พระไตรปิฎกเล่มที่ ๑๒ ภาษาบาลี อักษรไทย
พระสุตตันตปิฎกเล่มที่ ๔ สุตฺต. ม. มูลปณฺณาสกํ

หน้าที่ ๒๙๘.
                                  นิวาปสุตฺตํ
     [๓๐๑]   เอวมฺเม   สุตํ   เอกํ  สมยํ  ภควา  สาวตฺถิยํ  วิหรติ
เชตวเน   อนาถปิณฺฑิกสฺส   อาราเม   ฯ   ตตฺร   โข   ภควา  ภิกฺขู
อามนฺเตสิ   ภิกฺขโวติ  ฯ  ภทนฺเตติ  เต  ภิกฺขู  ภควโต  ปจฺจสฺโสสุํ  ฯ
ภควา   เอตทโวจ   น  ภิกฺขเว  เนวาปิโก  นิวาปํ  นิวปติ  มิคชาตานํ
อิมํ   เม   นิวาปํ  นิวุตฺตํ  มิคชาตา  ปริภุญฺชนฺตา  ทีฆายุกา  วณฺณวนฺโต
จิรํ   ทีฆมทฺธานํ   ยาเปนฺตูติ   ฯ   เอวญฺจ   โข  ภิกฺขเว  เนวาปิโก
นิวาปํ    นิวปติ   มิคชาตานํ   อิมํ   เม   นิวาปํ   นิวุตฺตํ   มิคชาตา
อนูปขชฺช    มุจฺฉิตา    โภชนานิ    ภุญฺชิสฺสนฺติ    อนูปขชฺช    มุจฺฉิตา
โภชนานิ   ภุญฺชมานา   มทํ   อาปชฺชิสฺสนฺติ   มตฺตา   สมานา   ปมาทํ
อาปชฺชิสฺสนฺติ   ปมตฺตา   สมานา   ยถากามกรณียา   ภวิสฺสนฺติ   อิมสฺมึ
นิวาเปติ ฯ
     [๓๐๒]   ตตฺร   ภิกฺขเว   ปมา  มิคชาตา  อมุํ  นิวาปํ  นิวุตฺตํ
เนวาปิกสฺส    อนูปขชฺช    มุจฺฉิตา    โภชนานิ   ภุญฺชึสุ   เต   ตตฺถ
อนูปขชฺช    มุจฺฉิตา    ภุญฺชมานา   มทํ   อาปชฺชึสุ   มตฺตา   สมานา
ปมาทํ    อาปชฺชึสุ    ปมตฺตา    สมานา    ยถากามกรณียา    อเหสุํ
เนวาปิกสฺส   อมุสฺมึ   นิวาเป  เอวญฺหิ  เต  ภิกฺขเว  ปมา  มิคชาตา
น ปริมุจฺจึสุ เนวาปิกสฺส อิทฺธานุภาวา ฯ
     [๓๐๓]   ตตฺร  ภิกฺขเว  ทุติยา  มิคชาตา  เอวํ  สมจินฺเตสุํ  เย
---------------------------------------------------------------------------------------------
หน้าที่ ๒๙๙.
โข   เต  ปมา  มิคชาตา  อมุํ  นิวาปํ  นิวุตฺตํ  เนวาปิกสฺส  อนูปขชฺช
มุจฺฉิตา   โภชนานิ   ภุญฺชึสุ   เต   ตตฺถ  อนูปขชฺช  มุจฺฉิตา  โภชนานิ
ภุญฺชมานา   มทํ   อาปชฺชึสุ  มตฺตา  สมานา  ปมาทํ  อาปชฺชึสุ  ปมตฺตา
สมานา    ยถากามกรณียา    อเหสุํ    เนวาปิกสฺส   อมุสฺมึ   นิวาเป
เอวญฺหิ    เต    ปมา    มิคชาตา    น    ปริมุจฺจึสุ   เนวาปิกสฺส
อิทฺธานุภาวา    ยนฺนูน   มยํ   สพฺพโส   นิวาปโภชนา   ปฏิวิรเมยฺยาม
ภยโภคา   ปฏิวิรตา   อรญฺายตนานิ   อชฺโฌคาเหตฺวา   วิหเรยฺยามาติ
เต     สพฺพโส    นิวาปโภชนา    ปฏิวิรมึสุ    ภยโภคา    ปฏิวิรตา
อรญฺายตนานิ อชฺโฌคาเหตฺวา วิหรึสุ ฯ
     {๓๐๓.๑}   เตสํ   คิมฺหานํ   ปจฺฉิเม   มาเส   ติโณทกสงฺขเย
อธิมตฺตกสิมานํ     ปตฺโต    กาโย    โหติ    เตสํ    อธิมตฺตกสิมานํ
ปตฺตกายานํ     พลวิริยํ     ปริหายิ    พลวิริเย    ปริหีเน    ตเมว
นิวาปํ   นิวุตฺตํ   เนวาปิกสฺส  ปจฺจาคมึสุ  เต  ตตฺถ  อนูปขชฺช  มุจฺฉิตา
โภชนานิ   ภุญฺชึสุ   เต  ตตฺถ  อนูปขชฺช  มุจฺฉิตา  โภชนานิ  ภุญฺชมานา
มทํ   อาปชฺชึสุ   มตฺตา   สมานา   ปมาทํ  อาปชฺชึสุ  ปมตฺตา  สมานา
ยถากามกรณียา   อเหสุํ   เนวาปิกสฺส   อมุสฺมึ   นิวาเป  เอวญฺหิ  เต
ภิกฺขเว ทุติยาปิ มิคชาตา น ปริมุจฺจึสุ เนวาปิกสฺส อิทฺธานุภาวา ฯ
     [๓๐๔]   ตตฺร  ภิกฺขเว  ตติยา  มิคชาตา  เอวํ  สมจินฺเตสุํ  เย
โข   เต   ปมา   มิคชาตา  อมุํ  นิวาปํ  นิวุตฺตํ  เนวาปิกสฺส  ฯเปฯ
เอวญฺหิ  เต  ปมา  มิคชาตา  น  ปริมุจฺจึสุ  เนวาปิกสฺส  อิทฺธานุภาวา
เยปิ   เต   ทุติยา  มิคชาตา  เอวํ  สมจินฺเตสุํ  เย  โข  เต  ปมา
---------------------------------------------------------------------------------------------
หน้าที่ ๓๐๐.
มิคชาตา  อมุํ  นิวาปํ  นิวุตฺตํ  เนวาปิกสฺส  ฯเปฯ  เอวญฺหิ  เต  ปมา
มิคชาตา  น  ปริมุจฺจึสุ  เนวาปิกสฺส  อิทฺธานุภาวา  ยนฺนูน  มยํ  สพฺพโส
นิวาปโภชนา    ปฏิวิรเมยฺยาม    ภยโภคา   ปฏิวิรตา   อรญฺายตนานิ
อชฺโฌคาเหตฺวา     วิหเรยฺยามาติ     เต    สพฺพโส    นิวาปโภชนา
ปฏิวิรมึสุ    ภยโภคา    ปฏิวิรตา    อรญฺายตนานิ    อชฺโฌคาเหตฺวา
วิหรึสุ   เตสํ   คิมฺหานํ  ปจฺฉิเม  มาเส  ติโณทกสงฺขเย  อธิมตฺตกสิมานํ
ปตฺโต     กาโย     โหติ     เตสํ    อธิมตฺตกสิมานํ    ปตฺตกายานํ
พลวิริยํ  ปริหายิ  พลวิริเย  ปริหีเน  ตเมว  นิวาปํ  นิวุตฺตํ  เนวาปิกสฺส
ปจฺจาคมึสุ   เต   ตตฺร   อนูปขชฺช   มุจฺฉิตา   โภชนานิ   ภุญฺชึสุ  เต
ตตฺร    อนูปขชฺช    มุจฺฉิตา   โภชนานิ   ภุญฺชมานา   มทํ   อาปชฺชึสุ
มตฺตา   สมานา   ปมาทํ   อาปชฺชึสุ  ปมตฺตา  สมานา  ยถากามกรณียา
อเหสุํ   เนวาปิกสฺส   อมุสฺมึ  นิวาเป  เอวญฺหิ  เต  ทุติยาปิ  มิคชาตา
น   ปริมุจฺจึสุ   เนวาปิกสฺส   อิทฺธานุภาวา   ยนฺนูน   มยํ  อมุํ  นิวาปํ
นิวุตฺตํ    เนวาปิกสฺส    อุปนิสฺสาย    อาสยํ   กปฺเปยฺยาม   ตตฺราสยํ
กปฺเปตฺวา   อมุํ  นิวาปํ  นิวุตฺตํ  เนวาปิกสฺส  อนนูปขชฺช  อมุจฺฉิตา  ๑-
โภชนานิ    ภุญฺชิสฺสาม   อนนูปขชฺช   อมุจฺฉิตา   โภชนานิ   ภุญฺชมานา
น   มทํ   อาปชฺชิสฺสาม   อมตฺตา   สมานา   นปฺปมาทํ   อาปชฺชิสฺสาม
อปฺปมตฺตา    สมานา    น   ยถากามกรณียา   ภวิสฺสาม   เนวาปิกสฺส
อมุสฺมึ นิวาเปติ ฯ
     {๓๐๔.๑}   เต   อมุํ   นิวาปํ   นิวุตฺตํ  เนวาปิกสฺส  อุปนิสฺสาย
อาสยํ   กปฺปยึสุ  ตตฺราสยํ  กปฺเปตฺวา  อมุํ  นิวาปํ  นิวุตฺตํ  เนวาปิกสฺส
@เชิงอรรถ: ๑ โป. มุจฺฉิตา ฯ อิโต ปรํ เอวํ าตพฺพํ ฯ
---------------------------------------------------------------------------------------------
หน้าที่ ๓๐๑.
อนนูปขชฺช    อมุจฺฉิตา    โภชนานิ   ภุญฺชึสุ   เต   ตตฺร   อนนูปขชฺช
อมุจฺฉิตา   โภชนานิ   ภุญฺชมานา   น  มทํ  อาปชฺชึสุ  อมตฺตา  สมานา
นปฺปมาทํ    อาปชฺชึสุ    อปฺปมตฺตา    สมานา    น   ยถากามกรณียา
อเหสุํ   เนวาปิกสฺส  อมุสฺมึ  นิวาเปติ  ๑-  ตตฺร  ภิกฺขเว  เนวาปิกสฺส
จ  เนวาปิกปริสาย  จ  เอตทโหสิ  อปิสฺสุ  ๒-  นามิเม ตติยา มิคชาตา
เกฏุภิโน   อิทฺธิมนฺตสฺสุ  ๓-  นามิเม  ตติยา  มิคชาตา  ปรชนา  อิมญฺจ
นาม   นิวาปํ   นิวุตฺตํ   ปริภุญฺชนฺติ  น  จ  เนสํ  ชานาม  อาคตึ  วา
คตึ   วา   ยนฺนูน  มยํ  อิมํ  นิวาปํ  นิวุตฺตํ  มหตีหิ  ทณฺฑวาคุราหิ  ๔-
สมนฺตา   สปฺปเทสํ   อนุปริวาเรยฺยาม  อปฺเปวนาม  ตติยานํ  มิคชาตานํ
อาสยํ ปสฺเสยฺยาม ยตฺถ เต คาหํ คจฺเฉยฺยุนฺติ ฯ
     {๓๐๔.๒}   เต  อมุํ  นิวาปํ  นิวุตฺตํ  มหตีหิ  ทณฺฑวาคุราหิ สมนฺตา
สปฺปเทสํ   อนุปริวาเรสุํ   ฯ   อทฺทสาสุํ   โข  ภิกฺขเว  เนวาปิโก  จ
เนวาปิกปริสา   จ   ตติยานํ   มิคชาตานํ   อาสยํ   ยตฺถ   เต  คาหํ
อคมํสุ   ฯ   เอวญฺหิ   เต   ภิกฺขเว  ตติยาปิ  มิคชาตา  น  ปริมุจฺจึสุ
เนวาปิกสฺส อิทฺธานุภาวา ฯ
     [๓๐๕]   ตตฺร   ภิกฺขเว   จตุตฺถา   มิคชาตา  เอวํ  สมจินฺเตสุํ
เย  โข  เต  ปมา  มิคชาตา  ฯเปฯ  เอวญฺหิ  เต  ปมา  มิคชาตา
น   ปริมุจฺจึสุ   เนวาปิกสฺส  อิทฺธานุภาวา  เยปิ  เต  ทุติยา  มิคชาตา
เอวํ  สมจินฺเตสุํ  เย  โข  เต  ปมา  มิคชาตา  ฯเปฯ  เอวญฺหิ  เต
ปมา   มิคชาตา   น   ปริมุจฺจึสุ   เนวาปิกสฺส   อิทฺธานุภาวา  ยนฺนูน
@เชิงอรรถ: ๑ ม. ยุ. อิติสทฺโท นตฺถิ ฯ ๒ สี. ยุ. สสฺสุ ฯ ม. สาสฺสุ ฯ สพูพตฺถฺ อีทิสเมว ฯ
@๓ โป. ม. อิทฺธิมนฺตาสฺสุ ฯ สพฺพตฺถ อีทิสเมว ฯ ๔ สี. ม. ยุ. ทณฺทวากราหิ ฯ
---------------------------------------------------------------------------------------------
หน้าที่ ๓๐๒.
มยํ   ฯเปฯ  เอวญฺหิ  เต  ทุติยา  มิคชาตา  น  ปริมุจฺจึสุ  เนวาปิกสฺส
อิทฺธานุภาวา   เยปิ   เต   ตติยา   มิคชาตา   เอวํ  สมจินฺเตสุํ  เย
โข   เต   ปมา   มิคชาตา   ฯเปฯ  เอวญฺหิ  เต  ปมา  มิคชาตา
น   ปริมุจฺจึสุ   เนวาปิกสฺส  อิทฺธานุภาวา  เยปิ  เต  ทุติยา  มิคชาตา
เอวํ   สมจินฺเตสุํ   เย   โข   เต  ปมา  มิคชาตา  ฯเปฯ  เอวญฺหิ
เต    ปมา   มิคชาตา   น   ปริมุจฺจึสุ   เนวาปิกสฺส   อิทฺธานุภาวา
ยนฺนูน   มยํ   ฯเปฯ   เอวญฺหิ   เต   ทุติยา  มิคชาตา  น  ปริมุจฺจึสุ
เนวาปิกสฺส    อิทฺธานุภาวา    ยนฺนูน    มยํ    อมุํ   นิวาปํ   นิวุตฺตํ
เนวาปิกสฺส อุปนิสฺสาย อาสยํ กปฺเปยฺยาม
     {๓๐๕.๑}   ตตฺราสยํ  กปฺเปตฺวา  อมุํ  นิวาปํ  นิวุตฺตํ  เนวาปิกสฺส
อนนูปขชฺช    อมุจฺฉิตา   โภชนานิ   ภุญฺชิสฺสาม   อนนูปขชฺช   อมุจฺฉิตา
โภชนานิ    ภุญฺชมานา    น   มทํ   อาปชฺชิสฺสาม   อมตฺตา   สมานา
นปฺปมาทํ    อาปชฺชิสฺสาม   อปฺปมตฺตา   สมานา   น   ยถากามกรณียา
ภวิสฺสาม   เนวาปิกสฺส   อมุสฺมึ   นิวาเปติ   เต   อมุํ  นิวาปํ  นิวุตฺตํ
เนวาปิกสฺส   อุปนิสฺสาย   อาสยํ   กปฺปยึสุ   ตตฺราสยํ  กปฺเปตฺวา  อมุํ
นิวาปํ    นิวุตฺตํ    เนวาปิกสฺส    อนนูปขชฺช    อมุจฺฉิตา    โภชนานิ
ภุญฺชึสุ    เต    ตตฺถ   อนนูปขชฺช   อมุจฺฉิตา   โภชนานิ   ภุญฺชมานา
น   มทํ   อาปชฺชึสุ   อมตฺตา  สมานา  นปฺปมาทํ  อาปชฺชึสุ  อปฺปมตฺตา
สมานา   น   ยถากามกรณียา  อเหสุํ  เนวาปิกสฺส  อมุสฺมึ  นิวาเป  ฯ
ตตฺร    เนวาปิกสฺส    จ   เนวาปิกปริสาย   จ   เอตทโหสิ   อปิสฺสุ
นามิเม     ตติยา    มิคชาตา    เกฏุภิโน    อิทฺธิมนฺตสฺสุ    นามิเม
---------------------------------------------------------------------------------------------
หน้าที่ ๓๐๓.
ตติยา   มิคชาตา   ปรชนา   ฯเปฯ   อทฺทสาสุํ   โข   เนวาปิโก  จ
เนวาปิกปริสา  จ  ตติยานํ  มิคชาตานํ  อาสยํ  ยตฺถ  เต  คาหํ  อคมํสุ
เอวญฺหิ   เต   ตติยาปิ   มิคชาตา  น  ปริมุจฺจึสุ  เนวาปิกสฺส  อิทฺธานุ
ภาวา   ยนฺนูน   มยมฺปิ   ยตฺถ  อคติ  เนวาปิกสฺส  จ  เนวาปิกปริสาย
จ   ตตฺราสยํ   กปฺเปยฺยาม   ตตฺราสยํ  กปฺเปตฺวา  อมุํ  นิวาปํ  นิวุตฺตํ
เนวาปิกสฺส   อนนูปขชฺช   อมุจฺฉิตา   โภชนานิ   ภุญฺชมานา   น   มทํ
อาปชฺชิสฺสาม      อมตฺตา     สมานา     นปฺปมาทํ     อาปชฺชิสฺสาม
อปฺปมตฺตา    สมานา    น   ยถากามกรณียา   ภวิสฺสาม   เนวาปิกสฺส
อมุสฺมึ นิวาเปติ ฯ
     {๓๐๕.๒}   เต  ยตฺถ  อคติ  เนวาปิกสฺส  จ  เนวาปิกปริสาย  จ
ตตฺราสยํ    กปฺปยึสุ    ตตฺราสยํ    กปฺเปตฺวา   อมุํ   นิวาปํ   นิวุตฺตํ
เนวาปิกสฺส    อนนูปขชฺช   อมุจฺฉิตา   โภชนานิ   ภุญฺชึสุ   เต   ตตฺถ
อนนูปขชฺช    อมุจฺฉิตา    โภชนานิ   ภุญฺชมานา   น   มทํ   อาปชฺชึสุ
อมตฺตา    สมานา    นปฺปมาทํ   อาปชฺชึสุ   อปฺปมตฺตา   สมานา   น
ยถากามกรณียา  อเหสุํ  เนวาปิกสฺส  อมุสฺมึ  นิวาเป  ฯ  ตตฺร  ภิกฺขเว
เนวาปิกสฺส   จ   เนวาปิกปริสาย   จ   เอตทโหสิ   อปิสฺสุ   นามิเม
จตุตฺถา   มิคชาตา   เกฏุภิโน  อิทฺธิมนฺตสฺสุ  นามิเม  จตุตฺถา  มิคชาตา
ปรชนา   อิมญฺจ   นาม   นิวาปํ   นิวุตฺตํ   ปริภุญฺชนฺติ   น   จ  เนสํ
ชานาม  อาคตึ  วา  คตึ  วา  ยนฺนูน  มยํ  อิมํ  นิวาปํ  นิวุตฺตํ  มหตีหิ
ทณฺฑวาคุราหิ    สมนฺตา    สปฺปเทสํ    อนุปริวาเรยฺยาม   อปฺเปวนาม
จตุตฺถานํ  มิคชาตานํ  อาสยํ  ปสฺเสยฺยาม  ยตฺถ  เต  คาหํ  คจฺเฉยฺยุนฺติ
---------------------------------------------------------------------------------------------
หน้าที่ ๓๐๔.
เต   อมุํ   นิวาปํ   นิวุตฺตํ   มหตีหิ   ทณฺฑวาคุราหิ  สมนฺตา  สปฺปเทสํ
อนุปริวาเรสุํ  ฯ  เนว  โข ภิกฺขเว อทฺทสาสุํ เนวาปิโก จ เนวาปิกปริสา
จ   จตุตฺถานํ   มิคชาตานํ   อาสยํ   ยตฺถ   เต   คาหํ  คจฺเฉยฺยุํ  ฯ
ตตฺร   ภิกฺขเว   เนวาปิกสฺส  จ  เนวาปิกปริสาย  จ  เอตทโหสิ  สเจ
โข   มยํ   จตุตฺเถ   มิคชาเต   ฆฏฺเฏสฺสาม   เต   ฆฏฺฏิตา   อญฺเ
ฆฏฺเฏสฺสนฺติ  เอวํ  อิมํ  นิวาปํ  นิวุตฺตํ  สพฺพโส  มิคชาตา ริญฺจิสฺสนฺติ ๑-
ยนฺนูน   มยํ   จตุตฺเถ   มิคชาเต  อชฺฌุเปกฺเขยฺยามาติ  ฯ  อชฺฌุเปกฺขึสุ
โข   ภิกฺขเว   เนวาปิโก   จ   เนวาปิกปริสา  จ  จตุตฺเถ  มิคชาเต
เอวญฺหิ   เต   ภิกฺขเว   จตุตฺถาปิ   มิคชาตา   ปริมุจฺจึสุ  เนวาปิกสฺส
อิทฺธานุภาวา ฯ
     [๓๐๖]   อุปมา  โข  เม  อยํ ภิกฺขเว กตา อตฺถสฺส วิญฺาปนาย ฯ
อยญฺเจเวตฺถ  อตฺโถ  ฯ  นิวาโปติ  โข  ภิกฺขเว  ปญฺจนฺเนตํ  กามคุณานํ
อธิวจนํ  ฯ  เนวาปิโกติ  โข  ภิกฺขเว  มารสฺเสตํ  ปาปิมโต  อธิวจนํ ฯ
เนวาปิกปริสาติ   โข   ภิกฺขเว  มารปริสาเยตํ  อธิวจนํ  ฯ  มิคชาตาติ
โข ภิกฺขเว สมณพฺราหฺมณานเมตํ อธิวจนํ ฯ
     [๓๐๗]   ตตฺร   ภิกฺขเว   ปมา   สมณพฺราหฺมณา   อมุํ  นิวาปํ
นิวุตฺตํ   มารสฺส   อมูนิ   จ  โลกามิสานิ  อนูปขชฺช  มุจฺฉิตา  โภชนานิ
ภุญฺชึสุ   เต   ตตฺถ   อนูปขชฺช   มุจฺฉิตา   โภชนานิ   ภุญฺชมานา  มทํ
อาปชฺชึสุ    มตฺตา    สมานา   ปมาทํ   อาปชฺชึสุ   ปมตฺตา   สมานา
ยถากามกรณียา    อเหสุํ    มารสฺส    อมุสฺมึ   นิวาเป   อมุสฺมึ   จ
@เชิงอรรถ: ๑ ม. ปริมุจฺจิสฺสนฺติ ฯ
---------------------------------------------------------------------------------------------
หน้าที่ ๓๐๕.
โลกามิเส    เอวญฺหิ    เต    ภิกฺขเว   ปมา   สมณพฺราหฺมณา   น
ปริมุจฺจึสุ   มารสฺส   อิทฺธานุภาวา  ฯ  เสยฺยถาปิ  เต  ภิกฺขเว  ปมา
มิคชาตา ตถูปเม อหํ อิเม ปเม สมณพฺราหฺมเณ วทามิ ฯ
     [๓๐๘]   ตตฺร  ภิกฺขเว  ทุติยา  สมณพฺราหฺมณา  เอวํ  สมจินฺเตสุํ
เย   โข   เต   ปมา   สมณพฺราหฺมณา  อมุํ  นิวาปํ  นิวุตฺตํ  มารสฺส
อมูนิ   จ   โลกามิสานิ   อนูปขชฺช   มุจฺฉิตา   โภชนานิ   ภุญฺชึสุ  เต
ตตฺถ    อนูปขชฺช    มุจฺฉิตา   โภชนานิ   ภุญฺชมานา   มทํ   อาปชฺชึสุ
มตฺตา   สมานา   ปมาทํ   อาปชฺชึสุ  ปมตฺตา  สมานา  ยถากามกรณียา
อเหสุํ   มารสฺส   อมุสฺมึ   นิวาเป   อมุสฺมึ   จ   โลกามิเส  เอวญฺหิ
เต   ปมา   สมณพฺราหฺมณา   น   ปริมุจฺจึสุ   มารสฺส   อิทฺธานุภาวา
ยนฺนูน    มยํ    สพฺพโส    นิวาปโภชนา   โลกามิสา   ปฏิวิรเมยฺยาม
ภยโภคา ปฏิวิรตา อรญฺายตนานิ อชฺโฌคาเหตฺวา วิหเรยฺยามาติ
     {๓๐๘.๑}   เต   สพฺพโส   นิวาปโภชนา   โลกามิสา  ปฏิวิรมึสุ
เต   สพฺพโส   นิวาปโภชนา  โลกามิสา  ปฏิวิรตา  ภยโภคา  ปฏิวิรตา
อรญฺายตนานิ   อชฺโฌคาเหตฺวา  วิหรึสุ  เต  ตตฺถ  สากภกฺขาปิ  อเหสุํ
สามากภกฺขาปิ   อเหสุํ   นีวารภกฺขาปิ   อเหสุํ   ททฺทุลภกฺขาปิ   อเหสุํ
หฏภกฺขาปิ    อเหสุํ    กณภกฺขาปิ    อเหสุํ    อาจามภกฺขาปิ   อเหสุํ
ปิญฺากภกฺขาปิ    อเหสุํ    ติณภกฺขาปิ   อเหสุํ   โคมยภกฺขาปิ   อเหสุํ
วนมูลผลาหารา    ยาเปสุํ    ปวตฺตผลโภชี   เตสํ   คิมฺหานํ   ปจฺฉิเม
มาเส   ติโณทกสงฺขเย   อธิมตฺตกสิมานํ   ปตฺโต   กาโย   โหติ  เตสํ
---------------------------------------------------------------------------------------------
หน้าที่ ๓๐๖.
อธิมตฺตกสิมานํ    ปตฺตกายานํ   พลวิริยํ   ปริหายิ   พลวิริเย   ปริหีเน
เจโตวิมุตฺติ   ปริหายิ   เจโตวิมุตฺติยา  ปริหีนาย  ตเมว  นิวาปํ  นิวุตฺตํ
มารสฺส   ปจฺจาคมึสุ   ตานิ   จ   โลกามิสานิ   เต   ตตฺถ  อนูปขชฺช
มุจฺฉิตา   โภชนานิ   ภุญฺชึสุ   เต   ตตฺถ  อนูปขชฺช  มุจฺฉิตา  โภชนานิ
ภุญฺชมานา   มทํ   อาปชฺชึสุ  มตฺตา  สมานา  ปมาทํ  อาปชฺชึสุ  ปมตฺตา
สมานา   ยถากามกรณียา   อเหสุํ   มารสฺส   อมุสฺมึ   นิวาเป  อมุสฺมึ
จ   โลกามิเส   เอวญฺหิ   เต   ภิกฺขเว   ทุติยาปิ  สมณพฺราหฺมณา  น
ปริมุจฺจึสุ   มารสฺส   อิทฺธานุภาวา  ฯ  เสยฺยถาปิ  เต  ภิกฺขเว  ทุติยา
มิคชาตา ตถูปเม อหํ อิเม ทุติเย สมณพฺราหฺมเณ วทามิ ฯ
     [๓๐๙]   ตตฺร  ภิกฺขเว  ตติยา  สมณพฺราหฺมณา  เอวํ  สมจินฺเตสุํ
เย   โข   เต   ปมา   สมณพฺราหฺมณา  ฯเปฯ  เอวญฺหิ  เต  ปมา
สมณพฺราหฺมณา    น   ปริมุจฺจึสุ   มารสฺส   อิทฺธานุภาวา   เยปิ   เต
ทุติยา   สมณพฺราหฺมณา   เอวํ   สมจินฺเตสุํ   เย   โข   เต   ปมา
สมณพฺราหฺมณา    ฯเปฯ    เอวญฺหิ    เต    ปมา    สมณพฺราหฺมณา
น  ปริมุจฺจึสุ  มารสฺส  อิทฺธานุภาวา  ยนฺนูน  มยํ  สพฺพโส  นิวาปโภชนา
โลกามิสา    ปฏิวิรเมยฺยาม    ภยโภคา    ปฏิวิรตา    อรญฺายตนานิ
อชฺโฌคาเหตฺวา     วิหเรยฺยามาติ     เต    สพฺพโส    นิวาปโภชนา
โลกามิสา  ปฏิวิรมึสุ  ภยโภคา  ปฏิวิรตา  อรญฺายตนานิ อชฺโฌคาเหตฺวา
วิหรึสุ
     {๓๐๙.๑}   เต  ตตฺถ  สากภกฺขาปิ  อเหสุํ  ฯเปฯ  ปวตฺตผลโภชี
เตสํ    คิมฺหานํ    ปจฺฉิเม    มาเส   ติโณทกสงฺขเย   อธิมตฺตกสิมานํ
---------------------------------------------------------------------------------------------
หน้าที่ ๓๐๗.
ปตฺโต   กาโย   โหติ   เตสํ   อธิมตฺตกสิมานํ   ปตฺตกายานํ   พลวิริยํ
ปริหายิ    พลวิริเย   ปริหีเน   เจโตวิมุตฺติ   ปริหายิ   เจโตวิมุตฺติยา
ปริหีนาย  ตเมว  นิวาปํ  นิวุตฺตํ  มารสฺส  ปจฺจาคมึสุ  ตานิ  โลกามิสานิ
เต   ตตฺถ   อนูปขชฺช  มุจฺฉิตา  โภชนานิ  ภุญฺชึสุ  เต  ตตฺถ  อนูปขชฺช
มุจฺฉิตา    โภชนานิ    ภุญฺชมานา   มทํ   อาปชฺชึสุ   มตฺตา   สมานา
ปมาทํ    อาปชฺชึสุ    ปมตฺตา    สมานา    ยถากามกรณียา    อเหสุํ
มารสฺส   อมุสฺมึ  นิวาเป  อมุสฺมึ  จ  โลกามิเส  เอวญฺหิ  เต  ทุติยาปิ
สมณพฺราหฺมณา    น    ปริมุจฺจึสุ    มารสฺส    อิทฺธานุภาวา    ยนฺนูน
มยํ   อมุํ   นิวาปํ   นิวุตฺตํ  มารสฺส  อมูนิ  จ  โลกามิสานิ  อุปนิสฺสาย
อาสยํ    กปฺเปยฺยาม    ตตฺราสยํ   กปฺเปตฺวา   อมุํ   นิวาปํ   นิวุตฺตํ
มารสฺส    อมูนิ   จ   โลกามิสานิ   อนนูปขชฺช   อมุจฺฉิตา   โภชนานิ
ภุญฺชิสฺสาม    อนนูปขชฺช   อมุจฺฉิตา   โภชนานิ   ภุญฺชมานา   น   มทํ
อาปชฺชิสฺสาม      อมตฺตา     สมานา     นปฺปมาทํ     อาปชฺชิสฺสาม
อปฺปมตฺตา    สมานา    น    ยถากามกรณียา    ภวิสฺสาม    มารสฺส
อมุสฺมึ  นิวาเป  อมุสฺมึ  จ  โลกามิเสติ  เต  อมุํ  นิวาปํ นิวุตฺตํ มารสฺส
อมูนิ   จ   โลกามิสานิ   อุปนิสฺสาย   อาสยํ   กปฺปยึสุ   ฯ  ตตฺราสยํ
กปฺเปตฺวา   อมุํ   นิวาปํ   นิวุตฺตํ   มารสฺส   อมูนิ   จ   โลกามิสานิ
อนนูปขชฺช    อมุจฺฉิตา    โภชนานิ   ภุญฺชมานา   น   มทํ   อาปชฺชึสุ
อมตฺตา    สมานา    นปฺปมาทํ   อาปชฺชึสุ   อปฺปมตฺตา   สมานา   น
ยถากามกรณียา    อเหสุํ    มารสฺส    อมุสฺมึ   นิวาเป   อมุสฺมึ   จ
---------------------------------------------------------------------------------------------
หน้าที่ ๓๐๘.
โลกามิเส ฯ
     {๓๐๙.๒}   อปิจ   โข   เอวํ  ทิฏฺิกา  อเหสุํ  สสฺสโต  โลโก
อิติปิ   อสสฺสโต   โลโก   อิติปิ   อนฺตวา   โลโก   อิติปิ   อนนฺตวา
โลโก   อิติปิ   ตํ   ชีวํ   ตํ   สรีรํ   อิติปิ   อญฺ  ชีวํ  อญฺ  สรีรํ
อิติปิ    โหติ    ตถาคโต   ปรมฺมรณา   อิติปิ   น   โหติ   ตถาคโต
ปรมฺมรณา   อิติปิ   โหติ   จ   น   จ   โหติ   ตถาคโต  ปรมฺมรณา
อิติปิ   เนว   โหติ  น  น  โหติ  ตถาคโต  ปรมฺมรณา  อิติปิ  เอวญฺหิ
เต    ภิกฺขเว    ตติยาปิ    สมณพฺราหฺมณา   น   ปริมุจฺจึสุ   มารสฺส
อิทฺธานุภาวา   ฯ   เสยฺยถาปิ  เต  ภิกฺขเว  ตติยา  มิคชาตา  ตถูปเม
อหํ อิเม ตติเย สมณพฺราหฺมเณ วทามิ ฯ
     [๓๑๐]   ตตฺร  ภิกฺขเว  จตุตฺถา  สมณพฺราหฺมณา  เอวํ  สมจินฺเตสุํ
เย   โข   เต   ปมา   สมณพฺราหฺมณา  ฯเปฯ  เอวญฺหิ  เต  ปมา
สมณพฺราหฺมณา   น  ปริมุจฺจึสุ  มารสฺส  อิทฺธานุภาวา  เยปิ  เต  ทุติยา
สมณพฺราหฺมณา   เอวํ  สมจินฺเตสุํ  เย  โข  เต  ปมา  สมณพฺราหฺมณา
ฯเปฯ   เอวญฺหิ   เต   ปมา   สมณพฺราหฺมณา  น  ปริมุจฺจึสุ  มารสฺส
อิทฺธานุภาวา   ยนฺนูน  มยํ  ฯเปฯ  เอวญฺหิ  เต  ทุติยา  สมณพฺราหฺมณา
น   ปริมุจฺจึสุ  มารสฺส  อิทฺธานุภาวา  เยปิ  เต  ตติยา  สมณพฺราหฺมณา
เอวํ สมจินฺเตสุํ เย โข เต ปมา สมณพฺราหฺมณา ฯเปฯ เอวญฺหิ เต ปมา
สมณพฺราหฺมณา   น  ปริมุจฺจึสุ  มารสฺส  อิทฺธานุภาวา  เยปิ  เต  ทุติยา
สมณพฺราหฺมณา   เอวํ  สมจินฺเตสุํ  เย  โข  เต  ปมา  สมณพฺราหฺมณา
---------------------------------------------------------------------------------------------
หน้าที่ ๓๐๙.
ฯเปฯ   เอวญฺหิ   เต   ปมา   สมณพฺราหฺมณา  น  ปริมุจฺจึสุ  มารสฺส
อิทฺธานุภาวา    ยนฺนูน    มยํ    ฯเปฯ    เอวญฺหิ    เต    ทุติยาปิ
สมณพฺราหฺมณา      น      ปริมุจฺจึสุ      มารสฺส      อิทฺธานุภาวา
ยนฺนูน   มยํ   อมุํ   นิวาปํ   นิวุตฺตํ   มารสฺส   อมูนิ  จ  โลกามิสานิ
อุปนิสฺสาย   อาสยํ   กปฺเปยฺยาม   ตตฺราสยํ   กปฺเปตฺวา   อมุํ  นิวาปํ
นิวุตฺตํ   มารสฺส   อมูนิ   จ  โลกามิสานิ  ฯเปฯ  อนนูปขชฺช  อมุจฺฉิตา
โภชนานิ    ภุญฺชมานา    น   มทํ   อาปชฺชิสฺสาม   อมตฺตา   สมานา
นปฺปมาทํ    อาปชฺชิสฺสาม   อปฺปมตฺตา   สมานา   น   ยถากามกรณียา
ภวิสฺสาม   มารสฺส   อมุสฺมึ   นิวาเป   อมุสฺมึ   จ   โลกามิเสติ  เต
อมุํ   นิวาปํ   นิวุตฺตํ   มารสฺส   อมูนิ   จ   โลกามิสานิ   อุปนิสฺสาย
อาสยํ   กปฺปยึสุ   ตตฺราสยํ   กปฺเปตฺวา   อมุํ  นิวาปํ  นิวุตฺตํ  มารสฺส
อมูนิ   จ   โลกามิสานิ   อนนุปขชฺช   อมุจฺฉิตา  โภชนานิ  ภุญฺชึสุ  เต
ตตฺถ   อนนูปขชฺช   อมุจฺฉิตา   โภชนานิ  ภุญฺชมานา  น  มทํ  อาปชฺชึสุ
อมตฺตา    สมานา    นปฺปมาทํ   อาปชฺชึสุ   อปฺปมตฺตา   สมานา   น
ยถากามกรณียา อเหสุํ มารสฺส อมุสฺมึ นิวาเป อมุสฺมึ จ โลกามิเส ฯ
     {๓๑๐.๑}   อปิจ  โข  เอวํ  ทิฏฺิกา  อเหสุํ  สสฺสโต โลโก อิติปิ
ฯเปฯ   เนว  โหติ  น  น  โหติ  ตถาคโต  ปรมฺมรณา  อิติปิ  เอวญฺหิ
เต   ตติยาปิ   สมณพฺราหฺมณา   น   ปริมุจฺจึสุ   มารสฺส  อิทฺธานุภาวา
ยนฺนูน   มยํ   ยตฺถ   อคติ   มารสฺส   จ   มารปริสาย  จ  ตตฺราสยํ
กปฺเปยฺยาม    ตตฺราสยํ   กปฺเปตฺวา   อมุํ   นิวาปํ   นิวุตฺตํ   มารสฺส
---------------------------------------------------------------------------------------------
หน้าที่ ๓๑๐.
อมูนิ   จ   โลกามิสานิ   อนนูปขชฺช   อมุจฺฉิตา   โภชนานิ  ภุญฺชิสฺสาม
อนนูปขชฺช   อมุจฺฉิตา   โภชนานิ   ภุญฺชมานา   น   มทํ  อาปชฺชิสฺสาม
อมตฺตา   สมานา   นปฺปมาทํ   อาปชฺชิสฺสาม   อปฺปมตฺตา   สมานา  น
ยถากามกรณียา    ภวิสฺสาม   มารสฺส   อมุสฺมึ   นิวาเป   อมุสฺมึ   จ
โลกามิเสติ   เต   ยตฺถ  อคติ  มารสฺส  จ  มารปริสาย  จ  ตตฺราสยํ
กปฺปยึสุ   ตตฺราสยํ   กปฺเปตฺวา   อมุํ   นิวาปํ   นิวุตฺตํ  มารสฺส  อมูนิ
จ   โลกามิสานิ   อนนูปขชฺช   อมุจฺฉิตา   โภชนานิ  ภุญฺชึสุ  เต  ตตฺถ
อนนูปขชฺช    อมุจฺฉิตา    โภชนานิ   ภุญฺชมานา   น   มทํ   อาปชฺชึสุ
อมตฺตา    สมานา    นปฺปมาทํ   อาปชฺชึสุ   อปฺปมตฺตา   สมานา   น
ยถากามกรณียา    อเหสุํ    มารสฺส    อมุสฺมึ   นิวาเป   อมุสฺมึ   จ
โลกามิเส    เอวญฺหิ    เต    ภิกฺขเว    จตุตฺถาปิ    สมณพฺราหฺมณา
ปริมุจฺจึสุ   มารสฺส  อิทฺธานุภาวา  ฯ  เสยฺยถาปิ  เต  ภิกฺขเว  จตุตฺถา
มิคชาตา ตถูปเม อหํ อิเม จตุตฺเถ สมณพฺราหฺมเณ วทามิ ฯ
     [๓๑๑]   กถญฺจ  ภิกฺขเว  อคติ  มารสฺส  จ  มารปริสาย  จ  ฯ
อิธ   ภิกฺขเว   ภิกฺขุ   วิวิจฺเจว   กาเมหิ   วิวิจฺจ  อกุสเลหิ  ธมฺเมหิ
สวิตกฺกํ   สวิจารํ   วิเวกชํ   ปีติสุขํ   ปมํ   ฌานํ  อุปสมฺปชฺช  วิหรติ
อยํ   วุจฺจติ  ภิกฺขเว  ภิกฺขุ  อนฺธมกาสิ  มารํ  อปทํ  วธิตฺวา  มารจกฺขุํ
อทสฺสนํ คโต ปาปิมโต ฯ
     {๓๑๑.๑}   ปุน   จปรํ   ภิกฺขเว  ภิกฺขุ  วิตกฺกวิจารานํ  วูปสมา
อชฺฌตฺตํ    สมฺปสาทนํ    เจตโส    เอโกทิภาวํ    อวิตกฺกํ    อวิจารํ
สมาธิชํ   ปีติสุขํ   ทุติยํ   ฌานํ   ฯเปฯ   ตติยํ   ฌานํ  ฯเปฯ  จตุตฺถํ
---------------------------------------------------------------------------------------------
หน้าที่ ๓๑๑.
ฌานํ   อุปสมฺปชฺช   วิหรติ   อยํ   วุจฺจติ   ภิกฺขเว   ภิกฺขุ  อนฺธมกาสิ
มารํ อปทํ วธิตฺวา มารจกฺขุํ อทสฺสนํ คโต ปาปิมโต ฯ
     {๓๑๑.๒}   ปุน   จปรํ   ภิกฺขเว   ภิกฺขุ   สพฺพโส   รูปสญฺานํ
สมติกฺกมา        ปฏิฆสญฺานํ        อฏฺงฺคมา       นานตฺตสญฺานํ
อมนสิการา    อนนฺโต    อากาโสติ    อากาสานญฺจายตนํ   อุปสมฺปชฺช
วิหรติ   อยํ   วุจฺจติ   ภิกฺขเว  ภิกฺขุ  อนฺธมกาสิ  มารํ  อปทํ  วธิตฺวา
มารจกฺขุํ อทสฺสนํ คโต ปาปิมโต ฯ
     {๓๑๑.๓}   ปุน  จปรํ  ภิกฺขเว  ภิกฺขุ  สพฺพโส  อากาสานญฺจายตนํ
สมติกฺกมฺม     อนนฺตํ     วิญฺาณนฺติ     วิญฺาณญฺจายตนํ    อุปสมฺปชฺช
วิหรติ   ฯเปฯ   สพฺพโส   วิญฺาณญฺจายตนํ   สมติกฺกมฺม   นตฺถิ  กิญฺจีติ
อากิญฺจญฺายตนํ   อุปสมฺปชฺช   วิหรติ   ฯเปฯ  สพฺพโส  อากิญฺจญฺายตนํ
สมติกฺกมฺม เนวสญฺานาสญฺายตนํ อุปสมฺปชฺช วิหรติ ฯเปฯ
     {๓๑๑.๔}   ปุน  จปรํ  ภิกฺขเว ภิกฺขุ สพฺพโส เนวสญฺานาสญฺายตนํ
สมติกฺกมฺม    สญฺาเวทยิตนิโรธํ   อุปสมฺปชฺช   วิหรติ   ปญฺาย   จสฺส
ทิสฺวา  อาสวา  ปริกฺขีณา  โหนฺติ  อยํ  วุจฺจติ  ภิกฺขเว  ภิกฺขุ อนฺธมกาสิ
มารํ  อปทํ  วธิตฺวา  มารจกฺขุํ  อทสฺสนํ  คโต  ปาปิมโต  ติณฺโณ  โลโก
วิสตฺติกนฺติ ฯ
     อิทมโวจ    ภควา    อตฺตมนา   เต   ภิกฺขู   ภควโต   ภาสิตํ
อภินนฺทุนฺติ ฯ
                         นิวาปสุตฺตํ นิฏฺิตํ ปญฺจมํ ฯ
                                   ------------


             เนื้อความพระไตรปิฎกฉบับภาษาบาลีอักษรไทย เล่มที่ ๑๒ หน้าที่ ๒๙๘-๓๑๑.
http://84000.org/tipitaka/pitaka_item/pali_item_s.php?book=12&item=301&items=11&pagebreak=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pitaka_item/pali_item_s.php?book=12&item=301&items=11&pagebreak=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=12&item=301&items=11&pagebreak=1
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=12&item=301&items=11&pagebreak=1
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=12&i=301
             The Pali Atthakatha in Thai :-
http://84000.org/tipitaka/atthapali/read_th.php?B=8&A=1728
             The Pali Atthakatha in Roman :-
http://84000.org/tipitaka/atthapali/read_rm.php?B=8&A=1728
             สารบัญพระไตรปิฎกเล่มที่ ๑๒
http://84000.org/tipitaka/read/?index_12