บาลีพระไตรปิฎกเล่มที่ ๒๗ - พระสุตตันตปิฎกเล่มที่ ๑๙

หน้าที่ ๓๑๗.

๗ ทสรถชาตกํ [๑๕๖๔] เอถ ลกฺขณสีตา จ อุโภ โอตรโถทกํ เอวายํ ภรโต อาห ราชา ทสรโถ มโต ฯ [๑๕๖๕] เกน ราม ปภาเวน โสจิตพฺพํ น โสจสิ ปิตรํ กาลกตํ สุตฺวา น ตํ ปสหเต ทุขํ ฯ [๑๕๖๖] ยํ น สกฺกา นํ ปาเลตุํ ^๑- โปเสน ลปตํ พหุํ ส กิสฺส วิญฺู เมธาวี อตฺตานมุปตาปเย ฯ [๑๕๖๗] ทหรา จ หิ เย วุฑฺฒา เย พาลา เย จ ปณฺฑิตา อทฺธา เจว ทลิทฺทา จ สพฺเพ มจฺจุปรายนา ฯ [๑๕๖๘] ผลานมิว ปกฺกานํ นิจฺจํ ปตนโต ภยํ เอวํ ชาตาน มจฺจานํ นิจฺจํ มรณโต ภยํ ฯ [๑๕๖๙] สายเมเก น ทิสฺสนฺติ ปาโต ทิฏฺา พหู ชนา ปาโต เอเก น ทิสฺสนฺติ สายํ ทิฏฺา พหู ชนา ฯ [๑๕๗๐] ปริเทวยมาโน เจ กิญฺจิทตฺถํ อุทพฺพเห สมฺมุโฬฺห หึสมตฺตานํ กยิรา ตํ วิจกฺขโณ ฯ [๑๕๗๑] กีโส วิวณฺโณ ภวติ หึสมตฺตานมตฺตโน น เตน เปตา ปาเลนฺติ นิรตฺถา ปริเทวนา ฯ [๑๕๗๒] ยถา สรณมาทิตฺตํ วารินาว นิพฺพาปเย ^๒- เอวมฺปิ ธีโร สุตวา เมธาวี ปณฺฑิโต นโร ขิปฺปมุปฺปติตํ โสกํ วาโต ตูลํว ธํสเย ฯ @เชิงอรรถ: ^๑ ม. นิปาเลตุํ ฯ ^๒ ม. วารินา ปรินิพฺพเย ฯ

--------------------------------------------------------------------------------------------- หน้าที่ ๓๑๘.

[๑๕๗๓] เอโกว มจฺโจ อจฺเจติ เอโกว ชายเต กุเล สํโยคปรมาเตฺวว สมฺโภคา สพฺพปาณินํ ฯ [๑๕๗๔] ตสฺมา หิ ธีรสฺส พหุสฺสุตสฺส สมฺปสฺสโต โลกมิมํ ปรญฺจ อญฺาย ธมฺมํ หทยํ มนญฺจ โสกา มหนฺตาปิ น ตาปยนฺติ ฯ [๑๕๗๕] โสหํ ยสญฺจ โภคญฺจ ภริยาปิ ^๑- จ าตเก เสสํ สมฺปาลยิสฺสามิ ^๒- กิจฺจเมตํ ^๓- วิชานโต ฯ [๑๕๗๖] ทสวสฺสสหสฺสานิ สฏฺิวสฺสสตานิ จ กมฺพุคีโว มหาพาหุ ราโม รชฺชมการยีติ ฯ ทสรถชาตกํ สตฺตมํ ฯ ---------

เนื้อความพระไตรปิฎกฉบับภาษาบาลีอักษรไทย เล่มที่ ๒๗ หน้าที่ ๓๑๗-๓๑๘. http://84000.org/tipitaka/pitaka_item/pali_item_s.php?book=27&item=1564&items=13&pagebreak=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=27&item=1564&items=13&pagebreak=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=27&item=1564&items=13&pagebreak=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=27&item=1564&items=13&pagebreak=1 ศึกษาอรรถกถาชาดกนี้ได้ที่ :- http://84000.org/tipitaka/attha/attha.php?b=27&i=1564 The Pali Atthakatha in Thai :- http://84000.org/tipitaka/atthapali/read_th.php?B=40&A=981 The Pali Atthakatha in Roman :- http://84000.org/tipitaka/atthapali/read_rm.php?B=40&A=981 สารบัญพระไตรปิฎกเล่มที่ ๒๗ http://84000.org/tipitaka/read/?index_27