahati . atimano cittassa upakkilesoti iti viditva atimanam cittassa upakkilesam pajahati . mado cittassa upakkilesoti iti viditva madam cittassa upakkilesam pajahati . pamado cittassa upakkilesoti iti viditva pamadam cittassa upakkilesam pajahati. [95] Yato kho bhikkhave bhikkhuno abhijjhavisamalobho cittassa upakkilesoti iti viditva abhijjhavisamalobho cittassa upakkileso pahino hoti . byapado cittassa upakkilesoti iti viditva byapado cittassa upakkileso pahino hoti . kodho cittassa upakkilesoti iti viditva kodho cittassa upakkileso pahino hoti . upanaho cittassa upakkilesoti iti viditva upanaho cittassa upakkileso pahino hoti. {95.1} Makkho cittassa upakkilesoti iti viditva makkho cittassa upakkileso pahino hoti . palaso cittassa upakkilesoti iti viditva palaso cittassa upakkileso pahino hoti. Issa cittassa upakkilesoti iti viditva issa cittassa upakkileso pahino hoti. Macchariyam cittassa upakkilesoti iti viditva macchariyam cittassa upakkileso pahino hoti. Maya cittassa upakkilesoti iti viditva maya cittassa upakkileso pahino hoti . satheyyam cittassa--------------------------------------------------------------------------------------------- page67.
Upakkilesoti iti viditva satheyyam cittassa upakkileso pahino hoti . thambho cittassa upakkilesoti iti viditva thambho cittassa upakkileso pahino hoti . sarambho cittassa upakkilesoti iti viditva sarambho cittassa upakkileso pahino hoti . mano cittassa upakkilesoti iti viditva mano cittassa upakkileso pahino hoti . atimano cittassa upakkilesoti iti viditva atimano cittassa upakkileso pahino hoti . mado cittassa upakkilesoti iti viditva mado cittassa upakkileso pahino hoti . pamado cittassa upakkilesoti iti viditva pamado cittassa upakkileso pahino hoti. {95.2} So buddhe aveccappasadena samannagato hoti itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati . Dhamme aveccappasadena samannagato hoti svakkhato bhagavata dhammo sanditthiko akaliko ehipassiko opanayiko paccattam veditabbo vinnuhiti . sanghe aveccappasadena samannagato hoti supatipanno bhagavato savakasangho ujupatipanno bhagavato savakasangho nayapatipanno bhagavato savakasangho samicipatipanno bhagavato savakasangho yadidam cattari purisayugani attha parisapuggala esa bhagavato savakasangho ahuneyyo pahuneyyo dakkhineyyo anjalikaraniyo--------------------------------------------------------------------------------------------- page68.
Anuttaram punnakkhettam lokassati . yatodhi kho 1- panassa cattam hoti vantam muttam pahinam patinissattham . so buddhe aveccappasadena samannagatomhiti labhati atthavedam labhati dhammavedam labhati dhammupasanhitam pamujjam 2- pamuditassa piti jayati pitimanassa kayo passambhati passaddhakayo sukham vedeti sukhino cittam samadhiyati. {95.3} Dhamme .pe. sanghe aveccappasadena samannagatomhiti labhati atthavedam labhati dhammavedam labhati dhammupasanhitam pamujjam pamuditassa piti jayati pitimanassa kayo passambhati passaddhakayo sukham vedeti sukhino cittam samadhiyati . yatodhi kho pana me cattam vantam muttam pahinam patinissatthanti labhati atthavedam labhati dhammavedam labhati dhammupasanhitam pamujjam pamuditassa piti jayati pitimanassa kayo passambhati passaddhakayo sukham vedeti sukhino cittam samadhiyati. [96] Sa kho so bhikkhave bhikkhu evamsilo evamdhammo evampanno salinancepi pindapatam bhunjati vicitakalakam anekasupam anekabyanjanam nevassa tam hoti antarayaya . seyyathapi bhikkhave vattham sankilittham malaggahitam accham udakam agamma parisuddham hoti pariyodatam ukkamukham va panagamma jatarupam suparisuddham 3- hoti pariyodatam evameva kho bhikkhave bhikkhu evamsilo evamdhammo evampanno salinancepi pindapatam bhunjati vicitakalakam anekasupam @Footnote: 1 pathantarena yathodhi khoti. 2 Po. Ma. pamojjam. 3 Po. Ma. Yu. parisuddham.--------------------------------------------------------------------------------------------- page69.
Anekabyanjanam nevassa tam hoti antarayaya 1-. [97] So mettasahagatena cetasa ekam disam pharitva viharati tatha dutiyam tatha tatiyam tatha catuttham . iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharati . karunasahagatena cetasa .pe. muditasahagatena cetasa .pe. upekkhasahagatena cetasa ekam disam pharitva viharati tatha dutiyam tatha tatiyam tatha catuttham . iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharati. {97.1} So atthi idam atthi hinam atthi panitam atthi imassa sannagatassa uttarim nissarananti pajanati . tassa evam janato evam passato kamasavapi cittam vimuccati bhavasavapi cittam vimuccati avijjasavapi cittam vimuccati vimuttasmim vimuttamiti nanam hoti khina jati vusitam brahmacariyam katam karaniyam naparam itthattayati pajanati . ayam vuccati bhikkhave bhikkhu sinato antarena sinanenati. [98] Tena kho pana samayena sundarikabharadvajo brahmano bhagavato avidure nisinno hoti . atha kho sundarikabharadvajo @Footnote: 1 Si. antaradhaya.--------------------------------------------------------------------------------------------- page70.
Brahmano bhagavantam etadavoca gacchati pana bhavam gotamo bahukam nadim sinayitunti . kim brahmana bahukaya nadiya kim bahuka nadi karissatiti . lokasammata hi bho gotama bahuka nadi bahujanassa punnasammata hi bho gotama bahuka nadi bahujanassa bahukaya ca pana nadiya bahujano papakammam katam pavahetiti . atha kho bhagava sundarikam bharadvajam brahmanam gathahi ajjhabhasi bahukam adhikakkanca gayam sundarikamapi sarassatim payaganca atho bahumatim nadim niccampi balo pakkhanno kanhakammo na sujjhati kim sundarika karissati kim payago kim bahuka nadi. Verim katakibbisam naram na hi nam sodhaye papakamminam suddhassa ve sada phaggu suddhassuposatho sada suddhassa sucikammassa sada sampajjate vatam. Idheva sinahi brahmana sabbabhutesu karohi khematam sace musa na bhanasi sace panam na himsasi sace adinnam nadiyasi saddahano amacchari kim kahasi gayam gantva udapanopi te gayati.--------------------------------------------------------------------------------------------- page71.
[99] Evam vuttepi sundarikabharadvajo brahmano bhagavantam etadavoca abhikkantam bho gotama abhikkantam bho gotama seyyathapi bho gotama nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya cakkhumanto rupani dakkhantiti 1- evameva bhota gotamena anekapariyayena dhammo pakasito esaham bhavantam gotamam saranam gacchami dhammanca bhikkhusanghanca labheyyaham bhoto gotamassa santike pabbajjam labheyyam upasampadanti. {99.1} Alattha kho sundarikabharadvajo brahmano bhagavato santike pabbajjam alattha upasampadam . acirupasampanno kho panayasma bharadvajo eko vupakattho appamatto atapi pahitatto viharanto nacirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam itthattayati abbhannasi . annataro kho panayasma bharadvajo arahatam ahositi. Vatthupamasuttam nitthitam sattamam. @Footnote: 1 Si. Yu. dakkhintiti.--------------------------------------------------------------------------------------------- page72.
SallekhasuttamThe Pali Tipitaka in Roman Character Volume 12 page 64-72. http://84000.org/tipitaka/pitaka_item/roman_item_s.php?book=12&item=91&items=9&pagebreak=1&modeTY=2&mode=bracket Classified by content :- http://84000.org/tipitaka/pitaka_item/roman_item_s.php?book=12&item=91&items=9&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=12&item=91&items=9&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=12&item=91&items=9&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=12&i=91 The Pali Atthakatha in Thai :- http://84000.org/tipitaka/atthapali/read_th.php?B=7&A=4553 The Pali Atthakatha in Roman :- http://84000.org/tipitaka/atthapali/read_rm.php?B=7&A=4553 Contents of The Tipitaka Volume 12 http://84000.org/tipitaka/read/?index_12
       |
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]