paliTIPITAKA Volume 12 - Sutta Pitaka 4

page103.

Satipatthanasuttam [131] Evamme sutam ekam samayam bhagava kurusu viharati kammasadhammam nama kurunam nigamo . tatra kho bhagava bhikkhu amantesi bhikkhavoti. Bhadandeti te bhikkhu bhagavato paccassosum. [132] Bhagava etadavoca ekayano ayam bhikkhave maggo sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya . yadidam cattaro satipatthana . katame cattaro . idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam . vedanasu vedananupassi viharati atapi sampajano satima vineyya loke abhijjhadomanassam . citte cittanupassi viharati atapi sampajano satima vineyya loke abhijjhadomanassam . dhammesu dhammanupassi viharati atapi sampajano satima vineyya loke abhijjhadomanassam. ^1- [133] Kathanca bhikkhave bhikkhu kaye kayanupassi viharati . Idha bhikkhave bhikkhu arannagato va rukkhamulagato va sunnagaragato va nisidati pallankam abhujitva ujum kayam panidhaya parimukham satim upatthapetva . so satova assasati sato passasati . @Footnote: ¹ pathantare puna uddesoti dissati.

--------------------------------------------------------------------------------------------- page104.

Digham va assasanto digham assasamiti pajanati . digham va passasanto digham passasamiti pajanati . rassam va assasanto rassam assasamiti pajanati . rassam va passasanto rassam passasamiti pajanati . sabbakayapatisamvedi assasissamiti sikkhati . Sabbakayapatisamvedi passasissamiti sikkhati . passambhayam kayasankharam assasissamiti sikkhati . passambhayam kayasankharam passasissamiti sikkhati. {133.1} Seyyathapi bhikkhave dakkho bhamakaro va bhamakarantevasi va digham va anchanto digham anchamiti pajanati . rassam va anchanto rassam anchamiti pajanati . evameva kho bhikkhave bhikkhu digham va assasanto digham assasamiti pajanati . digham va passasanto digham passasamiti pajanati . rassam va assasanto rassam assasamiti pajanati . rassam va passasanto rassam passasamiti pajanati . sabbakayapatisamvedi assasissamiti sikkhati . Sabbakayapatisamvedi passasissamiti sikkhati . passambhayam kayasankharam assasissamiti sikkhati . passambhayam kayasankharam passasissamiti sikkhati . iti ajjhattam va kaye kayanupassi viharati bahiddha va kaye kayanupassi viharati ajjhattabahiddha va kaye kayanupassi viharati samudayadhammanupassi va kayasmim viharati vayadhammanupassi va kayasmim viharati samudayavayadhammanupassi va kayasmim viharati atthi kayoti va panassa sati paccupatthita hoti

--------------------------------------------------------------------------------------------- page105.

Yavadeva nanamattaya patissatimattaya anissito ca viharati na ca kinci loke upadiyati evampi bhikkhave bhikkhu kaye kayanupassi viharati. Anapanapabbam. [134] Puna caparam bhikkhave bhikkhu gacchanto va gacchamiti pajanati thito va thitomhiti pajanati nisinno va nisinnomhiti pajanati sayano va sayanomhiti pajanati . yatha yatha va panassa kayo panihito hoti tatha tatha nam pajanati . Iti ajjhattam va kaye kayanupassi viharati .pe. evampi bhikkhave bhikkhu kaye kayanupassi viharati. Iriyapathapabbam. [135] Puna caparam bhikkhave bhikkhu abhikkante patikkante sampajanakari hoti alokite vilokite sampajanakari hoti samminjite pasarite sampajanakari hoti sanghatipattacivaradharane sampajanakari hoti asite pite khayite sayite sampajanakari hoti uccarapassavakamme sampajanakari hoti gate thite nisinne sutte jagarite bhasite tunhibhave sampajanakari hoti . iti ajjhattam va kaye kayanupassi viharati .pe. evampi bhikkhave bhikkhu kaye kayanupassi viharati. Sampajannapabbam. [136] Puna caparam bhikkhave bhikkhu imameva kayam uddham padatala adho kesamatthaka tacapariyantam purannanappakarassa asucino paccavekkhati atthi imasmim kaye kesa loma nakha danta taco

--------------------------------------------------------------------------------------------- page106.

Mamsam naharu atthi atthiminjam vakkam hadayam yakanam kilomakam pihakam papphasam antam antagunam udariyam karisam pittam semham pubbo lohitam sedo medo assu vasa khelo singhanika lasika muttanti. {136.1} Seyyathapi bhikkhave ubhatomukha mutoli ^1- puva nanavihitassa dhannassa seyyathidam salinam vihinam mugganam masanam tilanam tandulanam . tamenam cakkhuma puriso muncitva paccavekkheyya ime sali ime vihi ime mugga ime masa ime tila ime tandulati evameva kho bhikkhave bhikkhu imameva kayam uddham padatala adho kesamatthaka tacapariyantam purannanappakarassa asucino paccavekkhati atthi imasmim kaye kesa loma .pe. lasika muttanti . Iti ajjhattam va kaye kayanupassi viharati .pe. evampi bhikkhave bhikkhu kaye kayanupassi viharati. Patikkulapabbam. [137] Puna caparam bhikkhave bhikkhu imameva kayam yathathitam yathapanihitam dhatuso paccavekkhati atthi imasmim kaye pathavidhatu apodhatu tejodhatu vayodhatuti . seyyathapi bhikkhave dakkho goghatako va goghatakantevasi va gavim vadhitva catummahapathe vilaso pativibhajitva nisinno assa evameva kho bhikkhave bhikkhu imameva kayam yathathitam yathapanihitam dhatuso paccavekkhati atthi imasmim kaye pathavidhatu apodhatu tejodhatu vayodhatuti . iti ajjhattam va kaye kayanupassi viharati .pe. Evampi @Footnote: ¹ Po. Ma. putoli.

--------------------------------------------------------------------------------------------- page107.

Bhikkhave bhikkhu kaye kayanupassi viharati. Dhatupabbam. [138] Puna caparam bhikkhave bhikkhu seyyathapi passeyya sariram sivathikaya chadditam ekahamatam va dvihamatam va tihamatam va uddhumatakam vinilakam vipubbakajatam . so imameva kayam upasamharati ayampi kho kayo evamdhammo evambhavi evam anatitoti ^1- . iti ajjhattam va kaye kayanupassi viharati .pe. evampi bhikkhave bhikkhu kaye kayanupassi viharati. {138.1} Puna caparam bhikkhave bhikkhu seyyathapi passeyya sariram sivathikaya chadditam kakehi ^2- va khajjamanam gijjhehi va khajjamanam kulalehi va khajjamanam suvanehi ^3- va khajjamanam singalehi va khajjamanam vividhehi va panakajatehi khajjamanam . so imameva kayam upasamharati ayampi kho kayo evamdhammo evambhavi evam anatitoti. {138.2} Iti ajjhattam va kaye kayanupassi viharati .pe. Evampi bhikkhave bhikkhu kaye kayanupassi viharati . Puna caparam bhikkhave bhikkhu seyyathapi passeyya sariram sivathikaya chadditam atthisankhalikam ^4- samamsalohitam nharusambandham .pe. atthisankhalikam nimmamsalohitamakkhitam nharusambandham .pe. atthisankhalikam apagatamamsalohitam nharusambandham .pe. Atthikani apagatanharusambandhani ^5- disa vidisa vikkhittani annena hatthatthikam annena @Footnote: ¹ Si. etam anatitotipi patho. ² Po. Yu. kakehi .. kulalehi .. gijjhehi ... @Ma. kakehi .. kulalehi .. gijjhehi .. kunkehi .. sunakhehi .. bayagghehi .. @dipihi .. sinagalehi ... ³ Si. Yu. supanehi . ⁴ Ma. Yu. atthikasankhalikam. @⁵ Si. Yu. apagatasambandhanani.

--------------------------------------------------------------------------------------------- page108.

Padatthikam ^[1]- annena janghatthikam annena urutthikam annena katitthikam ^2- annena pitthikantakatthikam annena phasukatthikam annena uratthikam annena bahutthikam annena amsatthikam annena givatthikam annena hanutthikam annena dantatthikam annena sisakataham . so imameva kayam upasamharati ayampi kho kayo evamdhammo evambhavi evam anatitoti . iti ajjhattam va kaye kayanupassi viharati .pe. Evampi bhikkhave bhikkhu kaye kayanupassi viharati. {138.3} Puna caparam bhikkhave bhikkhu seyyathapi passeyya sariram sivathikaya chadditam atthikani setani sankhavannupanibhani ... . Atthikani punjakitani terovassikani ... . atthikani putini cunnakajatani . so imameva kayam upasamharati ayampi kho kayo evamdhammo evambhavi evam anatitoti. {138.4} Iti ajjhattam va kaye kayanupassi viharati bahiddha va kaye kayanupassi viharati ajjhattabahiddha va kaye kayanupassi viharati samudayadhammanupassi va kayasmim viharati vayadhammanupassi va kayasmim viharati samudayavayadhammanupassi va kayasmim viharati atthi kayoti va panassa sati paccupatthita hoti yavadeva nanamattaya patissatimattaya anissito ca viharati na ca kinci loke upadiyati evampi kho bhikkhave bhikkhu kaye kayanupassi viharati. Navasivathikapabbam. Kayanupassanasatipatthanam. @Footnote: ¹ Ma. annena gopphakatthikam. ² Ma. ... katitthikam ... phasukatthikam ... @ pitthitthikam ... khandhatthikam ... givatthikam ....

--------------------------------------------------------------------------------------------- page109.

[139] Kathanca bhikkhave bhikkhu vedanasu vedananupassi viharati. Idha bhikkhave bhikkhu sukham ^[1]- vedanam vediyamano sukham vedanam vediyamiti pajanati dukkham ^[2]- vedanam vediyamano dukkham vedanam vediyamiti pajanati adukkhamasukham ^[3]- vedanam vediyamano adukkhamasukham vedanam vediyamiti pajanati . samisam va sukham vedanam vediyamano samisam sukham vedanam vediyamiti pajanati niramisam va sukham vedanam vediyamano niramisam sukham vedanam vediyamiti pajanati . samisam va dukkham vedanam vediyamano samisam dukkham vedanam vediyamiti pajanati niramisam va dukkham vedanam vediyamano niramisam dukkham vedanam vediyamiti pajanati. {139.1} Samisam va adukkhamasukham vedanam vediyamano samisam adukkhamasukham vedanam vediyamiti pajanati niramisam va adukkhamasukham vedanam vediyamano niramisam adukkhamasukham vedanam vediyamiti pajanati. {139.2} Iti ajjhattam va vedanasu vedananupassi viharati bahiddha va vedanasu vedananupassi viharati ajjhattabahiddha va vedanasu vedananupassi viharati samudayadhammanupassi va vedanasu viharati vayadhammanupassi va vedanasu viharati samudayavayadhammanupassi va vedanasu viharati atthi vedanati va panassa sati paccupatthita hoti yavadeva nanamattaya patissatimattaya anissito ca viharati na ca kinci loke upadiyati evam kho bhikkhave bhikkhu vedanasu vedananupassi viharati. Vedananupassanasatipatthanam. @Footnote:1-2-3 Po. Ma. va.

--------------------------------------------------------------------------------------------- page110.

[140] Kathanca bhikkhave bhikkhu citte cittanupassi viharati . Idha bhikkhave bhikkhu saragam va cittam saragam cittanti pajanati vitaragam va cittam vitaragam cittanti pajanati . sadosam va cittam sadosam cittanti pajanati vitadosam va cittam vitadosam cittanti pajanati . samoham va cittam samoham cittanti pajanati vitamoham va cittam vitamoham cittanti pajanati . sankhittam va cittam sankhittam cittanti pajanati vikkhittam va cittam vikkhittam cittanti pajanati . mahaggatam va cittam mahaggatam cittanti pajanati amahaggatam va cittam amahaggatam cittanti pajanati. {140.1} Sauttaram va cittam sauttaram cittanti pajanati anuttaram va cittam anuttaram cittanti pajanati . samahitam va cittam samahitam cittanti pajanati asamahitam va cittam asamahitam cittanti pajanati . vimuttam va cittam vimuttam cittanti pajanati avimuttam va cittam avimuttam cittanti pajanati . iti ajjhattam va citte cittanupassi viharati bahiddha va citte cittanupassi viharati ajjhattabahiddha va citte cittanupassi viharati samudayadhammanupassi va cittasmim viharati vayadhammanupassi va cittasmim viharati samudayavayadhammanupassi va cittasmim viharati atthi cittanti va panassa sati paccupatthita hoti yavadeva nanamattaya patissatimattaya anissito ca viharati na ca kinci loke

--------------------------------------------------------------------------------------------- page111.

Upadiyati evam kho bhikkhave bhikkhu citte cittanupassi viharati . Cittanupassanasatipatthanam. [141] Kathanca bhikkhave bhikkhu dhammesu dhammanupassi viharati . Idha bhikkhave bhikkhu dhammesu dhammanupassi viharati pancasu nivaranesu . Kathanca bhikkhave bhikkhu dhammesu dhammanupassi viharati pancasu nivaranesu . idha bhikkhave bhikkhu santam va ajjhattam kamachandam atthi me ajjhattam kamachandoti pajanati asantam va ajjhattam kamachandam natthi me ajjhattam kamachandoti pajanati . Yatha ca anuppannassa kamachandassa uppado hoti tanca pajanati yatha ca uppannassa kamachandassa pahanam hoti tanca pajanati yatha ca pahinassa kamachandassa ayatim anuppado hoti tanca pajanati. {141.1} Santam va ajjhattam byapadam atthi me ajjhattam byapadoti pajanati asantam va ajjhattam byapadam natthi me ajjhattam byapadoti pajanati . yatha ca anuppannassa byapadassa uppado hoti tanca pajanati yatha ca uppannassa byapadassa pahanam hoti tanca pajanati yatha ca pahinassa byapadassa ayatim anuppado hoti tanca pajanati. {141.2} Santam va ajjhattam thinamiddham atthi me ajjhattam thinamiddhanti pajanati asantam va ajjhattam thinamiddham natthi me ajjhattam thinamiddhanti pajanati . yatha ca anuppannassa thinamiddhassa uppado hoti

--------------------------------------------------------------------------------------------- page112.

Tanca pajanati yatha ca uppannassa thinamiddhassa pahanam hoti tanca pajanati yatha ca pahinassa thinamiddhassa ayatim anuppado hoti tanca pajanati. {141.3} Santam va ajjhattam uddhaccakukkuccam atthi me ajjhattam uddhaccakukkuccanti pajanati asantam va ajjhattam uddhaccakukkuccam natthi me ajjhattam uddhaccakukkuccanti pajanati . yatha ca anuppannassa uddhaccakukkuccassa uppado hoti tanca pajanati yatha ca uppannassa uddhaccakukkuccassa pahanam hoti tanca pajanati yatha ca pahinassa uddhaccakukkuccassa ayatim anuppado hoti tanca pajanati. {141.4} Santam va ajjhattam vicikiccham atthi me ajjhattam vicikicchati pajanati asantam va ajjhattam vicikiccham natthi me ajjhattam vicikicchati pajanati . yatha ca anuppannaya vicikicchaya uppado hoti tanca pajanati yatha ca uppannaya vicikicchaya pahanam hoti tanca pajanati yatha ca pahinaya vicikicchaya ayatim anuppado hoti tanca pajanati. {141.5} Iti ajjhattam va dhammesu dhammanupassi viharati bahiddha va dhammesu dhammanupassi viharati ajjhattabahiddha va dhammesu dhammanupassi viharati samudayadhammanupassi va dhammesu viharati vayadhammanupassi va dhammesu viharati samudayavayadhammanupassi va dhammesu viharati atthi dhammati va panassa sati paccupatthita hoti yavadeva nanamattaya patissatimattaya

--------------------------------------------------------------------------------------------- page113.

Anissito ca viharati na ca kinci loke upadiyati evampi kho bhikkhave bhikkhu dhammesu dhammanupassi viharati pancasu nivaranesu . Nivaranapabbam. [142] Puna caparam bhikkhave bhikkhu dhammesu dhammanupassi viharati pancasu upadanakkhandhesu . kathanca bhikkhave bhikkhu dhammesu dhammanupassi viharati pancasu upadanakkhandhesu . idha bhikkhave bhikkhu iti rupam iti rupassa samudayo iti rupassa atthangamo iti vedana iti vedanaya samudayo iti vedanaya atthangamo iti sanna iti sannaya samudayo iti sannaya atthangamo iti sankhara iti sankharanam samudayo iti sankharanam atthangamo iti vinnanam iti vinnanassa samudayo iti vinnanassa atthangamoti. {142.1} Iti ajjhattam va dhammesu dhammanupassi viharati bahiddha va dhammesu dhammanupassi viharati ajjhattabahiddha va dhammesu dhammanupassi viharati samudayadhammanupassi va dhammesu viharati vayadhammanupassi va dhammesu viharati samudayavayadhammanupassi va dhammesu viharati atthi dhammati va panassa sati paccupatthita hoti yavadeva nanamattaya patissatimattaya anissito ca viharati na ca kinci loke upadiyati evampi kho bhikkhave bhikkhu dhammesu dhammanupassi viharati pancasu upadanakkhandhesu. Khandhapabbam. [143] Puna caparam bhikkhave bhikkhu dhammesu dhammanupassi viharati

--------------------------------------------------------------------------------------------- page114.

Chasu ajjhattikabahiresu ayatanesu . kathanca bhikkhave bhikkhu dhammesu dhammanupassi viharati chasu ajjhattikabahiresu ayatanesu . idha bhikkhave bhikkhu cakkhunca pajanati rupe ca pajanati yanca tadubhayam paticca uppajjati sannojanam tanca pajanati . yatha ca anuppannassa sannojanassa uppado hoti tanca pajanati yatha ca uppannassa sannojanassa pahanam hoti tanca pajanati yatha ca pahinassa sannojanassa ayatim anuppado hoti tanca pajanati. {143.1} Sotanca pajanati sadde ca pajanati .... Ghananca pajanati gandhe ca pajanati ... . jivhanca pajanati rase ca pajanati ... . kayanca pajanati photthabbe ca pajanati .... Mananca pajanati dhamme ca pajanati yanca tadubhayam paticca uppajjati sannojanam tanca pajanati . yatha ca anuppannassa sannojanassa uppado hoti tanca pajanati yatha ca uppannassa sannojanassa pahanam hoti tanca pajanati yatha ca pahinassa sannojanassa ayatim anuppado hoti tanca pajanati. {143.2} Iti ajjhattam va dhammesu dhammanupassi viharati bahiddha va dhammesu dhammanupassi viharati ajjhattabahiddha va dhammesu dhammanupassi viharati samudayadhammanupassi va dhammesu viharati vayadhammanupassi va dhammesu viharati samudayavayadhammanupassi va dhammesu viharati atthi dhammati va panassa sati paccupatthita hoti yavadeva

--------------------------------------------------------------------------------------------- page115.

Nanamattaya patissatimattaya anissito ca viharati na ca kinci loke upadiyati evampi kho bhikkhave bhikkhu dhammesu dhammanupassi viharati chasu ajjhattikabahiresu ayatanesu. Ayatanapabbam. [144] Puna caparam bhikkhave bhikkhu dhammesu dhammanupassi viharati sattasu bojjhangesu . kathanca bhikkhave bhikkhu dhammesu dhammanupassi viharati sattasu bojjhangesu . idha bhikkhave bhikkhu santam va ajjhattam satisambojjhangam atthi me ajjhattam satisambojjhangoti pajanati asantam va ajjhattam satisambojjhangam natthi me ajjhattam satisambojjhangoti pajanati . yatha ca anuppannassa satisambojjhangassa uppado hoti tanca pajanati yatha ca uppannassa satisambojjhangassa bhavanaparipuri hoti tanca pajanati. {144.1} Santam va ajjhattam dhammavicayasambojjhangam .... Santam va ajjhattam viriyasambojjhangam ... . santam va ajjhattam pitisambojjhangam ... . santam va ajjhattam passaddhisambojjhangam .... Santam va ajjhattam samadhisambojjhangam ... . santam va ajjhattam upekkhasambojjhangam atthi me ajjhattam upekkhasambojjhangoti pajanati asantam va ajjhattam upekkhasambojjhangam natthi me ajjhattam upekkhasambojjhangoti pajanati . yatha ca anuppannassa upekkhasambojjhangassa uppado hoti tanca pajanati yatha ca uppannassa upekkhasambojjhangassa bhavanaparipuri hoti tanca

--------------------------------------------------------------------------------------------- page116.

Pajanati. {144.2} Iti ajjhattam va dhammesu dhammanupassi viharati bahiddha va dhammesu dhammanupassi viharati ajjhattabahiddha va dhammesu dhammanupassi viharati samudayadhammanupassi va dhammesu viharati vayadhammanupassi va dhammesu viharati samudayavayadhammanupassi va dhammesu viharati atthi dhammati va panassa sati paccupatthita hoti yavadeva nanamattaya patissatimattaya anissito ca viharati na ca kinci loke upadiyati evampi kho bhikkhave bhikkhu dhammesu dhammanupassi viharati sattasu bojjhangesu. Bojjhangapabbam. ^1- [145] Puna caparam bhikkhave bhikkhu dhammesu dhammanupassi viharati catusu ariyasaccesu . kathanca bhikkhave bhikkhu dhammesu dhammanupassi viharati catusu ariyasaccesu . idha bhikkhave bhikkhu idam dukkhanti yathabhutam pajanati ayam dukkhasamudayoti yathabhutam pajanati ayam dukkhanirodhoti yathabhutam pajanati ayam dukkhanirodhagamini patipadati yathabhutam pajanati ^2-. {145.1} Iti ajjhattam va dhammesu dhammanupassi viharati bahiddha va dhammesu dhammanupassi viharati ajjhattabahiddha va dhammesu dhammanupassi viharati samudayadhammanupassi va dhammesu viharati vayadhammanupassi va dhammesu viharati samudayavayadhammanupassi va dhammesu viharati atthi dhammati va @Footnote: ¹ pathantare puna pathamabhanavaroti dissamti. ² pathantare iti ajjhattam va .pe. @pathamabhanavaroti imani na dissanti.

--------------------------------------------------------------------------------------------- page117.

Panassa sati paccupatthita hoti yavadeva nanamattaya patissatimattaya anissito ca viharati na ca kinci loke upadiyati evam kho bhikkhave bhikkhu dhammesu dhammanupassi viharati catusu ariyasaccesu ^1- . saccapabbam . Pathamabhanavaro. [146] ^2- Katamanca bhikkhave dukkham ariyasaccam . jatipi dukkha jarapi dukkha maranampi dukkham sokaparidevadukkhadomanassupayasapi dukkha appiyehi sampayogo dukkho piyehi vippayogo dukkho yampiccham na labhati tampi dukkham sankhittena pancupadanakkhandha dukkha. {146.1} Katama ca bhikkhave jati . ya tesam tesam sattanam tamhi tamhi sattanikaye jati sanjati okkanti nibbatti abhinibbatti khandhanam patubhavo ayatananam patilabho ayam vuccati bhikkhave jati. {146.2} Katama ca bhikkhave jara. Ya tesam tesam sattanam tamhi tamhi sattanikaye jara jiranata khandiccam paliccam valittacata ayuno samhani indriyanam paripako ayam vuccati bhikkhave jara. {146.3} Katamanca bhikkhave maranam . ya tesam tesam sattanam tamha tamha sattanikaya cuti cavanata bhedo antaradhanam maccu maranam kalakiriya khandhanam bhedo kalevarassa nikkhepo jivitindriyassa upacchedo idam vuccati bhikkhave maranam. {146.4} Katamo ca bhikkhave soko . yo kho bhikkhave annatarannatarena byasanena samannagatassa @Footnote: ¹ Si. Yu. ettakamidam. ² Po. Ma. vittharapatho.

--------------------------------------------------------------------------------------------- page118.

Annatarannatarena dukkhadhammena phutthassa soko socana socitattam antosoko antoparisoko ayam vuccati bhikkhave soko. {146.5} Katamo ca bhikkhave paridevo . yo kho bhikkhave annatarannatarena byasanena samannagatassa annatarannatarena dukkhadhammena phutthassa adevo paridevo adevana paridevana adevitattam paridevitattam ayam vuccati bhikkhave paridevo. {146.6} Katamanca bhikkhave dukkham . yam kho bhikkhave kayikam dukkham kayikam asatam kayasamphassajam dukkham asatam vedayitam idam vuccati bhikkhave dukkham. {146.7} Katamanca bhikkhave domanassam . yam kho bhikkhave cetasikam dukkham cetasikam asatam cetosamphassajam ^1- dukkham asatam vedayitam idam vuccati bhikkhave domanassam. {146.8} Katamo ca bhikkhave upayaso . yo kho bhikkhave annatarannatarena byasanena samannagatassa annatarannatarena dukkhadhammena phutthassa ayaso upayaso ayasitattam upayasitattam ayam vuccati bhikkhave upayaso. {146.9} Katamo ca bhikkhave appiyehi sampayogo dukkho . Idha bhikkhave yassa te honti anittha akanta amanapa rupa sadda gandha rasa photthabba ^[2]- ye va panassa te honti anatthakama ahitakama aphasukama ayogakkhemakama ya tehi sangati samagamo samodhanam missibhavo ayam vuccati bhikkhave appiyehi sampayogo dukkho. {146.10} Katamo ca bhikkhave piyehi vippayogo dukkho. Idha bhikkhave yassa te honti ittha kanta manapa rupa sadda @Footnote: ¹ Ma. mano ... ² Ma. dhamma.

--------------------------------------------------------------------------------------------- page119.

Gandha rasa photthabba ^[1]- ye va panassa te honti atthakama hitakama phasukama yogakkhemakama mata va pita va bhata va bhagini va mitta va amacca va natisalohita va ya tehi asangati asamagamo asamodhanam amissibhavo ayam vuccati bhikkhave piyehi vippayogo dukkho. {146.11} Katamanca bhikkhave yampiccham na labhati tampi dukkham . Jatidhammanam bhikkhave sattanam evam iccha uppajjati aho vata mayam na jatidhamma assama na ca vata no jati agaccheyyati na kho panetam icchaya pattabbam idampi yampiccham na labhati tampi dukkham . Jaradhammanam bhikkhave sattanam .... Byadhidhammanam bhikkhave sattanam ... . Maranadhammanam bhikkhave sattanam ... . sokaparidevadukkhadomanassupayasadhammanam bhikkhave sattanam evam iccha uppajjati aho vata mayam na sokaparidevadukkha- domanassupayasadhamma assama na ca vata no sokaparidevadukkha- domanassupayasa agaccheyyunti na kho panetam icchaya pattabbam idampi yampiccham na labhati tampi dukkham. {146.12} Katame ca bhikkhave sankhittena pancupadanakkhandha dukkha seyyathidam rupupadanakkhandho vedanupadanakkhandho sannupadanakkhandho sankharupadanakkhandho vinnanupadanakkhandho ime vuccanti bhikkhave sankhittena pancupadanakkhandha dukkha . idam vuccati bhikkhave dukkham ariyasaccam. [147] Katamanca bhikkhave dukkhasamudayo ^2- ariyasaccam . yayam @Footnote: ¹ Ma. dhamma . ² Ma. dukkhasamudayam.

--------------------------------------------------------------------------------------------- page120.

Tanha ponobbhavika nandiragasahagata tatratatrabhinandini seyyathidam kamatanha bhavatanha vibhavatanha. {147.1} Sa kho panesa bhikkhave tanha kattha uppajjamana uppajjati kattha nivisamana nivisati . Yam loke piyarupam satarupam etthesa tanha uppajjamana uppajjati ettha nivisamana nivisati. {147.2} Kinca loke piyarupam satarupam. Cakkhum loke piyarupam satarupam etthesa tanha uppajjamana uppajjati ettha nivisamana nivisati. Sotam ghanam jivha kayo mano loke piyarupam satarupam etthesa tanha uppajjamana uppajjati ettha nivisamana nivisati. {147.3} Rupa sadda gandha rasa photthabba dhamma loke piyarupam satarupam etthesa tanha uppajjamana uppajjati ettha nivisamana nivisati. {147.4} Cakkhuvinnanam sotavinnanam ghanavinnanam jivhavinnanam kayavinnanam manovinnanam loke piyarupam satarupam etthesa tanha uppajjamana uppajjati ettha nivisamana nivisati. {147.5} Cakkhusamphasso sotasamphasso ghanasamphasso jivhasamphasso kayasamphasso manosamphasso loke piyarupam satarupam etthesa tanha uppajjamana uppajjati ettha nivisamana nivisati. {147.6} Cakkhusamphassaja vedana sotasamphassaja vedana ghanasamphassaja vedana jivhasamphassaja vedana kayasamphassaja vedana manosamphassaja vedana loke piyarupam satarupam etthesa tanha uppajjamana uppajjati ettha nivisamana nivisati.

--------------------------------------------------------------------------------------------- page121.

{147.7} Rupasanna saddasanna gandhasanna rasasanna photthabbasanna dhammasanna loke piyarupam satarupam etthesa tanha uppajjamana uppajjati ettha nivisamana nivisati. {147.8} Rupasancetana saddasancetana gandhasancetana rasasancetana photthabbasancetana dhammasancetana loke piyarupam satarupam etthesa tanha uppajjamana uppajjati ettha nivisamana nivisati. {147.9} Rupatanha saddatanha gandhatanha rasatanha photthabbatanha dhammatanha loke piyarupam satarupam etthesa tanha uppajjamana uppajjati ettha nivisamana nivisati. {147.10} Rupavitakko saddavitakko gandhavitakko rasavitakko photthabbavitakko dhammavitakko loke piyarupam satarupam etthesa tanha uppajjamana uppajjati ettha nivisamana nivisati. {147.11} Rupavicaro saddavicaro gandhavicaro rasavicaro photthabbavicaro dhammavicaro loke piyarupam satarupam etthesa tanha uppajjamana uppajjati ettha nivisamana nivisati . Idam vuccati bhikkhave dukkhasamudayo ariyasaccam. [148] Katamanca bhikkhave dukkhanirodho ariyasaccam. Yo tassayeva tanhaya asesaviraganirodho cago patinissaggo mutti analayo. {148.1} Sa kho panesa bhikkhave tanha kattha pahiyyamana pahiyyati kattha nirujjhamana nirujjhati . yam loke piyarupam satarupam etthesa tanha pahiyyamana pahiyyati ettha nirujjhamana nirujjhati. {148.2} Kinci loke piyarupam satarupam. Cakkhum loke piyarupam satarupam

--------------------------------------------------------------------------------------------- page122.

Etthesa tanha pahiyyamana pahiyyati ettha nirujjhamana nirujjhati . sotam ghanam jivha kayo mano loke piyarupam satarupam etthesa tanha pahiyyamana pahiyyati ettha nirujjhamana nirujjhati. {148.3} Rupa sadda gandha rasa photthabba dhamma loke piyarupam satarupam etthesa tanha pahiyyamana pahiyyati ettha nirujjhamana nirujjhati. {148.4} Cakkhuvinnanam sotavinnanam ghanavinnanam jivhavinnanam kayavinnanam manovinnanam loke piyarupam satarupam etthesa tanha pahiyyamana pahiyyati ettha nirujjhamana nirujjhati. {148.5} Cakkhusamphasso sotasamphasso ghanasamphasso jivhasamphasso kayasamphasso manosamphasso loke piyarupam satarupam etthesa tanha pahiyyamana pahiyyati ettha nirujjhamana nirujjhati. {148.6} Cakkhusamphassaja vedana sotasamphassaja vedana ghanasamphassaja vedana jivhasamphassaja vedana kayasamphassaja vedana manosamphassaja vedana loke piyarupam satarupam etthesa tanha pahiyyamana pahiyyati ettha nirujjhamana nirujjhati. {148.7} Rupasanna saddasanna gandhasanna rasasanna photthabbasanna dhammasanna loke piyarupam satarupam etthesa tanha pahiyyamana pahiyyati ettha nirujjhamana nirujjhati. {148.8} Rupasancetana saddasancetana gandhasancetana rasasancetana photthabbasancetana dhammasancetana loke piyarupam satarupam etthesa tanha pahiyyamana pahiyyati

--------------------------------------------------------------------------------------------- page123.

Ettha nirujjhamana nirujjhati. {148.9} Rupatanha saddatanha gandhatanha rasatanha photthabbatanha dhammatanha loke piyarupam satarupam etthesa tanha pahiyyamana pahiyyati ettha nirujjhamana nirujjhati. {148.10} Rupavitakko saddavitakko gandhavitakko rasavitakko photthabbavitakko dhammavitakko loke piyarupam satarupam etthesa tanha pahiyyamana pahiyyati ettha nirujjhamana nirujjhati. {148.11} Rupavicaro saddavicaro gandhavicaro rasavicaro photthabbavicaro dhammavicaro loke piyarupam satarupam etthesa tanha pahiyyamana pahiyyati ettha nirujjhamana nirujjhati . Idam vuccati bhikkhave dukkhanirodho ariyasaccam. [149] Katamanca bhikkhave dukkhanirodhagamini patipada ariyasaccam. Ayameva ariyo atthangiko maggo seyyathidam sammaditthi sammasankappo sammavaca sammakammanto sammaajivo sammavayamo sammasati sammasamadhi. {149.1} Katama ca bhikkhave sammaditthi. Yam kho bhikkhave dukkhe nanam dukkhasamudaye nanam dukkhanirodhe nanam dukkhanirodhagaminiya patipadaya nanam ayam vuccati bhikkhave sammaditthi. {149.2} Katamo ca bhikkhave sammasankappo. Nekkhammasankappo abyapadasankappo avihimsasankappo ayam vuccati bhikkhave sammasankappo. {149.3} Katama ca bhikkhave sammavaca . Musavada veramani pisunaya vacaya veramani pharusaya vacaya veramani samphappalapa

--------------------------------------------------------------------------------------------- page124.

Veramani ayam vuccati bhikkhave sammavaca. {149.4} Katamo ca bhikkhave sammakammanto . panatipata veramani adinnadana veramani kamesumicchacara veramani ayam vuccati bhikkhave sammakammanto. {149.5} Katamo ca bhikkhave sammaajivo . idha bhikkhave ariyasavako micchaajivam pahaya sammaajivena jivikam kappeti ayam vuccati bhikkhave sammaajivo. {149.6} Katamo ca bhikkhave sammavayamo. Idha bhikkhave bhikkhu anuppannanam papakanam akusalanam dhammanam anuppadaya chandam janeti vayamati viriyam arabhati cittam pagganhati padahati uppannanam papakanam akusalanam dhammanam pahanaya chandam janeti vayamati viriyam arabhati cittam pagganhati padahati anuppannanam kusalanam dhammanam uppadaya chandam janeti vayamati viriyam arabhati cittam pagganhati padahati uppannanam kusalanam dhammanam thitiya asammosaya bhiyyobhavaya vepullaya bhavanaya paripuriya chandam janeti vayamati viriyam arabhati cittam pagganhati padahati ayam vuccati bhikkhave sammavayamo. {149.7} Katama ca bhikkhave sammasati. Idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam . vedanasu vedananupassi viharati atapi sampajano satima vineyya loke abhijjhadomanassam . citte cittanupassi viharati atapi sampajano satima vineyya loke abhijjhadomanassam . dhammesu dhammanupassi viharati atapi

--------------------------------------------------------------------------------------------- page125.

Sampajano satima vineyya loke abhijjhadomanassam ayam vuccati bhikkhave sammasati. {149.8} Katamo ca bhikkhave sammasamadhi . idha bhikkhave bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati pitiya ca viraga upekkhako ca viharati sato ca sampajano sukhanca kayena patisamvedeti yantam ariya acikkhanti upekkhako satima sukhavihariti tatiyam jhanam upasampajja viharati sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja viharati ayam vuccati bhikkhave sammasamadhi . idam vuccati bhikkhave dukkhanirodhagamini patipada ariyasaccam. [150] Iti ajjhattam va dhammesu dhammanupassi viharati bahiddha va dhammesu dhammanupassi viharati ajjhattabahiddha va dhammesu dhammanupassi viharati samudayadhammanupassi va dhammesu viharati vayadhammanupassi va dhammesu viharati samudayavayadhammanupassi va dhammesu viharati atthi dhammati va panassa sati paccupatthita hoti yavadeva nanamattaya patissatimattaya anissito ca viharati na ca kinci loke upadiyati evampi kho bhikkhave bhikkhu

--------------------------------------------------------------------------------------------- page126.

Dhammesu dhammanupassi viharati catusu ariyasaccesu. ^1- [151] Yo hi koci bhikkhave ime cattaro satipatthane evam bhaveyya satta vassani tassa dvinnam phalanam annataram phalam patikankham dittheva dhamme anna sati va upadisese anagamita titthantu bhikkhave satta vassani . yo hi koci bhikkhave ime cattaro satipatthane evam bhaveyya cha vassani panca vassani cattari vassani tini vassani dve vassani ekam vassam ... Titthatu bhikkhave ekam vassam . yo hi koci bhikkhave ime cattaro satipatthane evam bhaveyya satta masani tassa dvinnam phalanam annataram phalam patikankham dittheva dhamme anna sati va upadisese anagamita titthantu bhikkhave satta masani . yo hi koci bhikkhave ime cattaro satipatthane evam bhaveyya cha masani panca masani cattari masani tini masani dve masani ^[2]- masam addhamasam ... titthatu bhikkhave addhamaso . yo hi koci bhikkhave ime cattaro satipatthane evam bhaveyya sattaham tassa dvinnam phalanam annataram phalam patikankham dittheva dhamme anna sati va upadisese anagamita. [152] Ekayano ayam bhikkhave maggo sattanam visuddhiya sokaparidevanam samatikkamaya dukkhadomanassanam atthangamaya nayassa @Footnote: ¹ pathantare puna saccapabbam. dhammanupassanasatipatthananti dissanti. @² Po. Ma. ekam.

--------------------------------------------------------------------------------------------- page127.

Adhigamaya nibbanassa sacchikiriyaya yadidam cattaro satipatthanati . Iti yantam vuttam idametam paticca vuttanti. Idamavoca bhagava attamana te bhikkhu bhagavato bhasitam abhinandunti. Satipatthanasuttam nitthitam dasamam. Mulapariyayavaggo pathamo. Tassuddanam ajaram amaram amatadhigamam phalamagganidassanam dukkhanudam sahitatthamaharahassakaram bahupitiharam vividham sunatha talakava supuritam ghammapathe tividhaggisilesitanibbanam byadhipanodanaopadayo majjhimasuttavara thapita madhumaddavamandarasa amaranam khiddaratijanani manusangham tam suttabyakarananca thapita sakyaputtanmabhiramatta tipannasavaram diyaddhasatam dve ca veyyakaranam apare ca te asame pathavaggavagge anupubbena ekamana nisametha mudaggam ^1- mulaasavadhammadayada- bheravananganakankhasuttam vatthasallekhaditthisati pathavaggavaro so samatto. @Footnote: ¹ Si. subhavayavadayacapubbagamo aganiganaanganasabbhayano piyakaravapandarasallikhino @ tathaditthisatiasamo pathamo bruvarovaravaggoti patho dissati.