ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 1 : PALI ROMAN Vinaya Pitaka Vol 1 : Vinaya. Mahāvi (1)
                    Catutthaparajikakandam
     [227]  Tena  samayena  buddho  bhagava  vesaliyam  viharati mahavane
kutagarasalayam   .   tena   kho   pana   samayena  sambahula  sandittha
sambhatta   bhikkhu   vaggumudaya   nadiya  tire  vassam  upagacchimsu  .  tena
kho   pana   samayena   vajji   dubbhikkha   hoti   dvihitika   setatthika
salakavutta   na  sukara  unchena  paggahena  yapetum  .  athakho  tesam
bhikkhunam   etadahosi  etarahi  kho  vajji  dubbhikkha  dvihitika  setatthika
salakavutta   na   sukara   unchena  paggahena  yapetum  kena  nu  kho
mayam   upayena   samagga   sammodamana   avivadamana   phasukam   vassam
vaseyyama na ca pindakena kilameyyamati.
     {227.1}  Ekacce  evamahamsu  handa  mayam  avuso gihinam kammantam
adhitthema   evante   amhakam   datum   mannissanti  evam  mayam  samagga
sammodamana   avivadamana   phasukam   vassam  vasissama  na  ca  pindakena
kilamissamati  .  ekacce  evamahamsu  alam  avuso  kim  gihinam  kammantam
adhitthitena  handa  mayam  avuso  gihinam  duteyyam  harama  evante amhakam
datum  mannissanti  evam  mayam  samagga  sammodamana  avivadamana  phasukam
vassam  vasissama  na  ca  pindakena kilamissamati. Ekacce evamahamsu alam
avuso  kim  gihinam  kammantam  adhitthitena  kim  gihinam duteyyam hatena 1- handa
@Footnote: 1 haranenatipi patho.
Mayam     avuso    gihinam    annamannassa    uttarimanussadhammassa    vannam
bhasissama   asuko   bhikkhu   pathamassa   jhanassa   labhi   asuko   bhikkhu
dutiyassa    jhanassa   labhi   asuko   bhikkhu   tatiyassa   jhanassa   labhi
asuko   bhikkhu   catutthassa   jhanassa   labhi   asuko  bhikkhu  sotapanno
asuko   bhikkhu   sakadagami   asuko   bhikkhu   anagami   asuko   bhikkhu
araha   asuko   bhikkhu   tevijjo   asuko  bhikkhu  chalabhinnoti  evante
amhakam    datum    mannissanti    evam   mayam   samagga   sammodamana
avivadamana  phasukam  vassam  vasissama  na  ca  pindakena  kilamissamati .
Esoyeva   kho   avuso   seyyo   yo  amhakam  gihinam  annamannassa
uttarimanussadhammassa vanno bhasitoti.
     {227.2}  Athakho  te  bhikkhu  gihinam annamannassa uttarimanussadhammassa
vannam  bhasimsu  asuko  bhikkhu  pathamassa  jhanassa  labhi  .pe.  asuko bhikkhu
catutthassa  jhanassa  labhi  asuko  bhikkhu  sotapanno  .pe.  asuko bhikkhu
chalabhinnoti  .  athakho  te  manussa  labha  vata no suladdham vata no yesam
no  evarupa  bhikkhu  vassam  upagata  na  vata  no  ito pubbe evarupa
bhikkhu   vassam   upagata   yathayime   bhikkhu   silavanto  kalyanadhammati .
Te  1-  na  2-  tadisani  bhojanani  attana  bhunjanti  na  matapitunam
denti   na   puttadarassa   denti   na  dasakammakaraporisassa  denti  na
mittamaccanam    denti    na    natisalohitanam    denti    yadisani
@Footnote: 1-2 Yu. Ma. potthakesu ayam patho sabbattha varesu agato.
Bhikkhunam    denti   na   tadisani   khadaniyani   attana   khadanti   na
matapitunam   denti   .pe.   na   natisalohitanam   denti   yadisani
bhikkhunam   denti   na   1-   tadisani  sayaniyani  attana  sayanti  na
matapitunam   denti   .pe.   na   natisalohitanam   denti   yadisani
bhikkhunam  denti  na  2-  tadisani  panani  attana  pivanti na matapitunam
denti     na     puttadarassa     denti    na    dasakammakaraporisassa
denti    na    mittamaccanam    denti   na   natisalohitanam   denti
yadisani   bhikkhunam   denti   .   athakho  te  bhikkhu  vannavanto  ahesum
pinindriya pasannamukhavanna vippasannacchavivanna.
     {227.3}   Acinnam  kho  panetam  vassam  vutthanam  bhikkhunam  bhagavantam
dassanaya  upasankamitum  .  athakho  te  bhikkhu  vassam  vuttha temasaccayena
senasanam   samsametva   pattacivaramadaya  yena  vesali  tena  pakkamimsu
anupubbena  carikam  3-  caramana  4-  yena  vesali yena mahavanam yena
kutagarasala   yena   bhagava   tenupasankamimsu   upasankamitva   bhagavantam
abhivadetva ekamantam nisidimsu.
     [228]  Tena  kho  pana  samayena  disasu  vassam  vuttha bhikkhu kisa
honti    lukha   dubbanna   uppanduppandukajata   dhamanisanthatagatta  .
Vaggumudatiriya  pana  bhikkhu  vannavanto  honti  pinindriya  pasannamukhavanna
@Footnote: 1-2 ayampana ekekasmim vare ekekoyeva pakato. 3-4 tisupi
@potthakesu idam pathadvayam na pannayati.
Vippasannacchavivanna     .     acinnam     kho     panetam     buddhanam
bhagavantanam    agantukehi    bhikkhuhi   saddhim   patisammoditum   .   athakho
bhagava    vaggumudatiriye   bhikkhu   etadavoca   kacci   bhikkhave   khamaniyam
kacci   yapaniyam   kacci   samagga   sammodamana   avivadamana   phasukam
vassam   vasittha   na   ca   pindakena   kilamitthati   .   khamaniyam   bhagava
yapaniyam   bhagava   samagga   ca  mayam  bhante  sammodamana  avivadamana
phasukam   vassam   vasimha   na   ca  pindakena  kilamimhati  .  janantapi
tathagata   pucchanti   janantapi   na   pucchanti  kalam  viditva  pucchanti
kalam   viditva   na   pucchanti   atthasanhitam   tathagata   pucchanti   no
anatthasanhitam   anatthasanhite   setughato   tathagatanam   .  dvihakarehi
buddha    bhagavanto    bhikkhu    patipucchanti    dhammam    va   desissama
savakanam    va    sikkhapadam   pannapessamati   .   athakho   bhagava
vaggumudatiriye   bhikkhu   etadavoca   yatha   katham   pana  tumhe  bhikkhave
samagga   sammodamana   avivadamana   phasukam   vassam   vasittha   na  ca
pindakena   kilamitthati   .   athakho   te   bhikkhu   bhagavato   etamattham
arocesum. Kacci pana vo bhikkhave bhutanti. Abhutam bhagavati.
     [229]  Vigarahi  buddho  bhagava  ananucchavikam  moghapurisa  ananulomikam
appatirupam    assamanakam   akappiyam   akaraniyam   katham   hi   nama   tumhe
moghapurisa     udarassa     karana    gihinam    annamannassa    uttari-
manussadhammassa   vannam   bhasissatha   varam   tumhehi   moghapurisa  tinhena
Govikantanena   1-   kucchiparikanto   na  tveva  udarassa  karana  gihinam
annamannassa     uttarimanussadhammassa    vanno    bhasito    tam    kissa
hetu   tatonidanam   hi   moghapurisa   maranam   va  nigaccheyya  maranamattam
va   dukkham   na   tveva   tappaccaya   kayassa   bheda   param  marana
apayam    duggatim    vanipatam   nirayam   upapajjeyya   itonidananca   kho
moghapurisa   kayassa   bheda   param   marana   apayam   duggatim  vinipatam
nirayam   upapajjeyya   netam   moghapurisa   appasannanam   va   pasadaya
pasannanam   va   bhiyyobhavaya   .pe.   vigarahitva  dhammim  katham  katva
bhikkhu amantesi.
     [230]  Pancime  bhikkhave  mahacora  santo  samvijjamana  lokasmim.
Katame   panca   .   idha  bhikkhave  ekaccassa  mahacorassa  evam  hoti
kudassu  namaham  satena  va  sahassena  va  parivuto gamanigamarajadhanisu
ahindissami   hananto   ghatento   chindanto   chedapento  pacanto
pacapentoti  .  so  aparena  samayena  satena va sahassena va parivuto
gamanigamarajadhanisu     ahindati     hananto    ghatento    chindanto
chedapento  pacanto  pacapento  .  evameva kho bhikkhave idhekaccassa
papabhikkhuno   evam   hoti   kudassu   namaham   satena  va  sahassena
va   parivuto   gamanigamarajadhanisu   carikam  carissami  sakkato  garukato
manito    pujito    apacito    gahatthananceva    pabbajitananca   labhi
@Footnote: 1 Yu. Ma. govikattanena.
Civarapindapatasenasanagilanapaccayabhesajjaparikkharananti       .       so
aparena  samayena  satena  va  sahassena  va  parivuto gamanigamarajadhanisu
carikam  carati  sakkato  garukato  manito  pujito  apacito  gahatthananceva
pabbajitananca       labhi       civarapindapatasenasanagilanapaccayabhesajja-
parikkharanam   .  ayam  bhikkhave  pathamo  mahacoro  santo  samvijjamano
lokasmim.
     {230.1}  Puna  caparam  bhikkhave idhekacco papabhikkhu tathagatappaveditam
dhammavinayam   pariyapunitva   attano  hadati  1-  .  ayam  bhikkhave  dutiyo
mahacoro santo samvijjamano lokasmim.
     {230.2}  Puna  caparam bhikkhave idhekacco papabhikkhu suddham brahmacarim
parisuddham  brahmacariyam  carantam  amulakena  abrahmacariyena  anuddhamseti . Ayam
bhikkhave tatiyo  mahacoro santo samvijjamano lokasmim.
     {230.3}  Puna caparam bhikkhave idhekacco papabhikkhu yani tani sanghassa
garubhandani   garuparikkharani   seyyathidam   aramo  aramavatthu  viharo
viharavatthu   manco   pitham   bhisi   bimbohanam   lohakumbhi  lohabhanakam  2-
lohavarako   lohakataham   vasi  pharasu  kuthari  kuddalo  nikhadanam  valli
velu   munjam   pabbajam   tinam  mattika  darubhandam  mattikabhandam  tehi  gihi
sanganhati   upalapeti   .   ayam  bhikkhave  catuttho  mahacoro  santo
samvijjamano lokasmim.
     {230.4} Sadevake bhikkhave loke samarake sabrahmake sassamanabrahmaniya
pajaya sadevamanussaya ayam aggo mahacoro yo asantam abhutam uttarimanussadhammam
@Footnote: 1 Yu. Ma. harati. 2 Yu. Ma. lohabhanako.
Ullapati    tam    kissa   hetu   theyyaya   vo   bhikkhave   ratthapindo
bhuttoti.
                 Annatha santamattanam          annatha yo pavedaye
                 nikacca kitavasseva                  bhuttam theyyena tassa tam.
                 Kasavakantha bahavo             papadhamma asannata
                 papa papehi kammehi           nirayante upapajjare.
                 Seyyo ayogulo bhutto        tatto aggisikhupamo
                 yance bhunjeyya dussilo       ratthapindam asannatoti.



             The Pali Tipitaka in Roman Character Volume 1 page 165-171. http://84000.org/tipitaka/pitaka_item/roman_item_s.php?book=1&item=227&items=4&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=1&item=227&items=4&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=1&item=227&items=4&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=1&item=227&items=4&modeTY=2              Study Atthakatha :- http://84000.org/tipitaka/attha/attha.php?b=1&i=227              The Pali Atthakatha in Thai :- http://84000.org/tipitaka/atthapali/read_th.php?B=1&A=12322              The Pali Atthakatha in Roman :- http://84000.org/tipitaka/atthapali/read_rm.php?B=1&A=12322              Contents of The Tipitaka Volume 1 http://84000.org/tipitaka/read/?index_1

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :