|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
[456] Isakamponeti 1- rathisa viya utthahitva thite. [461] Patikule appatikulasannitiadisu patikule mettapharanena va dhatuso upasamharena va appatikulasanni viharati. Appatikule asubhapharanena va aniccato upasamharena va patikulasanni viharati. Sesapadesupi eseva nayo. Tadubhayam abhinivajjetva majjhatto hutva viharitukamo pana kim karotiti. Itthanitthesu apathagatesu neva somanassiko na domanassiko hoti. Vuttam hetam:- katham patikule appatikulasanni viharati, anitthasmim vatthusmim mettaya va pharati, dhatuto va upasamharati, evam patikule appatikulasanni viharati. katham appatikule patikulasanni viharati, itthasmim vatthusmim asubhaya va pharati, aniccato va upasamharati, evam appatikule patikulasanni viharati. Katham patikule ca appatikule ca appatikulasanni viharati, anitthasminca itthasminca vatthusmim mettaya va pharati, dhatuto va upasamharati, evam patikule ca appatikule ca appatikulasanni viharati. Katham appatikule ca patikule ca patikulasanni viharati, itthasminca anitthasminca vatthusmim asubhaya va pharati, aniccato va upasamharati, evam appatikule ca patikule ca patikulasanni viharati. Katham patikule ca appatikule ca tadubhayam abhinivajjetva upekkhako viharati sato sampajano, idha bhikkhu cakkhuna rupam disva neva sumano hoti na dummano, upekkhako viharati sato sampajano .pe. Manasa dhammam vinnaya neva sumano hoti na dummano, upekkhako viharati sato sampajano. Evam patikule ca appatile ca tadubhayam abhinivajjetva upekkhako viharati sato sampajanoti. 2- @Footnote: 1 Si. isakamponeti 2 khu. pati. 31/17/424--------------------------------------------------------------------------------------------- page258.
Imesu ca tisu nayesu pathamanaye manapam amanapam manapamanapanti sankilesam vattati, nikkilesam vattati. Dutiyanaye sankilesam, tatiyanaye sankilesanikkilesam vattati, puna vuttam "pathamam sankilesam vattati, dutiyam sankilesampi nikkilesampi, tatiyam nikkilesameva vattati"ti. Sesam sabbattha uttanamevati. Papancasudaniya majjhimanikayatthakathaya indriyabhavanasuttavannana nitthita. Pancamavaggavannana nitthita. Iti papancasudaniya majjhimanikayatthakathaya uparipannasakavannana nitthita. Pancavaggapatimandita dvipannasakasuttantasangahatthakatha nitthita. Yo cayam "sabbadhammamulapariyayam vo bhikkhave desessami"ti araddhatta adikalyano, majjhe "suttam geyyam veyyakaranam gatha udanam itivuttakam jatakam abbhutadhammam vedallan"ti vacanato majjhekalyano, sannitthane "ariyo bhavitindriyo"ti vacanato pariyosanakalyanoti tividhakalyano majjhimanikayo "mahavipassana namayan"ti vutto, so vannanavasena samatto hoti.--------------------------------------------------------------------------------------------- page259.
Nigamanakatha ettavata ca:- ayacito sumatina therena bhadantabuddhamittena 1- pubbe mayuradutapattanamhi saddhim nivasantena. Paravadavidhamsanassa 2- majjhimanikayasetthassa yamaham papancasudanimatthakatham katumarabhim. Sa hi mahaatthakathaya saramadaya nitthita esa sattuttarasatamattaya paliya bhanavarehi. Ekunasatthimatto visuddhamaggopi bhanavarehi atthappakasanatthaya agamanam kato yasma. Tasma tena saha'yam gathaganananayena atthakatha samadhikachasatthisatamiti 3- vinneyya bhanavaranam. 4- Samadhichasatthisatapamanamiti bhanavarato esa samayam pakasayanti 5- mahaviharadhivasinam. 6- Mulatthakathasaram adaya maya imam karontena yam punnamupacitam tena hotu loko sada sukhitoti. Paramavisuddhasaddhabuddhiviriyappatimanditena silacarajjavamaddavadi- gunasamudayasamuditena sakasamayasamayantaragahanajjhogahanasamatthena pannaveyyattiya- samannagatena tipitakapariyattippabhede satthakathe satthu sasane appatihatananappabhavena mahaveyyakaranena karanasampattijanitasukhaviniggatamadhurodaravacanalavannayuttena yuttamuttavadina vadivarena mahakavina @Footnote: 1 Ma. bhadantabuddhaputtena 2 Si. paravadavadi... 3 Ma.,ka....satam 4 Ma.,ka. bhanavarehi @5 ka. pakasayantim 6 Ma.,ka. mahaviharavasinam--------------------------------------------------------------------------------------------- page260.
Pabhinnapatisambhidaparivare chalabhinnadippabhedagunappatimandite uttarimanussadhamme supatitthitabuddhinam theravamsappadipanam theranam mahaviharavasinam vamsalankarabhutena vipulavisuddhabuddhina buddhaghosoti garuhi gahitanamadheyyena therena katayam papancasudani nama majjhimanikayatthakatha:- tava titthatu lokasmim lokanittharanesinam dassenti kulaputtanam nayam ditthivisuddhiya. Yava buddhoti namampi suddhacittassa tadino lokamhi lokajetthassa pavattati mahesinoti. Antarayam vina esa suddhitthanamupagata tatha sijjhantu sankappa sattanam dhammanissitati. Papancasudani nama majjhimanikayatthakatha sabbakarena nitthita.The Pali Atthakatha in Roman Book 10 page 257-260. http://84000.org/tipitaka/pitaka_item/read_rm.php?B=10&A=6537&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=10&A=6537&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=853 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=10912 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=10795 The Pali Tipitaka in Roman Character :- http://84000.org/tipitaka/read/roman_read.php?B=14&A=10795 Contents of The Tipitaka Volume 14 http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]