|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
พระไตรปิฎกเล่มที่ ๒๕ ภาษาบาลี อักษรไทย พระสุตตันตปิฎกเล่มที่ ๑๗ สุตฺต. ขุ. ขุทฺทกปาฐ-ธมฺมปทคาถา-อุทานํ-อิติวุตฺตก-สุตฺตนิปาตา
|
|
สุตฺตนฺตปิฏเก ขุทฺทกนิกายสฺส สุตฺตนิปาโต -------- นโม ตสฺส ภควโต อรหโต สมฺมาสมฺพุทฺธสฺส ฯ ปโม อุรควคฺโค ปมํ อุรคสุตฺตํ [๒๙๔] /ขุ.สุ./ |๒๙๔.๔๒๔| ๑ โย เว ๑- อุปฺปติตํ วิเนติ โกธํ วิสฏํ สปฺปวิสํว โอสเถหิ ๒- โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๒๕| โย ราคมุทจฺฉิทา อเสสํ ภึสปุปฺผํว ๓- สโรรุหํ วิคยฺห โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๒๖| โย ตณฺหมุทจฺฉิทา อเสสํ สริตํ สีฆสรํ วิโสสยิตฺวา @เชิงอรรถ: ๑ ม. ยุ. เวสทฺโท นตฺถิ ฯ ๒ ม. โอสเธหิ ฯ ๓ ม. ยุ. ภิสปุปฺผํว ฯ--------------------------------------------------------------------------------------------- หน้าที่ ๓๒๕.
โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๒๗| โย มานมุทพฺพธี อเสสํ นฬเสตุํว สุทุพฺพลํ มโหโฆ โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๒๘| โย นาชฺฌคมา ภเวสุ สารํ วิจินํ ปุปฺผมิว อุทุมฺพเรสุ โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๒๙| ยสฺสนฺตรโต น สนฺติ โกปา อิติ ภวาภวตญฺจ วีติวตฺโต โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๓๐| ยสฺส วิตกฺกา วิธูปิตา อชฺฌตฺตํ สุวิกปฺปิตา อเสสา โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๓๑| โย นาจฺจสารี น ปจฺจสารี สพฺพํ อจฺจุคมา ๑- อิมํ ปปญฺจํ @เชิงอรรถ: ๑ ม. ยุ. อจฺจคมา ฯ--------------------------------------------------------------------------------------------- หน้าที่ ๓๒๖.
โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๓๒| โย นาจฺจสารี น ปจฺจสารี สพฺพํ วิตถมิทนฺติ ตฺวา ๑- โลเก โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๓๓| โย นาจฺจสารี น ปจฺจสารี สพฺพํ วิตถมิทนฺติ วีตโลโภ โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๓๔| โย นาจฺจสารี น ปจฺจสารี สพฺพํ วิตถมิทนฺติ วีตราโค โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๓๕| โย นาจฺจสารี น ปจฺจสารี สพฺพํ วิตถมิทนฺติ วีตโทโส โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๓๖| โย นาจฺจสารี น ปจฺจสารี สพฺพํ วิตถมิทนฺติ วีตโมโห @เชิงอรรถ: ๑ ม. ตฺว ฯ--------------------------------------------------------------------------------------------- หน้าที่ ๓๒๗.
โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๓๗| ยสฺสานุสยา น สนฺติ เกจิ มูลา [๑]- อกุสลา สมูหตาเส โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๓๘| ยสฺส ทรถชา น สนฺติ เกจิ โอรํ อาคมนาย ปจฺจยาเส โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๓๙| ยสฺส วนถชา น สนฺติ เกจิ วินิพนฺธาย ภวาย เหตุกปฺปา โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ |๒๙๔.๔๔๐| โย นีวรเณ ปหาย ปญฺจ อนีโฆ ติณฺณกถงฺกโถ วิสลฺโล โส ภิกฺขุ ชหาติ โอรปารํ อุรโค ชิณฺณมิว ตจํ ปุราณนฺติ ฯ อุรคสุตฺตํ ปมํ ฯ ----------- @เชิงอรรถ: ๑ ม. จสทฺโท ทิสฺสติ ฯเนื้อความพระไตรปิฎกฉบับภาษาบาลีอักษรไทย เล่มที่ ๒๕ หน้าที่ ๓๒๔-๓๒๗. http://84000.org/tipitaka/pitaka_item/pali_item_s.php?book=25&item=294&items=1&pagebreak=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=25&item=294&items=1&pagebreak=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=25&item=294&items=1&pagebreak=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=25&item=294&items=1&pagebreak=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=25&i=294 The Pali Atthakatha in Thai :- http://84000.org/tipitaka/atthapali/read_th.php?B=28&A=1 The Pali Atthakatha in Roman :- http://84000.org/tipitaka/atthapali/read_rm.php?B=28&A=1 สารบัญพระไตรปิฎกเล่มที่ ๒๕ http://84000.org/tipitaka/read/?index_25
       |
|
บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]