ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.
                      Alagaddupamasuttam
     [274]   Evamme   sutam   ekam  samayam  bhagava  savatthiyam  viharati
jetavane   anathapindikassa   arame   .   tena   kho   pana  samayena
aritthassa  nama  bhikkhuno  gandhavadhipubbassa  1-  evarupam  papakam  ditthigatam
uppannam   hoti   tathaham   bhagavata   dhammam   desitam   ajanami   yatha
yeme   antarayika   dhamma   vutta   bhagavata  te  patisevato  nalam
antarayayati   .   assosum   kho   sambahula   bhikkhu   aritthassa  kira
nama   bhikkhuno   gandhavadhipubbassa   evarupam   papakam   ditthigatam  uppannam
tathaham   bhagavata   dhammam   desitam  ajanami  yatha  yeme  antarayika
dhamma vutta bhagavata te patisevato nalam antarayayati.
     {274.1}  Atha  kho  te  bhikkhu  yena arittho bhikkhu gandhavadhipubbo
tenupasankamimsu   upasankamitva   arittham   bhikkhum   gandhavadhipubbam  etadavocum
saccam  kira  te  avuso  arittha  evarupam  papakam  ditthigatam uppannam tathaham
bhagavata   dhammam   desitam   ajanami  yatha  yeme  antarayika  dhamma
vutta   bhagavata  te  patisevato  nalam  antarayayati  .  evam  bya
kho   aham   avuso   bhagavata   dhammam  desitam  ajanami  yatha  yeme
antarayika    dhamma    vutta    bhagavata    te   patisevato   nalam
antarayayati   .   atha   kho  te  bhikkhu  arittham  bhikkhum  gandhavadhipubbam
@Footnote: 1 Ma. Yu. gaddhabadhi.... ito param evam natabbam.
Etasma     papaka     ditthigata     vivecetukama     samanuyunjanti
samanuggahanti   samanubhasanti   ma   hevam   avuso   arittha  avaca  ma
bhagavantam  abbhacikkhi  na  hi  sadhu  bhagavato  abbhakkhanam  na hi bhagava evam
vadeyya   anekapariyayena   avuso  arittha  antarayika  dhamma  vutta
bhagavata    alanca   pana   te   patisevato   antarayaya   appassada
kama   vutta   bhagavata   bahudukkha   bahupayasa   adinavo   ettha
bhiyyo   atthikankhalupama   kama  vutta  bhagavata  bahudukkha  bahupayasa
adinavo     ettha     bhiyyo     mamsapesupama     kama     vutta
bhagavata ....
     {274.2}  Tinukkupama kama vutta bhagavata .... Angarakasupama
kama  vutta  bhagavata  ... . Supinakupama kama vutta bhagavata ....
Yacitakupama  kama  vutta  bhagavata  ...  .  rukkhaphalupama kama vutta
bhagavata  ...  .  asisunupama  kama  vutta bhagavata .... Sattisulupama
kama   vutta  bhagavata  ...  .  sappasirupama  kama  vutta  bhagavata
bahudukkha    bahupayasa    adinavo   ettha   bhiyyoti   .   evampi
kho   arittho   bhikkhu   gandhavadhipubbo   tehi   bhikkhuhi  samanuyunjiyamano
samanuggahiyamano   samanubhasiyamano   tadeva   papakam   ditthigatam  thamasa
paramassa  1-  abhinivissa  voharati  evam  bya  kho  aham avuso bhagavata
dhammam   desitam   ajanami   yatha   yeme  antarayika  dhamma  vutta
bhagavata te patisevato nalam antarayayati.
     [275]    Yato   kho   te   bhikkhu   nasakkhimsu   arittham   bhikkhum
@Footnote: 1 Po. Ma. paramasa.
Gandhavadhipubbam  etasma  papaka  ditthigata  vivecetum  atha  kho te bhikkhu
yena    bhagava   tenupasankamimsu   upasankamitva   bhagavantam   abhivadetva
ekamantam   nisidimsu   .   ekamantam   nisinna   kho  te  bhikkhu  bhagavantam
etadavocum   aritthassa   nama  bhante  bhikkhuno  gandhavadhipubbassa  evarupam
papakam   ditthigatam   uppannam   tathaham   bhagavata  dhammam  desitam  ajanami
yatha   yeme   antarayika   dhamma   vutta  bhagavata  te  patisevato
nalam   antarayayati   assumha   kho   mayam   bhante   aritthassa  kira
nama   bhikkhuno   gandhavadhipubbassa   evarupam   papakam   ditthigatam  uppannam
tathaham   bhagavata   dhammam   desitam  ajanami  yatha  yeme  antarayika
dhamma vutta bhagavata te patisevato nalam antarayayati
     {275.1}  atha  kho  mayam  bhante yena arittho bhikkhu gandhavadhipubbo
tenupasankamimha     upasankamitva     arittham     bhikkhum    gandhavadhipubbam
etadavocumha  saccam  kira  te  avuso  arittha  evarupam  papakam ditthigatam
uppannam   tathaham   bhagavata   dhammam   desitam   ajanami   yatha  yeme
antarayika  dhamma  vutta  bhagavata  te  patisevato nalam antarayayati
evam   vutte  bhante  arittho  bhikkhu  gandhavadhipubbo  amhe  etadavoca
evam  bya  kho  aham  avuso  bhagavata  dhammam  desitam  ajanami  yatha
yeme   antarayika   dhamma   vutta   bhagavata  te  patisevato  nalam
antarayayati  atha  kho  mayam  bhante  arittham bhikkhum gandhavadhipubbam etasma
papaka    ditthigata    vivecetukama    samanuyunjimha   samanuggahimha
Samanubhasimha    ma   hevam   avuso   arittha   avaca   ma   bhagavantam
abbhacikkhi   na   hi   sadhu   bhagavato  abbhakkhanam  na  hi  bhagava  evam
vadeyya   anekapariyayena   avuso  arittha  antarayika  dhamma  vutta
bhagavata    alanca   pana   te   patisevato   antarayaya   appassada
kama   vutta   bhagavata   bahudukkha   bahupayasa   adinavo   ettha
bhiyyo   atthikankhalupama   kama  vutta  bhagavata  bahudukkha  bahupayasa
adinavo   ettha   bhiyyo  .pe.  sappasirupama  kama  vutta  bhagavata
bahudukkha bahupayasa adinavo ettha bhiyyoti
     {275.2}   evampi   kho  bhante  arittho  bhikkhu  gandhavadhipubbo
amhehi      samanuyunjiyamano     samanuggahiyamano     samanubhasiyamano
tadeva   papakam   ditthigatam   thamasa  paramassa  abhinivissa  voharati  evam
bya  kho  aham  avuso  bhagavata  dhammam  desitam  ajanami  yatha yeme
antarayika  dhamma  vutta  bhagavata  te  patisevato nalam antarayayati
yato   kho   mayam   bhante   nasakkhimha   arittham   bhikkhum  gandhavadhipubbam
etasma   papaka   ditthigata   vivecetum  atha  mayam  etamattham  bhagavato
arocemati.
     [276]   Atha   kho   bhagava   annataram   bhikkhum  amantesi  ehi
tvam   bhikkhu   mama   vacanena   arittham   bhikkhum   gandhavadhipubbam  amantehi
sattha   tam   avuso  arittha  amantetiti  .  evam  bhanteti  kho  so
bhikkhu    bhagavato   patissutva   yena   arittho   bhikkhu   gandhavadhipubbo
tenupasankami   upasankamitva   arittham   bhikkhum   gandhavadhipubbam   etadavoca
Sattha  tam  avuso  arittha  amantetiti  .  evamavusoti  kho  arittho
bhikkhu    gandhavadhipubbo    tassa   bhikkhuno   patissutva   yena   bhagava
tenupasankami   upasankamitva   bhagavantam  abhivadetva  ekamantam  nisidi .
Ekamantam   nisinnam   kho  arittham  bhikkhum  gandhavadhipubbam  bhagava  etadavoca
saccam   kira   te   arittha   evarupam   papakam  ditthigatam  uppannam  tathaham
bhagavata   dhammam   desitam   ajanami  yatha  yeme  antarayika  dhamma
vutta bhagavata te patisevato nalam antarayayati.
     {276.1}   Evam  bya  kho  aham  bhante  bhagavata  dhammam  desitam
ajanami   yatha   yeme   antarayika   dhamma  vutta  bhagavata  te
patisevato   nalam   antarayayati  .  kassa  kho  nama  tvam  moghapurisa
maya   evam   dhammam   desitam   ajanasi   .   nanu   maya  moghapurisa
anekapariyayena    antarayika    dhamma   vutta   alanca   pana   te
patisevato   antarayaya   appassada   kama  vutta  maya  bahudukkha
bahupayasa   adinavo   ettha   bhiyyo  atthikankhalupama  kama  vutta
maya  ...  .  mamsapesupama  kama vutta maya .... Tinukkupama kama
vutta  maya .... Angarakasupama kama vutta maya .... Supinakupama
kama vutta maya .... Yacitakupama kama vutta maya .... Rukkhaphalupama
kama vutta maya .... Asisunupama kama vutta maya .... Sattisulupama
kama  vutta  maya  ...  .  sappasirupama  kama vutta maya bahudukkha
bahupayasa  adinavo  ettha  bhiyyo  atha  ca  pana tvam moghapurisa attana
Duggahitena   amhe  ceva  abbhacikkhasi  attananca  khanasi  bahunca  apunnam
pasavasi   tanhi  te  moghapurisa  bhavissati  digharattam  ahitaya  dukkhayati .
Atha  kho  bhagava  bhikkhu  amantesi  tam  kim  mannatha  bhikkhave  apinayam 1-
arittho   bhikkhu   gandhavadhipubbo   usmikatopi   imasmim   dhammavinayeti .
Kinhi  2-  siya  bhante  no  hetam  bhanteti  .  evam  vutte  arittho
bhikkhu    gandhavadhipubbo   tunhibhuto   mankubhuto   pattakkhandho   adhomukho
pajjhayanto appatibhano nisidi.
     [277]   Atha   kho  bhagava  arittham  bhikkhum  gandhavadhipubbam  tunhibhutam
mankubhutam    pattakkhandham    adhomukham    pajjhayantam    appatibhanam   viditva
arittham    bhikkhum    gandhavadhipubbam   etadavoca   pannayissasi   kho   tvam
moghapurisa    etena    sakena   papakena   ditthigatena   idhaham   bhikkhu
patipucchissamiti   .   atha   kho  bhagava  bhikkhu  amantesi  tumhepi  me
bhikkhave  evam  dhammam  desitam ajanatha yathayam arittho bhikkhu gandhavadhipubbo
attana     duggahite     amhe    ceva    abbhacikkhati    attananca
khanati   bahunca   apunnam  pasavatiti  .  no  hetam  bhante  anekapariyayena
hi   no   bhante   antarayika   dhamma   vutta  bhagavata  alanca  pana
te   patisevato   antarayaya   appassada   kama   vutta  bhagavata
bahudukkha    bahupayasa    adinavo   ettha   bhiyyo   atthikankhalupama
kama   vutta   bhagavata   bahudukkha   bahupayasa   adinavo   ettha
bhiyyo    .pe.    sappasirupama   kama   vutta   bhagavata   bahudukkha
@Footnote: 1 Po. atha panayam. 2 Po. kinci siya.
Bahupayasa  adinavo  ettha  bhiyyoti  .  sadhu  1-  kho  me  tumhe
bhikkhave   evam   dhammam   desitam   ajanatha   anekapariyayena  hi  vo
bhikkhave  antarayika  dhamma  vutta  maya  alanca  pana  te  patisevato
antarayaya     appassada     kama    vutta    maya    bahudukkha
bahupayasa   adinavo   ettha   bhiyyo  atthikankhalupama  kama  vutta
maya    bahudukkha    bahupayasa   adinavo   ettha   bhiyyo   .pe.
Sappasirupama   kama   vutta   maya   bahudukkha  bahupayasa  adinavo
ettha    bhiyyo   atha   ca   panayam   arittho   bhikkhu   gandhavadhipubbo
attana   duggahitena   amhe   ceva   abbhacikkhati   attananca   khanati
bahunca    apunnam    pasavati    tanhi    tassa    moghapurisassa    bhavissati
digharattam   ahitaya   dukkhaya  .  so  vata  bhikkhave  annatreva  kamehi
annatra   kamasannaya   annatra   kamavitakkehi   kame   patisevissatiti
netam thanam vijjati.
     [278]   Idha   bhikkhave  ekacce  moghapurisa  dhammam  pariyapunanti
suttam   geyyam   veyyakaranam  gatham  udanam  itivuttakam  jatakam  abbhutadhammam
vedallam   te   tam   dhammam  pariyapunitva  tesam  dhammanam  pannaya  attham
na   upaparikkhanti   tesam   te   dhamma   pannaya   attham   anupaparikkhatam
na   nijjhanam   khamanti   te   uparambhanisamsa  ceva  dhammam  pariyapunanti
itivadappamokkhanisamsa   ca   yassatthaya   dhammam   pariyapunanti   tancassa
@Footnote: 1 Si. Yu. sadhu bhikkhave. 2 Ma. sadhu sadhu bhikkhave.
Attham   nanubhonti   tesam   te   dhamma   duggahita   digharattam  ahitaya
dukkhaya samvattanti tam kissa hetu duggahitatta bhikkhave dhammanam.
     {278.1}  Seyyathapi  bhikkhave  puriso  alagaddatthiko alagaddagavesi
alagaddapariyesanam  caramano  so  passeyya  mahantam  alagaddam  tamenam bhoge
va  nangutthe  va  ganheyya  tassa  so  alagaddo  patinivattitva hatthe
va  bahaya  va  annatarasmim  va  angapaccange  damseyya so tatonidanam
maranam  va  niggaccheyya  maranamattam  va  dukkham  tam  kissa hetu duggahitatta
bhikkhave  alagaddassa  evameva  kho  bhikkhave  idhekacce  moghapurisa dhammam
pariyapunanti   suttam  geyyam  veyyakaranam  gatham  udanam  itivuttakam  jatakam
abbhutadhammam  vedallam  te  tam  dhammam  pariyapunitva  tesam  dhammanam pannaya
attham  na  upaparikkhanti  tesam  te  dhamma  pannaya  attham  anupaparikkhatam na
nijjhanam    khamanti   te   uparambhanisamsa   ceva   dhammam   pariyapunanti
itivadappamokkhanisamsa   ca  yassatthaya  1-  dhammam  pariyapunanti  tancassa
attham   nanubhonti   tesam   te   dhamma   duggahita   digharattam  ahitaya
dukkhaya samvattanti tam kissa hetu duggahitatta bhikkhave dhammanam.
     [279]  Idha  pana  bhikkhave  ekacce  kulaputta  dhammam pariyapunanti
suttam   geyyam   veyyakaranam  gatham  udanam  itivuttakam  jatakam  abbhutadhammam
vedallam   te   tam   dhammam  pariyapunitva  tesam  dhammanam  pannaya  attham
upaparikkhanti    tesam    te    dhamma    pannaya    attham   upaparikkhatam
@Footnote: 1 Ma. yassa catthaya.
Nijjhanam   khamanti   te   na   ceva  uparambhanisamsa  dhammam  pariyapunanti
na    itivadappamokkhanisamsa    ca    yassatthaya    dhammam   pariyapunanti
tancassa   attham   anubhonti  tesam  te  dhamma  sugahita  digharattam  hitaya
sukhaya samvattanti tam kissa hetu sugahitatta bhikkhave dhammanam.
     {279.1}  Seyyathapi  bhikkhave  puriso  alagaddatthiko alagaddagavesi
alagaddapariyesanam   caramano   so   passeyya   mahantam   alagaddam  tamenam
ajapadena    dandena    suniggahitam    nigganheyya    ajapadena   dandena
suniggahitam    niggahetva    givayam   sugahitam   ganheyya   kincapi   so
bhikkhave   alagaddo   tassa   purisassa   hattham   va  baham  va  annataram
va  angapaccangam  bhogehi  palivedheyya  atha  kho  so  neva  tatonidanam
maranam  va  niggaccheyya  maranamattam  va  dukkham  tam  kissa  hetu sugahitatta
bhikkhave  alagaddassa  evameva  kho  bhikkhave  idhekacce  kulaputta  dhammam
pariyapunanti    suttam   geyyam   veyyakaranam   gatham   udanam   itivuttakam
jatakam   abbhutadhammam   vedallam   te   tam   dhammam   pariyapunitva   tesam
dhammanam   pannaya   attham   upaparikkhanti   tesam   te   dhamma  pannaya
attham   upaparikkhatam   nijjhanam   khamanti   te   na  ceva  uparambhanisamsa
dhammam    pariyapunanti    na    itivadappamokkhanisamsa    ca   yassatthaya
dhammam     pariyapunanti    tancassa    attham    anubhonti    tesam    te
dhamma    sugahita    digharattam   hitaya   sukhaya   samvattanti   tam   kissa
hetu    sugahitatta    bhikkhave    dhammanam    .    tasmatiha   bhikkhave
Yassa   me   bhasitassa   attham   ajaneyyatha   tatha  nam  dhareyyatha
yassa   ca   pana   me   bhasitassa   attham  na  ajaneyyatha  aham  vo
tattheva   patipucchitabbo   ye   va   panassu   viyatta   bhikkhu  kullupamam
vo   bhikkhave   dhammam   desissami   nittharanatthaya   no  gahanatthaya  tam
sunatha   sadhukam   manasikarotha   bhasissamiti  .  evam  bhanteti  kho  te
bhikkhu bhagavato paccassosum.
     [280]    Bhagava    etadavoca    seyyathapi   bhikkhave   puriso
addhanamaggapatipanno    so    passeyya   mahantam   udakannavam   orimatiram
sasankam   sappatibhayam   parimatiram   khemam   appatibhayam   na   cassa  nava
santarani   uttarasetu   va   apara   param  gamanaya  tassa  evamassa
ayam   kho   maha   udakannavo   orimatiram  sasankam  sappatibhayam  parimatiram
khemam   appatibhayam   natthi  ca  nava  santarani  uttarasetu  va  apara
param    gamanaya    yannunaham   tinakatthasakhapalasam   sankaddhitva   kullam
bandhitva   tam   kullam   nissaya   hatthehi  ca  padehi  ca  vayamamano
sotthina param uttareyyanti.
     {280.1}   Atha   kho   so  bhikkhave  puriso  tinakatthasakhapalasam
sankaddhitva   kullam   bandhitva  tam  kullam  nissaya  hatthehi  ca  padehi
ca  vayamamano  sotthina  param  uttareyya  tassa  [1]- uttinnassa 2-
paragatassa   evamassa   bahukaro   kho  me  ayam  kullo  imaham  kullam
nissaya   hatthehi   ca   padehi   ca   vayamamano   sotthina   param
uttinno   yannunaham    imam   kullam   sise   3-   va   aropetva
@Footnote: 1 Ma. purisassa. 2 Yu. tinnassa. 3 Ma. thale va ussadetva udake va
@opilapetva.
Khandhe  va  paccaropetva  yenakamam  pakkameyyanti  .  tam  kim  mannatha
bhikkhave   api   nu   so   puriso   evamkari   tasmim  kulle  kiccakari
assati   .   no  hetam  bhante  .  kathamkari  ca  so  bhikkhave  puriso
tasmim   kulle  kiccakari  assa  .  idha  bhikkhave  tassa  purisassa  [1]-
paragatassa   evamassa   bahukaro   kho  me  ayam  kullo  imaham  kullam
nissaya   hatthehi   ca   padehi   ca   vayamamano   sotthina   param
uttinno   yannunaham   imam  kullam  thale  va  ussapetva  2-  udake
va   opilapetva   yenakamam   pakkameyyanti  .  evamkari  kho  so
bhikkhave   puriso   tasmim   kulle   kiccakari   assa  .  evameva  kho
bhikkhave    kullupamo    maya    dhammo   desito   nittharanatthaya   no
gahanatthaya    kullupamam    vo   bhikkhave   dhammam   desitam   ajanantehi
dhammapi vo pahatabba pageva adhamma.
     [281]   Chayimani   bhikkhave   ditthitthanani   .  katamani  cha .
Idha   bhikkhave   assutava   puthujjano   ariyanam   adassavi  ariyadhammassa
akovido   ariyadhamme   avinito   sappurisanam   adassavi  sappurisadhammassa
akovido    sappurisadhamme    avinito   rupam   etam   mama   esohamasmi
eso   me   attati   samanupassati   vedanam   etam   mama  esohamasmi
eso   me   attati   samanupassati   sannam   etam   mama   esohamasmi
eso   me   attati   samanupassati   sankhare  etam  mama  esohamasmi
@Footnote: 1 Yu. tinnassa. Si. Yu. ussaretva. 2 Ma. usasadetva.
Eso   me  attati  samanupassati  yampidam  1-  dittham  sutam  mutam  vinnatam
pattam   pariyesitam   anuvicaritam   manasa   tampi   etam   mama  esohamasmi
eso    me   attati   samanupassati   yampidam   2-   ditthitthanam   so
loko   so   atta   so   pecca   bhavissami  nicco  dhuvo  sassato
aviparinamadhammo    sassatisamam    tatheva   thassamiti   tampi   etam   mama
esohamasmi eso me attati samanupassati.
     {281.1}  Sutava  ca  kho  bhikkhave  ariyasavako  ariyanam dassavi
ariyadhammassa    kovido    ariyadhamme    suvinito   sappurisanam   dassavi
sappurisadhammassa    kovido   sappurisadhamme   suvinito   rupam   netam   mama
nesohamasmi   na   meso   attati   samanupassati   vedanam   netam   mama
nesohamasmi    na   meso   attati   samanupassati   sannam   netam   mama
nesohamasmi    na    meso    attati   samanupassati   sankhare   netam
mama    nesohamasmi   na   meso   attati   samanupassati   yampidam   3-
dittham   sutam   mutam   vinnatam   pattam   pariyesitam  anuvicaritam  manasa  tampi
netam   mama   nesohamasmi   na  meso  attati  samanupassati  yampidam  3-
ditthitthanam   so   loko   so   atta  so  pecca  bhavissami  nicco
dhuvo   sassato   aviparinamadhammo   sassatisamam   tatheva   thassamiti  tampi
netam   mama   nesohamasmi   na   meso  attati  samanupassati  so  evam
samanupassanto asati na paritassatiti.
     [282]   Evam   vutte   annataro   bhikkhu   bhagavantam  etadavoca
siya   nu   kho   bhante  bahiddha  asati  paritassanati  .  siya  bhikkhuti
@Footnote:1-2-3 Po. Ma. yampi tam.
Bhagava   avoca   idha   bhikkhu   ekaccassa   evam  hoti  ahu  vata  me
tam   vata   me   natthi   siya   vata  me  tam  vataham  na  labhamiti  so
socati    kilamati    paridevati   urattalim   kandati   sammoham   apajjati
evam kho bhikkhu bahiddha asati paritassana hotiti.
     {282.1}   Siya   pana  bhante  bahiddha  asati  aparitassanati .
Siya  bhikkhuti  bhagava  avoca  idha  bhikkhu  ekaccassa na evam hoti ahu vata
me  tam  vata  me  natthi siya vata me tam vataham na labhamiti so na socati na
kilamati   na   paridevati   na   urattalim   kandati  na  sammoham  apajjati
evam kho bhikkhu bahiddha asati aparitassana hotiti.
     {282.2}  Siya  nu  kho  bhante  ajjhattam  asati  paritassanati .
Siya  bhikkhuti  bhagava  avoca  idha  bhikkhu  ekaccassa  evam ditthi hoti so
loko   so   atta   so   pecca   bhavissami  nicco  dhuvo  sassato
aviparinamadhammo     sassatisamam     tatheva    thassamiti    so    sunati
tathagatassa   va   tathagatasavakassa   va   sabbesam  ditthitthanadhitthana-
pariyutthanabhinivesanusayanam       samugghataya       sabbasankharasamathaya
sabbupadhipatinissaggaya       tanhakkhayaya       viragaya       nirodhaya
nibbanaya dhammam desentassa.
     {282.3}   Tassevam   hoti   ucchijjissami  namassu  vinassissami
namassu  nassu  nama  bhavissamiti  so  socati  kilamati  paridevati urattalim
kandati   sammoham  apajjati  evam  kho  bhikkhu  ajjhattam  asati  paritassana
hotiti  .  siya  1-  pana  bhante  ajjhattam  asati  aparitassanati. Siya
@Footnote: 1 Po. siya nukho bhante.
Bhikkhuti   bhagava  avoca  idha  bhikkhave  ekaccassa  na  evam  ditthi  hoti
so   loko  so  atta  so  pecca  bhavissami  nicco  dhuvo  sassato
aviparinamadhammo     sassatisamam     tatheva    thassamiti    so    sunati
tathagatassa   va   tathagatasavakassa   va   sabbesam  ditthitthanadhitthana-
pariyutthanabhinivesanusayanam       samugghataya       sabbasankharasamathaya
sabbupadhipatinissaggaya    tanhakkhayaya    viragaya   nirodhaya   nibbanaya
dhammam   desentassa   .   tassa  na  evam  hoti  ucchijjissami  namassu
vinassissami   namassu   nassu   nama   bhavissamiti   so  na  socati  na
kilamati   na   paridevati   na   urattalim   kandati  na  sammoham  apajjati
evam kho bhikkhu ajjhattam asati aparitassana hoti.
     [283] Tam 1- bhikkhave pariggaham parigganheyyatha yvassa 2- pariggaho
nicco  dhuvo  sassato  aviparinamadhammo  sassatisamam  tatheva  tittheyya  3-
passatha  no  tumhe  bhikkhave  tam  pariggaham  yvassa  2-  pariggaho nicco
dhuvo   sassato   aviparinamadhammo   sassatisamam   tatheva   tittheyyati .
No  hetam  bhante  .  sadhu  bhikkhave  ahampi  kho  tam  bhikkhave  pariggaham
na   samanupassami   yvassa   2-   pariggaho   nicco   dhuvo   sassato
aviparinamadhammo  sassatisamam tatheva tittheyya.
     {283.1}   Tam  bhikkhave  attavadupadanam  upadiyetha  yassa   4-
attavadupadanam     upadiyato     na     uppajjeyyum    sokaparideva-
dukkhadomanassupayasa     passatha     no     tumhe    bhikkhave    tam
@Footnote: 1 Po. tanca bhikkhave. 2 Po. yavassu pariggaho. 3 Po. tittheyyati.
@4 Si. Yu. yam assa.
Attavadupadanam   yassa   attavadupadanam   upadiyato   na  uppajjeyyum
sokaparidevadukkhadomanassupayasati   .   no   hetam   bhante   .  sadhu
bhikkhave   ahampi   kho   tam   bhikkhave  attavadupadanam  na  samanupassami
yassa   attavadupadanam   upadiyato   na  uppajjeyyum  sokaparidevadukkha-
domanassupayasa.
     {283.2}   Tam   bhikkhave  ditthinissayam  nissayetha  yassa  ditthinissayam
nissayato      na      uppajjeyyum     sokaparidevadukkhadomanassupayasa
passatha  no  tumhe  bhikkhave  tam  ditthinissayam  yassa  ditthinissayam  nissayato
na    uppajjeyyum   sokaparidevadukkhadomanassupayasati   .   no   hetam
bhante   .   sadhu   bhikkhave   ahampi   kho   tam   bhikkhave  ditthinissayam
na    samanupassami    yassa    ditthinissayam   nissayato   na   uppajjeyyum
sokaparidevadukkhadomanassupayasa.
     [284]   Attani   va  bhikkhave  sati  attaniyam  meti  assati .
Evam  bhante  .  attaniye  va  bhikkhave  sati  atta  meti  assati.
Evam  bhante  .  attani  ca  bhikkhave  attaniye  1-  ca saccato thetato
anupalabbhiyamane   yampidam  2-  ditthitthanam  so  loko  so  atta  so
pecca   bhavissami   nicco   dhuvo   sassato  aviparinamadhammo  sassatisamam
tatheva   thassamiti   nanayam   bhikkhave  kevalo  paripuro  baladhammoti .
Kinhi  no  siya  bhante  kevalo hi 3- bhante 4- paripuro baladhammoti.
Tam   kim   mannatha   bhikkhave   rupam   niccam  va  aniccam  vati  .  aniccam
@Footnote: 1 Po. attaniyeva saccato thetato ca. 2 Po. Ma. yampitam.
@3-4 Si. Yu. ayam patho natthi.
Bhante  .  yampananiccam  dukkham  va  tam  sukham  vati  .  dukkham  bhante .
Yampananiccam   dukkham   viparinamadhammam   kallam   nu   tam   samanupassitum  etam
mama   esohamasmi   eso  me  attati  .  no  hetam  bhante  .  tam
kim  mannatha  bhikkhave  vedana  .pe.  sanna  ... Sankhara ... Vinnanam
niccam   va   aniccam   vati   .  aniccam  bhante  .  yampananiccam  dukkham
va  tam  sukham  vati  .  dukkham  bhante  .  yampananiccam dukkham viparinamadhammam
kallam nu tam samanupassitum etam mama esohamasmi eso me attati.
     {284.1}  No  hetam  bhante  .  tasmatiha  bhikkhave  yankinci rupam
atitanagatapaccuppannam   ajjhattam   va   bahiddha   va   olarikam   va
sukhumam  va  hinam  va  panitam  va  yam  dure santike va sabbam rupam netam mama
nesohamasmi   na   meso   attati   evametam   yathabhutam  sammappannaya
datthabbam   .   yakaci  vedana  .pe.  yakaci  sanna  ...  yekeci
sankhara    ...   yankinci   vinnanam   atitanagatapaccuppannam   ajjhattam
va   bahiddha   va   olarikam   va  sukhumam  va  hinam  va  panitam  va
yam   dure   santike   va   sabbam   vinnanam   netam   mama  nesohamasmi
na meso attati evametam yathabhutam sammappannaya datthabbam.
     [285]   Evam   passam   bhikkhave   sutava   ariyasavako  rupasmimpi
nibbindati   vedanayapi   nibbindati  sannayapi  nibbindati  sankharesupi  1-
nibbindati   vinnanasmimpi   nibbindati   nibbindam   2-   virajjati   viraga
@Footnote: 1 Si. Ma. Yu. pancasu thanesu pisaddo na dissati. 2 Ma. nibbida.
Vimuccati    vimuttasmim    vimuttamiti   nanam   hoti   khina   jati   vusitam
brahmacariyam   katam  karaniyam  naparam  itthattayati  pajanatiti  1-  .  ayam
vuccati     bhikkhave    bhikkhu    ukkhittapaligho    itipi    sankinnaparikkho
itipi    abbhulhesiko    itipi   niraggalo   itipi   ariyo   pannaddhajo
pannabharo visamyutto itipi.
     {285.1}   Kathanca   bhikkhave  bhikkhu  ukkhittapaligho  hoti  .  idha
bhikkhave   bhikkhuno   avijja   pahina  hoti  ucchinnamula  talavatthukata
anabhavangata    ayatim   anuppadadhamma   evam   kho   bhikkhave   bhikkhu
ukkhittapaligho hoti.
     {285.2}      Kathanca     bhikkhave     bhikkhu     sankinnaparikkho
hoti    .    idha    bhikkhave   bhikkhuno   ponobbhaviko   jatisankharo
pahino    hoti    ucchinnamulo   talavatthukato   anabhavangato   ayatim
anuppadadhammo evam kho bhikkhave bhikkhu sankinnaparikkho hoti.
     {285.3}   Kathanca   bhikkhave  bhikkhu  abbhulhesiko  hoti  .  idha
bhikkhave   bhikkhuno   tanha   pahina   hoti  ucchinnamula  talavatthukata
anabhavangata    ayatim   anuppadadhamma   evam   kho   bhikkhave   bhikkhu
abbhulhesiko  hoti  .  kathanca  bhikkhave  bhikkhu  niraggalo  hoti  .  idha
bhikkhave    bhikkhuno   pancorambhagiyani   sannojanani   pahinani   honti
ucchinnamulani       talavatthukatani       anabhavangatani       ayatim
anuppadadhammani evam kho bhikkhave bhikkhu niraggalo hoti.
     {285.4}    Kathanca    bhikkhave    bhikkhu    ariyo    pannaddhajo
pannabharo     visamyutto     hoti    .    idha    bhikkhave    bhikkhuno
asmimano      pahino      hoti      ucchinnamulo     talavatthukato
@Footnote: 1 Po. Ma. itisaddo natthi.
Anabhavangato    ayatim   anuppadadhammo   evam   kho   bhikkhave   bhikkhu
ariyo pannaddhajo pannabharo visamyutto hoti.
     [286]   Evam   vimuttacittam  kho  bhikkhave  bhikkhum  sainda  deva
sabrahmaka    sapajapatika    anvesanta    nadhigacchanti   idam   nissitam
tathagatassa   vinnananti   tam   kissa   hetu  ditthevaham  bhikkhave  dhamme
tathagatam  ananuvajjoti  1-  vadami . Evamvadim kho mam bhikkhave evamakkhayim
eke   samanabrahmana   asata   tuccha   musa  abhutena  abbhacikkhanti
venayiko   samano   gotamo   sato   sattassa   ucchedam   vinasam  vibhavam
pannapetiti   .   yatha   caham   bhikkhave   na  yatha  caham  na  vadami
tatha    mam    te   bhonto   samanabrahmana   asata   tuccha   musa
abhutena   abbhacikkhanti   venayiko   samano   gotamo   sato   sattassa
ucchedam   vinasam  vibhavam  pannapetiti  .  pubbe  caham  bhikkhave  etarahi
ca dukkhanceva pannapemi dukkhassa ca nirodham.
     {286.1} Tatra ce bhikkhave pare tathagatam akkosanti paribhasanti rosenti
vihesenti  ghattenti  2-  tatra  bhikkhave  tathagatassa na hoti aghato na
appaccayo  na  cetaso  anabhinandi  3- . Tatra ce bhikkhave pare tathagatam
sakkaronti  garukaronti  manenti  pujenti  tatra  bhikkhave  tathagatassa  na
hoti anando na somanassam  [4]- cetaso ubbilavitattam. Tatra ce bhikkhave
@Footnote: 1 Ma. ananuvijjo. Yu. ananuvejjoti vadami. 2 Si. Ma. Yu. vihesenti ghattentiti
@ime patha na dissanti. 3 Si. Ma. Yu. anabhiraddhi. 4 Ma. Yu. nasaddo dissati.
Pare  tathagatam  sakkaronti  garukaronti  manenti  pujenti  tatra  bhikkhave
tathagatassa   evam   hoti   yam   kho  idam  pubbe  parinnatam  tattha  me
evarupa kara kariyantiti.
     [287]   Tasmatiha   bhikkhave   tumhe   cepi  pare  akkoseyyum
paribhaseyyum  roseyyum  viheseyyum  ghatteyyum 1- tatra tumhehi na aghato
na  appaccayo  na  cetaso  abhinandi  2-  karaniya  .  tasmatiha bhikkhave
tumhe   cepi   pare   sakkareyyum  garukareyyum  maneyyum  pujeyyum  tatra
tumhehi   na   anando   na   somanassam   na   cetaso   ubbilavitattam
karaniyam  .  tasmatiha  bhikkhave  tumhe  cepi  pare  sakkareyyum garukareyyum
maneyyum   pujeyyum   tatra   tumhakam   evamassa   yam  kho  idam  pubbe
parinnatam   tattha   no   3-  evarupa  kara  kariyantiti  .  tasmatiha
bhikkhave   yam   na   tumhakam  tam  pajahatha  tam  vo  pahinam  digharattam  hitaya
sukhaya bhavissati.
     {287.1}   Kinca   bhikkhave   na   tumhakam   rupam   bhikkhave   na
tumhakam  tam  pajahatha  tam  vo  pahinam  digharattam  hitaya  sukhaya  bhavissati .
Vedana   bhikkhave   na   tumhakam  tam  pajahatha  sa  vo  pahina  digharattam
hitaya   sukhaya   bhavissati   .  sanna  bhikkhave  na  tumhakam  tam  pajahatha
sa  vo  pahina  digharattam  hitaya  sukhaya  bhavissati  .  sankhara bhikkhave
na   tumhakam   te   pajahatha   te  vo  pahina  digharattam  hitaya  sukhaya
bhavissanti   .   vinnanam   bhikkhave   na   tumhakam   tam  pajahatha  tam  vo
pahinam   digharattam   hitaya   sukhaya   bhavissati  .  tam  kim  mannatha  bhikkhave
@Footnote: 1 Ma. ghatteyyunti patho natthi. Yu. viheseyyum ghatteyyunti ime patha na
@disasanti. 2 Si. Ma. Yu. anabhiraddhi. 3 Po. Ma. me.
Yam   imasmim   jetavane   tinakatthasakhapalasam   tam   jano   hareyya  va
daheyya   va   yathapaccayam   va   kareyya  api  nu  tumhakam  evamassa
amhe   jano  harati  va  dahati  va  yathapaccayam  va  karotiti  .  no
hetam   bhante   tam   kissa   hetu   na   hi  no  etam  bhante  atta
va attaniyam vati.
     {287.2}  Evameva  kho  bhikkhave  yam  na  tumhakam  tam  pajahatha tam
vo   pahinam   digharattam   hitaya   sukhaya  bhavissati  .  kinca  bhikkhave  na
tumhakam   rupam  bhikkhave  na  tumhakam  tam  pajahatha  tam  vo  pahinam  digharattam
hitaya   sukhaya   bhavissati  .  vedana  bhikkhave  .pe.  sanna  bhikkhave
.pe.   sankhara   bhikkhave   .pe.  vinnanam  bhikkhave  na  tumhakam  tam
pajahatha tam vo pahinam digharattam hitaya sukhaya bhavissati.
     [288]  Evam  svakkhato  bhikkhave  maya  dhammo uttano vivato
pakasito   chinnapilotiko   evam   svakkhate   bhikkhave   maya  dhamme
uttane   vivate   pakasite   chinnapilotike  ye  te  bhikkhu  arahanto
khinasava    vusitavanto    katakaraniya    ohitabhara    anuppattasadattha
parikkhinabhavasannojana       sammadannavimutta      vattantesam      natthi
pannapanaya   .   evam   svakkhato  bhikkhave  maya  dhammo  uttano
vivato   pakasito   chinnapilotiko   evam   svakkhate   bhikkhave  maya
dhamme    uttane   vivate   pakasite   chinnapilotike   yesam   bhikkhunam
pancorambhagiyani    sannojanani   pahinani   sabbe   te   opapatika
Tattha  parinibbayino  anavattidhamma  tasma  loka  .  evam svakkhato
bhikkhave   maya   dhammo   uttano   vivato   pakasito   chinnapilotiko
evam   svakkhate   bhikkhave  maya  dhamme  uttane  vivate  pakasite
chinnapilotike     yesam     bhikkhunam     tini     sannojanani    pahinani
ragadosamohatanubhuta    sabbe    te    sakadagamino    sakideva   imam
lokam agantva dukkhassantam karissanti.
     {288.1}  Evam  svakkhato  bhikkhave maya dhammo uttano vivato
pakasito  chinnapilotiko  evam  svakkhate  bhikkhave maya dhamme uttane
vivate  pakasite  chinnapilotike  yesam  bhikkhunam  tini  sannojanani  pahinani
sabbe te sotapanna avinipatadhamma niyata sambodhiparayana.
     {288.2}  Evam  svakkhato  bhikkhave maya dhammo uttano vivato
pakasito  chinnapilotiko  evam  svakkhate  bhikkhave maya dhamme uttane
vivate  pakasite  chinnapilotike ye te bhikkhu dhammanusarino saddhanusarino
sabbe te sambodhiparayana.
     {288.3}  Evam  svakkhato  bhikkhave maya dhammo uttano vivato
pakasito   chinnapilotiko  evam  svakkhate bhikkhave maya dhamme uttane
vivate   pakasite   chinnapilotike   yesam   mayi   saddhamattam   pemamattam
sabbe te saggaparayanati.
     Idamavocabhagava attamana te bhikkhu bhagavato bhasitam abhinandunti.
                 Alagaddupamasuttam nitthitam dutiyam.
                    --------------



             The Pali Tipitaka in Roman Character Volume 12 page 261-281. http://84000.org/tipitaka/pitaka_item/roman_item_s.php?book=12&item=274&items=15&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=12&item=274&items=15&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=12&item=274&items=15&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=12&item=274&items=15&modeTY=2              Study Atthakatha :- http://84000.org/tipitaka/attha/attha.php?b=12&i=274              The Pali Atthakatha in Thai :- http://84000.org/tipitaka/atthapali/read_th.php?B=8&A=214              The Pali Atthakatha in Roman :- http://84000.org/tipitaka/atthapali/read_rm.php?B=8&A=214              Contents of The Tipitaka Volume 12 http://84000.org/tipitaka/read/?index_12

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :