บาลีอรรถกถาเล่มที่ ๙

หน้าที่ ๑๓๗.

อิมสฺส วา ปูติกายสฺส เกลายนา ปณฺฑนาติ เอวํ วุตฺเตน จ ตรุณทารกจาปเลฺยน ^๑- สมนฺนาคโต. ปญฺวตา ภวิตพฺพนฺติ จีวรกมฺมาทีสุ อิติ กตฺตพฺเพสุ อุปายปญฺาย สมนฺนาคเตน ภวิตพฺพนฺติ. อภิธมฺเม อภิวินเยติ อภิธมฺมปิฏเก เจว วินยปิฏเก จ ปาลิวเสน เจว อฏฺกถาวเสน จ โยโค กรณีโย. สพฺพนฺติเมน หิ ปริจฺเฉเทน อภิธมฺเม ทุกติกมาติกาหิ สทฺธึ ธมฺมหทยวิภงฺคํ วินา น วฏฺฏติ. วินเย ปน กมฺมากมฺมวินิจฺฉเยน สทฺธึ สุวินิจฺฉิตานิ เทฺว ปาติโมกฺขานิ วินา น วฏฺฏติ. อารุปฺปาติ เอตฺตาวตา อฏฺปิ สมาปตฺติโย วุตฺตา โหนฺติ. ตา ปน สพฺเพน สพฺพํ อสกฺโกนฺเตน สตฺตสุปิ โยโค กรณีโย, ฉสุปิ ฯเปฯ ปญฺจสุปิ. สพฺพนฺติเมน ปริจฺเฉเทน เอกํ กสิณปริกมฺมกมฺมฏฺานํ ปคุณํ กตฺวา อาทาย วิจริตพฺพํ, เอตฺตกํ วินา น วฏฺฏติ. อุตฺตริมนุสฺสธมฺเมติ อิมินา สพฺเพปิ โลกุตฺตรธมฺเม ทสฺเสติ. ตสฺมา อรหนฺเตน หุตฺวา วิหาตพฺพํ, อรหตฺตํ อนภิสมฺภุณนฺเตน อนาคามิผเล สกทาคามิผเล โสตาปตฺติผเล วา ปติฏฺาตพฺพํ. สพฺพนฺติเมน ปริยาเยน เอกวิปสฺสนาสุขํ ยาว อรหตฺตา ปคุณํ กตฺวา อาทาย วิจริตพฺพํ. เสสํ สพฺพตฺถ อุตฺตานเมว. อิมํ ปน เทสนํ อายสฺมา สาริปุตฺโต เนยฺยปุคฺคลสฺส วเสน อาภิสมาจาริกวตฺตโต ปฏฺาย อนุปุพฺเพน อรหตฺตํ ปาเปตฺวา นิฏฺาเปสีติ. ปปญฺจสูทนิยา มชฺฌิมนิกายฏฺกถาย โคลิสฺสานิสุตฺตวณฺณนา นิฏฺิตา. นวมํ. -------------- @เชิงอรรถ: ^๑ ฉ.ม. ตรุณทารกาวจาปเลฺยน

อรรถกถาภาษาบาลีอักษรไทย เล่มที่ ๙ หน้า ๑๓๗. http://84000.org/tipitaka/pitaka_item/read_th.php?B=9&A=3442&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=9&A=3442&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=13&i=203 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=3865 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=4373 The Pali Tipitaka in Roman Character :- http://84000.org/tipitaka/read/roman_read.php?B=13&A=4373 สารบัญพระไตรปิฎกเล่มที่ ๑๓ http://84000.org/tipitaka/read/?index_13