|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Culaassapurasuttavannana [435] Evamme sutanti culaassapurasuttam. Tassa desanakaranam purimasadisameva. Samanasamicipatipadati samananam anucchavika samananam anulomapatipada. [436] Samanamalanantiadisu ete dhamma uppajjamana samane maline karonti malaggahite, tasma "samanamala"ti vuccanti. Etehi samana dussanti padussanti, tasma samanadosati vuccanti. Ete hi 1- uppajjitva samane kasate niroje karonti milapenti, tasma samanakasatati vuccanti. Apayikanam thanananti apaye nibbattapanakanam karananam. Duggativedaniyananti duggatiyam vipakavedanaya paccayanam. Matajam namati manussa tikhinam ayam ayena sughamsitva tam ayacunnam mamsena saddhim madditva koncasakune khadapenti, te uccaram katumasakkonta maranti. No ce maranti, paharitva marenti. Atha tesam kucchim phaletva tani udakena dhovitva cunnakam gahetva mamsena saddhim madditva puna khadapentiti evam satta vare khadapetva gahitena ayacunnena avudham karonti, susikkhitava 2- nam ayakara bahuhatthakammamulam labhitva karonti, tam matasakunato jatatta "matajan"ti vuccati, atitikhinam hoti. Pitanissitanti udakapitam ceva silaya ca sunighamsitam. Sanghatiyati kosiya. Samparutanti pariyonaddham. Sampalivethitanti samantato vethitam. [437] Rajojallikassati rajojalladharino. Udakorohakassati divasassa tikkhattum udakam orohantassa. Rukkhamusikassati rukkhamulavasino. Abbhokasikassati abbhokasavasino ubbhatthakassati uddham thitakassa. Pariyayabhattikassati masavarena va addhamasavarena va bhunjantassa. Sabbametam bahirasamayeneva kathitam. Imasminhi sasane civaradharo bhikkhu sanghatikoti na vuccati. Rajojalladharanadivatani ca 3- imasmim sasane natthiyeva. Buddhavacanassa buddhavacanameva namam, na mantati. Rukkhamuliko abbhokasikoti ettakamyeva pana labbhati. Tampi bahirasamayeneva kathitam. @Footnote: 1 cha.Ma. hi-saddo na dissati 2 cha.Ma. susikkhita ca @3 cha.Ma. rajojalladharanadini ca kanici--------------------------------------------------------------------------------------------- page234.
Jatameva nanti tamdivasam 1- jatamattamyeva nam. Sanghatikam kareyyunti sanghatikavattham nivasetva ca parupetva 2- ca sanghatikam kareyyum. Esa nayo sabbattha. [438] Visuddhamattanam samanupassatiti attanam visujjhantam passati, visuddhoti pana na tava vattabbo. Pamojjam jayatiti tutthakaro jayati. Pamuditassa pititutthassa sakalasariram khobhayamana piti jayati. Pitimanassa kayoti pitisampayuttassa puggalassa namakayo. Passambhatiti vigatadaratho hoti. Sukham vedetiti kayikampi cetasikampi sukham vediyati. Cittam samadhiyatiti imina nekkhammasukhena sukhitassa cittam samadhiyati, appanappattam viya hoti. So mettasahagatena cetasati hettha kilesavasena araddha desana pabbate vutthavutthi 3- viya nadim yathanusandhina brahmaviharabhavanam otinna. Tattha yam vattabbam siya, tam sabbam visuddhimagge vuttameva. Seyyathapi bhikkhave pokkharaniti mahasihanadasutte maggo pokkharaniya upamito, idha sasanam upamitanti veditabbam. Asavanam khaya samano hotiti sabbakilesanam samitatta paratthasamano hotiti. Sesam sabbattha uttanamevati. Papancasudaniya majjhimanikayatthakathaya culaassapurasuttavannana nitthita. Catutthavaggavannana nitthita. ------------------- @Footnote: 1 cha.Ma. tamdivase 2 cha.Ma. parupitva 3 si vatthavutthiThe Pali Atthakatha in Roman Book 8 page 233-234. http://84000.org/tipitaka/pitaka_item/read_rm.php?B=8&A=5960&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=8&A=5960&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=12&i=479 เนื้อความพระไตรปิฎกฉบับหลวง :- http://84000.org/tipitaka/read/r.php?B=12&A=8744 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=12&A=10368 The Pali Tipitaka in Roman Character :- http://84000.org/tipitaka/read/roman_read.php?B=12&A=10368 Contents of The Tipitaka Volume 12 http://84000.org/tipitaka/read/?index_12
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]