|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Dadamanapi adadamanapi punabbhavaya samvattamanapi asamvattamanapi dinnaya patisandhiya upadhivepakkapi 1- ponobbhavikaevati namam labhati. Abhinandanasankhatena nandiragena saha gatati nandiragasahagata. Nandiragena saddhim atthato ekattameva gatati vuttam hoti. Tatratatrabhinandiniti yatra yatra attabhavo, tatratatrabhinandini. Rupadisu va arammanesu tatratatrabhinandini, rupabhinandini saddagandharasaphotthabbadhammabhinandiniti attho. Seyyathidanti nipato. Tassa sa katamati ceti attho. Kamatanhati kame tanha kamatanha. Pancakamagunikaragassetam namam. 2- Bhave tanha bhavatanha. Bhavapatthanavasena uppannassa sassataditthisahagatassa ruparupabhavaragassa ca jhananikantiya cetam adhivacanam. Vibhave tanha vibhavatanha. Ucchedaditthisahagataragassetam adhivacanam. Idani tassa tanhaya vatthum vittharato dassetum sa kho panesatiadimaha. Tattha uppajjatiti jayati. Nivisatiti punappunam pavattivasena patitthahati. Yam loke piyarupam satarupanti yam lokasmim piyasabhavanceva madhurasabhavanca. Cakkhum loketiadisu lokasmim hi cakkhvadisu mamattena abhinivittha satta sampattiyam patitthita attano cakkhum adasadisu nimittaggahananusarena vippasannapancapasadam suvannavimane ugghatitamanisihapanjaram viya mannanti, sotam rajatapanalikam viya pamangasuttakam viya ca mannanti, tunganasati laddhavoharam ghanam vattetva thapitaharitalavattim viya mannanti, jivham rattakambalapatalam viya mudusiniddhamadhurarasadam mannanti, kayam salayatthim viya suvannatoranam viya ca mannanti, manam annesam manena asadisam ularam mannanti, rupam suvannakannikarapupphadivannam viya, saddam mattakaravikakokilamandadhamitamanivamsanigghosam viya, attana patiladdhani catusamutthanikagandharammanadini "kassa annassa evarupani atthi"ti mannanti, tesam evam mannamananam tani cakkhvadini piyarupani ceva satarupani ca honti. Atha nesam @Footnote: 1 cha.Ma. upadhivepakkamattapi 2 cha.Ma. adhivacanam--------------------------------------------------------------------------------------------- page120.
Tattha anuppanna ceva tanha uppajjati, uppanna ca punappunam pavattivasena nivisati. Tasma bhagava "cakkhum loke piyarupam satarupam, etthesa tanha uppajjamana uppajjati"tiadimaha. Tattha uppajjamanati yada uppajjati, tada ettha uppajjatiti attho. Esa nayo sabbatthapiti. Samudayasaccaniddesavannana nitthita. --------------- 3. Nirodhasaccaniddesavannana [204] Nirodhasaccaniddese yo tassayeva tanhayati ettha "yo tasseva dukkhassa"ti vattabbe yasma samudayanirodheneva dukkham nirujjhati, no annatha. Yathaha:- "yathapi mule anupaddave dalhe chinnopi rukkho punareva ruhati evampi tanhanusaye anuhate nibbattate 1- dukkhamidam punappunan"ti. 2- Tasma tam dukkhanirodham dassento samudayanirodhena dassetum evamaha. Sihasamanavuttino hi tathagata, te dukkham nirodhenta dukkhanirodhanca dassenta hetumhi patipajjanti na phale. Suvanavuttino pana annatitthiya, te dukkham nirodhenta dukkhanirodhanca dassenta attakilamathanuyogena ceva tasseva ca desanaya phale patipajjanti na hetumhiti sihasamanavuttitaya sattha hetumhi patipajjamano yo tassayevatiadimaha. Tattha tassayevati ya sa uppattinivesavasena hettha pakasita, tassayeva. Asesaviraganirodhotiadini sabbani nibbanavevacananeva. Nibbanam hi agamma @Footnote: 1 cha.Ma. nibbattati 2 khu.dha. 25/338/75--------------------------------------------------------------------------------------------- page121.
Tanha asesa virajjati nirujjhati, tasma tam "tassayeva tanhaya asesaviraganirodho"ti vuccati. Nibbananca agamma tanha cajiyati patinissajjiyati muccati na alliyati, tasma nibbanam "cago patinissaggo mutti analayo"ti vuccati. Ekameva hi nibbanam, namani panassa sabbasankhatanam namapatipakkhavasena anekani nibbanavevacananeva honti. Seyyathidam? asesato virago nirodho 1- cago patinissaggo mutti analayo ragakkhayo dosakkhayo mohakkhayo tanhakkhayo anuppado appavattam animittam appanihitam anayuhanam appatisandhi appativatti 2- agati ajatam ajaram abyadhi amatam asokam aparidevam anupayasam asankilitthantiadini. Idani maggena chinnaya nibbanam agamma appavattim pattayapi ca tanhaya yesu vatthusu tassa uppatti dassita, tattheva abhavam dassetum sa kho panesatiadimaha. Tattha yatha puriso khette jatam tittam alabuvallim disva aggato patthaya mulam pariyesitva chindeyya, sa anupubbena milayitva apannattim gaccheyya. Tato tasmim khette tittaalabu niruddha pahinati vucceyya, evameva khette tittaalabu viya cakkhvadisu tanha. Sa ariyamaggena mule chinna nibbanam agamma appavattim gacchati. 3- Evam gata pana tesu vatthusu khette tittaalabu viya na pannayati. Yatha ca atavito core anetva nagarassa dakkhinadvare ghateyyum, tato ataviyam cora matati va maritati va vucceyyum, evameva ataviyam cora viya ya cakkhvadisu tanha, sa dakkhinadvare cora viya nibbanam agamma niruddhatta nibbane niruddha. Evam niruddha pana tesu vatthusu ataviyam cora viya na pannayati. Tenassa tattheva nirodham 4- dassento "cakkhum loke piyarupam satarupam, etthesa tanha pahiyamana pahiyati. Ettha nirujjhamana nirujjhati"tiadimaha. Sesamettha uttanatthamevati. Nirodhasaccaniddesavannana nitthita. @Footnote: 1 cha.Ma. asesaviraganirodho 2 cha.Ma. anupapatti @4 cha.Ma. niruddham 3 Ma. gaccheyya--------------------------------------------------------------------------------------------- page122.
4. Maggasaccaniddesavannana [205] Maggasaccaniddese ayamevati annamaggapatikkhepanattham niyamanam. Ariyoti tamtammaggavajjhehi kilesehi arakatta ariyabhavakaratta ariyaphalapatilabhakaratta ca ariyo. Attha angani assati atthangiko. Svayam caturangika viya sena pancangikam viya turiyam angamattameva hoti, angavinimutto natthi. Nibbanatthikehi maggiyati, nibbanam va maggati, kilese va marento gacchatiti maggo. Seyyathidanti so katamoti ceti attho. Idani angamattameva maggo hoti, angavinimutto natthiti dassento sammaditthi .pe. Sammasamadhiti aha. Tattha samma dassanalakkhana sammaditthi. Samma abhiniropanalakkhano sammasankapPo. Samma pariggahalakkhana sammavaca. Samma samutthapanalakkhano sammakammanto. Samma vodanalakkhano 1- sammaajivo. Samma paggahalakkhano sammavayamo. Samma upatthanalakkhana sammasati. Samma samadhanalakkhano sammasamadhi. Tesu ca ekekassa tini tini kiccani honti. Seyyathidam? sammaditthi Tava annehipi attano paccanikakilesehi saddhim micchaditthim pajahati, nirodham arammanam karoti. Sampayuttadhamme ca passati tappaticchadakamohavidhamanavasena asammohato. Sammasankappadayopi tatheva micchasankappadini ca pajahanti, nirodhanca arammanam karonti. Visesato panettha sammasankappo sahajatadhamme abhiniropeti, sammavaca samma parigganhati, sammakammanto samma samutthapeti, sammaajivo samma vodapeti, sammavayamo samma pagganhati, sammasati samma upatthati, sammasamadhi samma padahati. Apicesa sammaditthi nama pubbabhage nanakkhana nanarammana hoti, maggakale ekakkhana ekarammana. Kiccato pana dukkhe nanantiadini cattari @Footnote: 1 Ma. vodapanalakkhano--------------------------------------------------------------------------------------------- page123.
Namani labhati. Sammasankappadayopi pubbabhage nanakkhana nanarammana honti, maggakale ekakkhana ekarammana. Tesu sammasankappo kiccato nekkhammasankappotiadini tini namani labhati. Sammavacadayo tayo pubbabhage nanakkhana nanarammana viratiyopi honti cetanayopi, maggakkhane pana viratiyova. Sammavayamo sammasatiti idampi dvayam kiccato sammappadhanasatipatthanavasena cattari namani labhati. Sammasamadhi pana pubbabhagepi maggakkhanepi sammasamadhiyeva. Iti imesu atthasu dhammesu bhagavata nibbanadhigamaya patipannassa yogino bahuppakaratta pathamam sammaditthi desita. Ayanhi "pannapajoto pannasatthan"ti 1- pavutta. Tasma etaya pubbabhage vipassanananasankhataya sammaditthiya avijjandhakaram vidhametva 2- kilesacore ghatento khemena yogavacaro nibbanam papunati. Tena vuttam "nibbanadhigamaya patipannassa yogino bahuppakaratta pathamam sammaditthi desita"ti. Sammasankappo pana tassa bahuppakaro. Tasma tadanantaram vutto. Yatha hi heranniko hatthena parivattetva parivattetva cakkhuna kahapanam olokento "ayam kuto ayam cheko"ti janati, evam yogavacaropi pubbabhage vitakkena vitakketva vitakketva vipassanapannaya olokayamano "ime dhamma kamavacara ime dhamma rupavacaradayo"ti janati. Yatha va pana purisena kotiyam gahetva parivattetva parivattetva dinnam maharukkham tacchako vasiya tacchetva kamme upaneti, evam vitakkena vitakketva vitakketva dinne dhamme yogavacaro pannaya "ime dhamma kamavacara ime dhamma rupavacara"tiadina nayena paricchinditva kamme upaneti. Tena vuttam "sammasankappo pana tassa bahuppakaro. Tasma tadanantaram vutto"ti. @Footnote: 1 abhi. 34/20,29/24,26 2 cha.Ma. viddhamsetva--------------------------------------------------------------------------------------------- page124.
Svayam yatha sammaditthiya, evam sammavacayapi upakarako. Yathaha "pubbe kho gahapati vitakketva vicaretva paccha vacam bhindati"ti. 1- Tasma tadanantaram sammavaca vutta. Yasma pana idancidanca karissamati pathamam vacaya samvidahitva loke kammante payojenti, tasma vaca kayakammassa upakarikati sammavacaya anantaram sammakammanto vutto. Catubbidham pana vaciduccaritam tividham kayaduccaritam pahaya ubhayam sucaritam purentasseva yasma ajivatthamakam silam purati, na itarassa. Tasma tadubhayanantaram sammaajivo vutto. Evam suddhajivena "parisuddho me ajivo"ti ettavata paritosam katva 2- suttapamattena viharitum na yuttam, athakho sabbairiyapathesu idam viriyamarabhitabbanti dassetum tadanantaram sammavayamo vutto. Tato araddhaviriyenapi kayadisu catusu vatthusu sati suppatitthita katabbati dassanattham tadanantaram sammasati desita. Yasma pana evam suppatitthita sati samadhissa upakaranupakaranam dhammanam gatiyo samanvesitva pahoti ekattarammane cittam samadhatum, tasma sammasatianantaram sammasamadhi desitoti veditabbo. Sammaditthiniddese "dukkhe nanan"tiadina catusaccakammatthanam dassitam. Tattha purimani dve saccani vattam, pacchimani vivattam. Tesu bhikkhuno vatte kammatthanabhiniveso hoti, vivatte natthi abhiniveso. Purimani hi dve saccani "pancakkhandha dukkham, tanha samudayo"ti evam sankhepena ca "katame pancakkhandha, rupakkhandho"tiadina nayena vittharena ca acariyasantike ugganhitva vacaya @Footnote: 1 Ma.mu. 12/463/413 2 cha.Ma. akatva--------------------------------------------------------------------------------------------- page125.
Punappunam parivattento yogavacaro kammam karoti. Itaresu pana dvisu saccesu "nirodhasaccam ittham kantam manapam, maggasaccam ittham kantam manapan"ti evam savaneneva kammam karoti. So evam kammam karonto cattari saccani ekena pativedhena pativijjhati, ekabhisamayena abhisameti. Dukkham parinnapativedhena pativijjhati, samudayam pahanapativedhena, nirodham sacchikiriyapativedhena, maggam bhavanapativedhena pativijjhati. Dukkham parinnabhisamayena .pe. Maggam bhavanabhisamayena abhisameti. Evamassa pubbabhage dvisu saccesu uggahaparipucchasavanadharanasammasanapativedho hoti, dvisu savanapativedhoyeva. Aparabhage tisu kiccato pativedho hoti, nirodhe arammanapativedho. Tattha sabbampi pativedhananam lokuttaram. Savanadharanasammasanananam lokiyam kamavacaram. Paccavekkhana pana maggasaccassa 1- hoti. Ayanca adikammiko, tasma sa idha na vutta. Imassa ca bhikkhuno pubbe pariggahato "dukkham parijanami, samudayam pajahami, nirodham sacchikaromi, maggam bhavemi"ti abhogasamannaharamanasikarapaccavekkhana natthi. Pariggahato patthaya hoti. Aparabhage pana dukkham parinnatameva hoti .pe. Maggo bhavitova hoti. Tatthassa 2- dve saccani duddasatta gambhirani. Dve gambhiratta duddasani. Dukkhasaccanhi uppattito pakatam, khanukantakappaharadisu "aho dukkhan"ti vattabbatampi apajjati. Samudayampi khaditukamatabhunjitukamatadivasena uppattito pakatam. Lakkhanapativedhato pana ubhayam tampi gambhiram. Iti tani duddasatta gambhirani. Itaresam pana dvinnam dassanatthaya payogo bhavaggagahanattham hatthappasaranam viya aviciphusanattham padappasaranam viya satadhabhinnavalassa kotiya kotipatipadanam viya ca hoti. Iti tani gambhiratta duddasani. Evam duddasatta gambhiresu gambhiratta ca duddasesu catusu saccesu uggahadivasena pubbabhagananuppattim sandhaya idam "dukkhe nanan"tiadi vuttam. Pativedhakkhane pana ekameva tam 3- nanam hoti. @Footnote: 1 cha.Ma. pattasaccassa 2 cha.Ma. tattha 3 cha.Ma. ayam patho na dissati--------------------------------------------------------------------------------------------- page126.
Sammasankappaniddese kamato nissatoti nekkhammasankapPo. Byapadato nissatoti abyapadasankapPo. Vihimsato nissatoti avihimsasankapPo. Tattha nekkhammavitakko kamavitakkassa padaghatam padacchedam karonto uppajjati, abyapadavitakko byapadavitakkassa, avihimsavitakko vihimsavitakkassa. Nekkhammavitakko ca kamavitakkassa paccaniko hutva uppajjati, abyapadaavihimsavitakka byapadavihimsavitakkanam. Tattha yogavacaro kamavitakkassa padaghatanattham kamavitakkam va sammasati annam va pana 1- kinci sankharam. Athassa vipassanakkhane vipassanasampayutto sankappo tadangavasena kamavitakkassa padaghatam padacchedam karonto uppajjati, vipassanam ussukkapetva maggam papeti. Athassa maggakkhane maggasampayutto sankappo samucchedavasena kamavitakkassa padaghatam padacchedam karonto uppajjati. Byapadavitakkassapi padaghatanattham byapadavitakkam va annam va sankharam sammasati. Vihimsavitakkassa padaghatanattham vihimsavitakkam va annam va sankharam sammasati. Athassa vipassanakkhaneti sabbam purimanayeneva yojetabbam. Kamavitakkadinam pana tinnampi paliyam vibhattesu atthatimsarammanesu ekam kammatthanampi apaccanikam nama natthi. Ekantato pana kamavitakkassa tava asubhesu pathamajjhanameva paccanikam, byapadavitakkassa mettaya tikacatukkajjhanani, vihimsavitakkassa karunaya tikacatukkajjhanani. Tasma asubhe parikammam katva jhanam samapannassa samapattikkhane jhanasampayutto sankappo vikkhambhanavasena kamavitakkassa paccaniko hutva uppajjati. Jhanam padakam katva vipassanam patthapentassa vipassanakkhane vipassanasampayutto sankappo tadangavasena kamavitakkassa paccaniko hutva uppajjati. Vipassanam ussukkapetva maggam papentassa maggakkhane maggasampayutto sankappo samucchedavasena kamavitakkassa paccaniko hutva uppajjati. Evam uppanno nekkhammasankappoti vuccatiti veditabbo. @Footnote: 1 cha.Ma. pana-saddo na dissati--------------------------------------------------------------------------------------------- page127.
Mettaya pana parikammam katva, karunaya parikammam katva jhanam samapajjatiti sabbam purimanayeneva yojetabbam. Evam uppanno abyapadasankappoti vuccati, avihimsasankappoti vuccatiti veditabbo. Evamete nekkhammasankappadayo vipassanajhanavasena uppattinam nanatta pubbabhage nana. Maggakkhane pana imesu tisu thanesu uppannassa akusalasankappassa padacchedato anuppattisadhanavasena maggangam purayamano ekova kusalasankappo uppajjati. Ayam sammasankappo nama. Sammavacaniddesepi yasma anneneva cittena musavada viramati, annena 1- pisunavacadihi, tasma catassopeta veramaniyo pubbabhage nana. Maggakkhane pana micchavacasankhataya catubbidhaya akusaladussilyacetanaya padacchedato anuppattisadhanavasena maggangam purayamana ekava sammavacasankhata kusalaveramani uppajjati. Ayam sammavaca nama. Sammakammantaniddesepi yasma anneneva cittena panatipata viramati, annena adinnadana, annena kamesu micchacara, tasma tissopeta veramaniyo pubbabhage nana. Maggakkhane pana micchakammantasankhataya tividhaya akusaladussilyacetanaya padacchedato anuppattisadhanavasena maggangam purayamana ekava sammakammantasankhata kusalaveramani uppajjati. Ayam sammakammanto nama. Sammaajivaniddese idhati imasmim sasane. Ariyasavakoti ariyassa buddhassa savako. Micchaajivam pahayati papakam ajivam pajahitva. Sammaajivenati buddhapasatthena kusalaajivena. Jivikam kappetiti jivitappavattim pavatteti. Idhapi yasma anneneva cittena kayadvaravitikkama viramati, annena vacidvaravitikkama, tasma pubbabhage nanakkhanesu uppajjati. Maggakkhane pana dvisu dvaresu sattannam kammapathanam vasena uppannaya micchaajivadussilyacetanaya padacchedato anuppattisadhanavasena maggangam purayamana ekava sammaajivasankhata kusalaveramani uppajjati. Ayam sammaajivo nama. @Footnote: 1 cha.Ma. annenannena--------------------------------------------------------------------------------------------- page128.
Sammavayamaniddeso sammappadhanavibhange anupadavannanavasena avibhavissati. Ayam pana pubbabhage nanacittesu labbhati. Anneneva hi cittena anuppannanam papakanam akusalanam dhammanam anuppadaya vayamam karoti, annena uppannanampahanaya. Anneneva ca anuppannanam kusalanam dhammanam uppadaya, annena uppannanam thitiya. Maggakkhane pana ekacitteyeva labbhati. Ekameva hi maggasampayuttam viriyam catukiccasadhanatthena cattari namani labhati. Sammasatiniddesopi satipatthanavibhange anupadavannanavasena avibhavissati. Ayampi ca pubbabhage nanacittesu labbhati. Anneneva hi cittena kayam parigganhati, annenannena vedanadini. Maggakkhane pana ekacitteyeva labbhati. Ekayeva hi maggasampayutta sati catukiccasadhanatthena cattari namani labhati. Sammasamadhiniddese cattari jhanani pubbabhagepi nana, maggakkhanepi. Pubbabhage samapattivasena nana, maggakkhane nanamaggavasena. Ekassa hi pathamamaggo pathamajjhaniko hoti, dutiyamaggadayopi pathamajjhanika va dutiyadisu annatarajjhanika va. Ekassa pathamamaggo dutiyadinam annatarajjhaniko hoti, dutiyadayopi dutiyadinam annatarajjhanika va pathamajjhanika va. Evam cattaropi magga jhanavasena sadisa va asadisa va ekaccasadisa va honti. Ayam panassa viseso padakajjhananiyamena hoti. Padakajjhananiyamena tava pathamajjhanalabhino pathamajjhana vutthaya vipassantassa uppanno maggo pathamajjhaniko hoti. Maggangabojjhangani cettha paripunnaneva honti. Dutiyajjhanato vutthaya vipassantassa uppanno maggo dutiyajjhaniko hoti, maggangani panettha satta honti. Tatiyajjhanato vutthaya vipassantassa uppanno maggo tatiyajjhaniko hoti, maggangani panettha satta bojjhangani cha honti. Esa nayo catutthajjhanato patthaya yava nevasannanasannayatana.--------------------------------------------------------------------------------------------- page129.
Aruppe catukkapancakajjhanam uppajjati, tanca kho lokuttaram no lokiyanti vuttam, ettha kathanti? etthapi pathamajjhanadisu yato vutthaya sotapattimaggam patilabhitva arupasamapattim bhavetva yo aruppe uppanno, tajjhanikava tassa tattha tayo magga uppajjanti. Evam padakajjhanameva niyameti. Keci pana thera "vipassanaya arammanabhuta khandha niyamenti"ti vadanti. Keci "puggalajjhasayo niyameti"ti vadanti. Keci "vutthanagaminivipassana niyameti"ti vadanti. Tesam vadavinicchayo hettha cittuppadakande lokuttarapadabhajaniyavannanayam 1- vuttanayeneva veditabbo. Ayam vuccati sammasamadhiti ya imesu catusu jhanesu ekaggata, ayam pubbabhage lokiyo, aparabhage lokuttaro sammasamadhi nama vuccatiti. Evam lokiyalokuttaravasena bhagava maggasaccam desesi. Tattha lokiyamagge sabbaneva maggangani yathanurupam chasu arammanesu annatararammanani honti. Lokuttaramagge pana catusaccapativedhaya pavattassa ariyasavakassa 2- nibbanarammanam avijjanusayasamugghatakam pannacakkhu sammaditthi, tatha sampannaditthissa tamsampayuttam tividhamicchasankappasamugghatakam cetaso nibbana- padabhiniropanam sammasankappo, tatha passantassa vitakkentassa ca tamsampayuttava catubbidhavaciduccaritasamugghatika micchavacaya virati sammavaca, tatha viramantassa tamsampayuttava micchakammantasamucchedika tividhakayaduccaritavirati sammakammanto, tesamyevassa sammavacakammantanam vodanabhuta tamsampayuttava kuhanadisamucchedika micchaajivavirati sammaajivo. Imissapi sammavacakammantajivasankhataya sila- bhumiya patitthamanassa tadanurupo tamsampayuttova kosajjasamucchedako anuppannup- pannanam akusalakusalanam anuppadapahanuppadatthitisadhako ca viriyarambho sammavayamoti evam vayamantassa tamsampayutto micchasativiniddhunako kayadisu kayanupassanadisadhako ca cetaso asammoso sammasati, iti anuttaraya satiya suvihitacittarakkhassa @Footnote: 1 sangani. A. 1/350/285 2 cha.Ma. ariyassa--------------------------------------------------------------------------------------------- page130.
Tamsampayuttava micchasamadhisamugghatika cittekaggata sammasamadhiti. Esa lokuttaro ariyo atthangiko maggo, yo saha lokiyena maggena dukkhanirodhagaminipatipadati sankhyam 1- gato. So kho panesa maggo sammaditthisankappanam vijjaya, sesadhammanam caranena gahitatta 2- vijja ceva carananca. Tatha tesam dvinnam vipassanananena 3- itaresam samathananena 3- sangahitatta samatho ceva vipassana ca. Tesam va dvinnam pannakkhandhena tadanantaranam tinnam silakkhandhena avasesanam samadhikkhandhena adhipannaadhisilaadhicittasikkhahi ca sangahitatta khandhattayanceva sikkhattayanca hoti, yena samannagato ariyasavako dassanasamatthehi cakkhuhi gamanasamatthehi ca padehi samannagato addhiko viya vijjacaranasampanno hutva vipassanananena kamasukhallikanuyogam, samathananena attakilamathanuyoganti antadvayam parivajjetva majjhimapatipadam patipanno pannakkhandhena mohakkhandham silakkhandhena dosakkhandham samadhikkhandhena ca lobhakkhandham padalento adhipannasikkhaya pannasampadam, adhisilasikkhaya silasampadam, adhicittasikkhaya samadhisampadanti tisso sampattiyo patva amatam nibbanam sacchikaroti, adimajjhapariyosanakalyanam sattatimsabodhipakkhiya- dhammaratanavicittam sammattaniyamasankhatam ariyabhuminca okkanto hotiti. Suttantabhajaniyavannana nitthita. --------------The Pali Atthakatha in Roman Book 54 page 119-130. http://84000.org/tipitaka/pitaka_item/read_rm.php?B=54&A=2794&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=54&A=2794&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=35&i=144 เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=2637 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=2598 The Pali Tipitaka in Roman Character :- http://84000.org/tipitaka/read/roman_read.php?B=35&A=2598 Contents of The Tipitaka Volume 35 http://84000.org/tipitaka/read/?index_35
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]