พระไตรปิฎกเล่มที่ ๒๒ ภาษาบาลี อักษรไทย
พระสุตตันตปิฎกเล่มที่ ๑๔ สุตฺต. องฺ. (๓): ปญฺจก-ฉกฺกนิปาตา

     [๑๕๗]   ปญฺจนฺนํ  ภิกฺขเว  ปุคฺคลานํ  กถา  ทุกฺกถา  ปุคฺคเล  ๑-
ปุคฺคลํ     อุปนิธาย     กตเมสํ     ปญฺจนฺนํ    อสฺสทฺธสฺส    ภิกฺขเว
สทฺธากถา    ทุกฺกถา    ทุสฺสีลสฺส    สีลกถา    ทุกฺกถา   อปฺปสฺสุตสฺส
พาหุสจฺจกถา     ทุกฺกถา     มจฺฉริสฺส    ๒-    จาคกถา    ทุกฺกถา
ทุปฺปญฺสฺส ปญฺากถา ทุกฺกถา ฯ
     {๑๕๗.๑}   กสฺมา   จ  ภิกฺขเว  อสฺสทฺธสฺส  สทฺธากถา  ทุกฺกถา
อสฺสทฺโธ    ภิกฺขเว    สทฺธากถาย    กจฺฉมานาย   อภิสชฺชติ   กุปฺปติ
พฺยาปชฺชติ    ปติตฺถียติ    โกปญฺจ   โทสญฺจ   อปฺปจฺจยญฺจ   ปาตุกโรติ
ตํ  กิสฺส  เหตุ  ตญฺหิ  โส  ภิกฺขเว  สทฺธาสมฺปทํ  อตฺตนิ  น  สมนุปสฺสติ
น    จ    ลภติ   ตโตนิทานํ   ปีติปามุชฺชํ   ๓-   ตสฺมา   อสฺสทฺธสฺส
สทฺธากถา ทุกฺกถา ฯ
     {๑๕๗.๒}   กสฺมา  จ  ภิกฺขเว  ทุสฺสีลสฺส  สีลกถา ทุกฺกถา ทุสฺสีโล
ภิกฺขเว    สีลกถาย    กจฺฉมานาย    อภิสชฺชติ    กุปฺปติ   พฺยาปชฺชติ
ปติตฺถียติ    โกปญฺจ    โทสญฺจ   อปฺปจฺจยญฺจ   ปาตุกโรติ   ตํ   กิสฺส
เหตุ   ตญฺหิ   โส   ภิกฺขเว   สีลสมฺปทํ  อตฺตนิ  น  สมนุปสฺสติ  น  จ
ลภติ ตโตนิทานํ ปีติปามุชฺชํ ตสฺมา ทุสฺสีลสฺส สีลกถา ทุกฺกถา ฯ
     {๑๕๗.๓}   กสฺมา  จ  ภิกฺขเว  อปฺปสฺสุตสฺส  พาหุสจฺจกถา ทุกฺกถา
อปฺปสฺสุโต   ภิกฺขเว   พาหุสจฺจกถาย   กจฺฉมานาย   อภิสชฺชติ   กุปฺปติ
พฺยาปชฺชติ    ปติตฺถียติ    โกปญฺจ   โทสญฺจ   อปฺปจฺจยญฺจ   ปาตุกโรติ
ตํ  กิสฺส  เหตุ  ตญฺหิ  โส  ภิกฺขเว  สุตสมฺปทํ  อตฺตนิ  น  สมนุปสฺสติ น
จ   ลภติ   ตโตนิทานํ   ปีติปามุชฺชํ   ตสฺมา  อปฺปสฺสุตสฺส  พาหุสจฺจกถา
@เชิงอรรถ: ๑ สี. ยุ. ปุคฺคลํ ปุคฺคลํ ฯ อิโต ปรํ อีทีสเมว ฯ  ๒ โป. ยุ. มจฺฉริยสฺส ฯ อิโต
@ปรํ เอวํ าตพฺพํ ฯ  ๓ ม. ปีติปาโมชฺชํ ฯ สพฺพตฺถวาเรสุ อีทิสเมว ฯ
กถา ทุกฺกถา ฯ
     {๑๕๗.๔}   กสฺมา  จ  ภิกฺขเว  มจฺฉริสฺส  จาคกถา ทุกฺกถา มจฺฉรี
ภิกฺขเว    จาคกถาย    กจฺฉมานาย    อภิสชฺชติ   กุปฺปติ   พฺยาปชฺชติ
ปติตฺถียติ    โกปญฺจ    โทสญฺจ   อปฺปจฺจยญฺจ   ปาตุกโรติ   ตํ   กิสฺส
เหตุ   ตญฺหิ   โส   ภิกฺขเว   จาคสมฺปทํ   อตฺตนิ   น  สมนุปสฺสติ  น
จ ลภติ ตโตนิทานํ ปีติปามุชฺชํ ตสฺมา มจฺฉริสฺส จาคกถา ทุกฺกถา ฯ
     {๑๕๗.๕}   กสฺมา   จ  ภิกฺขเว  ทุปฺปญฺสฺส  ปญฺากถา  ทุกฺกถา
ทุปฺปญฺโ    ภิกฺขเว    ปญฺากถาย    กจฺฉมานาย   อภิสชฺชติ   กุปฺปติ
พฺยาปชฺชติ    ปติตฺถียติ    โกปญฺจ   โทสญฺจ   อปฺปจฺจยญฺจ   ปาตุกโรติ
ตํ    กิสฺส   เหตุ   ตญฺหิ   โส   ภิกฺขเว   ปญฺาสมฺปทํ   อตฺตนิ   น
สมนุปสฺสติ     น    จ    ลภติ    ตโตนิทานํ    ปีติปามุชฺชํ    ตสฺมา
ทุปฺปญฺสฺส    ปญฺากถา    ทุกฺกถา    ฯ    อิเมสํ    โข    ภิกฺขเว
ปญฺจนฺนํ ปุคฺคลานํ กถา ทุกฺกถา ปุคฺคเล ปุคฺคลํ อุปนิธาย ฯ
     {๑๕๗.๖}   ปญฺจนฺนํ   ภิกฺขเว   ปุคฺคลานํ  กถา  สุกถา  ปุคฺคเล
ปุคฺคลํ   อุปนิธาย   กตเมสํ   ปญฺจนฺนํ   สทฺธสฺส   ภิกฺขเว   สทฺธากถา
สุกถา   สีลวโต   สีลกถา   สุกถา   พหุสฺสุตสฺส   พาหุสจฺจกถา  สุกถา
จาควโต จาคกถา สุกถา ปญฺวโต ปญฺากถา สุกถา ฯ
     {๑๕๗.๗}   กสฺมา  จ  ภิกฺขเว  สทฺธสฺส  สทฺธากถา  สุกถา สทฺโธ
ภิกฺขเว  สทฺธากถาย  กจฺฉมานาย  นาภิสชฺชติ  น  กุปฺปติ น พฺยาปชฺชติ น
ปติตฺตียติ  น  โกปญฺจ  โทสญฺจ  อปฺปจฺจยญฺจ  ปาตุกโรติ  ตํ  กิสฺส  เหตุ
ตญฺหิ  โส  ภิกฺขเว  สทฺธาสมฺปทํ  อตฺตนิ  สมนุปสฺสติ  ลภติ  จ ตโตนิทานํ
ปีติปามุชฺชํ ตสฺมา สทฺธสฺส สทฺธากถา สุกถา ฯ
     {๑๕๗.๘}   กสฺมา  จ ภิกฺขเว สีลวโต สีลกถา สุกถา สีลวา ภิกฺขเว
สีลกถาย  กจฺฉมานาย  นาภิสชฺชติ  น  กุปฺปติ  น  พฺยาปชฺชติ น ปติตฺถียติ
น  โกปญฺจ  โทสญฺจ  อปฺปจฺจยญฺจ  ปาตุกโรติ  ตํ  กิสฺส  เหตุ  ตญฺหิ โส
ภิกฺขเว   สีลสมฺปทํ  อตฺตนิ  สมนุปสฺสติ  ลภติ  จ  ตโตนิทานํ  ปีติปามุชฺชํ
ตสฺมา สีลวโต สีลกถา สุกถา ฯ
     {๑๕๗.๙}   กสฺมา  จ  ภิกฺขเว  พหุสฺสุตสฺส  พาหุสจฺจกถา  สุกถา
พหุสฺสุโต   ภิกฺขเว   พาหุสจฺจกถาย  กจฺฉมานาย  นาภิสชฺชติ  น  กุปฺปติ
น  พฺยาปชฺชติ  น  ปติตฺถียติ  น  โกปญฺจ  โทสญฺจ อปฺปจฺจยญฺจ ปาตุกโรติ
ตํ  กิสฺส  เหตุ  ตญฺหิ  โส  ภิกฺขเว  สุตสมฺปทํ  อตฺตนิ สมนุปสฺสติ ลภติ จ
ตโตนิทานํ ปีติปามุชฺชํ ตสฺมา พหุสฺสุตสฺส พาหุสจฺจกถา สุกถา ฯ
     {๑๕๗.๑๐}   กสฺมา  จ  ภิกฺขเว  จาควโต จาคกถา สุกถา จาควา
ภิกฺขเว   จาคกถาย  กจฺฉมานาย  นาภิสชฺชติ  น  กุปฺปติ  น  พฺยาปชฺชติ
น   ปติตฺถียติ   น  โกปญฺจ  โทสญฺจ  อปฺปจฺจยญฺจ  ปาตุกโรติ  ตํ  กิสฺส
เหตุ   ตญฺหิ   โส   ภิกฺขเว   จาคสมฺปทํ  อตฺตนิ  สมนุปสฺสติ  ลภติ  จ
ตโตนิทานํ ปีติปามุชฺชํ ตสฺมา จาควโต จาคกถา สุกถา ฯ
     {๑๕๗.๑๑}   กสฺมา   จ   ภิกฺขเว  ปญฺวโต  ปญฺากถา  สุกถา
ปญฺวา   ภิกฺขเว   ปญฺากถาย   กจฺฉมานาย   นาภิสชฺชติ   น  กุปฺปติ
น  พฺยาปชฺชติ  น  ปติตฺถียติ  น  โกปญฺจ  โทสญฺจ อปฺปจฺจยญฺจ ปาตุกโรติ
ตํ  กิสฺส  เหตุ  ตญฺหิ  โส  ภิกฺขเว ปญฺาสมฺปทํ อตฺตนิ สมนุปสฺสติ ลภติ จ
ตโตนิทานํ   ปีติปามุชฺชํ  ตสฺมา  ปญฺวโต  ปญฺากถา  สุกถา  ฯ  อิเมสํ
โข   ภิกฺขเว   ปญฺจนฺนํ   ปุคฺคลานํ   กถา   สุกถา   ปุคฺคเล   ปุคฺคลํ
อุปนิธายาติ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๒๒ หน้าที่ ๒๐๒-๒๐๕.
http://www.84000.org/tipitaka/pitaka_item/pali_item_s.php?book=22&item=157&items=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://www.84000.org/tipitaka/pitaka_item/pali_item_s.php?book=22&item=157&items=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://www.84000.org/tipitaka/read/roman_item_s.php?book=22&item=157&items=1
             อ่านเทียบพระไตรปิฎกภาษาไทยฉบับหลวง :-
http://www.84000.org/tipitaka/read/byitem_s.php?book=22&item=157&items=1
             ศึกษาอรรถกถานี้ได้ที่ :-
http://www.84000.org/tipitaka/attha/attha.php?b=22&i=157
             The Pali Atthakatha in Thai :-
http://www.84000.org/tipitaka/atthapali/read_th.php?B=16&A=1334
             The Pali Atthakatha in Roman :-
http://www.84000.org/tipitaka/atthapali/read_rm.php?B=16&A=1334
             สารบัญพระไตรปิฎกเล่มที่ ๒๒
http://www.84000.org/tipitaka/read/?index_22