paliTIPITAKA Volume 12 - Sutta Pitaka 4

page563.

Mahadhammasamadanasuttam [520] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. [521] Bhagava etadavoca yebhuyyena bhikkhave satta evamkama evamchanda evamadhippaya aho vata anittha akanta amanapa ^[1]- parihayeyyum ittha kanta manapa ^[1]- abhivaddheyyunti tesam bhikkhave sattanam evamkamanam evamchandanam evamadhippayanam anittha akanta amanapa dhamma abhivaddhanti ittha kanta manapa dhamma parihayanti tatra tumhe bhikkhave tam kissa hetu ^2- paccethati . bhagavammulaka no bhante dhamma bhagavamnettika bhagavampatisarana sadhu vata bhante bhagavantamyeva patibhatu etassa bhasitassa attho bhagavato sutva bhikkhu dharessantiti . tenahi bhikkhave sunatha sadhukam manasikarotha bhasissamiti . evam bhanteti kho te bhikkhu bhagavato paccassosum. [522] Bhagava etadavoca idha bhikkhave assutava puthujjano ariyanam adassavi ariyadhammassa akovido ariyadhamme avinito sappurisanam adassavi sappurisadhammassa akovido sappurisadhamme avinito sevitabbe dhamme na janati asevitabbe dhamme na janati @Footnote: ¹ Po. Ma. dhamma. 2. Si. Yu. kim hetum.

--------------------------------------------------------------------------------------------- page564.

Bhajitabbe dhamme na janati abhajitabbe dhamme na janati . So sevitabbe dhamme ajananto asevitabbe dhamme ajananto bhajitabbe dhamme ajananto abhajitabbe dhamme ajananto asevitabbe dhamme sevati sevitabbe dhamme na sevati abhajitabbe dhamme bhajati bhajitabbe dhamme na bhajati . tassa asevitabbe dhamme sevato sevitabbe dhamme asevato abhajitabbe dhamme bhajato bhajitabbe dhamme abhajato anittha akanta amanapa dhamma abhivaddhanti ittha kanta manapa dhamma parihayanti tam kissa hetu evam hetam bhikkhave hoti yathatam aviddasuno. {522.1} Sutava ca kho bhikkhave ariyasavako ariyanam dassavi ariyadhammassa kovido ariyadhamme suvinito sappurisanam dassavi sappurisadhammassa kovido sappurisadhamme suvinito sevitabbe dhamme janati asevitabbe dhamme janati bhajitabbe dhamme janati abhajitabbe dhamme janati . So sevitabbe dhamme jananto asevitabbe dhamme jananto bhajitabbe dhamme jananto abhajitabbe dhamme jananto asevitabbe dhamme na sevati sevitabbe dhamme sevati abhajitabbe dhamme na bhajati bhajitabbe dhamme bhajati . tassa asevitabbe dhamme asevato sevitabbe dhamme sevato abhajitabbe dhamme abhajato bhajitabbe dhamme bhajato anittha akanta amanapa dhamma parihayanti ittha kanta manapa dhamma abhivaddhanti

--------------------------------------------------------------------------------------------- page565.

Tam kissa hetu evam hetam bhikkhave hoti yathatam viddasunoti. [523] Cattarimani bhikkhave dhammasamadanani katamani cattari atthi bhikkhave dhammasamadanam paccuppannadukkhanceva ayatinca dukkhavipakam atthi bhikkhave dhammasamadanam paccuppannasukham ayatim dukkhavipakam atthi bhikkhave dhammasamadanam paccuppannadukkham ayatim sukhavipakam atthi bhikkhave dhammasamadanam paccuppannasukhanceva ayatinca sukhavipakam. [524] Tatra bhikkhave yamidam dhammasamadanam paccuppannadukkhanceva ayatinca dukkhavipakam tam aviddha ^1- avijjagato yathabhutam nappajanati idam kho dhammasamadanam paccuppannadukkhanceva ayatinca dukkhavipakanti . tam aviddha avijjagato yathabhutam nappajananto tam sevati tam na parivajjeti . tassa tam sevato tam apparivajjayato anittha akanta amanapa dhamma abhivaddhanti ittha kanta manapa dhamma parihayanti tam kissa hetu evam hetam bhikkhave hoti yathatam aviddasunoti. {524.1} Tatra bhikkhave yamidam dhammasamadanam paccuppannasukham ayatim dukkhavipakam tam aviddha avijjagato yathabhutam nappajanati idam kho dhammasamadanam paccuppannasukham ayatim dukkhavipakanti . tam aviddha avijjagato yathabhutam nappajananto tam sevati tam na parivajjeti . tassa tam sevato @Footnote: ¹ Ma. Yu. sabbattha avidavati dissati.

--------------------------------------------------------------------------------------------- page566.

Tam apparivajjayato anittha akanta amanapa dhamma abhivaddhanti ittha kanta manapa dhamma parihayanti tam kissa hetu evam hetam bhikkhave hoti yathatam aviddasunoti. {524.2} Tatra bhikkhave yamidam dhammasamadanam paccuppannadukkham ayatim sukhavipakam tam aviddha avijjagato yathabhutam nappajanati idam kho dhammasamadanam paccuppannadukkham ayatim sukhavipakanti . tam aviddha avijjagato yathabhutam nappajananto tam sevati tam na parivajjeti. Tassa tam sevato tam apparivajjayato anittha akanta amanapa dhamma abhivaddhanti ittha kanta manapa dhamma parihayanti tam kissa hetu evam hetam bhikkhave hoti yathatam aviddasunoti. {524.3} Tatra bhikkhave yamidam dhammasamadanam paccuppannasukhanceva ayatinca sukhavipakam tam aviddha avijjagato yathabhutam nappajanati idam kho dhammasamadanam paccuppannasukhanceva ayatinca sukhavipakanti . tam aviddha avijjagato yathabhutam nappajananto tam sevati tam na parivajjeti. Tassa tam sevato tam apparivajjayato anittha akanta amanapa dhamma abhivaddhanti ittha kanta manapa dhamma parihayanti tam kissa hetu evam hetam bhikkhave hoti yathatam aviddasunoti. [525] Tatra bhikkhave yamidam dhammasamadanam paccuppannadukkhanceva ayatinca dukkhavipakam tam viddha ^1- vijjagato yathabhutam pajanati @Footnote: ¹ Ma. Yu. sabbattha vidavati dissati.

--------------------------------------------------------------------------------------------- page567.

Idam kho dhammasamadanam paccuppannadukkhanceva ayatinca dukkhavipakanti . Tam viddha vijjagato yathabhutam pajananto tam na sevati tam parivajjeti. Tassa tam asevato tam parivajjayato anittha akanta amanapa dhamma parihayanti ittha kanta manapa dhamma abhivaddhanti tam kissa hetu evam hetam bhikkhave hoti yathatam viddasunoti . Tatra bhikkhave yamidam dhammasamadanam paccuppannasukham ayatim dukkhavipakam tam viddha vijjagato yathabhutam pajanati idam kho dhammasamadanam paccuppannasukham ayatim dukkhavipakanti . tam viddha vijjagato yathabhutam pajananto tam na sevati tam parivajjeti. {525.1} Tassa tam asevato tam parivajjayato anittha akanta amanapa dhamma parihayanti ittha kanta manapa dhamma abhivaddhanti tam kissa hetu evam hetam bhikkhave hoti yathatam viddasunoti . tatra bhikkhave yamidam dhammasamadanam paccuppannadukkham ayatim sukhavipakam tam viddha vijjagato yathabhutam pajanati idam kho dhammasamadanam paccuppannadukkham ayatim sukhavipakanti . tam viddha vijjagato yathabhutam pajananto tam na sevati tam parivajjeti . Tassa tam asevato tam parivajjayato anittha akanta amanapa dhamma parihayanti ittha kanta manapa dhamma abhivaddhanti tam kissa hetu evam hetam bhikkhave hoti yathatam viddasunoti . Tatra bhikkhave yamidam dhammasamadanam paccuppannasukhanceva ayatinca

--------------------------------------------------------------------------------------------- page568.

Sukhavipakam tam viddha vijjagato yathabhutam pajanati idam kho dhammasamadanam paccuppannasukhanceva ayatinca sukhavipakanti . tam viddha vijjagato yathabhutam pajananto tam na sevati tam parivajjeti. Tassa tam asevato tam parivajjayato anittha akanta amanapa dhamma parihayanti ittha kanta manapa dhamma abhivaddhanti tam kissa hetu evam hetam bhikkhave hotiyathatam viddasunoti. [526] Katamanca bhikkhave dhammasamadanam paccuppannadukkhanceva ayatinca dukkhavipakam . idha bhikkhave ekacco sahapi dukkhena sahapi domanassena panatipati hoti panatipatapaccaya ca dukkham domanassam patisamvedeti . sahapi dukkhena sahapi domanassena adinnadayi hoti adinnadanapaccaya ca dukkham domanassam patisamvedeti. Sahapi dukkhena sahapi domanassena kamesu micchacari hoti kamesu micchacarapaccaya ca dukkham domanassam patisamvedeti. {526.1} Sahapi dukkhena sahapi domanassena musavadi hoti musavadapaccaya ca dukkham domanassam patisamvedeti. Sahapi dukkhena sahapi domanassena pisunavaco hoti pisunavacapaccaya ca dukkham domanassam patisamvedeti . sahapi dukkhena sahapi domanassena pharusavaco hoti pharusavacapaccaya ca dukkham domanassam patisamvedeti . sahapi dukkhena sahapi domanassena samphappalapi hoti samphappalapapaccaya ca dukkham domanassam patisamvedeti . sahapi dukkhena sahapi domanassena

--------------------------------------------------------------------------------------------- page569.

Abhijjhalu hoti abhijjhapaccaya ca dukkham domanassam patisamvedeti . Sahapi dukkhena sahapi domanassena byapannacitto hoti byapadapaccaya ca dukkham domanassam patisamvedeti . sahapi dukkhena sahapi domanassena micchaditthi hoti micchaditthipaccaya ca dukkham domanassam patisamvedeti . so kayassa bheda parammarana apayam duggatim vinipatam nirayam upapajjati . idam vuccati bhikkhave dhammasamadanam paccuppannadukkhanceva ayatinca dukkhavipakam. [527] Katamanca bhikkhave dhammasamadanam paccuppannasukham ayatim dukkhavipakam . idha bhikkhave ekacco sahapi sukhena sahapi somanassena panatipati hoti panatipatapaccaya ca sukham somanassam patisamvedeti. Sahapi sukhena sahapi somanassena adinnadayi hoti adinnadanapaccaya ca sukham somanassam patisamvedeti . sahapi sukhena sahapi somanassena kamesu micchacari hoti kamesu micchacarapaccaya ca sukham somanassam patisamvedeti . sahapi sukhena sahapi somanassena musavadi hoti musavadapaccaya ca sukham somanassam patisamvedeti . Sahapi sukhena sahapi somanassena pisunavaco hoti pisunavacapaccaya ca sukham somanassam patisamvedeti . sahapi sukhena sahapi somanassena pharusavaco hoti pharusavacapaccaya ca sukham somanassam patisamvedeti . sahapi sukhena sahapi somanassena samphappalapi hoti samphappalapapaccaya ca sukham somanassam patisamvedeti .

--------------------------------------------------------------------------------------------- page570.

Sahapi sukhena sahapi somanassena abhijjhalu hoti abhijjhapaccaya ca sukham somanassam patisamvedeti . sahapi sukhena sahapi somanassena byapannacitto hoti byapadapaccaya ca sukham somanassam patisamvedeti . sahapi sukhena sahapi somanassena micchaditthi hoti micchaditthipaccaya ca sukham somanassam patisamvedeti . So kayassa bheda parammana apayam duggatim vinipatam nirayam upapajjati . idam vuccati bhikkhave dhammasamadanam paccuppannasukham ayatim dukkhavipakam. [528] Katamanca bhikkhave dhammasamadanam paccuppannadukkham ayatim sukhavipakam . idha bhikkhave ekacco sahapi dukkhena sahapi domanassena panatipata pativirato hoti panatipata veramanipaccaya ca dukkham domanassam patisamvedeti . sahapi dukkhena sahapi domanassena adinnadana pativirato hoti adinnadana veramanipaccaya ca dukkham domanassam patisamvedeti . sahapi dukkhena sahapi domanassena kamesu micchacara pativirato hoti kamesu micchacara veramanipaccaya ca dukkham domanassam patisamvedeti . Sahapi dukkhena sahapi domanassena musavada pativirato hoti musavada veramanipaccaya ca dukkham domanassam patisamvedeti . Sahapi dukkhena sahapi domanassena pisunaya vacaya pativirato hoti pisunaya vacaya veramanipaccaya ca dukkham domanassam

--------------------------------------------------------------------------------------------- page571.

Patisamvedeti . sahapi dukkhena sahapi domanassena pharusaya vacaya pativirato hoti pharusaya vacaya veramanipaccaya ca dukkham domanassam patisamvedeti . sahapi dukkhena sahapi domanassena samphappalapa pativirato hoti samphappalapa veramanipaccaya ca dukkham domanassam patisamvedeti . sahapi dukkhena sahapi domanassena anabhijjhalu hoti anabhijjhapaccaya ca dukkham domanassam patisamvedeti . sahapi dukkhena sahapi domanassena abyapannacitto hoti abyapadapaccaya ca dukkham domanassam patisamvedeti . sahapi dukkhena sahapi domanassena sammaditthi hoti sammaditthipaccaya ca dukkham domanassam patisamvedeti . so kayassa bheda parammarana sugatim saggam lokam upapajjati . idam vuccati bhikkhave dhammasamadanam paccuppannadukkham ayatim sukhavipakam. [529] Katamanca bhikkhave dhammasamadanam paccuppannasukhanceva ayatinca sukhavipakam . idha bhikkhave ekacco sahapi sukhena sahapi somanassena panatipata pativirato hoti panatipata veramanipaccaya ca sukham somanassam patisamvedeti . sahapi sukhena sahapi somanassena adinnadana pativirato hoti adinnadana veramanipaccaya ca sukham somanassam patisamvedeti . sahapi sukhena sahapi somanassena kamesu micchacara pativirato hoti kamesu micchacara veramanipaccaya ca sukham somanassam patisamvedeti . sahapi

--------------------------------------------------------------------------------------------- page572.

Sukhena sahapi somanassena musavada pativirato hoti musavada veramanipaccaya ca sukham somanassam patisamvedeti . sahapi sukhena sahapi somanassena pisunaya vacaya pativirato hoti pisunaya vacaya veramanipaccaya ca sukham somanassam patisamvedeti . sahapi sukhena sahapi somanassena pharusaya vacaya pativirato hoti pharusaya vacaya veramanipaccaya ca sukham somanassam patisamvedeti . sahapi sukhena sahapi somanassena samphappalapa pativirato hoti samphappalapa veramanipaccaya ca sukham somanassam patisamvedeti. {529.1} Sahapi sukhena sahapi somanassena anabhijjhalu hoti anabhijjhapaccaya ca sukham somanassam patisamvedeti . sahapi sukhena sahapi somanassena abyapannacitto hoti abyapadapaccaya ca sukham somanassam patisamvedeti . sahapi sukhena sahapi somanassena sammaditthi hoti sammaditthipaccaya ca sukham somanassam patisamvedeti . So kayassa bheda parammarana sugatim saggam lokam upapajjati . idam vuccati bhikkhave dhammasamadanam paccuppannasukhanceva ayatinca sukhavipakam. Imani kho bhikkhave cattari dhammasamadanani. [530] Seyyathapi bhikkhave tittikalabu visena samsattho . Atha puriso agaccheyya jivitukamo amaritukamo sukhakamo dukkhapatikkulo . tamenam evam vadeyyum ambho purisa ayam tittikalabu visena samsattho sace akankhasi piva tassa tam pivato ceva

--------------------------------------------------------------------------------------------- page573.

Na chadessati vannenapi gandhenapi rasenapi pivitva ca pana maranam va niggacchasi maranamattam va dukkhanti . so tam appatisankhaya piveyya nappatinissajjeyya tassa tam pivato ceva na chadeyya vannenapi gandhenapi rasenapi pivitva ca pana maranam va niggaccheyya maranamattam va dukkham tathupamaham bhikkhave imam dhammasamadanam vadami yadidam dhammasamadanam paccuppannadukkhanceva ayatinca dukkhavipakam. [531] Seyyathapi bhikkhave apaniyakamso vannasampanno gandhasampanno rasasampanno so ca kho visena samsattho . atha puriso agaccheyya jivitukamo amaritukamo sukhakamo dukkhapatikkulo . Tamenam evam vadeyyum ambho purisa apaniyakamso vannasampanno gandhasampanno rasasampanno so ca kho visena samsattho sace akankhasi piva tassa tam pivato hi kho chadessati vannenapi gandhenapi rasenapi pivitva ca pana maranam va niggacchasi maranamattam va dukkhanti . so tam appatisankhaya piveyya nappatinissajjeyya tassa tam pivato hi kho chadeyya vannenapi gandhenapi rasenapi pivitva ca pana maranam va niggaccheyya maranamattam va dukkham tathupamaham bhikkhave imam dhammasamadanam vadami yadidam dhammasamadanam paccuppannasukham ayatim dukkhavipakam. [532] Seyyathapi bhikkhave putimuttam nanabhesajjehi samsattham .

--------------------------------------------------------------------------------------------- page574.

Atha puriso agaccheyya pandurogi . tamenam evam vadeyyum ambho purisa idam putimuttam nanabhesajjehi samsattham sace akankhasi piva tassa tam ^1- pivato hi kho nacchadessati vannenapi gandhenapi rasenapi pivitva ca pana sukhi bhavissatiti ^2- . so tam patisankhaya piveyya nappatinissajjeyya tassa tam pivato ceva nacchadeyya vannenapi gandhenapi rasenapi pivitva ca pana sukhi assa tathupamaham bhikkhave imam dhammasamadanam vadami yadidam dhammasamadanam paccuppannadukkham ayatim sukhavipakam. [533] Seyyathapi bhikkhave dadhi ca madhu ca sappi ca phanitanca ekajjham samsattham . atha puriso agaccheyya lohitapakkhandiko . Tamenam evam vadeyyum ambho purisa idam dadhi ca madhu ca sappi ca phanitanca ekajjham samsattham sace akankhasi piva tassa te pivato ceva chadessati vannenapi gandhenapi rasenapi pivitva ca pana sukhi bhavissatiti ^3- . so tam patisankhaya piveyya nappatinissajjeyya tassa tam pivato ceva chadeyya vannenapi gandhenapi rasenapi pivitva ca pana sukhi assa tathupamaham bhikkhave imam dhammasamadanam vadami yadidam dhammasamadanam paccuppannasukhanceva ayatinca sukhavipakam. [534] Seyyathapi bhikkhave vassanam pacchime mase saradasamaye viddhe vigatavalahake deve adicco nabham abbhussakkamano sabbam akasagatam tamagatam abhivihacca bhasati ca tapati ca virocati ^4- ca @Footnote: ¹ Ma. te. 2-3 Po. Ma. bhavissasiti. ⁴ Po. Ma. bhasate ca tapate ca virocate ca.

--------------------------------------------------------------------------------------------- page575.

Evameva kho bhikkhave yadidam dhammasamadanam paccuppannasukhanceva ayatinca sukhavipakam tadanne puthusamanabrahmanaparappavade abhivihacca bhasati ca tapati ca virocati ^1- cati idamavoca bhagava attamana te bhikkhu bhagavato bhasitam abhinandunti. Mahadhammasamadanasuttam nitthitam chattham. -------- @Footnote: ¹ po Ma. bhasate ca tapate ca virocate cati.