|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Tikanipata 1. Pathamapannasaka 1. Balavagga 1. Bhayasuttavannana [1] Tikanipatassa pathame bhayanitiadisu bhayanti cittutraso. Upaddavoti anekaggatakaro. Upasaggoti upasaggakaro tattha tattha lagganakaro. Tesam evam nanattam veditabbam:- pabbatavisamanissita cora janapadavasinam pesenti "mayam asukadivase nama tumhakam gamam vilumpissama"ti. 1- Te tam pavuttim sutakalato patthaya bhayam santasam apajjanti. Ayam cittutraso nama. "katham no 2- cora kupita anatthampi avaheyyun"ti 3- hatthasaram gahetva dvipadacatuppadehi saddhim arannam pavisitva tattha tattha bhumiyam nipajjanti damsamakasadihi khajjamana, gumbantarani pavisanta 4- khanukantake maddanti. Tesam evam vicarantanam vikkhittabhavo anekaggatakaro nama. Tato coresu yathavuttadivase anagacchantesu "tucchakasasanam bhavissati, kim gamam pavisissama"ti 5- saparikkhara gamam pavisanti. Atha tesam pavitthabhavam natva gamam parivaretva dvare aggim datva manusse ghatetva cora sabbam vibhavam vilumpitva gacchanti. Tesu ghatitavasesa aggim nibbapetva kotthakacchayabhitticchayadisu tattha tattha laggitva nisidanti nattham anusocamana. Ayam upasatthakaro lagganakaro nama. Nalagarati nalehi channaparicchanna agaRa. Sesasambhara panettha rukkhamaya honti. Tinagarepi eseva nayo. Kutagaraniti kutasangahitani agarani. @Footnote: 1 cha.Ma.,i. paharissamati 2 cha.Ma. yatha no te, Si.,i. yatha te 3 Ma. kareyyunti @4 Ma. pavisanti 5 ka. gamam pavisamati--------------------------------------------------------------------------------------------- page78.
Ullittavalittaniti anto ca bahi ca littani. Nivataniti nivatappavesani. 1- Phusitaggalaniti chekehi vaddhakihi katatta pitthasanghatasmim sutthu phusitakavatani. Pihitakavatapananiti yuttakavatapanani. Imina padadvayena kavatavatapananam niccam pihitatam akathetva sampattiyeva kathita. Icchiticchitakkhane pana tani pidahiyanti 2- ca vivariyanti ca. Balato uppajjantiti balameva nissaya uppajjanti. Balo hi apanditapuriso rajjam va uparajjam va annam va pana mahantam thanam patthento katipaye attana sadise vidhavaputte mahamulhe 3- gahetva "etha aham tumhe issare karissami"ti pabbatagahanadini nissaya antamante game paharanto gamam nasetva 4- anupubbena nigamepi janapadepi paharati. Manussa gehani chaddetva khematthanam patthayamana pakkamanti. Te nissaya vasanta bhikkhupi bhikkhuniyopi attano attano vasanatthanani pahaya pakkamanti. Gatagatatthane tesam 5- bhikkhapi senasanampi dullabham hoti. Evam catunnampi parisanam bhayam agatameva hoti. Pabbajitesupi dve bala bhikkhu annamannam vivadam patthapetva codanam arabhanti. Kosambivasikanam 6- viya mahakalaho uppajjati. Catunnam parisanam bhayam agatameva hotiti evam pana yani 7- uppajjanti, sabbani tani balato uppajjantiti yathanusandhina desanam nitthapesi.The Pali Atthakatha in Roman Book 15 page 77-78. http://84000.org/tipitaka/pitaka_item/read_rm.php?B=15&A=1696&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=15&A=1696&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=440 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2630 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2583 The Pali Tipitaka in Roman Character :- http://84000.org/tipitaka/read/roman_read.php?B=20&A=2583 Contents of The Tipitaka Volume 20 http://84000.org/tipitaka/read/?index_20
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]