ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒๕ ภาษาบาลี อักษรไทย พระสุตตันตปิฎกเล่มที่ ๑๗ สุตฺต. ขุ. ขุทฺทกปาฐ-ธมฺมปทคาถา-อุทานํ-อิติวุตฺตก-สุตฺตนิปาตา
                              สุตฺตนิปาเต ตติยสฺส มหาวคฺคสฺส
                               ทฺวาทสมํ ทฺวยตานุปสฺสนาสุตฺตํ
     [๓๙๐]   ๑๒   เอวมฺเม  สุตํ  ฯ  เอกํ  สมยํ  ภควา  สาวตฺถิยํ
วิหรติ   ปุพฺพาราเม  มิคารมาตุ  ปาสาเท  ฯ  เตน  โข  ปน  สมเยน
ภควา     ตทหุโปสเถ    ปณฺณรเส    ปุณฺณาย    ปุณฺณมาย    รตฺติยา
ภิกฺขุสงฺฆปริวุโต   อพฺโภกาเส   นิสินฺโน   โหติ   ฯ   อถ  โข  ภควา
ตุณฺหีภูตํ ตุณฺหีภูตํ ภิกฺขุสงฺฆํ อนุวิโลเกตฺวา ภิกฺขู อามนฺเตสิ
     {๓๙๐.๒๑๔}   เย  เต  ภิกฺขเว  กุสลา  ธมฺมา อริยา นิยฺยานิกา
สมฺโพธิคามิโน  ๒-  เตสํ โว ภิกฺขเว กุสลานํ ธมฺมานํ อริยานํ นิยฺยานิกานํ
สมฺโพธิคามีนํ   กา   อุปนิสา  สวนายาติ  อิติ  เจ  ภิกฺขเว  ปุจฺฉิตาโร
อสฺสุ   เต   เอวมสฺสุ   วจนียา  ยาวเทว  ทฺวยตานํ  ธมฺมานํ  ยถาภูตํ
าณายาติ กิญฺจ ทฺวยตํ วเทถ
     {๓๙๐.๒๑๕}   อิทํ  ทุกฺขํ  อยํ  ทุกฺขสมุทโยติ อยเมกานุปสฺสนา อยํ
ทุกฺขนิโรโธ   อยํ  ทุกฺขนิโรธคามินี  ปฏิปทาติ  อยํ  ทุติยานุปสฺสนา  เอวํ
สมฺมาทฺวยตานุปสฺสิโน  ภิกฺขเว  ภิกฺขุโน  อปฺปมตฺตสฺส อาตาปิโน ปหิตตฺตสฺส
วิหรโต  ทฺวินฺนํ  ผลานํ  อญฺตรํ  ผลํ  ปาฏิกงฺขํ ทิฏฺเว ธมฺเม อญฺา สติ
@เชิงอรรถ:  ม. ยุ. โมนมชฺชคา ฯ  ม. ยุ. สมฺโพธคามิโน ฯ
วา อุปาทิเสเส อนาคามิตาติ ฯ
                         อิทมโวจ ภควา        อิทํ วตฺวาน สุคโต
                                อถาปรํ เอตทโวจ สตฺถา
     [๓๙๑]   |๓๙๑.๑๑๕๑| เย ทุกฺขํ นปฺปชานนฺติ  อโถ ทุกฺขสฺส สมฺภวํ
                          ยตฺถ จ สพฺพโส ทุกฺขํ      อเสสํ อุปรุชฺฌติ
                          ตญฺจ มคฺคํ น ชานนฺติ     ทุกฺขูปสมคามินํ
     |๓๙๑.๑๑๕๒| เจโตวิมุตฺติหีนา เต          อโถ ปญฺาวิมุตฺติยา
                          อภพฺพา เต อนฺตกิริยาย  เต เว ชาติชรูปคา ฯ
     |๓๙๑.๑๑๕๓| เย จ ทุกฺขํ ปชานนฺติ       อโถ ทุกฺขสฺส สมฺภวํ
                          ยตฺถ จ สพฺพโส ทุกฺขํ      อเสสํ อุปรุชฺฌติ
                          ตญฺจ มคฺคํ ปชานนฺติ      ทุกฺขูปสมคามินํ
     |๓๙๑.๑๑๕๔| เจโตวิมุตฺติสมฺปนฺนา       อโถ ปญฺาวิมุตฺติยา
                          ภพฺพา เต อนฺตกิริยาย    น เต ชาติชรูปคาติ ฯ
     [๓๙๒]   สิยา   อญฺเนปิ   ปริยาเยน   สมฺมาทฺวยตานุปสฺสนาติ
อิติ   เจ   ภิกฺขเว   ปุจฺฉิตาโร  อสฺสุ  สิยาติสฺสุ  วจนียา  ๑-  กถญฺจ
สิยา   ยงฺกิญฺจิ   ทุกฺขํ   สมฺโภติ  สพฺพํ  อุปธิปจฺจยาติ  อยเมกานุปสฺสนา
อุปธีนํ   เตฺวว   อเสสวิราคนิโรธา   นตฺถิ   ทุกฺขสฺส   สมฺภโวติ   อยํ
ทุติยานุปสฺสนา     เอวํ     สมฺมาทฺวยตานุปสฺสิโน    ฯเปฯ    อถาปรํ
เอตทโวจ สตฺถา
     |๓๙๒.๑๑๕๕| อุปธินิทานา ปภวนฺติ ทุกฺขา
@เชิงอรรถ:  โป. สิยา ติสฺส วจนีโย ฯ
                          เย เกจิ โลกสฺมึ อเนกรูปา
                          โย เว อวิทฺวา อุปธึ กโรติ
                          ปุนปฺปุนํ ทุกฺขมุเปติ มนฺโท
                          ตสฺมา ปชานํ อุปธึ น กยิรา
                          ทุกฺขสฺส ชาติปฺปภวานุปสฺสีติ ฯ
     [๓๙๓]   สิยา   อญฺเนปิ   ปริยาเยน   สมฺมาทฺวยตานุปสฺสนาติ
อิติ   เจ   ภิกฺขเว  ปุจฺฉิตาโร  อสฺสุ  สิยาติสฺสุ  วจนียา  กถญฺจ  สิยา
ยงฺกิญฺจิ    ทุกฺขํ   สมฺโภติ   สพฺพํ   อวิชฺชาปจฺจยาติ   อยเมกานุปสฺสนา
อวิชฺชาย   เตฺวว   อเสสวิราคนิโรธา   นตฺถิ   ทุกฺขสฺส  สมฺภโวติ  อยํ
ทุติยานุปสฺสนา    เอวํ    สมฺมาทฺวยตานุปสฺสิโน   ฯ   ฯเปฯ   อถาปรํ
เอตทโวจ สตฺถา
     |๓๙๓.๑๑๕๖| ชาติมรณสํสารํ               เย วชนฺติ ปุนปฺปุนํ
                          อิตฺถภาวญฺถาภาวํ       อวิชฺชาเยว สา คติ ฯ
     |๓๙๓.๑๑๕๗| อวิชฺชา หายํ มหาโมโห    ยทิทํ สสฺสตํ ๑- จิรํ
                          วิชฺชาคตา จ เย สตฺตา     น ๓- เต คจฺฉนฺติ ปุนพฺภวนฺติ ฯ
     [๓๙๔]   สิยา  อญฺเนปิ  ปริยาเยน  ฯเปฯ  กถญฺจ  สิยา ยงฺกิญฺจิ
ทุกฺขํ   สมฺโภติ   สพฺพํ   สงฺขารปจฺจยาติ   อยเมกานุปสฺสนา  สงฺขารานํ
เตฺวว  อเสสวิราคนิโรธา  นตฺถิ  ทุกฺขสฺส  สมฺภโวติ  อยํ  ทุติยานุปสฺสนา
เอวํ สมฺมาทฺวยตานุปสฺสิโน ฯเปฯ อถาปรํ เอตทโวจ สตฺถา
@เชิงอรรถ:  ม. ยุ. เยนิทํ สํสิตํ ฯ   ยุ. นาคจฺฉนฺติ ฯ
     |๓๙๔.๑๑๕๘| ยงฺกิญฺจิ ทุกฺขํ สมฺโภติ     สพฺพํ สงฺขารปจฺจยา
                          สงฺขารานํ นิโรเธน          นตฺถิ ทุกฺขสฺส สมฺภโว ฯ
     |๓๙๔.๑๑๕๙| เอตมาทีนวํ ตฺวา         ทุกฺขํ สงฺขารปจฺจยา
                          สพฺพสงฺขารสมถา          สญฺานํ ๑- อุปโรธนา
                          เอวํ ทุกฺขกฺขโย โหติ        เอตํ ตฺวา ยถาตถํ ฯ
     |๓๙๔.๑๑๖๐| สมฺมทฺทสา เวทคุโน        สมฺมทญฺาย ปณฺฑิตา
                          อภิภุยฺย ๒- มารสํโยคํ     น คจฺฉนฺติ ปุนพฺภวนฺติ ฯ
     [๓๙๕]   สิยา   อญฺเนปิ   ปริยาเยน   ฯเปฯ   กถญฺจ   สิยา
ยงฺกิญฺจิ       ทุกฺขํ       สมฺโภติ       สพฺพํ       วิญฺาณปจฺจยาติ
อยเมกานุปสฺสนา    วิญฺาณสฺส    เตฺวว    อเสสวิราคนิโรธา    นตฺถิ
ทุกฺขสฺส   สมฺภโวติ   อยํ   ทุติยานุปสฺสนา   เอวํ  สมฺมาทฺวยตานุปสฺสิโน
ฯเปฯ อถาปรํ เอตทโวจ สตฺถา
     |๓๙๕.๑๑๖๑| ยงฺกิญฺจิ ทุกฺขํ สมฺโภติ     สพฺพํ วิญฺาณปจฺจยา
                          วิญฺาณสฺส นิโรเธน      นตฺถิ ทุกฺขสฺส สมฺภโว ฯ
     |๓๙๕.๑๑๖๒| เอตมาทีนวํ ตฺวา         ทุกฺขํ วิญฺาณปจฺจยา
                          วิญฺาณูปสมา ภิกฺขุ      นิจฺฉาโต ปรินิพฺพุโตติ ฯ
     [๓๙๖]   สิยา   อญฺเนปิ   ปริยาเยน   ฯเปฯ   กถญฺจ   สิยา
ยงฺกิญฺจิ    ทุกฺขํ    สมฺโภติ    สพฺพํ   ผสฺสปจฺจยาติ   อยเมกานุปสฺสนา
ผสฺสสฺส   เตฺวว   อเสสวิราคนิโรธา   นตฺถิ   ทุกฺขสฺส   สมฺภโวติ  อยํ
ทุติยานุปสฺสนา     เอวํ     สมฺมาทฺวยตานุปสฺสิโน    ฯเปฯ    อถาปรํ
@เชิงอรรถ:  ยุ. สญฺาย ฯ  โป. อภิภู ฯ
เอตทโวจ สตฺถา
     |๓๙๖.๑๑๖๓| เตสํ ผสฺสปเรตานํ           ภวโสตานุสารินํ
                          กุมฺมคฺคํ ปฏิปนฺนานํ       อารา สํโยชนกฺขโย ฯ
     |๓๙๖.๑๑๖๔| เย จ ผสฺสํ ปริญฺาย      ปญฺาย ๑- อุปสเม รตา
                          เตปิ ๒- ผสฺสาภิสมยา     นิจฺฉาตา ปรินิพฺพุตาติ ฯ
     [๓๙๗]   สิยา  อญฺเนปิ  ปริยาเยน  ฯเปฯ  กถญฺจ  สิยา ยงฺกิญฺจิ
ทุกฺขํ   สมฺโภติ   สพฺพํ   เวทนาปจฺจยาติ   อยเมกานุปสฺสนา   เวทนานํ
เตฺวว  อเสสวิราคนิโรธา  นตฺถิ  ทุกฺขสฺส  สมฺภโวติ  อยํ  ทุติยานุปสฺสนา
เอวํ สมฺมาทฺวยตานุปสฺสิโน ฯเปฯ อถาปรํ เอตทโวจ สตฺถา
     |๓๙๗.๑๑๖๕| สุขํ วา ยทิ วา ทุกฺขํ         อทุกฺขมสุขํ สห
                          อชฺฌตฺตญฺจ พหิทฺธา จ   ยงฺกิญฺจิ อตฺถิ เวทิตํ
     |๓๙๗.๑๑๖๖| เอตํ ทุกฺขนฺติ ตฺวาน     โมสธมฺมํ ปโลกินํ
                          ผุสฺส ผุสฺส วยํ ปสฺสํ        เอวํ ตตฺถ วิชานติ ๓- ฯ
                          เวทนานํ ขยา เยว ๔-      นตฺถิ ทุกฺขสฺส สมฺภโวติ ฯ
     [๓๙๘]   สิยา  อญฺเนปิ  ปริยาเยน  ฯเปฯ  กถญฺจ  สิยา ยงฺกิญฺจิ
ทุกฺขํ    สมฺโภติ    สพฺพํ   ตณฺหาปจฺจยาติ   อยเมกานุปสฺสนา   ตณฺหาย
เตฺวว  อเสสวิราคนิโรธา  นตฺถิ  ทุกฺขสฺส  สมฺภโวติ  อยํ  ทุติยานุปสฺสนา
เอวํ สมฺมาทฺวยตานุปสฺสิโน ฯเปฯ อถาปรํ เอตทโวจ สตฺถา
@เชิงอรรถ:  ม. อญฺายุปสเม ฯ ยุ. อญฺาย อุปสเม ฯ  ม. ยุ. เต เว ฯ
@ โป. ยุ. วิรชฺชติ ฯ   ม. ยุ. ภิกฺขุ ฯ
     |๓๙๘.๑๑๖๗| ตณฺหาทุติโย ปุริโส         ทีฆมทฺธาน สํสรํ
                          อิตฺถภาวญฺถาภาวํ      สํสารํ นาติวตฺตติ ฯ
     |๓๙๘.๑๑๖๘| เอตมาทีนวํ ตฺวา         ตณฺหา ๑- ทุกฺขสฺส สมฺภวํ
                          วีตตโณฺห อนาทาโน       สโต ภิกฺขุ ปริพฺพเชติ ฯ
     [๓๙๙]   สิยา  อญฺเนปิ  ปริยาเยน  ฯเปฯ  กถญฺจ  สิยา ยงฺกิญฺจิ
ทุกฺขํ  สมฺโภติ  สพฺพํ  อุปาทานปจฺจยาติ  อยเมกานุปสฺสนา อุปาทานสฺส ๒-
เตฺวว  อเสสวิราคนิโรธา  นตฺถิ  ทุกฺขสฺส  สมฺภโวติ  อยํ  ทุติยานุปสฺสนา
เอวํ สมฺมาทฺวยตานุปสฺสิโน ฯเปฯ อถาปรํ เอตทโวจ สตฺถา
     |๓๙๙.๑๑๖๙| อุปาทานปจฺจยา ภโว     ภูโต ทุกฺขํ นิคจฺฉติ
                          ชาตสฺส มรณํ โหติ          เอโส ทุกฺขสฺส สมฺภโว ฯ
     |๓๙๙.๑๑๗๐| ตสฺมา อุปาทานกฺขยา     สมฺมทญฺาย ปณฺฑิตา
                          ชาติกฺขยํ อภิญฺาย       น คจฺฉนฺติ ปุนพฺภวนฺติ ฯ
     [๔๐๐]   สิยา  อญฺเนปิ  ปริยาเยน  ฯเปฯ  กถญฺจ  สิยา ยงฺกิญฺจิ
ทุกฺขํ   สมฺโภติ   สพฺพํ   อารมฺภปจฺจยาติ   อยเมกานุปสฺสนา  อารมฺภานํ
เตฺวว  อเสสวิราคนิโรธา  นตฺถิ  ทุกฺขสฺส  สมฺภโวติ  อยํ  ทุติยานุปสฺสนา
เอวํ สมฺมาทฺวยตานุปสฺสิโน ฯเปฯ อถาปรํ เอตทโวจ สตฺถา
     |๔๐๐.๑๑๗๑| ยงฺกิญฺจิ ทุกฺขํ สมฺโภติ     สพฺพํ อารมฺภปจฺจยา
                          อารมฺภานํ นิโรเธน         นตฺถิ ทุกฺขสฺส สมฺภโว ฯ
@เชิงอรรถ:  ม. ตณฺหํ ฯ  ม. อุปาทานานํ ฯ
     |๔๐๐.๑๑๗๒| เอตมาทีนวํ ตฺวา         ทุกฺขํ อารมฺภปจฺจยา
                          สพฺพารมฺภํ ปฏินิสฺสชฺช   อนารมฺเภ วิมุตฺติโน
     |๔๐๐.๑๑๗๓| อุจฺฉินฺนภวตณฺหสฺส        สนฺตจิตฺตสฺส ภิกฺขุโน
                          วิกฺขีโณ ๑- ชาติสํสาโร    นตฺถิ ตสฺส ปุนพฺภโวติ ฯ
     [๔๐๑]   สิยา  อญฺเนปิ  ปริยาเยน  ฯเปฯ  กถญฺจ  สิยา ยงฺกิญฺจิ
ทุกฺขํ   สมฺโภติ   สพฺพํ   อาหารปจฺจยาติ   อยเมกานุปสฺสนา  อาหารานํ
เตฺวว  อเสสวิราคนิโรธา  นตฺถิ  ทุกฺขสฺส  สมฺภโวติ  อยํ  ทุติยานุปสฺสนา
เอวํ สมฺมาทฺวยตานุปสฺสิโน ฯเปฯ อถาปรํ เอตทโวจ สตฺถา
     |๔๐๑.๑๑๗๔| ยงฺกิญฺจิ ทุกฺขํ สมฺโภติ     สพฺพํ อาหารปจฺจยา
                          อาหารานํ นิโรเธน         นตฺถิ ทุกฺขสฺส สมฺภโว ฯ
     |๔๐๑.๑๑๗๕| เอตมาทีนวํ ตฺวา         ทุกฺขํ อาหารปจฺจยา
                          สพฺพาหาเร ๒- ปริญฺาย  สพฺพาหารมนิสฺสิโต
     |๔๐๑.๑๑๗๖| อาโรคฺยํ สมฺมทญฺาย   อาสวานํ ปริกฺขยา
                          สงฺขาย เสวี ธมฺมฏฺโ      สงฺขยนฺโนเปติ ๓- เวทคูติ ฯ
     [๔๐๒]   สิยา   อญฺเนปิ   ปริยาเยน   ฯเปฯ   กถญฺจ   สิยา
ยงฺกิญฺจิ    ทุกฺขํ    สมฺโภติ   สพฺพํ   อิญฺชิตปจฺจยาติ   อยเมกานุปสฺสนา
อิญฺชิตานํ   เตฺวว   อเสสวิราคนิโรธา   นตฺถิ   ทุกฺขสฺส  สมฺภโวติ  อยํ
ทุติยานุปสฺสนา     เอวํ     สมฺมาทฺวยตานุปสฺสิโน    ฯเปฯ    อถาปรํ
เอตทโวจ สตฺถา
@เชิงอรรถ:  ยุ. วิติณฺโณ ฯ  ม. ยุ. สพฺพาหารํ ฯ  ยุ. สงฺขํ น อุเปติ ฯ
     |๔๐๒.๑๑๗๗| ยงฺกิญฺจิ ทุกฺขํ สมฺโภติ    สพฺพํ อิญฺชิตปจฺจยา
                          อิญฺชิตานํ นิโรเธน         นตฺถิ ทุกฺขสฺส สมฺภโว ฯ
     |๔๐๒.๑๑๗๘| เอตมาทีนวํ ตฺวา         ทุกฺขํ อิญฺชิตปจฺจยา
                          ตสฺมา หิ ๑- เอชํ โวสฺสชฺช   สงฺขาเร อุปรุนฺธิยา ๒-
                          อเนโช อนุปาทาโน         ตโต ภิกฺขุ ปริพฺพเชติ ฯ
     [๔๐๓]   สิยา   อญฺเนปิ   ปริยาเยน   ฯเปฯ   กถญฺจ   สิยา
นิสฺสิตสฺส    จลิตํ   โหตีติ   อยเมกานุปสฺสนา   อนิสฺสิโต   น   จลตีติ
อยํ    ทุติยานุปสฺสนา    เอวํ    สมฺมาทฺวยตานุปสฺสิโน    ฯ    ฯเปฯ
อถาปรํ เอตทโวจ สตฺถา
     |๔๐๓.๑๑๗๙| อนิสฺสิโต น จลติ            นิสฺสิโต จ อุปาทิยํ
                          อิตฺถภาวญฺถาภาวํ      สํสารํ นาติวตฺตติ ฯ
     |๔๐๓.๑๑๘๐| เอตมาทีนวํ ตฺวา         นิสฺสเยสุ มหพฺภยํ
                          อนิสฺสิโต อนุปาทาโน     สโต ภิกฺขุ ปริพฺพเชติ ฯ
     [๔๐๔]   สิยา   อญฺเนปิ   ปริยาเยน   ฯเปฯ   กถญฺจ   สิยา
รูเปหิ   ภิกฺขเว   อรูปา   ๓-   สนฺตตราติ  อยเมกานุปสฺสนา  อรูเปหิ
นิโรโธ   สนฺตตโรติ   อยํ   ทุติยานุปสฺสนา  เอวํ  สมฺมาทฺวยตานุปสฺสิโน
ฯเปฯ อถาปรํ เอตทโวจ สตฺถา
     |๔๐๔.๑๑๘๑| เย จ รูปูปคา สตฺตา        เย จ อรูปฏฺายิโน ๔-
                          นิโรธํ อปฺปชานนฺตา       อาคนฺตาโร เต ปุนพฺภวํ
     |๔๐๔.๑๑๘๒| เย จ รูเป ปริญฺาย        อรูเปสุ สุสณฺิตา ๕-
@เชิงอรรถ:  ยุ. หิสทฺโท นตฺถิ ฯ   ม. ยุ. อุปรนฺธิย ฯ   ยุ. สพฺพตฺถ อารุปฺปาติ
@ทิสฺสติ  ฯ   ยุ. อารุปฺปวาสิโน ฯ   โป. อารูเปสุ จ สณฺิตา ฯ ม. อรูเปสุ
@อสณฺิตา ฯ
                          นิโรเธ  เยว มุจฺจนฺติ ๑-     เต ชนา มจฺจุหายิโนติ ฯ
     [๔๐๕]   สิยา  อญฺเนปิ  ปริยาเยน  ฯเปฯ กถญฺจ สิยา ยํ ภิกฺขเว
สเทวกสฺส    โลกสฺส    สมารกสฺส    สพฺรหฺมกสฺส   สสฺสมณพฺราหฺมณิยา
ปชาย    สเทวมนุสฺสาย    อิทํ    สจฺจนฺติ    อุปนิชฺฌายิตํ   ตทมริยานํ
เอตํ    มุสาติ    ยถาภูตํ    สมฺมปฺปญฺาย   สุทิฏฺ   อยเมกานุปสฺสนา
ยํ  ภิกฺขเว  สเทวกสฺส  ฯเปฯ  สเทวมนุสฺสาย  อิทํ  มุสาติ  อุปนิชฺฌายิตํ
ตทมริยานํ    เอตํ    สจฺจนฺติ   ยถาภูตํ   สมฺมปฺปญฺาย   สุทิฏฺ   อยํ
ทุติยานุปสฺสนา     เอวํ     สมฺมาทฺวยตานุปสฺสิโน    ฯเปฯ    อถาปรํ
เอตทโวจ สตฺถา
     |๔๐๕.๑๑๘๓| อนตฺตนิ อตฺตมานี ๒-     ปสฺส โลกํ สเทวกํ
                          นิวิฏฺ นามรูปสฺมึ          อิทํ สจฺจนฺติ มญฺติ ฯ
     |๔๐๕.๑๑๘๔| เยน เยน หิ มญฺนฺติ     ตโต ตํ โหติ อญฺถา
                          ตญฺหิ ตสฺส มุสา โหติ     โมสธมฺมญฺหิ อิตฺตรํ ฯ
     |๔๐๕.๑๑๘๕| อโมสธมฺมํ นิพฺพานํ        ตทริยา สจฺจโต วิทู
                          เต เว สจฺจาภิสมยา        นิจฺฉาตา ปรินิพฺพุตาติ ฯ
     [๔๐๖]   สิยา   อญฺเนปิ   ปริยาเยน   สมฺมาทฺวยตานุปสฺสนาติ
อิติ   เจ   ภิกฺขเว  ปุจฺฉิตาโร  อสฺสุ  สิยาติสฺสุ  วจนียา  กถญฺจ  สิยา
ยํ      ภิกฺขเว    สเทวกสฺส    โลกสฺส    สมารกสฺส    สพฺรหฺมกสฺส
สสฺสมณพฺราหฺมณิยา   ปชาย   สเทวมนุสฺสาย   อิทํ   สุขนฺติ  อุปนิชฺฌายิตํ
ตทมริยานํ     เอตํ     ทุกฺขนฺติ    ยถาภูตํ    สมฺมปฺปญฺาย    สุทิฏฺ
@เชิงอรรถ:  ม. ยุ. นิโรเธ เย วิมุจฺจนฺติ ฯ  ม. อตฺตมานึ ฯ ยุ. อตฺตมานํ ฯ
อยเมกานุปสฺสนา  ยํ  ภิกฺขเว  สเทวกสฺส  โลกสฺส  ฯเปฯ สเทวมนุสฺสาย
อิทํ    ทุกฺขนฺติ    อุปนิชฺฌายิตํ    ตทมริยานํ   เอตํ   สุขนฺติ   ยถาภูตํ
สมฺมปฺปญฺาย   สุทิฏฺ   อยํ   ทุติยานุปสฺสนา  อยํ  สมฺมาทฺวยตานุปสฺสิโน
โข   ภิกฺขเว   ภิกฺขุโน   อปฺปมตฺตสฺส   อาตาปิโน  ปหิตตฺตสฺส  วิหรโต
ทฺวินฺนํ   ผลานํ   อญฺตรํ   ผลํ  ปาฏิกงฺขํ  ทิฏฺเว  ธมฺเม  อญฺา  สติ
วา อุปาทิเสเส อนาคามิตาติ ฯ
                          อิทมโวจ ภควา          อิทํ วตฺวาน สุคโต
                                  อถาปรํ เอตทโวจ สตฺถา
     |๔๐๖.๑๑๘๖| รูปา สทฺทา คนฺธา รสา ๑-  ผสฺสา ธมฺมา จ เกวลา
                          อิฏฺา กนฺตา มนาปา จ    ยาวตตฺถีติ วุจฺจติ
     |๔๐๖.๑๑๘๗| สเทวกสฺส โลกสฺส            เอเต โว สุขสมฺมตา
                          ยตฺถ เจเต นิรุชฺฌนฺติ        ตํ เนสํ ทุกฺขสมฺมตํ ฯ
     |๔๐๖.๑๑๘๘| สุขนฺติ ทิฏฺมริเยหิ           สกฺกายสฺสุปโรธนํ
                          ปจฺจนีกมิทํ โหติ              สพฺพโลเกน ปสฺสตํ ฯ
     |๔๐๖.๑๑๘๙| ยํ ปเร สุขโต อาหุ             ตทริยา อาหุ ทุกฺขโต
                          ยํ ปเร ทุกฺขโต อาหุ          ตทริยา สุขโต วิทู
     |๔๐๖.๑๑๙๐| ปสฺส ธมฺมํ ทุราชานํ         สมฺปมูเฬฺหตฺถ อวิทฺทสู ๒-
                          นิวุตานํ ตโม โหติ            อนฺธกาโร อปสฺสตํ
     |๔๐๖.๑๑๙๑| สตญฺจ วิวฏํ โหติ             อาโลโก ปสฺสตามิว
                          สนฺติเก น วิชานนฺติ          มคา ธมฺมสฺส โกวิทา ฯ
@เชิงอรรถ:  ม. ยุ. รสา คนฺธา ฯ    ม. สมฺปมูเฬฺหตฺถวิทฺทสุ ฯ
     |๔๐๖.๑๑๙๒| ภวราคปเรเตหิ                ภวโสตานุสาริหิ
                          มารเธยฺยานุปฺปนฺเนหิ      นายํ ธมฺโม สุสมฺพุโธ ฯ
     |๔๐๖.๑๑๙๓| โก นุ อญฺตฺร อริเยหิ ๑- ปทํ สมฺพุทฺธมรหติ
                          ยํ ปทํ สมฺมทญฺาย        ปรินิพฺพนฺติ อนาสวาติ ฯ
     [๔๐๗]   อิทมโวจ   ภควา   ฯ   อตฺตมนา  เต  ภิกฺขู  ภควโต
ภาสิตํ   อภินนฺทุนฺติ   ฯ  อิมสฺมิญฺจ  ปน  ๒-  เวยฺยากรณสฺมึ  ภญฺมาเน
สฏฺิมตฺตานํ ภิกฺขูนํ อนุปาทาย อาสเวหิ จิตฺตานิ วิมุจฺจึสูติ ฯ
                         ทฺวยตานุปสฺสนาสุตฺตํ ทฺวาทสมํ ฯ
                                     ตสฺสุทฺทานํ
           สจฺจํ อุปธิ อวิชฺชา จ         สงฺขารวิญฺาณปญฺจมํ ๓-
           ผสฺสเวทนิยา ตณฺหา        อุปาทานารมฺภอาหรา ๔-
           อิญฺชิตํ ผนฺทิตํ ๕- รูปํ        สจฺจํ ทุกฺเขน ๖- โสฬสาติ ฯ
                               มหาวคฺโค ตติโย ฯ
                                     ตสฺสุทฺทานํ
           ปพฺพชฺชา จ ปธานา จ      สุภา จ สุนฺทรี ตถา
           มาฆสุตฺตสภิโย จ            เสโล สลฺลํ ปวุจฺจติ
           วาเสฏฺโ จาปิ โกกาลิ      นาลโก ทฺวยตานุปสฺสนํ
           ทฺวาทเสตานิ สุตฺตานิ       มหาวคฺโคติ วุจฺจตีติ ฯ
                                  --------------
@เชิงอรรถ:  ม. ยุ. อญฺตฺรมริเยหิ ฯ   ยุ. ... อภินนฺทุํ อิมสฺมึ โข ปน ฯ
@ ม. สงฺขาเร ฯ ยุ. สงฺขารา ฯ  ม. ยุ. ... ภา อาหารา ฯ
@ ม. อิญฺชิตํ จลิตํ ฯ ยุ. อิญฺชิเต ผนฺทิตํ ฯ   โป. ยุ. สจฺจา ทุกฺเขน ฯ



             เนื้อความพระไตรปิฎกฉบับภาษาบาลีอักษรไทย เล่มที่ ๒๕ หน้าที่ ๔๗๓-๔๘๓. http://84000.org/tipitaka/pitaka_item/pali_item_s.php?book=25&item=390&items=18              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=25&item=390&items=18&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=25&item=390&items=18              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=25&item=390&items=18              ศึกษาอรรถกถานี้ได้ที่ :- http://84000.org/tipitaka/attha/attha.php?b=25&i=390              The Pali Atthakatha in Thai :- http://84000.org/tipitaka/atthapali/read_th.php?B=29&A=7544              The Pali Atthakatha in Roman :- http://84000.org/tipitaka/atthapali/read_rm.php?B=29&A=7544              สารบัญพระไตรปิฎกเล่มที่ ๒๕ http://84000.org/tipitaka/read/?index_25

อ่านหัวข้อแรกอ่านหัวข้อที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :