พระไตรปิฎกเล่มที่ ๔ ภาษาบาลี อักษรไทย
พระวินัยปิฎกเล่มที่ ๔ วินย. มหาวคฺโค (๑)

     [๒๑๔]   เตน  โข  ปน  สมเยน โกสเลสุ ชนปเทสุ ๒- อญฺตรสฺมึ
อาวาเส   วสฺสูปคตา   ภิกฺขู   วาเฬหิ  อุพฺพาฬฺหา  โหนฺติ  ฯ  คณฺหึสุปิ
ปริปาตึสุปิ   ฯ   ภควโต   เอตมตฺถํ  อาโรเจสุํ  ฯ  อิธ  ปน  ภิกฺขเว
วสฺสูปคตา  ภิกฺขู  วาเฬหิ  อุพฺพาฬฺหา  โหนฺติ  คณฺหนฺติปิ  ปริปาเตนฺติปิ ฯ
เอเสว อนฺตราโยติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๔.๑}   อิธ  ปน  ภิกฺขเว  วสฺสูปคตา ภิกฺขู สิรึสเปหิ อุพฺพาฬฺหา
โหนฺติ  ฯ  ฑํสนฺติปิ  ปริปาเตนฺติปิ  ฯ  เอเสว  อนฺตราโยติ ปกฺกมิตพฺพํ ฯ
อนาปตฺติ วสฺสจฺเฉทสฺส ฯ
     {๒๑๔.๒}   อิธ  ปน  ภิกฺขเว  วสฺสูปคตา  ภิกฺขู โจเรหิ อุพฺพาฬฺหา
โหนฺติ  ฯ  วิลุมฺปนฺติปิ  อาโกเฏนฺติปิ  ฯ เอเสว อนฺตราโยติ ปกฺกมิตพฺพํ ฯ
อนาปตฺติ วสฺสจฺเฉทสฺส ฯ
     {๒๑๔.๓}   อิธ  ปน  ภิกฺขเว  วสฺสูปคตา ภิกฺขู ปิสาเจหิ อุพฺพาฬฺหา
โหนฺติ  ฯ  อาวิสนฺติปิ  หรนฺติปิ  ๓-  ฯ เอเสว อนฺตราโยติ ปกฺกมิตพฺพํ ฯ
อนาปตฺติ วสฺสจฺเฉทสฺส ฯ
     {๒๑๔.๔}   อิธ  ปน  ภิกฺขเว  วสฺสูปคตานํ  ภิกฺขูนํ  คาโม อคฺคินา
ทฑฺโฒ  โหติ  ฯ  ภิกฺขู  ปิณฺฑเกน  ๔-  กิลมนฺติ  ฯ  เอเสว อนฺตราโยติ
ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๔.๕}   อิธ  ปน  ภิกฺขเว  วสฺสูปคตานํ ภิกฺขูนํ เสนาสนํ อคฺคินา
ทฑฺฒํ   โหติ   ฯ  ภิกฺขู  เสนาสเนน  กิลมนฺติ  ฯ  เอเสว  อนฺตราโยติ
ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๔.๖}   อิธ   ปน   ภิกฺขเว   วสฺสูปคตานํ   ภิกฺขูนํ   คาโม
@เชิงอรรถ: ๑ โป. วสฺสาวาสิกภาณวาโร นิฏฺิโต ฯ  ม. วสฺสาวาสภาณวาโร นิฏฺิโต ฯ
@ยุ. วสฺสาวาสภาณวารํ นิฏฺิตํ ฯ สี. วสฺสาวาสภาณวารํ ปมํ ฯ ๒ ม. สพฺพตฺถ ชนปเท ฯ
@๓ ม. หนนฺติปิ ฯ ๔ โป. ปิณฺเฑน ฯ
---------------------------------------------------------------------------------------------
หน้าที่ ๒๙๓.
อุทเกน   วุโฬฺห   โหติ   ฯ   ภิกฺขู   ปิณฺฑเกน   กิลมนฺติ  ฯ  เอเสว
อนฺตราโยติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๔.๗}   อิธ   ปน   ภิกฺขเว   วสฺสูปคตานํ  ภิกฺขูนํ  เสนาสนํ
อุทเกน   วุฬฺหํ   โหติ   ฯ   ภิกฺขู   เสนาสเนน  กิลมนฺติ  ฯ  เอเสว
อนฺตราโยติ ปกฺกมิตพฺพํ ฯ อนาปตฺติ วสฺสจฺเฉทสฺสาติ ฯ
     [๒๑๕]   เตน  โข  ปน  สมเยน  อญฺตรสฺมึ อาวาเส วสฺสูปคตานํ
ภิกฺขูนํ  คาโม  โจเรหิ  วุฏฺาสิ  ๑-  ฯ  ภควโต เอตมตฺถํ อาโรเจสุํ ฯ
อนุชานามิ    ภิกฺขเว    เยน   คาโม   เตน   คนฺตุนฺติ   ฯ   คาโม
เทฺวธา   ภิชฺชิตฺถ   ฯ   ภควโต   เอตมตฺถํ  อาโรเจสุํ  ฯ  อนุชานามิ
ภิกฺขเว   เยน   คามา  พหุตรา  เตน  คนฺตุนฺติ  ฯ  พหุตรา  อสฺสทฺธา
โหนฺติ   อปฺปสนฺนา   ฯ   ภควโต  เอตมตฺถํ  อาโรเจสุํ  ฯ  อนุชานามิ
ภิกฺขเว เยน สทฺธา ปสนฺนา เตน คนฺตุนฺติ ฯ
     [๒๑๖]   เตน  โข  ปน  สมเยน  โกสเลสุ  ชนปเทสุ  อญฺตรสฺมึ
อาวาเส   วสฺสูปคตา   ภิกฺขู   น   ลภึสุ   ลูขสฺส   วา  ปณีตสฺส  วา
โภชนสฺส   ยาวทตฺถํ   ปาริปูรึ   ฯ   ภควโต  เอตมตฺถํ  อาโรเจสุํ  ฯ
อิธ   ปน   ภิกฺขเว  วสฺสูปคตา  ภิกฺขู  น  ลภนฺติ  ลูขสฺส  วา  ปณีตสฺส
วา  โภชนสฺส  ยาวทตฺถํ  ปาริปูรึ  ฯ  เอเสว  อนฺตราโยติ ปกฺกมิตพฺพํ ฯ
อนาปตฺติ วสฺสจฺเฉทสฺส ฯ
     {๒๑๖.๑}   อิธ   ปน  ภิกฺขเว  วสฺสูปคตา  ภิกฺขู  ลภนฺติ  ลูขสฺส
วา    ปณีตสฺส    วา    โภชนสฺส   ยาวทตฺถํ   ปาริปูรึ   น   ลภนฺติ
สปฺปายานิ    โภชนานิ    ฯ   เอเสว   อนฺตราโยติ   ปกฺกมิตพฺพํ   ฯ
@เชิงอรรถ: ๑ โป. วุฏฺาปิโต โหติ ฯ ๒ ม. อยํ ปาโ นตฺถิ ฯ
---------------------------------------------------------------------------------------------
หน้าที่ ๒๙๔.
อนาปตฺติ วสฺสจฺเฉทสฺส ฯ
     {๒๑๖.๒}   อิธ   ปน  ภิกฺขเว  วสฺสูปคตา  ภิกฺขู  ลภนฺติ  ลูขสฺส
วา   ปณีตสฺส   วา   โภชนสฺส   ยาวทตฺถํ  ปาริปูรึ  ลภนฺติ  สปฺปายานิ
โภชนานิ   น   ลภนฺติ  สปฺปายานิ  เภสชฺชานิ  ฯ  เอเสว  อนฺตราโยติ
ปกฺกมิตพฺพํ    ฯ   อนาปตฺติ   วสฺสจฺเฉทสฺส   ฯ   อิธ   ปน   ภิกฺขเว
วสฺสูปคตา    ภิกฺขู   ลภนฺติ   ลูขสฺส   วา   ปณีตสฺส   วา   โภชนสฺส
ยาวทตฺถํ   ปาริปูรึ   ลภนฺติ   สปฺปายานิ   โภชนานิ  ลภนฺติ  สปฺปายานิ
เภสชฺชานิ   น   ลภนฺติ   ปฏิรูปํ   อุปฏฺากํ   ฯ  เอเสว  อนฺตราโยติ
ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๖.๓}   อิธ   ปน  ภิกฺขเว  วสฺสูปคตํ  ภิกฺขุํ  อิตฺถี  นิมนฺเตติ
เอหิ  ภนฺเต  หิรญฺ  วา  เต  เทมิ  สุวณฺณํ  วา  เต  เทมิ เขตฺตํ วา
เต  เทมิ  วตฺถุํ  วา  เต  เทมิ  คาวุํ  วา เต เทมิ คาวึ วา เต เทมิ
ทาสํ  วา  เต  เทมิ  ทาสึ  วา  เต เทมิ ธีตรํ วา เต เทมิ ภริยตฺถาย
อหํ  วา  เต  ภริยา  โหมิ  อญฺ  วา  เต  ภริยํ อาเนมีติ ฯ ตตฺร เจ
ภิกฺขุโน  เอวํ  โหติ  ลหุปริวตฺตํ  โข  จิตฺตํ  วุตฺตํ  ภควตา  สิยาปิ  เม
พฺรหฺมจริยสฺส อนฺตราโยติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๖.๔}   อิธ  ปน  ภิกฺขเว  วสฺสูปคตํ ภิกฺขุํ เวสี นิมนฺเตติ ฯเปฯ
ถุลฺลกุมารี   นิมนฺเตติ  ปณฺฑโก  นิมนฺเตติ  าตกา  นิมนฺเตนฺติ  ราชาโน
นิมนฺเตนฺติ   โจรา  นิมนฺเตนฺติ  ธุตฺตา  นิมนฺเตนฺติ  เอหิ  ภนฺเต  หิรญฺ
วา  เต  เทม  สุวณฺณํ  วา  เต  เทม เขตฺตํ วา เต เทม วตฺถุํ วา เต
---------------------------------------------------------------------------------------------
หน้าที่ ๒๙๕.
เทม  คาวุํ  วา  เต  เทม  คาวึ  วา  เต  เทม  ทาสํ  วา เต เทม
ทาสึ   วา   เต   เทม   ธีตรํ   วา   เต   เทม  ภริยตฺถาย  อญฺ
วา   เต   ภริยํ   อาเนมาติ   ฯ   ตตฺร   เจ  ภิกฺขุโน  เอวํ  โหติ
ลหุปริวตฺตํ   โข   จิตฺตํ   วุตฺตํ   ภควตา   สิยาปิ   เม  พฺรหฺมจริยสฺส
อนฺตราโยติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๖.๕}   อิธ   ปน  ภิกฺขเว  วสฺสูปคโต  ภิกฺขุ  อสฺสามิกํ  นิธึ
ปสฺสติ  ฯ  ตตฺร  เจ  ภิกฺขุโน  เอวํ  โหติ  ลหุปริวตฺตํ  โข  จิตฺตํ วุตฺตํ
ภควตา    สิยาปิ   เม   พฺรหฺมจริยสฺส   อนฺตราโยติ   ปกฺกมิตพฺพํ   ฯ
อนาปตฺติ วสฺสจฺเฉทสฺส ฯ
     {๒๑๖.๖}   อิธ  ปน  ภิกฺขเว  วสฺสูปคโต  ภิกฺขุ  ปสฺสติ  สมฺพหุเล
ภิกฺขู   สงฺฆเภทาย   ปรกฺกมนฺเต   ฯ  ตตฺร  เจ  ภิกฺขุโน  เอวํ  โหติ
ครุโก    โข   สงฺฆเภโท   วุตฺโต   ภควตา   มา   มยิ   สมฺมุขีภูเต
สงฺโฆ ภิชฺชีติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๖.๗}   อิธ  ปน  ภิกฺขเว  วสฺสูปคโต  ภิกฺขุ  สุณาติ  สมฺพหุลา
กิร  ภิกฺขู  สงฺฆเภทาย  ปรกฺกมนฺตีติ  ฯ  ตตฺร  เจ  ภิกฺขุโน  เอวํ โหติ
ครุโก   โข   สงฺฆเภโท  วุตฺโต  ภควตา  มา  มยิ  สมฺมุขีภูเต  สงฺโฆ
ภิชฺชีติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๖.๘}   อิธ  ปน  ภิกฺขเว  วสฺสูปคโต  ภิกฺขุ  สุณาติ  อมุกสฺมึ
กิร  อาวาเส  สมฺพหุลา  ภิกฺขู  สงฺฆเภทาย  ปรกฺกมนฺตีติ  ฯ  ตตฺร  เจ
ภิกฺขุโน เอวํ โหติ เต โข เม ภิกฺขู มิตฺตา ตฺยาหํ วกฺขามิ ครุโก โข อาวุโส
สงฺฆเภโท   วุตฺโต   ภควตา   มา  อายสฺมนฺตานํ  สงฺฆเภโท  รุจิตฺถาติ
---------------------------------------------------------------------------------------------
หน้าที่ ๒๙๖.
กริสฺสนฺติ   เม   วจนํ  สุสฺสูสิสฺสนฺติ  โสตํ  โอทหิสฺสนฺตีติ  ปกฺกมิตพฺพํ  ฯ
อนาปตฺติ วสฺสจฺเฉทสฺส ฯ
     {๒๑๖.๙}   อิธ  ปน  ภิกฺขเว  วสฺสูปคโต  ภิกฺขุ  สุณาติ  อมุกสฺมึ
กิร   อาวาเส   สมฺพหุลา   ภิกฺขู   สงฺฆเภทาย  ปรกฺกมนฺตีติ  ฯ  ตตฺร
เจ  ภิกฺขุโน  เอวํ  โหติ  เต  โข  เม  ภิกฺขู  น มิตฺตา อปิจ เย เตสํ
มิตฺตา   เต   เม   มิตฺตา  ตฺยาหํ  วกฺขามิ  เต  วุตฺตา  เต  วกฺขนฺติ
ครุโก   โข   อาวุโส   สงฺฆเภโท  วุตฺโต  ภควตา  มา  อายสฺมนฺตานํ
สงฺฆเภโท   รุจิตฺถาติ   กริสฺสนฺติ   เม   ๑-  วจนํ  สุสฺสูสิสฺสนฺติ  โสตํ
โอทหิสฺสนฺตีติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๖.๑๐}   อิธ  ปน  ภิกฺขเว  วสฺสูปคโต  ภิกฺขุ  สุณาติ  อมุกสฺมึ
กิร  อาวาเส  สมฺพหุเลหิ  ภิกฺขูหิ  สงฺโฆ  ภินฺโนติ  ฯ  ตตฺร เจ ภิกฺขุโน
เอวํ  โหติ  เต  โข  เม  ภิกฺขู มิตฺตา ตฺยาหํ วกฺขามิ ครุโก โข อาวุโส
สงฺฆเภโท   วุตฺโต   ภควตา   มา  อายสฺมนฺตานํ  สงฺฆเภโท  รุจิตฺถาติ
กริสฺสนฺติ   เม   วจนํ  สุสฺสูสิสฺสนฺติ  โสตํ  โอทหิสฺสนฺตีติ  ปกฺกมิตพฺพํ  ฯ
อนาปตฺติ วสฺสจฺเฉทสฺส ฯ
     {๒๑๖.๑๑}   อิธ  ปน  ภิกฺขเว  วสฺสูปคโต  ภิกฺขุ  สุณาติ  อมุกสฺมึ
กิร   อาวาเส   สมฺพหุเลหิ   ภิกฺขูหิ   สงฺโฆ   ภินฺโนติ  ฯ  ตตฺร  เจ
ภิกฺขุโน  เอวํ  โหติ  เต  โข  เม  ภิกฺขู  น  มิตฺตา  อปิจ  เย  เตสํ
มิตฺตา   เต   เม   มิตฺตา  ตฺยาหํ  วกฺขามิ  เต  วุตฺตา  เต  วกฺขนฺติ
ครุโก   โข   อาวุโส   สงฺฆเภโท  วุตฺโต  ภควตา  มา  อายสฺมนฺตานํ
สงฺฆเภโท    รุจิตฺถาติ    กริสฺสนฺติ    เม   ๒-   วจนํ   สุสฺสูสิสฺสนฺติ
@เชิงอรรถ: ๑-๒ ม. เตสํ ฯ
---------------------------------------------------------------------------------------------
หน้าที่ ๒๙๗.
โสตํ โอทหิสฺสนฺตีติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๖.๑๒}   อิธ  ปน  ภิกฺขเว  วสฺสูปคโต  ภิกฺขุ  สุณาติ  อมุกสฺมึ
กิร   อาวาเส   สมฺพหุลา   ภิกฺขุนิโย   สงฺฆเภทาย   ปรกฺกมนฺตีติ   ฯ
ตตฺร  เจ  ภิกฺขุโน  เอวํ  โหติ  ตา  โข  เม  ภิกฺขุนิโย  มิตฺตา  ตาหํ
วกฺขามิ   ครุโก  โข  ภคินิโย  สงฺฆเภโท  วุตฺโต  ภควตา  มา  ภคินีนํ
สงฺฆเภโท    รุจิตฺถาติ    กริสฺสนฺติ   เม   วจนํ   สุสฺสูสิสฺสนฺติ   โสตํ
โอทหิสฺสนฺตีติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๖.๑๓}   อิธ  ปน  ภิกฺขเว  วสฺสูปคโต  ภิกฺขุ  สุณาติ  อมุกสฺมึ
กิร   อาวาเส   สมฺพหุลา   ภิกฺขุนิโย   สงฺฆเภทาย   ปรกฺกมนฺตีติ   ฯ
ตตฺร  เจ  ภิกฺขุโน  เอวํ  โหติ  ตา  โข  เม  ภิกฺขุนิโย น มิตฺตา อปิจ
ยา   ตาสํ   มิตฺตา  ตา  เม  มิตฺตา  ตาหํ  วกฺขามิ  ตา  วุตฺตา  ตา
วกฺขนฺติ   ครุโก   โข   ภคินิโย   สงฺฆเภโท   วุตฺโต   ภควตา   มา
ภคินีนํ   สงฺฆเภโท   รุจิตฺถาติ   กริสฺสนฺติ  เม  ๑-  วจนํ  สุสฺสูสิสฺสนฺติ
โสตํ โอทหิสฺสนฺตีติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๖.๑๔}   อิธ   ปน   ภิกฺขเว   วสฺสูปคโต   ภิกฺขุ   สุณาติ
อมุกสฺมึ   กิร   อาวาเส   สมฺพหุลาหิ   ภิกฺขุนีหิ   สงฺโฆ   ภินฺโนติ  ฯ
ตตฺร  เจ  ภิกฺขุโน  เอวํ  โหติ  ตา  โข  เม  ภิกฺขุนิโย  มิตฺตา  ตาหํ
วกฺขามิ   ครุโก   โข   ภคินิโย   สงฺฆเภโท   วุตฺโต   ภควตา   มา
ภคินีนํ    สงฺฆเภโท   รุจิตฺถาติ   กริสฺสนฺติ   เม   วจนํ   สุสฺสูสิสฺสนฺติ
โสตํ โอทหิสฺสนฺตีติ ปกฺกมิตพฺพํ ฯ อนาปตฺติ วสฺสจฺเฉทสฺส ฯ
     {๒๑๖.๑๕}   อิธ       ปน      ภิกฺขเว      วสฺสูปคโต
@เชิงอรรถ: ๑ ม. ตาสํ ฯ
---------------------------------------------------------------------------------------------
หน้าที่ ๒๙๘.
ภิกฺขุ   สุณาติ   อมุกสฺมึ   กิร   อาวาเส   สมฺพหุลาหิ  ภิกฺขุนีหิ  สงฺโฆ
ภินฺโนติ   ฯ  ตตฺร  เจ  ภิกฺขุโน  เอวํ  โหติ  ตา  โข  เม  ภิกฺขุนิโย
น  มิตฺตา  อปิจ  ยา  ตาสํ  มิตฺตา  ตา  เม  มิตฺตา  ตาหํ วกฺขามิ ตา
วุตฺตา   ตา  วกฺขนฺติ  ครุโก  โข  ภคินิโย  สงฺฆเภโท  วุตฺโต  ภควตา
มา    ภคินีนํ   สงฺฆเภโท   รุจิตฺถาติ   กริสฺสนฺติ   เม   ๑-   วจนํ
สุสฺสูสิสฺสนฺติ     โสตํ    โอทหิสฺสนฺตีติ    ปกฺกมิตพฺพํ    ฯ    อนาปตฺติ
วสฺสจฺเฉทสฺส ๒- ฯ
     [๒๑๗]   เตน   โข  ปน  สมเยน  อญฺตโร  ภิกฺขุ  วเช  วสฺสํ
อุปคนฺตุกาโม   โหติ   ฯ  ภควโต  เอตมตฺถํ  อาโรเจสุํ  ฯ  อนุชานามิ
ภิกฺขเว   วเช   วสฺสํ   อุปคนฺตุนฺติ   ฯ   วโช   วุฏฺาสิ  ฯ  ภควโต
เอตมตฺถํ   อาโรเจสุํ   ฯ   อนุชานามิ   ภิกฺขเว   เยน   วโช  เตน
คนฺตุนฺติ   ฯ   เตน   โข   ปน   สมเยน  อญฺตโร  ภิกฺขุ  อุปกฏฺาย
วสฺสูปนายิกาย   สตฺเถน   คนฺตุกาโม   โหติ   ฯ   ภควโต   เอตมตฺถํ
อาโรเจสุํ   ฯ  อนุชานามิ  ภิกฺขเว  สตฺเถ  วสฺสํ  อุปคนฺตุนฺติ  ฯ  เตน
โข    ปน    สมเยน   อญฺตโร   ภิกฺขุ   อุปกฏฺาย   วสฺสูปนายิกาย
นาวาย   คนฺตุกาโม   โหติ   ฯ   ภควโต   เอตมตฺถํ   อาโรเจสุํ  ฯ
อนุชานามิ ภิกฺขเว นาวาย วสฺสํ อุปคนฺตุนฺติ ฯ
     [๒๑๘]   เตน  โข  ปน  สมเยน  อญฺตโร  ภิกฺขุ รุกฺขสุสิเร วสฺสํ
อุปคจฺฉติ   ฯ   มนุสฺสา   อุชฺฌายนฺติ   ขียนฺติ   วิปาเจนฺติ   เสยฺยถาปิ
ปิสาจิลฺลิกาติ   ฯ   ภควโต   เอตมตฺถํ   อาโรเจสุํ   ฯ   น  ภิกฺขเว
@เชิงอรรถ: ๑ ม. ตาสํ ฯ   ๒ ม. วสฺสจฺเฉทสฺสาติ ฯ
---------------------------------------------------------------------------------------------
หน้าที่ ๒๙๙.
รุกฺขสุสิเร     วสฺสํ     อุปคนฺตพฺพํ     โย    อุปคจฺเฉยฺย    อาปตฺติ
ทุกฺกฏสฺสาติ   ฯ   เตน   โข   ปน  สมเยน  ภิกฺขู  รุกฺขวิฏภิยา  วสฺสํ
อุปคจฺฉนฺติ   ฯ   มนุสฺสา   อุชฺฌายนฺติ   ขียนฺติ   วิปาเจนฺติ  เสยฺยถาปิ
มิคลุทฺทกาติ  ฯ  ภควโต  เอตมตฺถํ  อาโรเจสุํ  ฯ น ภิกฺขเว รุกฺขวิฏภิยา
วสฺสํ อุปคนฺตพฺพํ โย อุปคจฺเฉยฺย อาปตฺติ ทุกฺกฏสฺสาติ ฯ
     [๒๑๙]   เตน   โข   ปน   สมเยน   ภิกฺขู  อชฺโฌกาเส  วสฺสํ
อุปคจฺฉนฺติ  ฯ  เทเว  วสฺสนฺเต  รุกฺขมูลํปิ  นิมฺพโกสํปิ  ๑- อุปธาวนฺติ ฯ
ภควโต   เอตมตฺถํ   อาโรเจสุํ   ฯ   น   ภิกฺขเว  อชฺโฌกาเส  วสฺสํ
อุปคนฺตพฺพํ    โย    อุปคจฺเฉยฺย    อาปตฺติ   ทุกฺกฏสฺสาติ   ฯ   เตน
โข  ปน  สมเยน  ภิกฺขู  อเสนาสนิกา ๒- วสฺสํ อุปคจฺฉนฺติ สีเตนปิ [๓]-
อุเณฺหนปิ   กิลมนฺติ   ฯ  ภควโต  เอตมตฺถํ  อาโรเจสุํ  ฯ  น  ภิกฺขเว
อเสนาสนิเกน    วสฺสํ    อุปคนฺตพฺพํ    โย    อุปคจฺเฉยฺย    อาปตฺติ
ทุกฺกฏสฺสาติ   ฯ   เตน   โข   ปน   สมเยน  ภิกฺขู  ฉวกุฏิกาย  วสฺสํ
อุปคจฺฉนฺติ   ฯ   มนุสฺสา   อุชฺฌายนฺติ   ขียนฺติ   วิปาเจนฺติ  เสยฺยถาปิ
ฉวทาหกาติ  ฯ  ภควโต  เอตมตฺถํ  อาโรเจสุํ  ฯ  น ภิกฺขเว ฉวกุฏิกาย
วสฺสํ    อุปคนฺตพฺพํ    โย    อุปคจฺเฉยฺย   อาปตฺติ   ทุกฺกฏสฺสาติ   ฯ
เตน   โข   ปน  สมเยน  ภิกฺขู  ฉตฺเต  วสฺสํ  อุปคจฺฉนฺติ  ฯ  มนุสฺสา
อุชฺฌายนฺติ   ขียนฺติ   วิปาเจนฺติ   เสยฺยถาปิ   โคปาลกาติ  ฯ  ภควโต
เอตมตฺถํ   อาโรเจสุํ   ฯ   น   ภิกฺขเว   ฉตฺเต   วสฺสํ   อุปคนฺตพฺพํ
โย   อุปคจฺเฉยฺย   อาปตฺติ   ทุกฺกฏสฺสาติ  ฯ  เตน  โข  ปน  สมเยน
@เชิงอรรถ: ๑ ม. นิพฺพโกสํปิ ฯ  ๒ ยุ. อเสนาสนกา ฯ  ๓ ม. ยุ. กิลมนฺติ ฯ
---------------------------------------------------------------------------------------------
หน้าที่ ๓๐๐.
ภิกฺขู   จาฏิยา   วสฺสํ   อุปคจฺฉนฺติ   ฯ   มนุสฺสา   อุชฺฌายนฺติ  ขียนฺติ
วิปาเจนฺติ   เสยฺยถาปิ  ติตฺถิยาติ  ฯ  ภควโต  เอตมตฺถํ  อาโรเจสุํ  ฯ
น   ภิกฺขเว   จาฏิยา   วสฺสํ   อุปคนฺตพฺพํ   โย  อุปคจฺเฉยฺย  อาปตฺติ
ทุกฺกฏสฺสาติ ฯ
     [๒๒๐]   เตน  โข  ปน  สมเยน  สาวตฺถิยา สงฺเฆน [๑]- กติกา
กตา    โหติ    อนฺตราวสฺสํ    น    ปพฺพาเชตพฺพนฺติ   ฯ   วิสาขาย
มิคารมาตุยา    นตฺตา    ภิกฺขู    อุปสงฺกมิตฺวา   ปพฺพชฺชํ   ยาจิ   ฯ
ภิกฺขู    เอวมาหํสุ   สงฺเฆน   โข   อาวุโส   [๒]-   กติกา   กตา
อนฺตราวสฺสํ     น    ปพฺพาเชตพฺพนฺติ    อาคเมหิ    อาวุโส    ยาว
ภิกฺขู    วสฺสํ   วสนฺติ   วสฺสํ   วุตฺถา   ปพฺพาเชสฺสนฺตีติ   ฯ   อถโข
เต    ภิกฺขู    วสฺสํ    วุตฺถา    วิสาขาย    มิคารมาตุยา   นตฺตารํ
เอตทโวจุํ    เอหีทานิ    อาวุโส    ปพฺพชาหีติ   ฯ   โส   เอวมาห
สจาหํ     ภนฺเต     ปพฺพชิโต    อสฺสํ    อภิรเมยฺยามหํ    นทานาหํ
ภนฺเต     ปพฺพชิสฺสามีติ     ฯ    วิสาขา    มิคารมาตา    อุชฺฌายติ
ขียติ   วิปาเจติ   กถํ   หิ   นาม   อยฺยา   เอวรูปํ  กติกํ  กริสฺสนฺติ
อนฺตราวสฺสํ   น   ปพฺพาเชตพฺพนฺติ  กํ  กาลํ  ธมฺโม  น  จริตพฺโพติ  ฯ
อสฺโสสุํ     โข    ภิกฺขู    วิสาขาย    มิคารมาตุยา    อุชฺฌายนฺติยา
ขียนฺติยา   วิปาเจนฺติยา   ฯ   อถโข   เต   ภิกฺขู  ภควโต  เอตมตฺถํ
อาโรเจสุํ   ฯ   น   ภิกฺขเว  เอวรูปา  กติกา  กาตพฺพา  อนฺตราวสฺสํ
น ปพฺพาเชตพฺพนฺติ โย กเรยฺย อาปตฺติ ทุกฺกฏสฺสาติ ฯ
     [๒๒๑]   เตน  โข  ปน  สมเยน อายสฺมตา อุปนนฺเทน สกฺยปุตฺเตน
@เชิงอรรถ: ๑-๒ ม. เอวรูปา ฯ
---------------------------------------------------------------------------------------------
หน้าที่ ๓๐๑.
รญฺโ     ปเสนทิสฺส    โกสลสฺส    วสฺสาวาโส    ปฏิสฺสุโต    โหติ
ปุริมิกาย   ฯ   โส  ตํ  อาวาสํ  คจฺฉนฺโต  อทฺทส  อนฺตรามคฺเค  เทฺว
อาวาเส   พหุจีวรเก   ฯ   ตสฺส   เอตทโหสิ  ยนฺนูนาหํ  อิเมสุ  ทฺวีสุ
อาวาเสสุ   วสฺสํ   วเสยฺยํ   เอวํ   เม  พหุํ  จีวรํ  อุปฺปชฺชิสฺสตีติ  ฯ
โส   เตสุ   ทฺวีสุ  อาวาเสสุ  วสฺสํ  วสิ  ฯ  ราชา  ปเสนทิ  โกสโล
อุชฺฌายติ    ขียติ    วิปาเจติ    กถํ   หิ   นาม   อยฺโย   อุปนนฺโท
สกฺยปุตฺโต    อมฺหากํ    วสฺสาวาสํ   ปฏิสฺสุณิตฺวา   วิสํวาเทสฺสติ   นนุ
ภควตา   อเนกปริยาเยน   มุสาวาโท   ครหิโต   มุสาวาทา   เวรมณี
ปสตฺถาติ ฯ
     {๒๒๑.๑}   อสฺโสสุํ   โข   ภิกฺขู   รญฺโ  ปเสนทิสฺส  โกสลสฺส
อุชฺฌายนฺตสฺส   ขียนฺตสฺส   วิปาเจนฺตสฺส   ฯ  เย  เต  ภิกฺขู  อปฺปิจฺฉา
เต    อุชฺฌายนฺติ    ขียนฺติ   วิปาเจนฺติ   กถํ   หิ   นาม   อายสฺมา
อุปนนฺโท    สกฺยปุตฺโต    รญฺโ    ปเสนทิสฺส   โกลสสฺส   วสฺสาวาสํ
ปฏิสฺสุณิตฺวา   วิสํวาเทสฺสติ   นนุ   ภควตา  อเนกปริยาเยน  มุสาวาโท
ครหิโต   มุสาวาทา  เวรมณี  ปสตฺถาติ  ฯ  อถโข  เต  ภิกฺขู  ภควโต
เอตมตฺถํ อาโรเจสุํ ฯ
     {๒๒๑.๒}   อถโข    ภควา    เอตสฺมึ    นิทาเน   ภิกฺขุสงฺฆํ
สนฺนิปาตาเปตฺวา     อายสฺมนตํ     อุปนนฺทํ     สกฺยปุตฺตํ     ปฏิปุจฺฉิ
สจฺจํ   กิร   ตฺวํ   อุปนนฺท   รญฺโ   ปเสนทิสฺส  โกสลสฺส  วสฺสาวาสํ
ปฏิสฺสุณิตฺวา   วิสํวาเทสีติ   ฯ   สจฺจํ   ภควาติ   ฯ   วิครหิ   พุทฺโธ
ภควา   กถํ   หิ   นาม   ตฺวํ  โมฆปุริส  รญฺโ  ปเสนทิสฺส  โกสลสฺส
วสฺสาวาสํ    ปฏิสฺสุณิตฺวา    วิสํวาเทสฺสสิ    นนุ    มยา    โมฆปุริส
---------------------------------------------------------------------------------------------
หน้าที่ ๓๐๒.
อเนกปริยาเยน   มุสาวาโท   ครหิโต   มุสาวาทา   เวรมณี   ปสตฺถา
เนตํ    โมฆปุริส   อปฺปสนฺนานํ   วา   ปสาทาย   ฯเปฯ   วิครหิตฺวา
ธมฺมึ   กถํ   กตฺวา   ภิกฺขู   อามนฺเตสิ   อิธ   ปน  ภิกฺขเว  ภิกฺขุนา
วสฺสาวาโส   ปฏิสฺสุโต  โหติ  ปุริมิกาย  ฯ  โส  ตํ  อาวาสํ  คจฺฉนฺโต
ปสฺสติ  อนฺตรามคฺเค  เทฺว  อาวาเส  พหุจีวรเก  ฯ  ตสฺส  เอวํ  โหติ
ยนฺนูนาหํ   อิเมสุ   ทฺวีสุ   อาวาเสสุ   วสฺสํ  วเสยฺยํ  เอวํ  เม  พหุํ
จีวรํ   อุปฺปชฺชิสฺสตีติ   ฯ  โส  เตสุ  ทฺวีสุ  อาวาเสสุ  วสฺสํ  วสติ  ฯ
ตสฺส    ภิกฺขเว    ภิกฺขุโน   ปุริมิกา   จ   น   ปญฺายติ   ปฏิสฺสเว
จ อาปตฺติ ทุกฺกฏสฺส ฯ
     {๒๒๑.๓}   อิธ   ปน   ภิกฺขเว  ภิกฺขุนา  วสฺสาวาโส  ปฏิสฺสุโต
โหติ   ปุริมิกาย   ฯ   โส   ตํ   อาวาสํ  คจฺฉนฺโต  พหิทฺธา  อุโปสถํ
กโรติ    ปาฏิปเท    วิหารํ   อุเปติ   เสนาสนํ   ปญฺาเปติ   ปานียํ
ปริโภชนียํ    อุปฏฺาเปติ    ปริเวณํ    สมฺมชฺชติ   ฯ   โส   ตทเหว
อกรณีโย   ปกฺกมติ   ฯ   ตสฺส   ภิกฺขเว   ภิกฺขุโน   ปุริมิกา   จ  น
ปญฺายติ ปฏิสฺสเว จ อาปตฺติ ทุกฺกฏสฺส ฯ
     {๒๒๑.๔}   อิธ   ปน   ภิกฺขเว  ภิกฺขุนา  วสฺสาวาโส  ปฏิสฺสุโต
โหติ   ปุริมิกาย   ฯ   โส   ตํ   อาวาสํ  คจฺฉนฺโต  พหิทฺธา  อุโปสถํ
กโรติ    ปาฏิปเท    วิหารํ   อุเปติ   เสนาสนํ   ปญฺาเปติ   ปานียํ
ปริโภชนียํ    อุปฏฺาเปติ    ปริเวณํ    สมฺมชฺชติ   ฯ   โส   ตทเหว
สกรณีโย   ปกฺกมติ   ฯ   ตสฺส   ภิกฺขเว   ภิกฺขุโน   ปุริมิกา   จ  น
ปญฺายติ ปฏิสฺสเว จ อาปตฺติ ทุกฺกฏสฺส ฯ
     {๒๒๑.๕}   อิธ    ปน    ภิกฺขเว    ภิกฺขุนา    วสฺสาวาโส
ปฏิสฺสุโต      โหติ     ปุริมิกาย     ฯ     โส     ตํ     อาวาสํ
---------------------------------------------------------------------------------------------
หน้าที่ ๓๐๓.
คจฺฉนฺโต   พหิทฺธา  อุโปสถํ  กโรติ  ปาฏิปเท  วิหารํ  อุเปติ  เสนาสนํ
ปญฺาเปติ   ปานียํ   ปริโภชนียํ   อุปฏฺาเปติ   ปริเวณํ   สมฺมชฺชติ  ฯ
โส    ทฺวีหตีหํ    วสิตฺวา   อกรณีโย   ปกฺกมติ   ฯ   ตสฺส   ภิกฺขเว
ภิกฺขุโน    ปุริมิกา    จ    น    ปญฺายติ   ปฏิสฺสเว   จ   อาปตฺติ
ทุกฺกฏสฺส ฯ
     {๒๒๑.๖}   อิธ   ปน   ภิกฺขเว  ภิกฺขุนา  วสฺสาวาโส  ปฏิสฺสุโต
โหติ   ปุริมิกาย   ฯ   โส   ตํ   อาวาสํ  คจฺฉนฺโต  พหิทฺธา  อุโปสถํ
กโรติ    ปาฏิปเท    วิหารํ   อุเปติ   เสนาสนํ   ปญฺาเปติ   ปานียํ
ปริโภชนียํ    อุปฏฺาเปติ    ปริเวณํ    สมฺมชฺชติ   ฯ   โส   ทฺวีหตีหํ
วสิตฺวา   สกรณีโย   ปกฺกมติ   ฯ   ตสฺส   ภิกฺขเว   ภิกฺขุโน  ปุริมิกา
จ น ปญฺายติ ปฏิสฺสเว จ อาปตฺติ ทุกฺกฏสฺส ฯ
     {๒๒๑.๗}   อิธ   ปน   ภิกฺขเว  ภิกฺขุนา  วสฺสาวาโส  ปฏิสฺสุโต
โหติ   ปุริมิกาย   ฯ   โส   ตํ   อาวาสํ  คจฺฉนฺโต  พหิทฺธา  อุโปสถํ
กโรติ    ปาฏิปเท    วิหารํ   อุเปติ   เสนาสนํ   ปญฺาเปติ   ปานียํ
ปริโภชนียํ    อุปฏฺาเปติ    ปริเวณํ    สมฺมชฺชติ   ฯ   โส   ทวีหตีหํ
วสิตฺวา   สตฺตาหกรณีเยน   ปกฺกมติ   ฯ   โส   ตํ   สตฺตาหํ  พหิทฺธา
วีตินาเมติ   ฯ   ตสฺส   ภิกฺขเว   ภิกฺขุโน   ปุริมิกา  จ  น  ปญฺายติ
ปฏิสฺสเว จ อาปตฺติ ทุกฺกฏสฺส ฯ
     {๒๒๑.๘}   อิธ   ปน   ภิกฺขเว  ภิกฺขุนา  วสฺสาวาโส  ปฏิสฺสุโต
โหติ    ปุริมิกาย   ฯเปฯ   โส   ทฺวีหตีหํ   วสิตฺวา   สตฺตาหกรณีเยน
ปกฺกมติ   ฯ   โส   ตํ   สตฺตาหํ   อนฺโต  สนฺนิวฏฺฏํ  กโรติ  ฯ  ตสฺส
ภิกฺขเว ภิกฺขุโน ปุริมิกา จ ปญฺายติ ปฏิสฺสเว จ อนาปตฺติ ฯ
---------------------------------------------------------------------------------------------
หน้าที่ ๓๐๔.
     {๒๒๑.๙}   อิธ  ปน  ภิกฺขเว  ภิกฺขุนา  วสฺสาวาโส ปฏิสฺสุโต โหติ
ปุริมิกาย  ฯ  โส  ตํ  อาวาสํ  คจฺฉนฺโต พหิทฺธา อุโปสถํ กโรติ ปาฏิปเท
วิหารํ   อุเปติ   เสนาสนํ   ปญฺาเปติ  ปานียํ  ปริโภชนียํ  อุปฏฺาเปติ
ปริเวณํ    สมฺมชฺชติ    ฯ    โส    สตฺตาหํ   อนาคตาย   ปวารณาย
สกรณีโย   ปกฺกมติ   ฯ   อาคจฺเฉยฺย   วา   โส   ภิกฺขเว  ภิกฺขุ  ตํ
อาวาสํ   น   วา   อาคจฺเฉยฺย   ฯ  ตสฺส  ภิกฺขเว  ภิกฺขุโน  ปุริมิกา
จ ปญฺายติ ปฏิสฺสเว จ อนาปตฺติ ฯ
     {๒๒๑.๑๐}   อิธ   ปน  ภิกฺขเว  ภิกฺขุนา  วสฺสาวาโส  ปฏิสฺสุโต
ปุริมิกาย   ฯ   โส   ตํ   อาวาสํ  คนฺตฺวา  อุโปสถํ  กโรติ  ปาฏิปเท
วิหารํ     อุเปติ     เสนาสนํ     ปญฺาเปติ    ปานียํ    ปริโภชนียํ
อุปฏฺาเปติ    ปริเวณํ    สมฺมชฺชติ    ฯ    โส   ตทเหว   อกรณีโย
ปกฺกมติ   ฯ   ตสฺส   ภิกฺขเว   ภิกฺขุโน   ปุริมิกา   จ   น  ปญฺายติ
ปฏิสฺสเว จ อาปตฺติ ทุกฺกฏสฺส ฯ
     {๒๒๑.๑๑}   อิธ   ปน  ภิกฺขเว  ภิกฺขุนา  วสฺสาวาโส  ปฏิสฺสุโต
โหติ  ปุริมิกาย  ฯ  โส  ตํ  อาวาสํ  คนฺตฺวา  อุโปสถํ  กโรติ ปาฏิปเท
วิหารํ     อุเปติ     เสนาสนํ     ปญฺาเปติ    ปานียํ    ปริโภชนียํ
อุปฏฺาเปติ    ปริเวณํ    สมฺมชฺชติ    ฯ    โส   ตทเหว   สกรณีโย
ปกฺกมติ    ฯเปฯ    โส    ทฺวีหตีหํ    วสิตฺวา    อกรณีโย   ปกฺกมติ
ฯเปฯ    โส   ทฺวีหตีหํ   วสิตฺวา   สกรณีโย   ปกฺกมติ   ฯเปฯ   โส
ทฺวีหตีหํ     วสิตฺวา    สตฺตาหกรณีเยน    ปกฺกมติ    ฯ    โส    ตํ
สตฺตาหํ    พหิทฺธา     วีตินาเมติ    ฯ    ตสฺส    ภิกฺขเว   ภิกฺขุโน
ปุริมิกา   จ   น   ปญฺายติ   ปฏิสฺสเว   จ   อาปตฺติ   ทุกฺกฏสฺส  ฯ
---------------------------------------------------------------------------------------------
หน้าที่ ๓๐๕.
ฯเปฯ   โส   ทฺวีหตีหํ   วสิตฺวา   สตฺตาหกรณีเยน   ปกฺกมติ   ฯ  โส
ตํ   สตฺตาหํ   อนฺโต   สนฺนิวฏฺฏํ   กโรติ   ฯ  ตสฺส  ภิกฺขเว  ภิกฺขุโน
ปุริมิกา จ ปญฺายติ ปฏิสฺสเว จ อนาปตฺติ ฯ
     {๒๒๑.๑๒}   อิธ   ปน  ภิกฺขเว  ภิกฺขุนา  วสฺสาวาโส  ปฏิสฺสุโต
โหติ  ปุริมิกาย  ฯ  โส  ตํ  อาวาสํ  คนฺตฺวา  อุโปสถํ  กโรติ ปาฏิปเท
วิหารํ     อุเปติ     เสนาสนํ     ปญฺาเปติ    ปานียํ    ปริโภชนียํ
อุปฏฺาเปติ    ปริเวณํ    สมฺมชฺชติ    ฯ   โส   สตฺตาหํ   อนาคตาย
ปวารณาย   สกรณีโย   ปกฺกมติ   ฯ   อาคจฺเฉยฺย   วา  โส  ภิกฺขเว
ภิกฺขุ   ตํ   อาวาสํ   น  วา  อาคจฺเฉยฺย  ฯ  ตสฺส  ภิกฺขเว  ภิกฺขุโน
ปุริมิกา จ ปญฺายติ ปฏิสฺสเว จ อนาปตฺติ ฯ
     [๒๒๒]   อิธ  ปน  ภิกฺขเว  ภิกฺขุนา  วสฺสาวาโส  ปฏิสฺสุโต  โหติ
ปจฺฉิมิกาย   ฯ   โส   ตํ  อาวาสํ  คจฺฉนฺโต  พหิทฺธา  อุโปสถํ  กโรติ
ปาฏิปเท   วิหารํ   อุเปติ   เสนาสนํ   ปญฺาเปติ   ปานียํ  ปริโภชนียํ
คุปฏฺาเปติ  ปริเวณํ  สมฺมชฺชติ  ฯ  โส  ตทเหว  อกรณีโย  ปกฺกมติ  ฯ
ตสฺส    ภิกฺขเว   ภิกฺขุโน   ปจฺฉิมิกา   จ   น   ปญฺายติ   ปฏิสฺสเว
จ อาปตฺติ ทุกฺกฏสฺส ฯ
     {๒๒๒.๑}   อิธ   ปน   ภิกฺขเว  ภิกฺขุนา  วสฺสาวาโส  ปฏิสฺสุโต
โหติ   ปจฺฉิมิกาย   ฯ   โส   ตํ  อาวาสํ  คจฺฉนฺโต  พหิทฺธา  อุโปสถํ
กโรติ    ปาฏิปเท    วิหารํ   อุเปติ   เสนาสนํ   ปญฺาเปติ   ปานียํ
ปริโภชนียํ    อุปฏฺาเปติ    ปริเวณํ    สมฺมชฺชติ   ฯ   โส   ตทเหว
สกรณีโย    ปกฺกมติ    ฯเปฯ    โส    ทฺวีหตีหํ   วสิตฺวา   อกรณีโย
---------------------------------------------------------------------------------------------
หน้าที่ ๓๐๖.
ปกฺกมติ   ฯเปฯ   โส   ทฺวีหตีหํ   วสิตฺวา   สกรณีโย  ปกฺกมติ  ฯเปฯ
โส    ทฺวีหตีหํ    วสิตฺวา   สตฺตาหกรณีเยน   ปกฺกมติ   ฯ   โส   ตํ
สตฺตาหํ   พหิทฺธา   วีตินาเมติ   ฯ   ตสฺส  ภิกฺขเว  ภิกฺขุโน  ปจฺฉิมิกา
จ น ปญฺายติ ปฏิสฺสเว จ อาปตฺติ ทุกฺกฏสฺส ฯ
     {๒๒๒.๒}   อิธ   ปน   ภิกฺขเว  ภิกฺขุนา  วสฺสาวาโส  ปฏิสฺสุโต
โหติ   ปจฺฉิมิกาย   ฯ   โส   ตํ  อาวาสํ  คจฺฉนฺโต  พหิทฺธา  อุโปสถํ
กโรติ    ปาฏิปเท    วิหารํ   อุเปติ   เสนาสนํ   ปญฺาเปติ   ปานียํ
ปริโภชนียํ    อุปฏฺาเปติ    ปริเวณํ    สมฺมชฺชติ   ฯ   โส   ทฺวีหตีหํ
วสิตฺวา   สตฺตาหกรณีเยน   ปกฺกมติ   ฯ   โส   ตํ   สตฺตาหํ   อนฺโต
สนฺนิวฏฺฏํ    กโรติ    ฯ    ตสฺส   ภิกฺขเว   ภิกฺขุโน   ปจฺฉิมิกา   จ
ปญฺายติ ปฏิสฺสเว จ อนาปตฺติ ฯ
     {๒๒๒.๓}   อิธ   ปน   ภิกฺขเว  ภิกฺขุนา  วสฺสาวาโส  ปฏิสฺสุโต
โหติ    ปจฺฉิมิกาย    ฯเปฯ    โส   สตฺตาหํ   อนาคตาย   โกมุทิยา
จาตุมาสินิยา    สกรณีโย    ปกฺกมติ    ฯ    อาคจฺเฉยฺย   วา   โส
ภิกฺขเว   ภิกฺขุ   ตํ   อาวาสํ  น  วา  อาคจฺเฉยฺย  ฯ  ตสฺส  ภิกฺขเว
ภิกฺขุโน ปจฺฉิมิกา จ ปญฺายติ ปฏิสฺสเว จ อนาปตฺติ ฯ
     {๒๒๒.๔}   อิธ  ปน  ภิกฺขเว  ภิกฺขุนา  วสฺสาวาโส ปฏิสฺสุโต โหติ
ปจฺฉิมิกาย   ฯ   โส   ตํ  อาวาสํ  คนฺตฺวา  อุโปสถํ  กโรติ  ปาฏิปเท
วิหารํ   อุเปติ   เสนาสนํ   ปญฺาเปติ  ปานียํ  ปริโภชนียํ  อุปฏฺาเปติ
ปริเวณํ   สมฺมชฺชติ   ฯ   โส   ตทเหว   อกรณีโย   ปกฺกมติ   ฯเปฯ
โส   ตทเหว   สกรณีโย   ปกฺกมติ   ฯเปฯ   โส   ทฺวีหตีหํ   วสิตฺวา
อกรณีโย    ปกฺกมติ    ฯเปฯ    โส    ทฺวีหตีหํ   วสิตฺวา   สกรณีโย
---------------------------------------------------------------------------------------------
หน้าที่ ๓๐๗.
ปกฺกมติ   ฯเปฯ   โส   ทฺวีหตีหํ  วสิตฺวา  สตฺตาหกรณีเยน  ปกฺกมติ  ฯ
โส   ตํ   สตฺตาหํ   พหิทฺธา   วีตินาเมติ   ฯ  ตสฺส  ภิกฺขเว  ภิกฺขุโน
ปจฺฉิมิกา   จ   น   ปญฺายติ  ปฏิสฺสเว  จ  อาปตฺติ  ทุกฺกฏสฺส  ฯเปฯ
โส    ทฺวีหตีหํ    วสิตฺวา   สตฺตาหกรณีเยน   ปกฺกมติ   ฯ   โส   ตํ
สตฺตาหํ    อนฺโต   สนฺนิวฏฺฏํ   กโรติ   ฯ   ตสฺส   ภิกฺขเว   ภิกฺขุโน
ปจฺฉิมิกา จ ปญฺายติ ปฏิสฺสเว จ อนาปตฺติ ฯ
     {๒๒๒.๕}   อิธ   ปน   ภิกฺขเว  ภิกฺขุนา  วสฺสาวาโส  ปฏิสฺสุโต
โหติ    ปจฺฉิมิกาย    ฯเปฯ    โส   สตฺตาหํ   อนาคตาย   โกมุทิยา
จาตุมาสินิยา    สกรณีโย    ปกฺกมติ    ฯ    อาคจฺเฉยฺย   วา   โส
ภิกฺขเว   ภิกฺขุ   ตํ   อาวาสํ  น  วา  อาคจฺเฉยฺย  ฯ  ตสฺส  ภิกฺขเว
ภิกฺขุโน ปจฺฉิมิกา จ ปญฺายติ ปฏิสฺสเว จ อนาปตฺตีติ ฯ
                            วสฺสูปนายิกกฺขนฺธกํ ตติยํ ฯ
                                        -------
                                     ตสฺสุทฺทานํ ฯ
     [๒๒๓]   อุปคนฺตุํ กทา เจว            กติ อนฺตรวสฺส ๑- จ
                  น อิจฺฉนฺติ จ สญฺจิจฺจ     อุกฺกฑฺฒิตุํ อุปาสโก
                  คิลาโน มาตา จ ปิตา     ภาตา จ อถ าตโก
                  ภิกฺขุภติโก ๒- วิหาโร     วาฬา จาปิ สิรึสปา ๓-
                  โจรา ๔- เจว ปิสาจาปิ    ทฑฺฒา ๕- ตทุภเยน จ
                  วุโฬฺหทเกน วุฏฺาสิ        พหุตรา จ ทายกา
@เชิงอรรถ: ๑ ม. ยุ. อนฺตรา วสฺส จ ฯ ๒ ม. ภิกฺขุคติโก ฯ ๓ ม. สรีสปา ฯ ๔ ม. โจโร
@เจว ปิสาจา จ ฯ ยุ. โจรา เจว ปิสาจา จ ฯ  ๕ ยุ. ทฑฺโฒ ฯ
---------------------------------------------------------------------------------------------
หน้าที่ ๓๐๘.
                  ลูขปฺปณีตสปฺปาย-          เภสชฺชุปฏฺเกน จ
                  อิตฺถี เวสี กุมารี จ            ปณฺฑโก าตเกน จ
                  ราชา โจรา ธุตฺตา นิธิ       เภทา ๑- อฏฺวิเธน จ
                  วชา ๒- สตฺถา จ นาวา จ  สุสิเร วิฏภาย จ
                  อชฺโฌกาเส วสฺสาวาโส     อเสนาสนเกน จ
                  ฉวกุฏิกา ฉตฺเต จ             จาฏิยา จ อุเปนฺติ เต
                  กติกา ปฏิสฺสุณิตฺวา          พหิทฺธา จ อุโปสถา
                  ปุริมิกา ปจฺฉิมิกา              ยถาาเยน โยชเย
                  อกรณีโย ๓- ปกฺกมติ        สกรณีโย ๔- ตเถว จ
                  ทฺวีหตีหา จ ปุน [๕]-         สตฺตาหกรณีเยน จ
                  สตฺตาหนาคตา เจว          อาคจฺเฉยฺย เอยฺย ๖- วา
                  วตฺถุทฺทาเน อนฺตริกา        ตนฺติมคฺคํ นิสามเยติ ฯ
                       อิมมฺหิ ขนฺธเก วตฺถุ ๗- เทฺวปณฺณาส ฯ
                                   -------------
@เชิงอรรถ: ๑ ม. เภทอฏฺวิเธน จ ฯ ๒ ม. วชสตฺถา ฯ  ๓ ม. อกรณึ ฯ ๔ ม. สกรณึ ฯ
@๕ ม. จ. ฯ  ๖ ม. ยุ. น เอยฺย วา ฯ  ๗ ม. วตฺถูนิ ... ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๔ หน้าที่ ๒๙๒-๓๐๘.
http://84000.org/tipitaka/pitaka_item/pali_item_s.php?book=4&item=214&items=10&pagebreak=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pitaka_item/pali_item_s.php?book=4&item=214&items=10&pagebreak=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=4&item=214&items=10&pagebreak=1
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=4&item=214&items=10&pagebreak=1
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=4&i=214
             The Pali Atthakatha in Thai :-
http://84000.org/tipitaka/atthapali/read_th.php?B=3&A=3348
             The Pali Atthakatha in Roman :-
http://84000.org/tipitaka/atthapali/read_rm.php?B=3&A=3348
             สารบัญพระไตรปิฎกเล่มที่ ๔
http://84000.org/tipitaka/read/?index_4