พระไตรปิฎกเล่มที่ ๑๒ ภาษาบาลี อักษรไทย
พระสุตตันตปิฎกเล่มที่ ๔ สุตฺต. ม. มูลปณฺณาสกํ

หน้าที่ ๓๖๒.
                                มหาสาโรปมสุตฺตํ
     [๓๔๗]   เอวมฺเม   สุตํ   เอกํ  สมยํ  ภควา  ราชคเห  วิหรติ
คิชฺฌกูเฏ   ปพฺพเต   ฯ   อจิรปกฺกนฺเต   เทวทตฺเต  ตตฺร  โข  ภควา
เทวทตฺตํ   อารพฺภ  ภิกฺขู  อามนฺเตสิ  อิธ  ภิกฺขเว  เอกจฺโจ  กุลปุตฺโต
สทฺธา   อคารสฺมา   อนคาริยํ   ปพฺพชิโต   โหติ  โอติณฺโณมฺหิ  ชาติยา
ชราย   มรเณน   โสกปริเทวทุกฺขโทมนสฺสุปายาเสหิ   ๑-   ทุกฺโขติณฺโณ
ทุกฺขปเรโต   อปฺเปวนาม   อิมสฺส   เกวลสฺส  ทุกฺขกฺขนฺธสฺส  อนฺตกิริยา
ปญฺาเยถาติ   ฯ   โส   เอวํ   ปพฺพชิโต   สมาโน  ลาภสกฺการสิโลกํ
อภินิพฺพตฺเตติ    ฯ    โส    เตน    ลาภสกฺการสิโลเกน    อตฺตมโน
โหติ     ปริปุณฺณสงฺกปฺโป    ฯ    โส    เตน    ลาภสกฺการสิโลเกน
อตฺตานุกฺกํเสติ   ปรํ   วมฺเภติ   อหมสฺมิ   ลาภี  สกฺการสิโลกวา  อิเม
ปนญฺเ    ภิกฺขู    อปฺปญฺาตา    อปฺเปสกฺขาติ    ฯ    โส    เตน
ลาภสกฺการสิโลเกน    มชฺชติ    ปมชฺชติ   ปมาทํ   อาปชฺชติ   ปมตฺโต
สมาโน ทุกฺขํ วิหรติ ฯ
     {๓๔๗.๑}   เสยฺยถาปิ   ภิกฺขเว   ปุริโส  สารตฺถิโก  สารคเวสี
สารปริเยสนํ    จรมาโน    มหโต    รุกฺขสฺส    ติฏฺโต    สารวโต
อติกฺกมฺเมว    สารํ    อติกฺกมฺม   เผคฺคุํ   อติกฺกมฺม   ตจํ   อติกฺกมฺม
ปปฺปฏิกํ  สาขาปลาสํ  เฉตฺวา  อาทาย  ปกฺกเมยฺย  สารนฺติ มญฺมาโน ฯ
ตเมนํ   จกฺขุมา  ปุริโส  ทิสฺวา  เอวํ  วเทยฺย  น  วตายํ  ภวํ  ปุริโส
@เชิงอรรถ: ๑ กตฺถจิ โปตฺถเก ชรามรเณน โสเกหิ ... อุปายาเสหีติปิ ทิสฺสนฺติ ฯ
---------------------------------------------------------------------------------------------
หน้าที่ ๓๖๓.
อญฺาสิ   สารํ   น   อญฺาสิ   เผคฺคุํ   น  อญฺาสิ  ตจํ  น  อญฺาสิ
ปปฺปฏิกํ   น   อญฺาสิ   สาขาปลาสํ   ตถาหยํ  ภวํ  ปุริโส  สารตฺถิโก
สารคเวสี    สารปริเยสนํ    จรมาโน    มหโต    รุกฺขสฺส   ติฏฺโต
สารวโต    อติกฺกมฺเมว    สารํ   อติกฺกมฺม   เผคฺคุํ   อติกฺกมฺม   ตจํ
อติกฺกมฺม    ปปฺปฏิกํ    สาขาปลาสํ    เฉตฺวา    อาทาย    ปกฺกนฺโต
สารนฺติ     มญฺมาโน    ยญฺจสฺส    สาเรน    สารกรณียํ    ตญฺจสฺส
อตฺถํ   นานุภวิสฺสตีติ   เอวเมว   โข   ภิกฺขเว   อิเธกจฺโจ  กุลปุตฺโต
สทฺธา   อคารสฺมา   อนคาริยํ   ปพฺพชิโต   โหติ  โอติณฺโณมฺหิ  ชาติยา
ชราย     มรเณน     โสกปริเทวทุกฺขโทมนสฺสุปายาเสหิ    ทุกฺโขติณฺโณ
ทุกฺขปเรโต   อปฺเปวนาม   อิมสฺส   เกวลสฺส  ทุกฺขกฺขนฺธสฺส  อนฺตกิริยา
ปญฺาเยถาติ ฯ
     {๓๔๗.๒}   โส   เอวํ   ปพฺพชิโต   สมาโน   ลาภสกฺการสิโลกํ
อภินิพฺพตฺเตติ   ฯ   โส   เตน   ลาภสกฺการสิโลเกน   อตฺตมโน  โหติ
ปริปุณฺณสงฺกปฺโป   ฯ   โส   เตน   ลาภสกฺการสิโลเกน  อตฺตานุกฺกํเสติ
ปรํ   วมฺเภติ   อหมสฺมิ   ลาภี   สกฺการสิโลกวา  อิเม  ปนญฺเ  ภิกฺขู
อปฺปญฺาตา   อปฺเปสกฺขาติ   ฯ  โส  เตน  ลาภสกฺการสิโลเกน  มชฺชติ
ปมชฺชติ  ปมาทํ  อาปชฺชติ  ปมตฺโต  สมาโน  ทุกฺขํ  วิหรติ  ฯ อยํ วุจฺจติ
ภิกฺขเว   ภิกฺขุ  สาขาปลาสํ  อคฺคเหสิ  พฺรหฺมจริยสฺส  เตน  จ  โวสานํ
อาปาทิ ฯ
     [๓๔๘]   อิธ  ปน  ภิกฺขเว  เอกจฺโจ  กุลปุตฺโต  สทฺธา อคารสฺมา
อนคาริยํ   ปพฺพชิโต   โหติ   โอติณฺโณมฺหิ   ชาติยา   ชราย   มรเณน
---------------------------------------------------------------------------------------------
หน้าที่ ๓๖๔.
โสกปริเทวทุกฺขโทมนสฺสุปายาเสหิ        ทุกฺโขติณฺโณ       ทุกฺขปเรโต
อปฺเปวนาม      อิมสฺส     เกวลสฺส     ทุกฺขกฺขนฺธสฺส     อนฺตกิริยา
ปญฺาเยถาติ   ฯ   โส   เอวํ   ปพฺพชิโต   สมาโน  ลาภสกฺการสิโลกํ
อภินิพฺพตฺเตติ    ฯ   โส   เตน   ลาภสกฺการสิโลเกน   น   อตฺตมโน
โหติ   น   ปริปุณฺณสงฺกปฺโป   ฯ   โส   เตน  ลาภสกฺการสิโลเกน  น
อตฺตานุกฺกํเสติ   น   ปรํ   วมฺเภติ  ฯ  โส  เตน  ลาภสกฺการสิโลเกน
น    มชฺชติ   นปฺปมชฺชติ   นปฺปมาทํ   อาปชฺชติ   อปฺปมตฺโต   สมาโน
สีลสมฺปทํ   อาราเธติ   ฯ   โส   ตาย   สีลสมฺปทาย  อตฺตมโน  โหติ
ปริปุณฺณสงฺกปฺโป   ฯ   โส   ตาย   สีลสมฺปทาย   อตฺตานุกฺกํเสติ   ปรํ
วมฺเภติ    อหมสฺมิ    สีลวา    กลฺยาณธมฺโม   อิเม   ปนญฺเ   ภิกฺขู
ทุสฺสีลา   ปาปธมฺมาติ   ฯ   โส   ตาย   สีลสมฺปทาย  มชฺชติ  ปมชฺชติ
ปมาทํ อาปชฺชติ ปมตฺโต สมาโน ทุกฺขํ วิหรติ ฯ
     {๓๔๘.๑}   เสยฺยถาปิ   ภิกฺขเว   ปุริโส  สารตฺถิโก  สารคเวสี
สารปริเยสนํ  จรมาโน  มหโต  รุกฺขสฺส  ติฏฺโต  สารวโต  อติกฺกมฺเมว
สารํ  อติกฺกมฺม  เผคฺคุํ  อติกฺกมฺม  ตจํ ปปฺปฏิกํ เฉตฺวา อาทาย ปกฺกเมยฺย
สารนฺติ  มญฺมาโน  ฯ  ตเมนํ  จกฺขุมา  ปุริโส  ทิสฺวา  เอวํ วเทยฺย น
วตายํ   ภวํ   ปุริโส   อญฺาสิ  สารํ  น  อญฺาสิ  เผคฺคุํ  น  อญฺาสิ
ตจํ    น    อญฺาสิ   ปปฺปฏิกํ   น   อญฺาสิ   สาขาปลาสํ   ตถาหยํ
ภวํ   ปุริโส   สารตฺถิโก   สารคเวสี   สารปริเยสนํ  จรมาโน  มหโต
รุกฺขสฺส   ติฏฺโต   สารวโต   อติกฺกมฺเมว   สารํ   อติกฺกมฺม   เผคฺคุํ
---------------------------------------------------------------------------------------------
หน้าที่ ๓๖๕.
อติกฺกมฺม    ตจํ    ปปฺปฏิกํ    เฉตฺวา   อาทาย   ปกฺกนฺโต   สารนฺติ
มญฺมาโน     ยญฺจสฺส     สาเรน     สารกรณียํ    ตญฺจสฺส    อตฺถํ
นานุภวิสฺสตีติ   เอวเมว   โข   ภิกฺขเว   อิเธกจฺโจ  กุลปุตฺโต  สทฺธา
อคารสฺมา    อนคาริยํ    ปพฺพชิโต    โหติ    โอติณฺโณมฺหิ    ชาติยา
ชราย     มรเณน     โสกปริเทวทุกฺขโทมนสฺสุปายาเสหิ    ทุกฺโขติณฺโณ
ทุกฺขปเรโต   อปฺเปวนาม   อิมสฺส   เกวลสฺส  ทุกฺขกฺขนฺธสฺส  อนฺตกิริยา
ปญฺาเยถาติ   ฯ   โส   เอวํ   ปพฺพชิโต   สมาโน  ลาภสกฺการสิโลกํ
อภินิพฺพตฺเตติ ฯ
     {๓๔๘.๒}   โส  เตน  ลาภสกฺการสิโลเกน  น  อตฺตมโน  โหติ น
ปริปุณฺณสงฺกปฺโป   ฯ  โส  เตน  ลาภสกฺการสิโลเกน  น  อตฺตานุกฺกํเสติ
น  ปรํ  วมฺเภติ  ฯ  โส  เตน  ลาภสกฺการสิโลเกน น มชฺชติ นปฺปมชฺชติ
นปฺปมาทํ   อาปชฺชติ  อปฺปมตฺโต  สมาโน  สีลสมฺปทํ  อาราเธติ  ฯ  โส
ตาย   สีลสมฺปทาย   อตฺตมโน   โหติ   ปริปุณฺณสงฺกปฺโป  ฯ  โส  ตาย
สีลสมฺปทาย  อตฺตานุกฺกํเสติ  ปรํ  วมฺเภติ  อหมสฺมิ  สีลวา  กลฺยาณธมฺโม
อิเม   ปนญฺเ  ภิกฺขู  ทุสฺสีลา  ปาปธมฺมาติ  ฯ  โส  ตาย  สีลสมฺปทาย
มชฺชติ   ปมชฺชติ   ปมาทํ  อาปชฺชติ  ปมตฺโต  สมาโน  ทุกฺขํ  วิหรติ  ฯ
อยํ   วุจฺจติ  ภิกฺขเว  ภิกฺขุ  ปปฺปฏิกํ  อคฺคเหสิ  พฺรหฺมจริยสฺส  เตน  จ
โวสานํ อาปาทิ ฯ
     [๓๔๙]   อิธ  ปน  ภิกฺขเว  เอกจฺโจ  กุลปุตฺโต  สทฺธา อคารสฺมา
อนคาริยํ   ปพฺพชิโต   โหติ   โอติณฺโณมฺหิ   ชาติยา   ชราย   มรเณน
---------------------------------------------------------------------------------------------
หน้าที่ ๓๖๖.
โสกปริเทวทุกฺขโทมนสฺสุปายาเสหิ        ทุกฺโขติณฺโณ       ทุกฺขปเรโต
อปฺเปวนาม      อิมสฺส     เกวลสฺส     ทุกฺขกฺขนฺธสฺส     อนฺตกิริยา
ปญฺาเยถาติ   ฯ   โส   เอวํ   ปพฺพชิโต   สมาโน  ลาภสกฺการสิโลกํ
อภินิพฺพตฺเตติ    ฯ   โส   เตน   ลาภสกฺการสิโลเกน   น   อตฺตมโน
โหติ   น   ปริปุณฺณสงฺกปฺโป   ฯ   โส   เตน  ลาภสกฺการสิโลเกน  น
อตฺตานุกฺกํเสติ   น   ปรํ   วมฺเภติ  ฯ  โส  เตน  ลาภสกฺการสิโลเกน
น    มชฺชติ   นปฺปมชฺชติ   นปฺปมาทํ   อาปชฺชติ   อปฺปมตฺโต   สมาโน
สีลสมฺปทํ   อาราเธติ   ฯ   โส   ตาย   สีลสมฺปทาย  อตฺตมโน  โหติ
โน   จ   โข   ปริปุณฺณสงฺกปฺโป   ฯ   โส   ตาย   สีลสมฺปทาย   น
อตฺตานุกฺกํเสติ น ปรํ วมฺเภติ ฯ
     {๓๔๙.๑}   โส   ตาย   สีลสมฺปทาย   น   มชฺชติ   นปฺปมชฺชติ
นปฺปมาทํ   อาปชฺชติ   อปฺปมตฺโต   สมาโน  สมาธิสมฺปทํ  อาราเธติ  ฯ
โส    ตาย   สมาธิสมฺปทาย   อตฺตมโน   โหติ   ปริปุณฺณสงฺกปฺโป   ฯ
โส   ตาย   สมาธิสมฺปทาย   อตฺตานุกฺกํเสติ   ปรํ   วมฺเภติ   อหมสฺมิ
สมาหิโต     เอกคฺคจิตฺโต     อิเม    ปนญฺเ    ภิกฺขู    อสมาหิตา
วิพฺภนฺตจิตฺตาติ    ฯ    โส   ตาย   สมาธิสมฺปทาย   มชฺชติ   ปมชฺชติ
ปมาทํ   อาปชฺชติ   ปมตฺโต   สมาโน   ทุกฺขํ   วิหรติ   ฯ  เสยฺยถาปิ
ภิกฺขเว   ปุริโส  สารตฺถิโก  สารคเวสี  สารปริเยสนํ  จรมาโน  มหโต
รุกฺขสฺส   ติฏฺโต   สารวโต   อติกฺกมฺเมว   สารํ   อติกฺกมฺม   เผคฺคุํ
ตจํ   เฉตฺวา   อาทาย   ปกฺกเมยฺย   สารนฺติ   มญฺมาโน  ฯ  ตเมนํ
จกฺขุมา  ปุริโส  ทิสฺวา  เอวํ  วเทยฺย  น  วตายํ  ภวํ  ปุริโส  อญฺาสิ
---------------------------------------------------------------------------------------------
หน้าที่ ๓๖๗.
สารํ   น   อญฺาสิ   เผคฺคุํ   น   อญฺาสิ  ตจํ  น  อญฺาสิ  ปปฺปฏิกํ
น   อญฺาสิ   สาขาปลาสํ  ตถาหยํ  ภวํ  ปุริโส  สารตฺถิโก  สารคเวสี
สารปริเยสนํ  จรมาโน  มหโต  รุกฺขสฺส  ติฏฺโต  สารวโต  อติกฺกมฺเมว
สารํ   อติกฺกมฺม   เผคฺคุํ   ตจํ   เฉตฺวา   อาทาย  ปกฺกนฺโต  สารนฺติ
มญฺมาโน   ยญฺจสฺส   สาเรน  สารกรณียํ  ตญฺจสฺส  อตฺถํ  นานุภวิสฺสตีติ
เอวเมว     โข     ภิกฺขเว     อิเธกจฺโจ     กุลปุตฺโต     สทฺธา
อคารสฺมา    อนคาริยํ    ปพฺพชิโต    โหติ    โอติณฺโณมฺหิ    ชาติยา
ชราย     มรเณน     โสกปริเทวทุกฺขโทมนสฺสุปายาเสหิ    ทุกฺโขติณฺโณ
ทุกฺขปเรโต   อปฺเปวนาม   อิมสฺส   เกวลสฺส  ทุกฺขกฺขนฺธสฺส  อนฺตกิริยา
ปญฺาเยถาติ ฯ
     {๓๔๙.๒}   โส   เอวํ   ปพฺพชิโต   สมาโน   ลาภสกฺการสิโลกํ
อภินิพฺพตฺเตติ    ฯ   โส   เตน   ลาภสกฺการสิโลเกน   น   อตฺตมโน
โหติ   น   ปริปุณฺณสงฺกปฺโป   ฯ   โส   เตน  ลาภสกฺการสิโลเกน  น
อตฺตานุกฺกํเสติ   น   ปรํ   วมฺเภติ  ฯ  โส  เตน  ลาภสกฺการสิโลเกน
น    มชฺชติ   นปฺปมชฺชติ   นปฺปมาทํ   อาปชฺชติ   อปฺปมตฺโต   สมาโน
สีลสมฺปทํ   อาราเธติ   ฯ   โส   ตาย   สีลสมฺปทาย  อตฺตมโน  โหติ
โน   จ   โข   ปริปุณฺณสงฺกปฺโป   ฯ   โส   ตาย   สีลสมฺปทาย   น
อตฺตานุกฺกํเสติ  น  ปรํ  วมฺเภติ  ฯ  โส  ตาย  สีลสมฺปทาย  น  มชฺชติ
นปฺปมชฺชติ    นปฺปมาทํ   อาปชฺชติ   อปฺปมตฺโต   สมาโน   สมาธิสมฺปทํ
อาราเธติ  ฯ  โส  ตาย สมาธิสมฺปทาย อตฺตมโน โหติ ปริปุณฺณสงฺกปฺโป ฯ
โส     ตาย     สมาธิสมฺปทาย     อตฺตานุกฺกํเสติ    ปรํ    วมฺเภติ
---------------------------------------------------------------------------------------------
หน้าที่ ๓๖๘.
อหมสฺมิ   สมาหิโต   เอกคฺคจิตฺโต   อิเม   ปนญฺเ   ภิกฺขู  อสมาหิตา
วิพฺภนฺตจิตฺตาติ   ฯ   โส  ตาย  สมาธิสมฺปทาย  มชฺชติ  ปมชฺชติ  ปมาทํ
อาปชฺชติ   ปมตฺโต   สมาโน   ทุกฺขํ   วิหรติ  ฯ  อยํ  วุจฺจติ  ภิกฺขเว
ภิกฺขุ ตจํ อคฺคเหสิ พฺรหฺมจริยสฺส เตน จ โวสานํ อาปาทิ ฯ
     [๓๕๐]   อิธ  ปน  ภิกฺขเว  เอกจฺโจ  กุลปุตฺโต  สทฺธา  อคารสฺมา
อนคาริยํ   ปพฺพชิโต   โหติ   โอติณฺโณมฺหิ   ชาติยา   ชราย   มรเณน
โสกปริเทวทุกฺขโทมนสฺสุปายาเสหิ        ทุกฺโขติณฺโณ       ทุกฺขปเรโต
อปฺเปวนาม      อิมสฺส     เกวลสฺส     ทุกฺขกฺขนฺธสฺส     อนฺตกิริยา
ปญฺาเยถาติ   ฯ   โส   เอวํ   ปพฺพชิโต   สมาโน  ลาภสกฺการสิโลกํ
อภินิพฺพตฺเตติ    ฯ   โส   เตน   ลาภสกฺการสิโลเกน   น   อตฺตมโน
โหติ    น    ปริปุณฺณสงฺกปฺโป   ฯ   โส   เตน   ลาภสกฺการสิโลเกน
น อตฺตานุกฺกํเสติ น ปรํ วมฺเภติ ฯ
     {๓๕๐.๑}   โส  เตน  ลาภสกฺการสิโลเกน  น  มชฺชติ  นปฺปมชฺชติ
นปฺปมาทํ   อาปชฺชติ   อปฺปมตฺโต   สมาโน   สีลสมฺปทํ   อาราเธติ  ฯ
โส  ตาย  สีลสมฺปทาย  อตฺตมโน  โหติ  โน  จ  โข ปริปุณฺณสงฺกปฺโป ฯ
โส  ตาย  สีลสมฺปทาย  น  อตฺตานุกฺกํเสติ  น  ปรํ  วมฺเภติ ฯ โส ตาย
สีลสมฺปทาย   น   มชฺชติ   นปฺปมชฺชติ   นปฺปมาทํ  อาปชฺชติ  อปฺปมตฺโต
สมาโน  สมาธิสมฺปทํ  อาราเธติ  ฯ  โส  ตาย  สมาธิสมฺปทาย อตฺตมโน
โหติ   โน  จ  โข  ปริปุณฺณสงฺกปฺโป  ฯ  โส  ตาย  สมาธิสมฺปทาย  น
อตฺตานุกฺกํเสติ  น  ปรํ  วมฺเภติ  ฯ  โส  ตาย  สมาธิสมฺปทาย น มชฺชติ
---------------------------------------------------------------------------------------------
หน้าที่ ๓๖๙.
นปฺปมชฺชติ    นปฺปมาทํ    อาปชฺชติ   อปฺปมตฺโต   สมาโน   าณทสฺสนํ
อาราเธติ  ฯ  โส  เตน  าณทสฺสเนน อตฺตมโน โหติ ปริปุณฺณสงฺกปฺโป ฯ
โส   เตน   าณทสฺสเนน  อตฺตานุกฺกํเสติ  ปรํ  วมฺเภติ  อหมสฺมิ  ชานํ
ปสฺสํ  วิหรามิ  อิเม  ปนญฺเ  ภิกฺขู  อชานํ  อปสฺสํ วิหรนฺตีติ ฯ โส เตน
าณทสฺสเนน   มชฺชติ   ปมชฺชติ   ปมาทํ   อาปชฺชติ   ปมตฺโต  สมาโน
ทุกฺขํ วิหรติ ฯ
     {๓๕๐.๒}   เสยฺยถาปิ   ภิกฺขเว   ปุริโส  สารตฺถิโก  สารคเวสี
สารปริเยสนํ    จรมาโน    มหโต    รุกฺขสฺส    ติฏฺโต    สารวโต
อติกฺกมฺเมว   สารํ   เผคฺคุํ   เฉตฺวา   อาทาย   ปกฺกเมยฺย   สารนฺติ
มญฺมาโน  ฯ  ตเมนํ  จกฺขุมา  ปุริโส  ทิสฺวา  เอวํ  วเทยฺย  น วตายํ
ภวํ   ปุริโส   อญฺาสิ   สารํ   น   อญฺาสิ  เผคฺคุํ  น  อญฺาสิ  ตจํ
น    อญฺาสิ    ปปฺปฏิกํ   น   อญฺาสิ   สาขาปลาสํ   ตถาหยํ   ภวํ
ปุริโส    สารตฺถิโก    สารคเวสี    สารปริเยสนํ   จรมาโน   มหโต
รุกฺขสฺส  ติฏฺโต  สารวโต  อติกฺกมฺเมว  สารํ  เผคฺคุํ  เฉตฺวา  อาทาย
ปกฺกนฺโต    สารนฺติ    มญฺมาโน    ยญฺจสฺส    สาเรน    สารกรณียํ
ตญฺจสฺส   อตฺถํ   นานุภวิสฺสตีติ   เอวเมว   โข   ภิกฺขเว   อิเธกจฺโจ
กุลปุตฺโต   สทฺธา   อคารสฺมา   อนคาริยํ  ปพฺพชิโต  โหติ  โอติณฺโณมฺหิ
ชาติยา      ชราย      มรเณน     โสกปริเทวทุกฺขโทมนสฺสุปายาเสหิ
ทุกฺโขติณฺโณ      ทุกฺขปเรโต     อปฺเปวนาม     อิมสฺส     เกวลสฺส
ทุกฺขกฺขนฺธสฺส   อนฺตกิริยา   ปญฺาเยถาติ   ฯ   โส   เอวํ   ปพฺพชิโต
สมาโน     ลาภสกฺการสิโลกํ     อภินิพฺพตฺเตติ     ฯ    โส    เตน
---------------------------------------------------------------------------------------------
หน้าที่ ๓๗๐.
ลาภสกฺการสิโลเกน   น   อตฺตมโน   โหติ   น   ปริปุณฺณสงฺกปฺโป   ฯ
โส  เตน  ลาภสกฺการสิโลเกน  น  อตฺตานุกฺกํเสติ  น  ปรํ  วมฺเภติ  ฯ
โส   เตน   ลาภสกฺการสิโลเกน   น   มชฺชติ   นปฺปมชฺชติ   นปฺปมาทํ
อาปชฺชติ   อปฺปมตฺโต   สมาโน   สีลสมฺปทํ   อาราเธติ  ฯ  โส  ตาย
สีลสมฺปทาย   อตฺตมโน   โหติ   โน   จ   โข   ปริปุณฺณสงฺกปฺโป   ฯ
โส   ตาย   สีลสมฺปทาย  น  อตฺตานุกฺกํเสติ  น  ปรํ  วมฺเภติ  ฯ  โส
ตาย    สีลสมฺปทาย    น   มชฺชติ   นปฺปมชฺชติ   นปฺปมาทํ   อาปชฺชติ
อปฺปมตฺโต สมาโน สมาธิสมฺปทํ อาราเธติ ฯ
     {๓๕๐.๓}   โส  ตาย  สมาธิสมฺปทาย  อตฺตมโน  โหติ  โน จ โข
ปริปุณฺณสงฺกปฺโป   ฯ   โส   ตาย   สมาธิสมฺปทาย   น  อตฺตานุกฺกํเสติ
น   ปรํ  วมฺเภติ  ฯ  โส  ตาย  สมาธิสมฺปทาย  น  มชฺชติ  นปฺปมชฺชติ
นปฺปมาทํ   อาปชฺชติ   อปฺปมตฺโต   สมาโน   าณทสฺสนํ  อาราเธติ  ฯ
โส  เตน  าณทสฺสเนน  อตฺตมโน  โหติ  ปริปุณฺณสงฺกปฺโป  ฯ  โส เตน
าณทสฺสเนน   อตฺตานุกฺกํเสติ   ปรํ   วมฺเภติ   อหมสฺมิ   ชานํ   ปสฺสํ
วิหรามิ   อิเม   ปนญฺเ   ภิกฺขู   อชานํ   อปสฺสํ   วิหรนฺตีติ  ฯ  โส
เตน    าณทสฺสเนน   มชฺชติ   ปมชฺชติ   ปมาทํ   อาปชฺชติ   ปมตฺโต
สมาโน  ทุกฺขํ  วิหรติ  ฯ  อยํ  วุจฺจติ  ภิกฺขเว  ภิกฺขุ  เผคฺคุํ  อคฺคเหสิ
พฺรหฺมจริยสฺส เตน จ โวสานํ อาปาทิ ฯ
     [๓๕๑]   อิธ  ปน  ภิกฺขเว  เอกจฺโจ  กุลปุตฺโต  สทฺธา อคารสฺมา
อนคาริยํ   ปพฺพชิโต   โหติ   โอติณฺโณมฺหิ   ชาติยา   ชราย   มรเณน
---------------------------------------------------------------------------------------------
หน้าที่ ๓๗๑.
โสกปริเทวทุกฺขโทมนสฺสุปายาเสหิ        ทุกฺโขติณฺโณ       ทุกฺขปเรโต
อปฺเปวนาม     อิมสฺส     เกวลสฺส     ทุกฺขกฺขนฺธสฺส      อนฺตกิริยา
ปญฺาเยถาติ   ฯ   โส   เอวํ   ปพฺพชิโต   สมาโน  ลาภสกฺการสิโลกํ
อภินิพฺพตฺเตติ   ฯ   โส  เตน  ลาภสกฺการสิโลเกน  น  อตฺตมโน  โหติ
น    ปริปุณฺณสงฺกปฺโป    ฯ    โส    เตน   ลาภสกฺการสิโลเกน   น
อตฺตานุกฺกํเสติ  น  ปรํ  วมฺเภติ  ฯ  โส  เตน  ลาภสกฺการสิโลเกน  น
มชฺชติ    นปฺปมชฺชติ    นปฺปมาทํ    อาปชฺชติ    อปฺปมตฺโต    สมาโน
สีลสมฺปทํ  อาราเธติ  ฯ  โส  ตาย สีลสมฺปทาย อตฺตมโน โหติ โน จ โข
ปริปุณฺณสงฺกปฺโป    ฯ   โส   ตาย   สีลสมฺปทาย   น   อตฺตานุกฺกํเสติ
น ปรํ วมฺเภติ ฯ
     {๓๕๑.๑}   โส   ตาย   สีลสมฺปทาย   น   มชฺชติ   นปฺปมชฺชติ
นปฺปมาทํ   อาปชฺชติ   อปฺปมตฺโต   สมาโน  สมาธิสมฺปทํ  อาราเธติ  ฯ
โส  ตาย  สมาธิสมฺปทาย  อตฺตมโน  โหติ  โน จ โข ปริปุณฺณสงฺกปฺโป ฯ
โส  ตาย  สมาธิสมฺปทาย  น  อตฺตานุกฺกํเสติ  น  ปรํ  วมฺเภติ  ฯ  โส
ตาย     สมาธิสมฺปทาย     น     มชฺชติ     นปฺปมชฺชติ    นปฺปมาทํ
อาปชฺชติ    อปฺปมตฺโต    สมาโน   าณทสฺสนํ   อาราเธติ   ฯ   โส
เตน   าณทสฺสเนน  อตฺตมโน  โหติ  โน  จ  โข  ปริปุณฺณสงฺกปฺโป  ฯ
โส   เตน  าณทสฺสเนน  น  อตฺตานุกฺกํเสติ  น  ปรํ  วมฺเภติ  ฯ  โส
เตน    าณทสฺสเนน   น   มชฺชติ   นปฺปมชฺชติ   นปฺปมาทํ   อาปชฺชติ
อปฺปมตฺโต   สมาโน   สมยวิโมกฺขํ   อาราเธติ   ฯ  านํ  โข  ปเนตํ
ภิกฺขเว วิชฺชติ ยํ โส ภิกฺขุ ตาย สมยวิมุตฺติยา ปริหาเยถาติ ฯ
---------------------------------------------------------------------------------------------
หน้าที่ ๓๗๒.
     {๓๕๑.๒}   เสยฺยถาปิ   ภิกฺขเว   ปุริโส  สารตฺถิโก  สารคเวสี
สารปริเยสนํ  จรมาโน  มหโต  รุกฺขสฺส  ติฏฺโต  สารวโต สารํ เฉตฺวา
อาทาย   ปกฺกเมยฺย   สารนฺติ   ชานมาโน  ฯ  ตเมนํ  จกฺขุมา  ปุริโส
ทิสฺวา   เอวํ   วเทยฺย   อญฺาสิ   วตายํ  ภวํ  ปุริโส  สารํ  อญฺาสิ
เผคฺคุํ    อญฺาสิ    ตจํ    อญฺาสิ   ปปฺปฏิกํ   อญฺาสิ   สาขาปลาสํ
ตถาหยํ   ภวํ   ปุริโส   สารตฺถิโก   สาคเวสี  สารปริเยสนํ  จรมาโน
มหโต   รุกฺขสฺส   ติฏฺโต   สารวโต   สารญฺเว   เฉตฺวา   อาทาย
ปกฺกนฺโต    สารนฺติ    ชานมาโน    ยญฺจสฺส    สาเรน    สารถรณียํ
ตญฺจสฺส    อตฺถํ   อนุภวิสฺสตีติ   เอวเมว   โข   ภิกฺขเว   อิเธกจฺโจ
กุลปุตฺโต   สทฺธา   อคารสฺมา   อนคาริยํ  ปพฺพชิโต  โหติ  โอติณฺโณมฺหิ
ชาติยา      ชราย      มรเณน     โสกปริเทวทุกฺขโทมนสฺสุปายาเสหิ
ทุกฺโขติณฺโณ   ทุกฺขปเรโต   อปฺเปวนาม  อิมสฺส  เกวลสฺส  ทุกฺขกฺขนฺธสฺส
อนฺตกิริยา ปญฺาเยถาติ ฯ
     {๓๕๑.๓}   โส   เอวํ   ปพฺพชิโต   สมาโน   ลาภสกฺการสิโลกํ
อภินิพฺพตฺเตติ    ฯ   โส   เตน   ลาภสกฺการสิโลเกน   น   อตฺตมโน
โหติ   น   ปริปุณฺณสงฺกปฺโป   ฯ   โส   เตน  ลาภสกฺการสิโลเกน  น
อตฺตานุกฺกํเสติ  น  ปรํ  วมฺเภติ  ฯ  โส  เตน  ลาภสกฺการสิโลเกน  น
มชฺชติ    นปฺปมชฺชติ    นปฺปมาทํ    อาปชฺชติ    อปฺปมตฺโต    สมาโน
สีลสมฺปทํ   อาราเธติ   ฯ   โส   ตาย   สีลสมฺปทาย  อตฺตมโน  โหติ
โน   จ   โข   ปริปุณฺณสงฺกปฺโป   ฯ   โส   ตาย   สีลสมฺปทาย   น
อตฺตานุกฺกํเสติ  น  ปรํ  วมฺเภติ  ฯ  โส  ตาย  สีลสมฺปทาย  น  มชฺชติ
---------------------------------------------------------------------------------------------
หน้าที่ ๓๗๓.
นปฺปมชฺชติ    นปฺปมาทํ   อาปชฺชติ   อปฺปมตฺโต   สมาโน   สมาธิสมฺปทํ
อาราเธติ    ฯ    โส    ตาย    สมาธิสมฺปทาย    อตฺตมโน   โหติ
โน   จ   โข   ปริปุณฺณสงฺกปฺโป   ฯ   โส   ตาย  สมาธิสมฺปทาย  น
อตฺตานุกฺกํเสติ   น   ปรํ   วมฺเภติ   ฯ  โส  ตาย  สมาธิสมฺปทาย  น
มชฺชติ    นปฺปมชฺชติ    นปฺปมาทํ    อาปชฺชติ    อปฺปมตฺโต    สมาโน
าณทสฺสนํ    อาราเธติ    ฯ   โส   เตน   าณทสฺสเนน   อตฺตมโน
โหติ   โน   จ   โข   ปริปุณฺณสงฺกปฺโป   ฯ  โส  เตน  าณทสฺสเนน
น   อตฺตานุกฺกํเสติ   น  ปรํ  วมฺเภติ  ฯ  โส  เตน  าณทสฺสเนน  น
มชฺชติ    นปฺปมชฺชติ    นปฺปมาทํ    อาปชฺชติ    อปฺปมตฺโต    สมาโน
อสมยวิโมกฺขํ   อาราเธติ   ฯ   อฏฺานเมตํ   ภิกฺขเว   อนวกาโส  ยํ
โส ภิกฺขุ ตาย อสมยวิมุตฺติยา ปริหาเยถาติ ฯ
     [๓๕๒]   อิติ  โข  ภิกฺขเว  นยิทํ พฺรหฺมจริยํ ลาภสกฺการสิโลกานิสํสํ
น    สีลสมฺปทานิสํสํ    น    สมาธิสมฺปทานิสํสํ    น   าณทสฺสนานิสํสํ
ยา   จ  โข  อยํ  ภิกฺขเว  อกุปฺปา  เจโตวิมุตฺติ  เอตทตฺถมิทํ  ภิกฺขเว
พฺรหฺมจริยํ เอตํ สารํ เอตํ ปริโยสานนฺติ ฯ
     อิทมโวจ    ภควา   อตฺตมนา   เต   ภิกฺขู   ภควโต   ภาสิตํ
อภินนฺทุนฺติ ฯ
                      มหาสาโรปมสุตฺตํ นิฏฺิตํ นวมํ ฯ
                                 -------------


             เนื้อความพระไตรปิฎกฉบับภาษาบาลีอักษรไทย เล่มที่ ๑๒ หน้าที่ ๓๖๒-๓๗๓.
http://84000.org/tipitaka/pitaka_item/pali_item_s.php?book=12&item=347&items=6&pagebreak=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pitaka_item/pali_item_s.php?book=12&item=347&items=6&pagebreak=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=12&item=347&items=6&pagebreak=1
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=12&item=347&items=6&pagebreak=1
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=12&i=347
             The Pali Atthakatha in Thai :-
http://84000.org/tipitaka/atthapali/read_th.php?B=8&A=3545
             The Pali Atthakatha in Roman :-
http://84000.org/tipitaka/atthapali/read_rm.php?B=8&A=3545
             สารบัญพระไตรปิฎกเล่มที่ ๑๒
http://84000.org/tipitaka/read/?index_12