paliTIPITAKA Volume 12 - Sutta Pitaka 4

page179.

Culadukkhakkhandhasuttam [209] Evamme sutam ekam samayam bhagava sakkesu viharati kapilavatthusmim nigrodharame . atha kho mahanamo sakko yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho mahanamo sakko bhagavantam etadavoca digharattaham bhante bhagavata evam dhammam desitam ajanami lobho cittassa upakkileso doso cittassa upakkileso moho cittassa upakkilesoti . evancaham bhante bhagavata dhammam desitam ajanami lobho cittassa upakkileso doso cittassa upakkileso moho cittassa upakkilesoti . atha ca pana me ekada lobhadhammapi cittam pariyadaya titthanti dosadhammapi cittam pariyadaya titthanti mohadhammapi cittam pariyadaya titthanti tassa mayham bhante evam hoti kosu nama me dhammo ajjhattam appahino yena me ekada lobhadhammapi cittam pariyadaya titthanti dosadhammapi cittam pariyadaya titthanti mohadhammapi cittam pariyadaya titthantiti. [210] So eva kho te mahanama dhammo ajjhattam appahino yena te ekada lobhadhammapi cittam pariyadaya titthanti dosadhammapi cittam pariyadaya titthanti mohadhammapi cittam pariyadaya titthanti . so ca hi te mahanama dhammo ajjhattam pahino abhavissa . na tvam agaram ajjhavaseyyasi na kame paribhunjeyyasi . yasma ca kho te mahanama so eva dhammo ajjhattam appahino tasma tvam agaram ajjhavasasi kame paribhunjasi.

--------------------------------------------------------------------------------------------- page180.

[211] Appassada kama bahudukkha bahupayasa adinavo ettha bhiyyoti iti cepi mahanama ariyasavakassa yathabhutam sammappannaya sudittham hoti . so ca annatreva kamehi annatra akusalehi dhammehi pitisukham nadhigacchati annam va tato santataram atha kho so neva tava anavatti kamesu hoti . yato ca kho mahanama ariyasavakassa appassada kama bahudukkha bahupayasa adinavo ettha bhiyyoti evametam yathabhutam sammappannaya sudittham hoti. So ca annatreva kamehi annatra akusalehi dhammehi pitisukham adhigacchati annam va tato santataram atha kho so anavatti kamesu hoti. {211.1} Mayhampi kho mahanama pubbeva sambodha anabhisambuddhassa bodhisattasseva sato appassada kama bahudukkha bahupayasa adinavo ettha bhiyyoti evametam yathabhutam sammappannaya sudittham hoti . so ca annatreva kamehi annatra akusalehi dhammehi pitisukham najjhagamim ^1- annam va tato santataram atha khvaham neva tava anavatti kamesu paccannasim . yato ca kho me mahanama appassada kama bahudukkha bahupayasa adinavo ettha bhiyyoti evametam yathabhutam sammappannaya sudittham ahosi . so ca annatreva kamehi annatra akusalehi dhammehi pitisukham ajjhagamim annanca tato santataram athaham anavatti kamesu paccannasim. @Footnote: ¹ Ma. Yu. najjhagamam.

--------------------------------------------------------------------------------------------- page181.

[212] Ko ca mahanama kamanam assado . pancime mahanama kamaguna katame panca cakkhuvinneyya rupa ittha kanta manapa piyarupa kamupasanhita rajaniya sotavinneyya sadda ... ghanavinneyya gandha ... jivhavinneyya rasa ... Kayavinneyya photthabba ittha kanta manapa piyarupa kamupasanhita rajaniya ime kho mahanama panca kamaguna . Yam kho mahanama ime panca kamagune paticca uppajjati sukham somanassam ayam kamanam assado. [213] Ko ca mahanama kamanam adinavo . idha mahanama kulaputto yena sipputthanena jivikam kappeti yadi muddhaya yadi gananaya yadi sankhanena yadi kasiya yadi vanijjaya yadi gorakkhena yadi issatthena yadi rajaporisena yadi sippannatarena sitassa purakkhato unhassa purakkhato damsamakasavatatapasarimsapasamphassehi rissamano khuppipasaya miyyamano ayampi mahanama kamanam adinavo sanditthiko dukkhakkhandho kamahetu kamanidanam kamadhikaranam kamanameva hetu. {213.1} Tassa ce mahanama kulaputtassa evam utthahato ghatato vayamato te bhoga nabhinipphajjanti so socati kilamati paridevati urattalim kandati sammoham apajjati mogham vata me utthanam aphalo vata me vayamoti . ayampi mahanama kamanam adinavo sanditthiko dukkhakkhandho kamahetu

--------------------------------------------------------------------------------------------- page182.

Kamanidanam kamadhikaranam kamanameva hetu. {213.2} Tassa ce mahanama kulaputtassa evam utthahato ghatato vayamato te bhoga abhinipphajjanti so tesam bhoganam arakkhadhikaranam dukkham domanassam patisamvedeti kinti me bhoge neva rajano hareyyum na cora hareyyum na aggi daheyya na udakam vaheyya na appiya dayada hareyyunti . tassa evam arakkhato gopayato te bhoge rajano va haranti cora va haranti aggi va dahati udakam va vahati appiya dayada va haranti so socati kilamati paridevati urattalim kandati sammoham apajjati yampi me ahosi tampi no natthiti . ayampi mahanama kamanam adinavo sanditthiko dukkhakkhandho kamahetu kamanidanam kamadhikaranam kamanameva hetu. [214] Puna caparam mahanama kamahetu kamanidanam kamadhikaranam kamanameva hetu rajanopi rajuhi vivadanti khattiyapi khattiyehi vivadanti brahmanapi brahmanehi vivadanti gahapatipi gahapatihi vivadanti matapi puttena vivadati puttopi matara vivadati pitapi puttena vivadati puttopi pitara vivadati bhatapi bhatara vivadati bhatapi bhaginiya vivadati bhaginipi bhatara vivadati sahayopi sahayena vivadati . te tattha kalahaviggahavivadapanna annamannam panihipi upakkamanti ledduhipi upakkamanti dandehipi upakkamanti satthehipi upakkamanti te tattha maranampi niggacchanti maranamattampi

--------------------------------------------------------------------------------------------- page183.

Dukkham . ayampi mahanama kamanam adinavo dukkhakkhandho kamahetu kamanidanam kamadhikaranam kamanameva hetu. [215] Puna caparam mahanama kamahetu kamanidanam kamadhikaranam kamanameva hetu asicammam gahetva dhanukalapam sannayhitva ubhatobyulham sangamam pakkhandanti . ususupi khippamanesu sattisupi khippamanasu asisupi vijjotalantesu te tattha usuhipi vijjhanti sattiyapi vijjhanti asinapi sisam chindanti te tattha maranampi niggacchanti maranamattampi dukkham . ayampi mahanama kamanam adinavo sanditthiko dukkhakkhandho kamahetu kamanidanam kamadhikaranam kamanameva hetu. [216] Puna caparam mahanama kamahetu kamanidanam kamadhikaranam kamanameva hetu asicammam gahetva dhanukalapam sannayhitva attavalepana upakariyo pakkhandanti . ususupi khippamanesu sattisupi khippamanasu asisupi vijjotalantesu te tattha usuhipi vijjhanti sattiyapi vijjhanti chakanatiyapi ^1- osincanti abhivaggenapi omaddanti asinapi sisam chindanti te tattha maranampi niggacchanti maranamattampi dukkham . ayampi mahanama kamanam adinavo sanditthiko dukkhakkhandho kamahetu kamanidanam kamadhikaranam kamanameva hetu. [217] Puna caparam mahanama kamahetu kamanidanam kamadhikaranam kamanameva hetu sandhimpi chindanti nillopampi haranti ekagarikampi @Footnote: ¹ Ma. chakanakayapi.

--------------------------------------------------------------------------------------------- page184.

Karonti panthepi titthanti paradarampi gacchanti tamenam rajano gahetva vividhani kammakaranani karenti . kasahipi talenti vettehipi talenti addhadandakehipi talenti .pe. jotimalikampi karonti hatthapajjotikampi karonti erakavattikampi karonti cirakavasikampi karonti eneyyakampi karonti balisamamsikampi karonti kahapanakampi karonti kharapaticchakampi karonti palighapalivattikampi karonti palalapithakampi karonti tattenapi telena osincanti sunakhehipi khadapenti jivantampi sule uttasenti asinapi sisam chindanti te tattha maranampi niggacchanti maranamattampi dukkham . ayampi mahanama kamanam adinavo sanditthiko dukkhakkhandho kamahetu kamanidanam kamadhikaranam kamanameva hetu. [218] Puna caparam mahanama kamahetu kamanidanam kamadhikaranam kamanameva hetu kayena duccaritam caranti vacaya duccaritam caranti manasa duccaritam caranti te kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjanti . ayam ^1- mahanama kamanam adinavo samparayiko dukkhakkhandho kamahetu kamanidanam kamadhikaranam kamanameva hetu. [219] Ekamidaham mahanama samayam rajagahe viharami gijjhakute pabbate . tena kho pana samayena sambahula nigantha isigilipasse @Footnote: ¹ Ma. ayampi.

--------------------------------------------------------------------------------------------- page185.

Kalasilayam ubbhatthaka honti asanapatikkhitta opakkamika dukkha tippa khara katuka vedana vediyanti . atha khvaham ^1- mahanama sayanhasamayam patisallana vutthito yena isigilipasse ^2- kalasila yena ^3- nigantha tenupasankamim upasankamitva te niganthe etadavocam kinnu tumhe avuso nigantha ubbhatthaka hotha ^4- asanapatikkhitta opakkamika dukkha tippa khara katuka vedana vediyathati. {219.1} Evam vutte mahanama te nigantha mam etadavocum nigantho avuso nataputto sabbannu sabbadassavi aparisesam nanadassanam patijanati carato ca me titthato ca suttassa ca jagarassa ca satatam samitam nanadassanam paccupatthitanti so evamaha atthi kho bho ^5- nigantha pubbe papakammam katam tam imaya dukkhaya ^6- dukkarakarikaya nijjaretha ^7- yam panettha etarahi kayena samvuta vacaya samvuta manasa samvuta tam ayatim papassa kammassa akaranam iti purananam kammanam tapasa byantibhava navanam kammanam akarana ayatim anavassavo ayatim anavassava kammakkhayo kammakkhaya dukkhakkhayo dukkhakkhaya vedanakkhayo vedanakkhaya sabbam dukkham nijjinnam bhavissatiti . tanca pana amhakam ruccati ceva khamati ca tena camha attamanati. @Footnote: ¹ Si. Yu. atha khoham. ² Si. Yu. isigilipassam. ³ Ma. Yu. te.. ⁴ Ma. Yu. ayam patho @natthi. ⁵ Si. Yu. vo. ⁶ Si. Ma. Yu. katukaya. ⁷ Ma. nijjiretha.

--------------------------------------------------------------------------------------------- page186.

[220] Evam vutte aham mahanama te niganthe etadavocam kim pana tumhe avuso nigantha janatha ahuvamheva mayam pubbe na nahuvamhati . no hidam avusoti . kim pana tumhe avuso nigantha janatha akaramheva mayam pubbe papakammam na nakaramhati . no hidam avusoti ^1-. Kim pana tumhe avuso nigantha janatha evarupam va evarupam va papakammam akaramhati . no hidam avusoti . kim pana tumhe avuso nigantha janatha ettakam va dukkham nijjinnam ettakam va dukkham nijjaretabbam ^2- ettakamhi va dukkhe nijjinne sabbam dukkham nijjinnam bhavissatiti . no hidam avusoti . kim pana tumhe avuso nigantha janatha dittheva dhamme akusalanam dhammanam pahanam kusalanam dhammanam upasampadanti . No hidam avusoti. {220.1} Iti kira tumhe avuso nigantha na janatha ahuvamheva mayam pubbe na nahuvamhati na janatha akaramheva mayam pubbe papakammam na nakaramhati na janatha evarupam va evarupam va papakammam akaramhati na janatha ettakam va dukkham nijjinnam ettakam va dukkham nijjaretabbam ettake va dukkhe nijjinne sabbam dukkham nijjinnam bhavissatiti na janatha dittheva dhamme akusalanam dhammanam pahanam kusalanam dhammanam upasampadam evam sante avuso nigantha ye loke ludda lohitapanino kururakammanta manussesu paccha jata te niganthesu pabbajjantiti . @Footnote: ¹ Ma. Yu. itisaddo natthi. ito pathapadampi idisameva. @² Ma. nijjiretabbam. ito parampi idisameva.

--------------------------------------------------------------------------------------------- page187.

Na kho avuso gotama sukhena sukham adhigantabbam dukkhena kho sukham adhigantabbam sukhena ca avuso gotama sukham adhigantabbam abhavissa raja magadho seniyo bimbisaro sukham adhigaccheyya raja magadho seniyo bimbisaro sukhaviharitaro ayasmata gotamenati. {220.2} Addhayasmantehi niganthehi sahasa appatisankha vaca bhasita na kho avuso gotama sukhena sukham adhigantabbam dukkhena kho sukham adhigantabbam sukhena ca avuso gotama sukham adhigantabbam abhavissa raja magadho seniyo bimbisaro sukham adhigaccheyya raja magadho seniyo bimbisaro sukhaviharitaro ayasmata gotamenati apica ahameva tattha patipucchitabbo ko nu kho ayasmantanam sukhaviharitaro raja va magadho seniyo bimbisaro ayasma va gotamoti. {220.3} Addhavuso gotama amhehi sahasa appatisankha vaca bhasita na kho avuso gotama sukhena sukham adhigantabbam dukkhena kho sukham adhigantabbam sukhena ca avuso gotama sukham adhigantabbam abhavissa raja magadho seniyo bimbisaro sukham adhigaccheyya raja magadho seniyo bimbisaro sukhaviharitaro ayasmata gotamenati apica titthatetam idanipi mayam ayasmantam gotamam pucchama ko nu kho ayasmantanam sukhaviharitaro raja va magadho seniyo bimbisaro ayasma va gotamoti . tenahavuso nigantha tumhe tattha patipucchissami yatha vo khameyya tatha nam byakareyyatha tam kim mannathavuso nigantha pahoti raja magadho seniyo bimbisaro

--------------------------------------------------------------------------------------------- page188.

Aninjamano kayena abhasamano vacam satta rattindivani ekantasukham patisamvedi viharitunti . no hidam avusoti . tam kim mannathavuso nigantha pahoti raja magadho seniyo bimbisaro aninjamano kayena abhasamano vacam cha rattindivani ... Panca rattindivani ... Cattari rattindivani ... tini rattindivani ... Dve rattindivani ... Ekam rattindivam ekantasukham patisamvedi viharitunti . no hidam avusoti. Aham kho avuso nigantha pahomi aninjamano kayena abhasamano vacam ekam rattindivam ekantasukham patisamvedi viharitum. {220.4} Aham kho avuso nigantha pahomi aninjamano kayena abhasamano vacam dve rattindivani ... Tini rattindivani ... Cattari rattindivani ... panca rattindivani ... cha rattindivani ... Satta rattindivani ekantasukham patisamvedi viharitum . tam kim mannathavuso nigantha evam sante ko sukham viharati ^1- raja va magadho seniyo bimbisaro aham vati . evam sante ayasma ca ^2- gotamo sukhaviharitaro ranna magadhena seniyena bimbisarenati. Idamavoca bhagava attamano mahanamo sakko bhagavato bhasitam abhinanditi. Culadukkhakkhandhasuttam nitthitam catuttham. ------------- @Footnote: ¹ Ma. Yu. viharataro. ² Ma. Yu. va..