อรรถกถาเล่มที่ ๕ ภาษาบาลีอักษรไทย
 ที.อ. (สุมงฺคล.๒)

หน้าที่ ๑๐๒.
เอวํ วิญฺาณมฺปิ ๑- วทติ วิย  "ตฺวํ ปฏิสนฺธิวิญฺาณนฺติ เกน กตํ, นนุ
อเมฺหหิ กตํ, สเจ หิ ตฺวํ ตโย ขนฺเธ หทยวตฺถุญฺจ อนิสฺสาย ปฏิสนฺธิวิญฺาณํ
นาม ภเวยฺยาสิ, ปสฺเสยฺยาม เต ปฏิสนฺธิวิญฺาณภาวนฺ"ติ. ตญฺจ ปเนตํ นามรูปํ
วิญฺาณสฺส พหุธา  ปจฺจโย โหติ.
      เอตฺตาวตา โขติ วิญฺาเณ นามรูปสฺส ปจฺจเย โหนฺเต, นามรูเป
วิญฺาณสฺส ปจฺจเย โหนฺเต, ทฺวีสุ อญฺมญฺปจฺจยวเสน ปวตฺเตสุ เอตฺตเกน
ชาเยถ วา ฯเปฯ อุปปชฺเชถ ๒- วา, ชาติอาทโย ปญฺเยยฺยุํ อปราปรํ วา
จุติปฏิสนฺธิโยติ.
      อธิวจนปโถติ "สิริวฑฺฒโก ธนวฑฺฒโก"ติ อาทิกสฺส อตฺถํ อทิสฺวา
นามวจนมตฺตเมว ๓- อธิกิจฺจ ปวตฺตสฺส โวหารสฺส ปโถ. นิรุตฺติปโถติ สรตีติ
สโต, สมฺปชานาตีติ สมฺปชาโนติ อาทิกสฺส การณาปเทสวเสน ปวตฺตสฺส
โวหารสฺส ปโถ. ปญฺตฺติปโถติ "ปณฺฑิโต พฺยตฺโต เมธาวี นิปุโณ
กตปรปฺปวาโท"ติ อาทิกสฺส นานปฺปการโต วิญฺาปนวเสน ๔- ปวตฺตสฺส
โวหารสฺส ปโถ. อิติ ตีหิ ปเทหิ ๕- อธิวจนาทีนํ วตฺถุภูตา ขนฺธาปิ ๖- กถิตา.
ปญฺาวจรนฺติ ปญฺาย อวจริตพฺพํ ชานิตพฺพํ. วฏฺฏํ วตฺตตีติ ๗- สํสารวฏฺฏํ
วตฺตติ, ๗- อิตฺถตฺตนฺติ อิตฺถภาโว, ๘- ขนฺธปญฺจกสฺเสตํ นามํ. ปญฺาปนายาติ
นามปญฺตฺตตฺถาย. "เวทนา สญฺา"ติ อาทินา นามปญฺตฺตตฺถาย, ขนฺธปญฺจกํปิ
เอตฺตาวตา ปญฺายตีติ อตฺโถ. ยทิทํ นามรูปํ สห วิญฺาเณนาติ ยํ อิทํ
นามรูปํ สห วิญฺาเณน อญฺมญฺปจฺจยตาย ปวตฺตติ, เอตฺตาวตาติ วุตฺตํ
โหติ. อิทํ เหตฺถ นิยฺยาตวจนํ ๙-.
                          อตฺตปญฺตฺติวณฺณนา
      [๑๑๗] อิติ ภควา "คมฺภีโร จายํ อานนฺท ปฏิจฺจสมุปฺปาโท
คมฺภีราวภาโส จา"ติ ปทสฺส อนุสนฺธึ ทสฺเสตฺวา อิทานิ "ตนฺตากุลกชาตา"ติ
@เชิงอรรถ: ๑ ฉ.ม.อิ. ปิสทฺโท น ทิสฺสติ  ๒ อิ. อุปฺปชฺเชยฺยาถ  ๓ ฉ.ม. วจนมตฺตเมว
@๔ ฉ.ม.,อิ. าปนวเสน  ๕ อิ. ตีหิปิ อิเมหิ.  ๖ ฉ.ม. ขนฺธาว  ๗ ก. วฏฺฏตีติ...
@  วฏฺฏติ  ๘ ฉ.ม.,อิ. อิตฺถํภาโว  ๙ ฉ.ม. นิยฺยาติตวจนํ, อิ. นิยฺยาตนวจนํ
---------------------------------------------------------------------------------------------
หน้าที่ ๑๐๓.
ปทสฺส อนุสนฺธึ ทสฺเสนฺโต "กิตฺตาวตา จา"ติ อาทิกํ เทสนํ อารภิ. ตตฺถ
รูปึ วา หิ อานนฺท ปริตฺตํ อตฺตานนฺติ อาทีสุ โย อวฑฺฒิตํ กสิณนิมิตฺตํ
อตฺตาติ คณฺหาติ, โส รูปึ ปริตฺตํ ปญฺเปติ. ๑- โย ปน นานากสิณลาภี โหติ,
โส ตํ กทาจิ นีโล, กทาจิ ปีตโกติ ปญฺเปติ. โย วฑฺฒิตํ กสิณนิมิตฺตํ
อตฺตาติ คณฺหาติ, โส รูปึ ๒- อนนฺตํ ปญฺเปติ. โย วา ปน อวฑฺฒิตกสิณนิมิตฺตํ
อุคฺฆาเตตฺวา นิมิตฺตผุฏฺโกาสํ วา ตตฺถ ปวตฺเต จตฺตาโร ขนฺเธ วา เตสุ
วิญฺาณมตฺตเมว วา อตฺตาติ คณฺหาติ, โส อรูปึ ปริตฺตํ ปญฺเปติ. โย
วฑฺฒิตกสิณนิมิตฺตํ ๓- อุคฺฆาเตตฺวา นิมิตฺตผุฏฺโกาสํ วา ตตฺถ ปวตฺเต จตฺตาโร
ขนฺเธ วา เตสุ วิญฺาณมตฺตเมว วา อตฺตาติ คณฺหาติ, โส อรูปึ ๔- อนนฺตํ ๕-
ปญฺเปติ.
      [๑๑๘] ตตฺรานนฺทาติ เอตฺถ ตตฺราติ เตสุ จตูสุ ทิฏฺิคติเกสุ.
เอตรหิ วาติ อิทาเนว, น อิโต ปรํ. อุจฺเฉทวเสเนตํ วุตฺตํ. ตถาภาวึ ๖- วาติ
๗- ตถาวาเส โลเก ภาวึ. สสฺสตวเสเนตํ วุตฺตํ. อตถํ วา ปน สนฺตนฺติ อตถสภาวํ
สมานํ วา. ๘- ตถตฺตายาติ ตถภาวาย. อุปกปฺเปสฺสามีติ สมฺปาเทสฺสามิ. อิมินาปิ ๙-
วิวาทํ ทสฺเสติ. อุจฺเฉทวาที หิ "สสฺสตวาทิโน อตฺตานํ อตถํ อนุจฺเฉทสภาวํปิ
สมานํ ตถตฺตาย ๑๐- อุจฺเฉทสภาวาย อุปกปฺเปสฺสามิ, สสฺสตวาทํ จ ชานาเปตฺวา
อุจฺเฉทวาทเมว นํ คาเหสฺสามี"ติ จินฺเตสิ. ๑๑- สสฺสตวาทีปิ "อุจฺเฉทวาทิโน
อตฺตานํ อตถํ อสสฺสตสภาวํปิ สมานํ ตถตฺตาย สสฺสตภาวาย อุปกปฺเปสฺสามิ,
อุจฺเฉทวาทํ จ ชานาเปตฺวา สสฺสตวาทเมว นํ คาเหสฺสามี"ติ ๑๒- จินฺเตสิ.
      เอวํ สนฺตํ โขติ เอวํ สมานํ รูปึ ปริตฺตํ อตฺตานํ ปญฺาปยนฺตนฺติ ๑๓-
อตฺโถ. รูปินฺติ รูปกสิณลาภึ. ปริตฺตตฺตานุทิฏฺิ อนุเสตีติ ปริตฺโต อตฺตาติ อยํ
ทิฏฺิ อนุเสติ, สา ปน น วลฺลิ วิย จ ลตา วิย จ อนุเสติ. อปฺปหีนฏฺเน
@เชิงอรรถ: ๑ อิ. ปญฺาเปติ เอวมุปริปิ.   ๒ ก. รูปินํ   ๓ ฉ.ม.,อิ. วฑฺฒิตํ นิมิตฺตํ.
@๔ ก. อรูปินํ   ๕ อิ. อนตฺตํ.  ๖ ฉ.ม.,อิ. ตตฺถภาวึ   ๗-๗ ฉ.ม.,อิ. ตตฺถ วา
@ ปรโลเก ภาวึ. ๘ ฉ.ม.,อิ. วา สทฺโท น ทิสฺสติ.  ๙ ฉ.ม.,อิ. ปิ สทฺโท น ทิสฺสติ.
@๑๐ ตถตฺถาย เอวมุปริปิ.   ๑๑ ฉ.ม. จินฺเตติ เอวมุปริปิ.
@๑๒ อิ. คาหาเปสฺสามิ.    ๑๓ ปญฺเปนฺตนฺติ, อิ. ปญฺาเปนฺติ เอวมุปริปิ.
---------------------------------------------------------------------------------------------
หน้าที่ ๑๐๔.
อนุเสตีติ เวทิตพฺพา. ๑- อิจฺจาลํ วจนายาติ ตํ ปุคฺคลํ เอวรูปา ทิฏฺิ อนุเสตีติ
วตฺตุํ ยุตฺตํ. เอส นโย สพฺพตฺถ.
      อรูปินฺติ เอตฺถ ปน อรูปกสิณลาภึ, อรูปกฺขนฺธโคจรํ วาติ เอวมตฺโถ
ทฏฺพฺโพ. เอตฺตาวตา ลาภิโน จตฺตาโร, เตสํ อนฺเตวาสิกา จตฺตาโร, ตกฺกิกา
จตฺตาโร, เตสํ อนฺเตวาสิกา จตฺตาโรติ อตฺถโต ๒- โสฬสทิฏฺิคติกา ทสฺสิตา
โหนฺติ.
                         นอตฺตปญฺตฺติวณฺณนา
      [๑๑๙] เอวํ เย อตฺตานํ ปญฺเปนฺติ, เต ทสฺเสตฺวา อิทานิ
เย น ปญฺเปนฺติ, เต ทสฺเสตุํ "กิตฺตาวตา จ อานนฺทา"ติ อาทิมาห. เก
ปน น ปญฺเปนฺติ?  สพฺเพ ตาว อริยปุคฺคลา น ปญฺเปนฺติ. เย จ พหุสฺสุตา
ติปิฏกธรา ทฺวิปิฏกธรา เอกปิฏกธรา, อนฺตมโส เอกนิกายํปิ สาธุกํ วินิจฺฉินิตฺวา
อุคฺคหิตธมฺมกถิโกปิ อารทฺธวิปสฺสโกปิ ปุคฺคโล, เต น ปญฺเปนฺติเยว. ๓-
เอเตสํ หิ ปฏิภาคกสิเณ ปฏิภาคกสิณมิจฺเจว สญฺา ๔- โหติ. อรูปกฺขนฺเธสุ จ
อรูปกฺขนฺธา อิจฺเจว.
                        อตฺตสมนุปสฺสนาวณฺณนา
      [๑๒๑] เอวํ เย น ปญฺเปนฺติ, เต ทสฺเสตฺวา อิทานิ เย เต
ปญฺเปนฺติ, เต ยสฺมา ทิฏฺิวเสน สมนุปสฺสิตฺวา ปญฺเปนฺติ, สา ๕- ปเนสา ๕-
สมนุปสฺสนา วีสติวตฺถุกาย สกฺกายทิฏฺิยา อปฺปหีนตฺตา โหติ, ตสฺมา ตํ
วีสติวตฺถุกํ สกฺกายทิฏฺึ ทสฺเสตุํ ปุน กิตฺตาวตา จ ๖- อานนฺทาติ อาทิมาห,
      ตตฺถ เวทนํ วา หีติ อิมินา เวทนากฺขนฺธวตฺถุกา สกฺกายทิฏฺิ
กถิตา. ๗- อปฺปฏิสํเวทโน เม อตฺตาติ อิมินา รูปกฺขนฺธวตฺถุกา. อตฺตา เม
@เชิงอรรถ: ๑ ฉ.ม. เวทิตพฺโพ, อิ. เวทิตพฺพํ.   ๒ ฉ.ม. อตฺตโต    ๓ อิ. ปญฺาเปติเยว.
@๔ ฉ.ม. าณํ.   ๕-๕ ฉ.ม. สา จ เนสํ, อิ. สา หิ จ เนสํ.
@๖ อิ. จสทฺโท น ทิสฺสติ.   ๗ อิ. วุตฺตา.
---------------------------------------------------------------------------------------------
หน้าที่ ๑๐๕.
เวทิยติ, เวทนาธมฺโม หิ เม อตฺตาติ อิมินา สญฺาสงฺขารวิญฺาณกฺขนฺธวตฺถุกา.
อิทํ หิ ขนฺธตฺตยํ เวทนาสมฺปยุตฺตตฺตา เวทิยติ. เอตสฺส จ เวทนาธมฺโม
อวิปฺปยุตฺตสภาโว.
      [๑๒๒] อิทานิ ตตฺถ โทสํ ทสฺเสนฺโต "ตตฺรานนฺทา"ติ อาทิมาห.
ตตฺถ ตตฺราติ เตสุ ตีสุ ทิฏฺิคติเกสุ. ยสฺมึ อานนฺท สมเยติ อาทิ โย โย
ยํ ยํ เวทนํ อตฺตาติ สมนุปสฺสติ, ตสฺส ตสฺส อตฺตโน กทาจิ ภาวํ, กทาจิ
อภาวนฺติ เอวมาทิโทสทสฺสนตฺถํ วุตฺตํ.
      [๑๒๓] อนิจฺจาทีสุ หุตฺวา อภาวโต อนิจฺจา. เตหิ เตหิ การเณหิ
สงฺคมฺม สมาคมฺม กตาติ สงฺขตา. ตํ ตํ ปจฺจยํ ปฏิจฺจ สมฺมา การเณเนว
อุปฺปนฺนาติ ปฏิจฺจสมุปฺปนฺนา. ขโยติ อาทิ สพฺพํ ภงฺคสฺส เววจนํ. ยํ หิ ภิชฺชติ,
ตํ ขียติปิ วยติปิ วิรชฺชติปิ นิรุชฺฌติปิ, ตสฺมา ขยธมฺมาติ อาทิ วุตฺตํ.
      พฺยคา เมติ วิ อคาติ พฺยคา, วิคโต นิรุทฺโธ เม อตฺตาติ อตฺโถ.
กึ ปน เอกสฺเสว ตีสุปิ กาเลสุ "เอโส เม อตฺตา"ติ โหตีติ, กึ ปน น
ภวิสฺสติ. ทิฏฺิคติกสฺส หิ ถูสราสิมฺหิ นิกฺขิตฺตขาณุกสฺเสว ๑- นิจฺจลตา นาม
นตฺถิ, วนมกฺกโฏ วิย อญฺ คณฺหาติ, อญฺ มุญฺจติ. อนิจฺจํ สุขํ ทุกฺขํ
โวกิณฺณนฺติ ๒- วิเสเสน ตํ ตํ เวทนํ อตฺตาติ สมนุปสฺสนฺโต อนิจฺจญฺเจว
สุขญฺจ ทุกฺขญฺจ อตฺตานํ สมนุปสฺสติ, อวิเสเสน ๓- เวทนํ อตฺตาติ สมนุปสสนฺโต
โวกิณฺณํ อุปฺปาทวยธมฺมํ อตฺตานํ สมนุปสฺสติ. เวทนา หิ ติวิธา
เจว อุปฺปาทวยธมฺมา จ,  ตญฺเจส อตฺตาติ สมนุปสฺสติ. อิจฺจสฺส อนิจฺโจ เจว
อตฺตา อาปชฺชติ, เอกกฺขเณ จ พหุนฺนํ เวทนานํ อุปฺปาโท. ตํ ๔- โข ปเนส
อนิจฺจํ อตฺตานํ อนุชานาติ,  น เอกกฺขเณ พหุนฺนํ เวทนานํ อุปฺปตฺติ อตฺถิ.
อิมมตฺถํ สนฺธาย "ตสฺมาติหานนฺท เอเตนเปตํ นกฺขมติ" `เวทนา เม อตฺตา'ติ
สมนุปสฺสิตุนฺ"ติ วุตฺตํ.
      [๑๒๔] ยตฺถ ปนาวุโสติ ยตฺถ สุทฺธรูปกฺขนฺเธ สพฺพโส เวทยิตํ
นตฺถิ. อปิ นุโข ตตฺถาติ อปิ นุโข ตสฺมึ เวทนา วิรหิเต ตาลวณฺเฏ วาตปาเน
@เชิงอรรถ: ๑ อิ. นิขาตขาณุกสฺเสว               ๒ ฉ.ม. อนิจฺจสุขทุกฺขโวกิณฺณนฺติ
@๓ อิ. อวิเสเสเนว                  ๔ อิ. น โข ปเนส
---------------------------------------------------------------------------------------------
หน้าที่ ๑๐๖.
วา อสฺมีติ เอวํ อหํกาโร อุปฺปชฺเชยฺยาติ อตฺโถ. ตสฺมาติหานนฺทาติ ยสฺมา
สุทฺธรูปกฺขนฺโธ อุฏฺาย อสฺมีติ ๑- น วทติ, ตสฺมา เอเตนปิ เอตํ นกฺขมตีติ
อตฺโถ.
      [๑๒๕] อปิ นุโข ตตฺถ อยมหมสฺมีติ สิยาติ อปิ นุโข เตสุ
เวทนาธมฺเมสุ ตีสุ ขนฺเธสุ เอกกฺขนฺโธปิ ๒- อยํ นาม อหมสฺมีติ เอวํ วตฺตพฺโพ
สิยา. อถวา เวทนานิโรธา สเหว เวทนาย นิรุทฺเธสุ เตสุ ตีสุ ขนฺเธสุ อปิ
นุโข อยมหมสฺมีติ วา อหมสฺมีติ วา อุปฺปชฺเชยฺยาติ อตฺโถ. อถายสฺมา
อานนฺโท สสวิสาณสฺส ติขิณภาวํ วิย ตํ อสมฺปฏิจฺฉนฺโต โน เหตํ ภนฺเตติ อาห.
      เอตฺตาวตา กึ กถิตํ โหติ? วฏฺฏกถา กถิตา โหติ. ภควา หิ
วฏฺฏกถํ กเถนฺโต กตฺถจิ อวิชฺชาสีเสน กเถสิ, ๓- กตฺถจิ  ตณฺหาสีเสน, กตฺถจิ
ทิฏฺิสีเสน. ตตฺถ "ปุริมา ภิกฺขเว โกฏิ น ปญฺายติ อวิชฺชาย `อิโต ปุพฺเพ
อวิชฺชา นาโหสิ, อถ ปจฺฉา สมฺภวี'ติ, เอวญฺจิทํ ภิกฺขเว วุจฺจติ. อถ จ ปน
ปญฺายติ อิทปฺปจฺจยา อวิชฺชา"ติ ๔- เอวํ อวิชฺชาสีเสน กถิตา. "ปุริมา ภิกฺขเว
โกฏิ น ปญฺายติ ภวตญฺหาย `อิโต ปุพฺเพ ภวตณฺหา นาโหสิ, อถ ปจฺฉา
สมฺภวี'ติ, เอวญฺจิทํ ภิกฺขเว วุจฺจติ. อถ จ ปน ปญฺายติ อิทปฺปจฺจยา
ภวตญฺหาติ ๕- เอวํ ตณฺหาสีเสน กถิตา. "ปุริมา ภิกฺขเว โกฏิ น ปญฺายติ
ภวทิฏฺิยา `อิโต ปุพฺเพ ภวทิฏฺิ นาโหสิ, อถ ปจฺฉา สมฺภวี'ติ, เอวญฺจิทํ
ภิกฺขเว วุจฺจติ. อถ จ ปน ปญฺายติ อิทปฺปจฺจยา ภวทิฏฺี"ติ เอวํ ทิฏฺิสีเสน
กถิตา. อิธาปิ ทิฏฺิสีเสเนว กถิตา. ทิฏฺิคติโก หิ สุขาทิเวทนํ อตฺตาติ
คเหตฺวา อหํการมมํการปรามาสวเสน สพฺพภวโยนิคติวิญฺาณฏฺิติสตฺตาวาเสสุ
ตโต ตโต จวิตฺวา ตตฺถ ตตฺถ อุปปชฺชนฺโต มหาสมุทฺเท วาตุกฺขิตฺตนาวา วิย
สตฺตํ สมิตํ ปริพฺภมติ, วฏฺฏโต สีสํ อุกฺขิปิตุํเยว น สกฺโกติ.
      [๑๒๖] อิติ ภควา ปจฺจยาการมุฬฺหสฺส ทิฏฺิคติกสฺส เอตฺตเกน
กถามคฺเคน วฏฺฏํ กเถตฺวา อิทานิ วิวฏฺฏํ กเถนฺโต ยโต โข ปน อานนฺท
ภิกฺขูติ อาทิมาห.
@เชิงอรรถ: ๑ ฉ.ม.,อิ. อหมสฺมีติ   ๒ ฉ.ม.,อิ. เอกธมฺโมปิ.   ๓ อิ. กเถติ เอวมุปริปิ.
@๔ องฺ. ทสก ๒๔/๖๑/๙๐ อวิชฺชาสุตฺต      ๕ องฺ. ทสก ๒๔/๖๒/๙๒ ตณฺหาสุตฺต
---------------------------------------------------------------------------------------------
หน้าที่ ๑๐๗.
      ตญฺจ ปน วิวฏฺฏกถํ ภควา เทสนาสุ กุสลตาย ๑- วิสฏฺกมฺมฏฺานํ
นวกมฺมาทิวเสน วิกฺขิตฺตปุคฺคลํ อนามสิตฺวา การกสฺส สติปฏฺานวิหาริโน
ปุคฺคลสฺส วเสน อารภนฺโต เนว เวทนํ อตฺตานํ สมนุปสฺสตีติ อาทิมาห. เอวรูโป
หิ ภิกฺขุ "ยํกิญฺจิ รูปํ อตีตานาคตปจฺจุปฺปนฺนํ อชฺฌตฺตํ วา พหิทฺธา วา
โอฬาริกํ วา สุขุมํ วา หีนํ วา ปณีตํ  วา ยํ ทูเร วา สนฺติเก วา, สพฺพํ
รูปํ อนิจฺจโต ววฏฺเปติ, เอกํ สมฺมสนํ ทุกฺขโต ววฏฺเปติ, เอกํ สมฺมสนํ
อนตฺตโต ววฏฺเปติ, เอกํ สมฺมสนนฺ"ติ ๒- อาทินา นเยน วุตฺตสฺส
สมฺมสนาณสฺส วเสน สพฺพธมฺเมสุ ปวตฺตตฺตา เนว เวทนํ อตฺตานํ ๓- สมนุปสฺสติ,
น อญฺเ ๔- ธมฺเม, ๔- โส เอวํ อสมนุปสฺสนฺโต น กิญฺจิ โลเก อุปาทิยตีติ
ขนฺธโลกาทิเภเท โลเก รูปาทีสุ ธมฺเมสุ กิญฺจิ เอกํ ธมฺมํปิ อตฺตาติ วา
อตฺตนิยนฺติ วา น อุปาทิยติ.
      อนุปาทิยํ จ น ปริตสฺสตีติ อนุปาทิยนฺโต ตณฺหาทิฏฺิมานปริตสฺสนายปิ
น ปริตสฺสติ. อปริตสฺสนฺติ อปริตสฺสมาโน. ปจฺจตฺตญฺเว ปรินิพฺพายตีติ
อตฺตนาว กิเลสปรินิพฺพาเนน ปรินิพฺพายติ, เอวํ ปรินิพฺพุตสฺส ปนสฺส
ปจฺจเวกฺขณปวตฺติทสฺสนตฺถํ ขีณา ชาตีติ อาทิ วุตฺตํ.
      อิติ สา ทิฏฺีติ ยา ตถา วิมุตฺตสฺส อรหโต ทิฏฺิ, สา เอวํ
ทิฏฺิ. "อิติสฺส ทิฏฺี"ติปิ ปาโ. โส ๕- ตถา วิมุตฺโต อรหา, เอวํ อสฺส
ทิฏฺีติ อตฺโถ. ตทกลฺลนฺติ ตํ น ยุตฺตํ. กสฺมา? เอวํ หิ สติ "อรหา น
กิญฺจิ ชานาตี"ติ วุตฺตํ ภเวยฺย, เอวํ ตฺวา วิมุตฺตจ อรหนฺตํ "น กิญฺจิ
ชานาตี"ติ วตฺตุํ น ยุตฺตํ. เตเนว จตุนฺนํปิ นยานํ อวสาเน "ตํ กิสฺส เหตู"ติ
อาทิมาห.
      ตตฺถ ยาวตานนฺท อธิวจนนฺติ ยตฺตโก อธิวจนสงฺขาโต โวหาโร
อตฺถิ. ยาวตา อธิวจนปโถติ ยตฺตโก อธิวจนปโถ, ขนฺธา อายตนานิ ธาตุโย
วา อตฺถิ. เอส นโย สพฺพตฺถ. ปญฺาวจรนฺติ ปญฺาย อวจริตพฺพํ
@เชิงอรรถ: ๑ ฉ.ม.,อิ. กุสลตฺตา.  ๒ ขุ. ปฏิ ๓๑/๔๘ สมฺมสนาณนิทฺเทส   ๓ ฉ.ม. อตฺตาติ.
@๔-๔ ฉ.ม. น อญฺ โส เอวํ อิ. น อญฺ' ธมฺมํ โส เอวํ       ๕ ฉ.ม.,อิ. โย
---------------------------------------------------------------------------------------------
หน้าที่ ๑๐๘.
ขนฺธปญฺจกํ. ตทภิญฺาติ ตํ อภิชานิตฺวา. เอตฺตเกน ภควตา กึ ทสฺสิตํ.
ตนฺตากุลกปทสฺเสว อนุสนฺธิ ทสฺสิตา. ๑-
                        สตฺตวิญฺาณฏฺิติวณฺณนา
      [๑๒๗] อิทานิ โย โส ๒- "น ปญฺเปตี"ติ วุตฺโต, โส ยสฺมา
คจฺฉนฺโต คจฺฉนฺโต อุภโตภาควิมุตฺโต นาม โหติ. โย จ "น สมนุปสฺสตี"ติ
วุตฺโต, โส ยสฺมา คจฺฉนฺโต คจฺฉนฺโต ปญฺาวิมุตฺโต นาม โหติ. ตสฺมา เตสํ
เหฏฺา วุตฺตานํ ทฺวินฺนํ ภิกฺขูนํ นิคมนํ จ นามํ จทสฺเสตุํ สตฺต โข อิมา
อานนฺท วิญฺาณฏฺิติโยติ อาทิมาห.
      ตตฺถ สตฺตาติ ปฏิสนฺธิวเสน วุตฺตา, อารมฺมณวเสน สงฺคีติสุตฺเต ๓-
วุตฺตา จตสฺโส อาคมิสฺสนฺติ. วิญฺาณํ ติฏฺติ เอตฺถาติ วิญฺาณฏฺิติ,
วิญฺาณปติฏฺานสฺเสตํ อธิวจนํ. เทฺว จ อายตนานีติ เทฺว นิวาสนฏฺานานิ.
นิวาสนฏฺานญฺจ อิธายตนนฺติ อธิปฺเปตํ. เตเนว วกฺขติ "อสญฺีสตฺตายตนํ ๔-
เนวสญฺานาสญฺายตนเมว ทุติยนฺติ. กสฺมา ปเนตํ สพฺพํ คหิตนฺติ?
วฏฺฏปริยาทานตฺถํ. วฏฺฏํ หิ น สุทฺธวิญฺาณฏฺิติวเสน วา สุทฺธายตนวเสน วา
ปริยาทานํ คจฺฉติ, ภวโยนิคติสตฺตาวาสวเสน ปน คจฺฉติ, ตสฺมา สพฺเพเมตํ คหิตํ.
อิทานิ อนุกฺกเมน ตมตฺถํ วิภชนฺโต กตมา สตฺตาติ อาทิมาห.
      ตตฺถ เสยฺยถาปีติ นิทสฺสนฏฺเ นิปาโต, ยถา มนุสฺสาติ อตฺโถ.
อปริมาเณสุ หิ จกฺกวาเฬสุ อปริมาณานํ มนุสฺสานํ วณฺณสณฺานาทิวเสน
เทฺวปิ เอกสทิสา นตฺถิ. เยปิ หิ กตฺถจิ ยมกภาตโร วณฺเณน วา สณฺาเนน
วา เอกสทิสา โหนฺติ, เตสํปิ อาโลกิตวิโลกิตกถิตหสิตคมนานาทีหิ วิเสโส
โหติเยว. ตสฺมา นานตฺตกายาติ วุตฺตา. ปฏิสนฺธิสญฺา ปน เนสํ ติเหตุกาปิ
ทฺวิเหตุกาปิ อเหตุกาปิ โหนฺติ, "นานตฺตสญฺิโน"ติ วุตฺตา.
@เชิงอรรถ: ๑ ฉ.ม., อิ. ทสฺสิโต                    ๒ ฉ.ม. โส น ทิสฺสติ
@๓ ที. ปาฏิ ๑๑/๓๑๑/๒๐๓ สงฺคีติสุตฺต (๑๘)    ๔ ฉ.ม., อิ. อสญฺสตฺตายตนํ.
---------------------------------------------------------------------------------------------
หน้าที่ ๑๐๙.
      เอกจฺเจ จ เทวาติ ฉกามาวจรเทวา. เตสุ หิ เกสญฺจิ กาโย นีโล
โหติ, เกสญฺจิ ปีตกาทิวณฺโณ. สญฺา ปน เนสํ ทฺวิเหตุกาปิ ติเหตุกาปิ
โหนฺติ อเหตุกา นตฺถิ.
      เอกจฺเจ จ วินิปาติกาติ จตุอปายวินิมุตฺตกา อุตฺตรมาตา ยกฺขินี,
ปิยงฺกรมาตา, ปุสฺสมิตฺตา ๑- ธมฺมคุตฺตาติ เอวมาทิกา เวมานิกเปตา. ๒- เอเตสํ หิ
ปีตโอทาตกาฬมงฺคุรุจฺฉวิสามวณฺณาทิวเสน เจว กีสถูลรสฺสทีฆวเสน จ กาโย
นานา โหติ, มนุสฺสานํ วิย ทฺวิเหตุกติเหตุกาเหตุกวเสน สญฺาปิ. เต ปน เทวา
วิย น มเหสกฺขา, กปณมนุสฺสา วิย อปฺเปสกฺขา, ทุลฺลภฆาสจฺฉาทนา ทุกฺขปีฬิตา
วิหรนฺติ. เอกจฺเจ กาฬปกฺเข ทุกฺขิตา ชุณฺหปกฺเข สุขิตา โหนฺติ, ตสฺมา
สุขสมุสฺสยโต วินิปติตตฺตา วินิปาติกาติ วุตฺตา. เย ปเนตฺถ ติเหตุกา เตสํ
ธมฺมาภิสมโยปิ โหติ,  ปิยงฺกรมาตา หิ ยกฺขินี ปจฺจูสสมเย อนุรุทฺธตฺเถรสฺส
ธมฺมํ สชฺฌายโต สุตฺวา:-
                "มา สทฺทมกริ ปิยงฺกร
                ภิกฺขุ ธมฺมปทานิ ภาสติ.
                อปิจ ธมฺมปทํ วิชานิย
                ปฏิปชฺเชม หิตาย โน สิยา.
                ปาเณสุ จ สญฺมามเส ๓-
                สมฺปชานมุสา น ภณาม เส
                สิกฺเขม สุสีลฺยมตฺตโน
                อปิ มุจฺเจม ปิสาจโยนิยา"ติ. ๔-
      เอวํ ปุตฺตกํ สญฺาเปตฺวา ตํทิวสํ โสตาปตฺติผลํ ปตฺตา. อุตฺตรมาตา
ปน ภควโต ธมฺมํ สุตฺวาว โสตาปนฺนา ชาตา.
      พฺรหฺมกายิกาติ พฺรหฺมปาริสชฺชา พฺรหฺมปุโรหิตา มหาพฺรหฺมาโน.
ปมาภินิพฺพตฺตาติ เต สพฺเพปิ ปเมน ฌาเนน อภินิพฺพตฺตา. เตสุ
@เชิงอรรถ: ๑ ฉ.ม. ผุสฺสมิตฺตา. อิ. ปุนพฺพสุมิตฺตา  ๒ ฉ.ม., อิ. อญฺเ จ เวมานิกา เปตา.
@๓ ก. สํยมามเส    ๔ สํ.สคา. ๑๕/๒๔๐/๒๕๒ ปิยงฺกรสุตฺต
---------------------------------------------------------------------------------------------
หน้าที่ ๑๑๐.
พฺรหฺมปาริสชฺชา ปน ปริตฺเตน อภินิพฺพตฺตา, เตสํ กปฺปสฺส ตติโย ภาโค
อายุปฺปมาณํ. พฺรหฺมปุโรหิตา มชฺฌิเมน, เตสํ อุปฑฺฒกปฺโป อายุปฺปมาณํ,
กาโย จ เตสํ วิปฺผาริกตโร โหติ. มหาพฺรหฺมาโน ปณีเตน, เตสํ กปฺโป
อายุปฺปมาณํ, กาโย ปน เตสํ อติวิปฺผาริกตโรว ๑- โหติ. อิติ เต กายสฺส
นานตฺตา, ปมชฺฌานวเสน สญฺาย เอกตฺตา นานตฺตกายา เอกตฺตสญฺิโนติ
เวทิตพฺพา.
      ยถา จ เต, เอวํ จตูสุ อปาเยสุ สตฺตา. นิรเยสุ หิ เกสญฺจิ
คาวุตํ, เกสญฺจิ อฑฺฒโยชนิกํ, เกสญฺจิ โยชนํ อตฺตภาโว โหติ, เทวทตฺตสฺส
ปน โยชนสติโก ชาโต. ติรจฺฉาเนสุปิ เกจิ ขุทฺทกา, เกจิ มหนฺตา. ปิตฺติวิสเยสุ ๒-
เกจิ สฏฺิหตฺถา โหนฺติ, เกจิ สตฺตติหตฺถา, เกจิ อสีติหตฺถา, เกจิ สุวณฺณา, เกจิ
ทุพฺพณฺณา โหนฺติ. ตถา กาลกญฺชิกา ๓- อสุรา. อปิเจตฺถ ทีฆปิฏฺิกเปตา นาม
สฏฺิโยชนิกาปิ โหนฺติ. สญฺา ปน สพฺเพสํปิ อกุสลวิปากาเหตุกาปิ ๔- โหนฺติ.
อิติ อาปายิกาปิ นานตฺตกายา เอกตฺตสญฺิโนเตฺวว สงฺขยํ คจฺฉนฺติ.
      อาภสฺสราติ ทณฺฑอุกฺกาย อจฺจิ วิย เอเตสํ สรีรโต อาภา ฉิชฺชิตฺวา
ฉิชฺชิตฺวา ปตนฺตี วิย สรตีติ ๕- อาภสฺสรา. เตสุ จตุกฺกปญฺจกนเยสุ ๖-
ทุติยตติยชฺฌานทฺวยํ ปริตฺตํ ภาเวตฺวา อุปปนฺนา ปริตฺตาภา นาม โหนฺติ,
เตสํ เทฺว กปฺปา อายุปฺปมาณํ. มชฺฌิมํ ภาเวตฺวา อุปปนฺนา อปฺปมาณาภา
นาม โหนฺติ. เตสํ จตฺตาโร กปฺปา อายุปฺปมาณํ. ปณีตํว ภาเวตฺวา อุปปนฺนา
อาภสฺสรา นาม โหนฺติ, เตสํ อฏฺ กปฺปา อายุปฺปมาณํ. อิธ ปน
อุกฺกฏฺปริจฺเฉทวเสน สพฺเพปิ เต คหิตา. สพฺเพสํปิ ๗- เตสํ กาโย เอกวิปฺผาโรว
โหติ, สญฺา ปน อวิตกฺกวิจารมตฺตา วา อวิตกฺกาวิจารา วาติ นานา.
      สุภกิณฺหาติ ๘- สุเภน โอกิณฺณา วิกิณฺณา, สุเภน สรีรปฺปภาวณฺเณน
เอกฆนาติ อตฺโถ. เอเตสํ หิ อาภสฺสรานํ วิย น ฉิชฺชิตฺวา ฉิชฺชิตฺวา
@เชิงอรรถ: ๑ ฉ.ม. อติวิปฺผาริโก, อิ. อติวิปฺผาริโกว. ๒ ฉ.ม. เปตฺติวิสเยปิ,
@  อิ. เปตฺติวิสเยสุปิ.  ๓ อิ. กาลกญฺชา.  ๔ ฉ.ม.,อิ....อเหตุกาว.  ๕ ฉ.ม. สรติ
@  วิสฺสรตีติ, อิ. สรติ วิสรตีติ.          ๖ ฉ.ม. ปญฺจกนเยน, อิ. ปญฺจกนเย
@๗ ฉ.ม.,อิ. สพฺเพสญฺหิ.               ๘ อิ. สุภกิณฺณา เอวมุปริปิ
---------------------------------------------------------------------------------------------
หน้าที่ ๑๑๑.
ปภา คจฺฉติ. ปญฺจกนเย ปน ปริตฺตมชฺฌิมปณีตสฺส จตุตฺถชฺฌานสฺส วเสน
โสฬสทฺวตฺตึสจตุสฏฺิกปฺปายุกา ปริตฺตสุภา อปฺปมาณสุภา สุภกิณฺหา นาม
หุตฺวา นิพฺพตฺตนฺติ. อิติ สพฺเพปิ เต เอกตฺตกายา เจว จตุตฺถชฺฌานสญฺาย
เอกตฺตสญฺิโน จาติ เวทิตพฺพา. เวหปฺผลาปิ จ จตุตฺถวิญฺาณฏฺิติเมว ภชนฺติ.
อสญฺีสตฺตา ๑- วิญฺาณาภาวา เอตฺถ สงฺคหํ น คจฺฉนฺติ, สตฺตาวาเสสุ
คจฺฉนฺติ.
      สุทฺธาวาสาปิ วิวฏฺฏปกฺเข ิตา, น สพฺพกาลิกา กปฺปสตสหสฺสํปิ
อสงฺเขยฺยํปิ พุทฺธสุญฺเ โลเก น อุปฺปชฺชนฺติ. โสฬสกปฺปสหสฺสพฺภนฺตเร
พุทฺเธสุ อุปฺปชฺชนฺเตสุเยว อุปฺปชฺชนฺติ. ธมฺมจกฺกปฺปวตฺตสฺส ภควโต
ขนฺธวารฏฺานสทิสา โหนฺติ, ตสฺมา เนว วิญฺาณฏฺิตึ น สตฺตาวาสํ ภชนฺติ.
มหาสิวตฺเถโร ปน "น โข ปน โส สาริปุตฺต สตฺตาวาโส สุลภรูโป, โย มยา
อนาวุฏฺปุพฺโพ ๒- อิมินา ทีเฆน อทฺธุนา อญฺตฺร สุทฺธาวาเสหิ เทเวหี"ติ ๓-
อิมินา สุตฺเตน สุทฺธาวาสาปิ จตุตฺถวิญฺาณฏฺิตึ จตุตฺถสตฺตาวาสํเยว ภชนฺตีติ
วทติ, ตํ อปฏิพาหิยตฺตา สุตฺตสฺส อนุญฺาตํ.
      สพฺพโส รูปสญฺานนฺติ อาทีนํ อตฺโถ วิสุทฺธิมคฺเค วุตฺโต.
เนวสญฺานาสญฺายตนํ ปน ยเถว สญฺาย, เอวํ วิญฺาณสฺสาปิ สุขุมตฺตา
เนว วิญฺาณํ นาวิญฺาณํ. ตสฺมา วิญฺาณฏฺิตีสุ อวตฺวา อายตเนสุ วุตฺตํ.
      [๑๒๘] ตตฺราติ ตาสุ วิญฺาณฏฺิตีสุ. ตญฺจ ปชานาตีติ ตญฺจ
วิญฺาณฏฺิตึ ปชานาติ. ตสฺสา จ สมุทยนฺติ "อวิชฺชาสมุทยา รูปสมุทโย"ติ ๔-
อาทินา นเยน ตสฺสา สมุทยญฺจ ปชานาติ. ตสฺสา จ อตฺถงฺคมนฺติ  "อวิชฺชานิโรธา
รูปนิโรโธ"ติ ๕- อาทินา นเยน ตสฺสา อตฺถงฺคมญฺจ ปชานาติ. อสฺสาทนฺติ
ยํ รูปํ ฯเปฯ ยํ วิญฺาณํ ปฏิจฺจ อุปฺปชฺชติ สุขํ โสมนสฺสํ, อยํ วิญฺาณสฺส
อสฺสาโทติ ๖- เอวํ ตสฺสา อสฺสาทญฺจ ปชานาติ. อาทีนวนฺติ ยํ รูปํ ฯเปฯ ยํ
วิญฺาณํ อนิจฺจํ ทุกฺขํ วิปริณามธมฺมํ, อยํ  วิญฺาณสฺส อาทีนโวติ ๖- เอวํ
ตสฺสา อาทีนวญฺจ ปชานาติ. นิสฺสรณนฺติ โย รูปสฺมึ ฯเปฯ โย วิญฺาเณ
@เชิงอรรถ: ๑ ฉ.ม.,อิ. อสญฺสตฺตา.   ๒ ฉ.ม. อนิวุตฺถปุพฺโพ.   ๓ ม.มู. ๑๒/๑๖๐/๑๒๔
@ มหาสีหนาทสุตฺต  ๔ ขุ.ปฏิ. ๓๑/๑๐๖/๗๙ อุทยพฺพยาณนิทฺเทส  ๕ ขุ.ปฏิ. ๓๑/๑๐๗/๘๐
@ อุทยพฺพยาณนิทฺเทส (สยา)   ๖ สํ.ขนฺธ. ๑๗/๒๖/๒๓ อสฺสาทสุตฺต.
---------------------------------------------------------------------------------------------
หน้าที่ ๑๑๒.
ฉนฺทราควินโย ฉนฺทราคปฺปหานํ อิทํ วิญฺาณสฺส นิสฺสรณนฺติ ๑- เอวํ ตสฺสา
นิสฺสรณญฺจ ปชานาติ. กลฺลํ นุ  เตนาติ ยุตฺตํ นุ เตน ภิกฺขุนา ตํ วิญฺาณฏฺิตึ
ตณฺหามานทิฏฺีนํ วเสน อหนฺติ วา มมนฺติ วา อภินนฺทิตุนฺติ เอเตนุปาเยน
สพฺพตฺถ อตฺโถ เวทิตพฺโพ. ยตฺถ ปน รูปํ นตฺถิ, ตตฺถ จตุนฺนํ ขนฺธานํ
วเสน, ยตฺถ วิญฺาณํ นตฺถิ, ตตฺถ เอกสฺส ขนฺธสฺส วเสน สมุทยาทโย ๒-
โยเชตพฺพา. ๒- อาหารสมุทยา, อาหารนิโรธาติ อํทํ เจตฺถ ปทํ น โยเชตพฺพํ.
      ยโต โข อานนฺท ภิกฺขูติ ยทา โข อานนฺท ภิกฺขุ. อนุปาทา
วิมุตฺโตติ จตูหิ อุปาทาเนหิ อคฺคเหตฺวา วิมุตฺโต. ปญฺาวิมุตฺโตติ ปญฺาย
วิมุตฺโต, อฏฺ วิโมกฺเข อสจฺฉิกตฺวา ปญฺาพเลเนว นามกายสฺส จ รูปกายสฺส
จ อปฺปวตฺตึ กตฺวา วิมุตฺโตติ อตฺโถ. โส สุกฺขวิปสฺสโก จ ปมชฺฌานาทีสุ
อญฺตรสฺมึ ตฺวา อรหตฺตํ ปตฺโต จาติ ปญฺจวิโธ โหติ. ๓- วุตฺตมฺปิ เจตํ
"กตโม จ ปุคฺคโล ปญฺาวิมุตฺโต, อิเธกจฺโจ ปุคฺคโล น เหว โข อฏฺ
วิโมกฺเข กาเยน ผุสิตฺวา วิหรติ, ปญฺาย จสฺส ทิสฺวา อาสวา ปริกฺขีณา
โหนฺติ, อยํ วุจฺจติ ปุคฺคโล ปญฺาวิมุตฺโต"ติ. ๔-
                          อฏฺวิโมกฺขวณฺณนา
      [๑๒๙] เอวํ เอกสฺส ภิกฺขุโน นิคมนญฺจ นามญฺจ ทสฺเสตฺวา
อิตรสฺส ทสฺเสตุํ อฏฺ โข อิเมติ อาทิมาห. ตตฺถ วิโมกฺโขติ เกนฏฺเน
วิโมกฺโข? อธิมุจฺจนฏฺเน. โก ปนายํ อธิมุจฺจนฏฺโ นาม? ปจฺจนีกธมฺเมหิ จ
สุฏฺุ มุจฺจนฏฺโ, อารมฺมเณ จ อภิรติวเสน สุฏฺุ มุจฺจนฏฺโ, ปิตุ องฺเก
วิสฏฺงฺคปจฺจงฺคสฺส ทารกสฺส สยนํ วิย อนิคฺคหิตภาเวน นิราสงฺกตาย
อารมฺมเณ ปวตฺตตีติ ๕- วุตฺตํ โหติ. อยํ ปนตฺโถ ปจฺฉิเม วิโมกฺเข นตฺถิ,
ปุริเมสุ สพฺเพสุ อตฺถิ.
      รูปี รูปานิ ปสฺสตีติ เอตฺถ อชฺฌตฺตํ เกสาทีสุ นีลกสิณาทีสุ
นีลกสิณาทิวเสน อุปฺปาทิตํ รูปชฺฌานํ รูปํ, ตทสฺสตฺถีติ รูปี. พหิทฺธา รูปานิ
@เชิงอรรถ: ๑ สํ.ขนฺธ. ๑๗/๒๖/๒๓ อสฺสาทสุตฺต  ๒-๒ ฉ.ม. สมุทโย โยเชตพฺโพ  ๓ ฉ.ม. โหตีติ น
@ทิสฺสติ  ๔ อภิ.ปุ. ๓๖/๔๑/๑๔๕, เอกกปุคฺคลปญฺตฺติ, ๓๖/๑๕๑/๒๓๔ นวกนิทฺเทส (สยา)
@๕ ฉ.ม. ปวตฺตีติ
---------------------------------------------------------------------------------------------
หน้าที่ ๑๑๓.
ปสฺสตีติ พหิทฺธาปิ นีลกสิณาทีนิ รูปานิ ฌานจกฺขุนา ปสฺสติ. อิมินา
อชฺฌตฺตพหิทฺธาวตฺถุเกสุ กสิเณสุ อุปฺปาทิตชฺฌานสฺส ปุคฺคลสฺส จตฺตาริ
รูปาวจรชฺฌานานิ ทสฺสิตานิ. อชฺฌตฺตํ อรูปสญฺีติ อชฺฌตฺตํ น รูปสญฺี, อตฺตโน
เกสาทีสุ อนุปฺปาทิตรูปาวจรชฺฌาโนติ อตฺโถ. อิมินา พหิทฺธา ปริกมฺมํ กตฺวา
พหิทฺธาว อุปฺปาทิตชฺฌานสฺส ปุคฺคลสฺส รูปาวจรชฺฌานานิ ทสฺสิตานิ.
      สุภนฺเตว อธิมุตฺโต โหตีติ อิมินา สุวิสุทฺเธสุ นีลาทีสุ วณฺณกสิเณสุ
ฌานานิ ทสฺสิตานิ. ตตฺถ กิญฺจาปิ อนฺโต อปฺปนายํ สุภนฺติ อาโภโค
นตฺถิ, โย ปน สุวิสุทฺธํ สุภํ กสิณํ อารมฺมณํ กริตฺวา วิหรติ, โส ยสฺมา
สุภนฺติ อธิมุตฺโต โหตีติ วตฺตพฺพตํ อาปชฺชติ. ตสฺมา เอวํ เทสนา กตา.
ปฏิสมฺภิทามคฺเค ปน "กถํ สุภนฺเตว อธิมุตฺโต โหตีติ วิโมกฺโข, อิธ ภิกฺขุ
เมตฺตาสหคเตน เจตสา เอกํ ทิสํ ผริตฺวา วิหรติ ฯเปฯ เมตฺตาย ภาวิตตฺตา
สตฺตา อปฏิกูลา โหนฺติ. กรุณามุทิตาอุเปกฺขาสหคเตน เจตสา เอกํ ทิสํ ผริตฺวา
วิหรติ ฯเปฯ อุเปกฺขาย ภาวิตตฺตา สตฺตา อปฏิกูลา โหนฺติ. เอวํ สุภนฺเตว
อธิมุตฺโต โหตีติ วิโมกฺโข"ติ ๑- วุตฺตํ.
      สพฺพโส รูปสญฺานนฺติ อาทีสุ ยํ วตฺตพฺพํ, ตํ สพฺพํ วิสุทฺธิมคฺเค
วุตฺตเมว. อยํ อฏฺโม วิโมกฺโขติ อยํ จตุนฺนํ ขนฺธานํ สพฺพโส วิสุทฺธตฺตา
วิมุตฺตตฺตา อฏฺโม อุตฺตโม วิโมกฺโข นาม.
      [๑๓๐] อนุโลมนฺติ อาทิโต ปฏฺาย ยาว ปริโยสานา. ปฏิโลมนฺติ
ปริโยสานโต ปฏฺาย ยาว อาทิโต. อนุโลมปฏิโลมนฺติ อิทํ อติปคุณตฺตา
สมาปตฺตีนํ อตฺวาว อิโต จิโต จ สญฺจรณวเสน วุตฺตํ. ยตฺถิจฺฉกนฺติ
โอกาสปริทีปนํ, ยตฺถ ยตฺถ โอกาเส อิจฺฉติ. ยทิจฺฉกนฺติ สมาปตฺติปริทีปนํ, ๒-
ยํ ยํ สมาปตฺตึ อิจฺฉติ. ยาวติจฺฉกนฺติ อทฺธานปริจฺเฉททีปนํ, ยาวตกํ อทฺธานํ
อิจฺฉติ. สมาปชฺชตีติ ตํ ตํ สมาปตฺตึ ปวิสติ. วุฏฺาตีติ ตโต วุฏฺาย ติฏฺติ.
      อุภโตภาควิมุตฺโตติ ทฺวีหิ ภาเคหิ วิมุตฺโต, อรูปสมาปตฺติยา รูปกายโต
วิมุตฺโต มคฺเคน นามกายโต วิมุตฺโตติ. วุตฺตมฺปิ. เจตํ:-
@เชิงอรรถ: ๑ ขุ. ปฏิ. ๓๑/๔๗๖/๓๕๙ วิโมกฺขกถา (สยา)         ๒ ฉ.ม., อิ. สมาปตฺติทีปนํ
---------------------------------------------------------------------------------------------
หน้าที่ ๑๑๔.
                "อจฺจี ยถา วาตเวเคน ขิตฺตํ ๑- (อุปสีวาติ ภควา)
                อตฺถํ ปเลติ น อุเปติ สงฺขํ ๒-
                เอวํ มุนี นามกายา วิมุตฺโต
                อตฺถํ ปเลติ น อุเปติ สงฺขนฺติ. ๓-
      โส ปเนส อุภโตภาควิมุตฺโต อากาสานญฺจายตนาทีสุ อญฺตรโต
วุฏฺาย อรหตฺตํ ปตฺโต จ อนาคามี หุตฺวา นิโรธา วุฏฺาย อรหตฺตํ ปตฺโต
จาติ ปญฺจวิโธ โหติ. ๔- เกจิ ปน "ยสฺมา รูปาวจรจตุตฺถชฺฌานํปิ ทุวงฺคิกํ
อุเปกฺขาสหคตํ, อรูปาวจรชฺฌานํปิ ตาทิสเมว. ตสฺมา รูปาวจรจตุตฺถชฺฌานโต
วุฏฺาย อรหตฺตํ ปตฺโตปิ อุภโตภาควิมุตฺโต"ติ. อยํ ปน อุภโตภาควิมุตฺตปโญฺห
เหฏฺาโลหปาสาเทปิ ๕- สมุฏฺหิตฺวา เตปิฏกจุลฺลสุมนตฺเถรสฺส ๖- วณฺณนํ นิสฺสาย
จิเรน วินิจฺฉยํ ปตฺโต.
      คิริวิหาเร กิร เถรสฺส อนฺเตวาสิโก เอกสฺส ปิณฺฑปาติกสฺส มุขโตว
ตํ ปญฺหํ สุตฺวา อาห "อาวุโส เหฏฺาโลหปาสาเท อมฺหากํ อาจริยสฺส ธมฺมํ
วณฺณยโต น เกนจิ สุตปุพฺพนฺ"ติ. กึ ปน ภนฺเต เถโร อวจาติ?
รูปาวจรจตุตฺถชฺฌานํ กิญฺจาปิ ทุวงฺคิกํ อุเปกฺขาสหคตํ, กิเลเส วิกฺขมฺเภติ,
กิเลสานํ ปน อาสนฺนปกฺเขปิ รูปารมฺมณฏฺาเน ๗- สมุทาจรติ. อิเม หิ กิเลสา
นาม ปญฺจโวการภเว นีลาทีสุ อญฺตฺรมารมฺมณํ อุปนิสฺสาย สมุทาจรนฺติ,
รูปาวจรชฺฌานญฺจ ตํ อารมฺมณํ น สมติกฺกมติ. ตสฺมา สพฺพโส รูปํ นิวตฺเตตฺวา
อรูปชฺฌานวเสน กิเลเส วิกฺขมฺเภตฺวา อรหตฺตํ ปตฺโตว อุภโตภาควิมุตฺโตติ อิทํ
อาวุโส เถโร อวจ. อิทญฺจ  ปน วตฺวา อิทํ สุตฺตํ อาหริ "กตโม จ ปุคฺคโล
อุภโตภาควิมุตฺโต. อิเธกจฺโจ ปุคฺคโล อฏฺ วิโมกฺเข กาเยน ผุสิตฺวา วิหรติ,
ปญฺาย จสฺส ทิสฺวา อาสวา ปริกฺขีณา โหนฺติ, อยํ วุจฺจติ ปุคฺคโล
อุภโตภาควิมุตฺโต"ติ. ๘-
      อิมาย จ อานนฺท อุภโตภาควิมุตฺติยาติ อานนฺท อิโต อุภโตภาควิมุตฺติโต.
เสสํ สพฺพตฺถ อุตฺตานเมวาติ.
                     มหานิทานสุตฺตวณฺณนา นิฏฺิตา.
@เชิงอรรถ: ๑ ฉ.ม.,อิ. ขิตฺตา   ๒ ก. สํขฺยํ เอวมุปริปิ   ๓ ขุ.สุ. ๒๕/๑๐๘๑/๕๓๙
@  อุปสีวมาณวกปญฺหา   ๔ ฉ.ม. โหตีติ น ทิสฺสติ   ๕ ฉ.ม.,อิ. ปิ สทฺโท น ทิสฺสติ
@๖ ฉ.ม. ติปิฏกจูฬสุมนตฺเถรสฺส    ๗ ฉ.ม.,อิ. อาสนฺนปกฺเข วิรูหนฏฺาเน
@๘ อภิ.ปุ. ๓๖/๔๐/๑๔๕ เอกกปุคฺคลปญฺตฺติ

             อรรถกถาภาษาบาลีอักษรไทย เล่มที่ ๕ หน้า ๑๐๒-๑๑๔.
http://84000.org/tipitaka/pitaka_item/read_th.php?B=5&A=2620&modeTY=1&pagebreak=1
             The Pali Atthakatha in Roman :-
http://84000.org/tipitaka/atthapali/read_rm.php?B=5&A=2620&modeTY=1&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=10&i=57
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=10&A=1455
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=10&A=1340
             The Pali Tipitaka in Roman Character :-
http://84000.org/tipitaka/read/roman_read.php?B=10&A=1340
             สารบัญพระไตรปิฎกเล่มที่ ๑๐
http://84000.org/tipitaka/read/?index_10