ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ฉบับหลวง   บาลีอักษรไทย   PaliRoman 
อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๒ ภาษาบาลี อักษรไทย พระวินัยปิฎกเล่มที่ ๒ วินย. มหาวิภงฺโค (๒)

หน้าที่ ๔๐๙.

ทสมสิกฺขาปทํ [๖๒๗] เตน สมเยน พุทฺโธ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม ฯ เตน โข ปน สมเยน สตฺตรสวคฺคิยา ภิกฺขู อสนฺนิหิตปริกฺขารา โหนฺติ ฯ ฉพฺพคฺคิยา ภิกฺขู สตฺตรสวคฺคิยานํ ภิกฺขูนํ ปตฺตํปิ จีวรํปิ อปนิเธนฺติ ฯ สตฺตรสวคฺคิยา ภิกฺขู ฉพฺพคฺคิเย ภิกฺขู เอตทโวจุํ เทถาวุโส อมฺหากํ ปตฺตํปิ จีวรํปีติ ฯ ฉพฺพคฺคิยา ภิกฺขู หสนฺติ ฯ เต โรทนฺติ ฯ ภิกฺขู เอวมาหํสุ กิสฺส ตุเมฺห อาวุโส โรทถาติ ฯ อิเม อาวุโส ฉพฺพคฺคิยา ภิกฺขู อมฺหากํ ปตฺตํปิ จีวรํปิ อปนิเธนฺตีติ ฯ {๖๒๗.๑} เย เต ภิกฺขู อปฺปิจฺฉา ฯเปฯ เต อุชฺฌายนฺติ ขียนฺติ วิปาเจนฺติ กถํ หิ นาม ฉพฺพคฺคิยา ภิกฺขู ภิกฺขูนํ ปตฺตํปิ จีวรํปิ อปนิเธสฺสนฺตีติ ฯเปฯ สจฺจํ กิร ตุเมฺห ภิกฺขเว ภิกฺขูนํ ปตฺตํปิ จีวรํปิ อปนิเธถาติ ฯ สจฺจํ ภควาติ ฯ วิครหิ พุทฺโธ ภควา กถํ หิ นาม ตุเมฺห โมฆปุริสา ภิกฺขูนํ ปตฺตํปิ จีวรํปิ อปนิเธสฺสถ เนตํ โมฆปุริสา อปฺปสนฺนานํ วา ปสาทาย ปสนฺนานํ วา ภิยฺโยภาวาย ฯเปฯ เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ {๖๒๗.๒} โย ปน ภิกฺขุ ภิกฺขุสฺส ปตฺตํ วา จีวรํ วา นิสีทนํ วา สูจิฆรํ วา กายพนฺธนํ วา อปนิเธยฺย วา อปนิธาเปยฺย วา อนฺตมโส หสฺสาเปกฺโขปิ ๑- ปาจิตฺติยนฺติ ฯ @เชิงอรรถ: ม. หสาเปกฺโขปิ ฯ ยุ. หาสาเปกฺโขปิ ฯ เอวมุปริปิ ฯ

--------------------------------------------------------------------------------------------- หน้าที่ ๔๑๐.

[๖๒๘] โย ปนาติ โย ยาทิโส ฯเปฯ ภิกฺขูติ ฯเปฯ อยํ อิมสฺมึ อตฺเถ อธิปฺเปโต ภิกฺขูติ ฯ ภิกฺขุสฺสาติ อญฺสฺส ภิกฺขุสฺส ฯ ปตฺโต นาม เทฺว ปตฺตา อโยปตฺโต มตฺติกาปตฺโต ฯ จีวรํ นาม ฉนฺนํ จีวรานํ อญฺตรํ จีวรํ วิกปฺปนุปคํ ปจฺฉิมํ ฯ นิสีทนํ นาม สทสํ วุจฺจติ ฯ สูจิฆรํ นาม สสูจิกํ วา อสูจิกํ วา ฯ กายพนฺธนํ นาม เทฺว กายพนฺธนานิ ปฏฺฏิกํ ๑- สูกรนฺตกํ ฯ อปนิเธยฺยาติ สยํ อปนิเธติ อาปตฺติ ปาจิตฺติยสฺส ฯ อปนิธาเปยฺยาติ อญฺ อาณาเปติ อาปตฺติ ปาจิตฺติยสฺส ฯ สกึ อาณตฺโต พหุกํปิ อปนิเธติ อาปตฺติ ปาจิตฺติยสฺส ฯ อนฺตมโส หสฺสาเปกฺโขปีติ กีฬาธิปฺปาโย ฯ [๖๒๙] อุปสมฺปนฺเน อุปสมฺปนฺนสญฺี ปตฺตํ วา จีวรํ วา นิสีทนํ วา สูจิฆรํ วา กายพนฺธนํ วา อปนิเธติ วา อปนิธาเปติ วา อนฺตมโส หสฺสาเปกฺโขปิ อาปตฺติ ปาจิตฺติยสฺส ฯ อุปสมฺปนฺเน เวมติโก ปตฺตํ วา จีวรํ วา นิสีทนํ วา สูจิฆรํ วา กายพนฺธนํ วา อปนิเธติ วา อปนิธาเปติ วา อนฺตมโส หสฺสาเปกฺโขปิ อาปตฺติ ปาจิตฺติยสฺส ฯ อุปสมฺปนฺเน อนุปสมฺปนฺนสญฺี ปตฺตํ วา จีวรํ วา นิสีทนํ วา สูจิฆรํ วา กายพนฺธนํ วา อปนิเธติ วา อปนิธาเปติ วา อนฺตมโส หสฺสาเปกฺโขปิ อาปตฺติ ปาจิตฺติยสฺส ฯ อญฺ ปริกฺขารํ อปนิเธติ วา อปนิธาเปติ วา อนฺตมโส หสฺสาเปกฺโขปิ อาปตฺติ ทุกฺกฏสฺส ฯ อนุปสมฺปนฺนสฺส ปตฺตํ วา @เชิงอรรถ: ม. ปฏฺฏิกา ฯ

--------------------------------------------------------------------------------------------- หน้าที่ ๔๑๑.

จีวรํ วา อญฺ วา ปริกฺขารํ อปนิเธติ วา อปนิธาเปติ วา อนฺตมโส หสฺสาเปกฺโขปิ อาปตฺติ ทุกฺกฏสฺส ฯ อนุปสมฺปนฺเน อุปสมฺปนฺนสญฺี อาปตฺติ ทุกฺกฏสฺส ฯ อนุปสมฺปนฺเน เวมติโก อาปตฺติ ทุกฺกฏสฺส ฯ อนุปสมฺปนฺเน อนุปสมฺปนฺนสญฺี อาปตฺติ ทุกฺกฏสฺส ฯ [๖๓๐] อนาปตฺติ น หสฺสาธิปฺปาโย ทุนฺนิกฺขิตฺตํ ปฏิสาเมติ ธมฺมึ กถํ กตฺวา ทสฺสามีติ ปฏิสาเมติ อุมฺมตฺตกสฺส อาทิกมฺมิกสฺสาติ ฯ ทสมสิกฺขาปทํ นิฏฺิตํ ฯ สุราปานวคฺโค ฉฏฺโ ฯ --------- ตสฺสุทฺทานํ สุรา องฺคุลิ หาโส จ ๑- อนาทริยญฺจ ภึสนา ๒- โชติ นฺหานทุพฺพณฺณํ สามํ อปนิเธน จาติ ฯ --------- @เชิงอรรถ: โตยญฺจ ฯ อิติปิ ปาโ ม. ภึสนํ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๒ หน้าที่ ๔๐๙-๔๑๑. http://84000.org/tipitaka/pitaka_item/pali_item_s.php?book=2&item=627&items=4&pagebreak=1              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pitaka_item/pali_item_s.php?book=2&item=627&items=4&pagebreak=1&mode=bracket              อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=2&item=627&items=4&pagebreak=1              อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=2&item=627&items=4&pagebreak=1              ศึกษาอรรถกถานี้ได้ที่ :- http://84000.org/tipitaka/attha/attha.php?b=2&i=627              The Pali Atthakatha in Thai :- http://84000.org/tipitaka/atthapali/read_th.php?B=2&A=9641              The Pali Atthakatha in Roman :- http://84000.org/tipitaka/atthapali/read_rm.php?B=2&A=9641              สารบัญพระไตรปิฎกเล่มที่ ๒ http://84000.org/tipitaka/read/?index_2

อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหัวข้อถัดไปอ่านหัวข้อสุดท้าย คลิกเพื่อเปลี่ยน ฐญ เป็นแบบไทย

บันทึก ๑๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]

สีพื้นหลัง :