ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๘ ภาษาบาลี อักษรไทย พระวินัยปิฎกเล่มที่ ๘ วินย. ปริวาโร
     [๑๐๓๕]   ปาราชิกนฺติ ยํ วุตฺตํ             ตํ สุโณหิ ยถากถํ ฯ
                จุโตปรทฺโธ ภฏฺโฐ จ            สทฺธมฺเมหิ ๒- นิรงฺกโต
                สํวาโสปิ จ ๓- ตหึ นตฺถิ       เตเนตํ อิติ วุจฺจติ ฯ
     [๑๐๓๖]   สงฺฆาทิเสโสติ ยํ วุตฺตํ          ตํ สุโณหิ ยถากถํ ฯ
                สงฺโฆ ว เทติ ปริวาสํ           มูลาย ปฏิกสฺสติ
                มานตฺตํ เทติ อพฺเภติ          เตเนตํ อิติ วุจฺจติ ฯ
     [๑๐๓๗]   อนิยโตติ ยํ วุตฺตํ                 ตํ สุโณหิ ยถากถํ ฯ
                อนิยโต น นิยโต                 อเนกํสิกตํ ปทํ
                ติณฺณมญฺญตรํ ฐานํ           อนิยโตติ ปวุจฺจติ ฯ
     [๑๐๓๘]   ถุลฺลจฺจยนฺติ ยํ วุตฺตํ            ตํ สุโณหิ ยถากถํ ฯ
@เชิงอรรถ:  ม. จ ฯ   โป. ม. สทฺธมฺมา หิ ฯ   โป. ม. จสทฺโท นตฺถิ ฯ ยุ. ปิสทฺโท นตฺถิ ฯ
                เอกสฺส มูเล โย เทเสติ         โย จ ตํ ปฏิคฺคณฺหติ
                อจฺจโย เตน สโม นตฺถิ         เตเนตํ อิติ วุจฺจติ ฯ
     [๑๐๓๙]   นิสฺสคฺคิยนฺติ ยํ วุตฺตํ            ตํ สุโณหิ ยถากถํ ฯ
                สงฺฆมชฺเฌ คณมชฺเฌ          เอกกสฺเสว เอกโต
                นิสฺสชฺชิตฺวา ยํ เทเสติ ๑-      เตเนตํ อิติ วุจฺจติ ฯ
     [๑๐๔๐]   ปาจิตฺติยนฺติ ยํ วุตฺตํ             ตํ สุโณหิ ยถากถํ ฯ
                ปาเตติ กุสลํ ธมฺมํ               อริยมคฺคํ อปรชฺฌติ
                จิตฺตสมฺโมหนฏฺฐานํ            เตเนตํ อิติ วุจฺจติ ฯ
     [๑๐๔๑]   ปาฏิเทสนียนฺติ ยํ วุตฺตํ         ตํ สุโณหิ ยถากถํ ฯ
                ภิกฺขุ อญฺญาตโก สนฺโต       กิจฺฉา ลทฺธาย โภชนํ
                สามํ คเหตฺวา ภุญฺเชยฺย       คารยฺหนฺติ ปวุจฺจติ ฯ
                นิมนฺตนาสุ ภุญฺชนฺโต ๒-     ฉนฺทาย โวสาสติ ตตฺถ ภิกฺขุนี
                อนิวาเรตฺวา ตหึ ภุญฺเช        คารยฺหนฺติ ปวุจฺจติ ฯ
                สทฺธาจิตฺตํ กุลํ คนฺตฺวา        อปฺปโภคํ อนาฬฺหิยํ ๓-
                อคิลาโน ตหึ ภุญฺเช            คารยฺหนฺติ ปวุจฺจติ ฯ
                โย เจ อรญฺเญ วิหรนฺโต       สาสงฺเก สภยานเก
                อวิทิตํ ตหึ ภุญฺเช                คารยฺหนฺติ ปวุจฺจติ ฯ
                ภิกฺขุนี อญฺญาติกา สนฺตา    ยํ ปเรสํ มมายิตํ
                    สปฺปิ เตลํ มธุ ผาณิตํ
                    มจฺฉมํสํ อโถปิ ขีรํ ทธึ
@เชิงอรรถ:  ม. ยุ. นิสฺสชฺชิตฺวาน เทเสติ ฯ   ม. ภุญฺชนฺตา ฯ ยุ. ภุญฺชนฺตํ ฯ
@ ม. อนาฬิลํ ฯ
                             สยํ วิญฺญาเปยฺย ภิกฺขุนี
                      คารยฺหปตฺตา สุคตสฺส สาสเน ฯ
     [๑๐๔๒]   ทุกฺกฏนฺติ ยํ วุตฺตํ                ตํ สุโณหิ ยถากถํ ฯ
                อปรทฺธํ วิรทฺธญฺจ               ขลิตํ ยญฺจ ทุกฺกฏํ
                ยํ มนุสฺโส กเร ปาปํ             อาวิ วา ยทิ วา รโห
                ทุกฺกฏนฺติ ปเวเทนฺติ            เตเนตํ อิติ วุจฺจติ ฯ
     [๑๐๔๓]   ทุพฺภาสิตนฺติ ยํ วุตฺตํ            ตํ สุโณหิ ยถากถํ ฯ
                ทุพฺภาสิตํ ทุราภฏฺฐํ            สงฺกิลิฏฺฐญฺจ ยํ ปทํ
                ยญฺจ วิญฺญู ครหนฺติ           เตเนตํ อิติ วุจฺจติ ฯ
     [๑๐๔๔]   เสขิยนฺติ ยํ วุตฺตํ                  ตํ สุโณหิ ยถากถํ ฯ
                เสขสฺส สิกฺขมานสฺส            อุชุมคฺคานุสาริโน
                อาทิ เจตํ จรณญฺจ              มุขํ สญฺญมสํวโร
                สิกฺขา เอตาทิสา ๑- นตฺถิ    เตเนตํ อิติ วุจฺจติ ฯ
                ฉนฺนมติวสฺสติ                    วิวฏํ นาติวสฺสติ
                ตสฺมา ฉนฺนํ วิวเรถ              เอวนฺตํ นาติวสฺสติ ฯ
                คติ มิคานํ ปวนํ                  อากาโส ปกฺขินํ คติ
                วิภโว คติ ธมฺมานํ               นิพฺพานํ อรหโต คตีติ ฯ
                           คาถาสงฺคณิกํ นิฏฺฐิตํ ฯ
                                  ตสฺสุทฺทานํ
     [๑๐๔๕]   สตฺตนคเรสุ ปญฺญตฺตา ๒-   วิปตฺติ จตุโรปิ จ
@เชิงอรรถ:  โป. ม. ยุ. เอตาทิสี ฯ   ยุ. ปญฺญตฺตํ ฯ
                ภิกฺขูนํ ภิกฺขุนีนญฺจ             สาธารณา อสาธารณา
                สาสนํ อนุคฺคหาย               คาถาสงฺคณิกํ อิทนฺติ ฯ
                                   -----------



             เนื้อความพระไตรปิฎกฉบับภาษาบาลีอักษรไทย เล่มที่ ๘ หน้าที่ ๓๖๘-๓๗๑. http://84000.org/tipitaka/pitaka_item/pali_item_s.php?book=8&item=1035&items=11&modeTY=2              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=8&item=1035&items=11&modeTY=2&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=8&item=1035&items=11&modeTY=2              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=8&item=1035&items=11&modeTY=2              ศึกษาอรรถกถานี้ได้ที่ :- http://84000.org/tipitaka/attha/attha.php?b=8&i=1035              สารบัญพระไตรปิฎกเล่มที่ ๘ http://84000.org/tipitaka/read/?index_8

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :