บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

หน้าที่ ๓๕๒.

๖ กาลิงฺคโพธิชาตกํ [๑๗๙๐] ราชา กาลิงฺโค จกฺกวตฺติ ธมฺเมน ปฐวิมนุสาสิ ^๑- อคมาสิ ^๒- โพธิสมีปํ นาเคน มหานุภาเวน ฯ [๑๗๙๑] กาลิงฺโค ภารทฺวาโช จ ราชานํ กาลิงฺคํ สมณโกลญฺญํ จกฺกวตฺตยโต ปริคฺคเหตฺวา ^๓- ปญฺชลี อิทมโวจ ฯ [๑๗๙๒] ปจฺโจโรห มหาราช ภูมิภาโค ยถา สมณุคีโต ^๔- อิธ อนธิวรา พุทฺธา อภิสมฺพุทฺธา วิโรจนฺติ ฯ [๑๗๙๓] ปทกฺขิณโต อาวฏฺฏา ติณลตา อสฺมึ ภูมิภาคสฺมึ ปฐวิยา อยํ ^๕- มณฺโฑ อิติ โน สุตํ ^[๖]- มหาราช ฯ [๑๗๙๔] สาครปริยนฺตาย (เมทนิยา) สพฺพภูตธรณิยา ปฐวิยา อยํ มณฺโฑ โอโรหิตฺวา นโม กโรหิ ฯ [๑๗๙๕] เย เต ภวนฺติ นาคา จ อภิชาตา จ กุญฺชรา ^๗- เอตฺตาวตา ปเทสํ เต นาคา เนวมุปยนฺติ ^๘- ฯ [๑๗๙๖] อภิชาโต ^[๙]- นาโค กามํ เปเสหิ กุญฺชรํ ทนฺตึ เอตฺตาวตา ปเทโส จ ^๑๐- น สกฺกา นาเคน อุปคนฺตุํ ^๑๑- ฯ [๑๗๙๗] ตํ สุตฺวา ราชา กาลิงฺโค เวยฺยญฺชนิกวโจ นิสาเมตฺวา สมฺเปเสสิ นาคํ อุยฺยาม ^๑๒- มยํ ยถา ^๑๓- อิทํ วจนํ ฯ [๑๗๙๘] สมฺเปสิโต จ รญฺญา นาโค โกญฺโจว อภินทิตฺวาน @เชิงอรรถ: ^๑ ม. ปถวิมนุสาสํ ฯ ^๒ ม. อคมา ฯ ^๓ ยุ. ปริเณตฺวา ฯ ^๔ ม. สมณุคฺคโต ฯ @^๕ ม. นาภิยํ ฯ ^๖ ม. มนฺเต ฯ ^๗ อภิชาตา มาติโต จ ปิติโต จาติปิ ปาโฐ ฯ @^๘ เนวมุสฺสหนฺตีติปิ ฯ ^๙ สี. ยุ. เต ฯ ^๑๐ ม. จสทฺโท นตฺถิ ฯ ^๑๑ ม. สกฺกา @นาเคน มุปคนฺตุํ ฯ ^๑๒ สี. ม. อุสฺสาม ฯ ^๑๓ ม. ยถิมสฺสิทํ ฯ

--------------------------------------------------------------------------------------------- หน้าที่ ๓๕๓.

ปฏิสกฺกิตฺวา นิสีทิ ครุภารํ อสหมาโน ฯ [๑๗๙๙] กาลิงฺโค ภารทฺวาโช นาคํ ขีณายุกํ วิทิตฺวาน ราชานํ กาลิงฺคํ ตรมาโน อชฺฌภาสิตฺถ อญฺญํ สงฺกม นาคํ นาโค ขีณายุโก มหาราช ฯ [๑๘๐๐] ตํ สุตฺวา กาลิงฺโค ตรมาโน สงฺกมิ นาคํ สงฺกนฺเตว รญฺเญ นาโค ตตฺเถว ปติ ภูมฺยา เวยฺยญฺชนิกวโจ ยถา ตถา อหุ นาโค ฯ [๑๘๐๑] กาลิงฺคภารทฺวาชํ กาลิงฺโค ^๑- พฺราหฺมณํ อิทมโวจ ตฺวเมวาสิ สมฺพุทฺโธ สพฺพญฺญู สพฺพทสฺสาวี ฯ [๑๘๐๒] ตํ อนธิวาเสนฺโต กาลิงฺโค ^๒- พฺราหฺมโณ อิทมโวจ เวยฺยญฺชนิกา หิ มยํ พุทฺธา สพฺพญฺญุโน มหาราช ฯ [๑๘๐๓] สพฺพญฺญู สพฺพวิทู จ พุทฺธา ^[๓]- ลกฺขเณน ชานนฺติ อาคมพลสา ^๔- หิ มยํ พุทฺธา สพฺพํ ปชานนฺติ ฯ [๑๘๐๔] ปหํสิตฺวาน ^๕- สมฺโพธึ นานาตุริเยหิ วิชฺชมาเนหิ มาลาวิเลปนํ อภิหริตฺวา ^๖- ปาการปริกฺเขปํ กาเรสิ อถ ราชา ปายาสิ ฯ [๑๘๐๕] สฏฺฐิวาหสหสฺสานิ ปุปฺผานิ สนฺนิปาตยิ @เชิงอรรถ: ^๑ ม. กาลิงฺโค ราชา กาลิงฺคํ ฯ ^๒ กาลิงฺคํ ฯ ^๓ ม. น ฯ ^๔ ยุ. อาคมปุริสา ฯ @^๕ ม. มหยิตฺวา ฯ สี. ยุ. มหายิตฺวาน ฯ ^๖ สี. ยุ. มาลาคนฺธวิเลปนํ อาหริตฺรา ฯ

--------------------------------------------------------------------------------------------- หน้าที่ ๓๕๔.

ปูเชสิ ราชา กาลิงฺโค โพธิมณฺฑมนุตฺตรนฺติ ฯ กาลิงฺคโพธิชาตกํ ฉฏฺฐํ ฯ ---------

เนื้อความพระไตรปิฎกฉบับภาษาบาลีอักษรไทย เล่มที่ ๒๗ หน้าที่ ๓๕๒-๓๕๔. http://84000.org/tipitaka/pitaka_item/pali_item_s.php?book=27&item=1790&items=16&pagebreak=1&modeTY=2 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=27&item=1790&items=16&pagebreak=1&modeTY=2&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=27&item=1790&items=16&pagebreak=1&modeTY=2 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=27&item=1790&items=16&pagebreak=1&modeTY=2 ศึกษาอรรถกถาชาดกนี้ได้ที่ :- http://84000.org/tipitaka/attha/attha.php?b=27&i=1790 The Pali Atthakatha in Thai :- http://84000.org/tipitaka/atthapali/read_th.php?B=40&A=3754 The Pali Atthakatha in Roman :- http://84000.org/tipitaka/atthapali/read_rm.php?B=40&A=3754 สารบัญพระไตรปิฎกเล่มที่ ๒๗ http://84000.org/tipitaka/read/?index_27