อรรถกถาเล่มที่ ๙ ภาษาบาลี อักษรไทย
ม.อ. (ปปญฺจ.๓)
หน้าที่ ๘๐.

สญฺชาตุสฺสาโห สเจ ภนฺเตติอาทิมาห. อถ ภควา ตสฺส ติพฺพฉนฺทํ วิทิตฺวา
น เสนิโย ปริวาสํ อรหตีติ อญฺตรํ ภิกฺขุํ อามนฺเตสิ "คจฺฉ ตฺวํ ภิกฺขุ
เสนิยํ นฺหาเปตฺวา ปพฺพาเชตฺวา อาเนหี"ติ. โส ตถา กตฺวา ตํ ปพฺพาเชตฺวา
ภควโต สนฺติกํ อานยิ. ภควา คเณ นิสีทิตฺวา อุปสมฺปาเทสีติ. ๑- เตน วุตฺตํ
"อลตฺถ โข อเจโล เสนิโย กุกฺกุรวติโก ๒- ภควโต สนฺติเก ปพฺพชฺชํ อลตฺถ
อุปสมฺปทนฺ"ติ.
      อจิรูปสมฺปนฺโนติ อุปสมฺปนฺโน หุตฺวา นจิรเมว. วูปกฏฺโติ
วตฺถุกามกิเลสกาเมหิ กาเยน จ จิตฺเตน จ วูปกฏฺโ. อปฺปมตฺโตติ กมฺมฏฺาเน สตึ
อวิชหนฺโต. อาตาปีติ กายิกเจตสิกสงฺขาเตน วิริยาตาเปน อาตาปี, ปหิตตฺโตติ
กาเย จ ชีวิเต จ อนเปกฺขตาย เปสิตตฺโต วิสฺสฏฺอตฺตภาโว. ยสฺสตฺถายาติ
ยสฺส อตฺถาย. กุลปุตฺตาติ อาจารกุลปุตฺตา. สมฺมเทวาติ เหตุนาว การเณเนว.
ตทนุตฺตรนฺติ ตํ อนุตฺตรํ. พฺรหฺมจริยปริโยสานนฺติ มคฺคพฺรหฺมจริยสฺส
ปริโยสานภูตํ อรหตฺตผลํ. ตสฺส หิ อตฺถาย กุลปุตฺตา ปพฺพชนฺติ. ทิฏฺเว ธมฺเมติ
อิมสฺมึเยว อตฺตภาเว. สยํ อภิญฺา สจฺฉิกตฺวาติ อตฺตนาเยว ปญฺาย ปจฺจกฺขํ
กตฺวา, อปรปฺปจฺจยํ ตฺวาติ อตฺโถ. อุปสมฺปชฺช วิหาสีติ ปาปุณิตฺวา สมฺปาเทตฺวา
วิหาสิ. เอวํ วิหรนฺโตว ขีณา ชาติ ฯเปฯ อพฺภญฺาสิ.
      เอวมสฺส ปจฺจเวกฺขณภูมึ ทสฺเสตฺวา อรหตฺตนิกูเฏเนว เทสนํ นิฏฺาเปตุํ
"อญฺตโร โข ปนายสฺมา เสนิโย อรหตํ อโหสี"ติ วุตฺตํ. ตตฺถ อญฺตโรติ
เอโก. อรหตนฺติ อรหนฺตานํ. ภควโต สาวกานํ อรหนฺตานํ อพฺภนฺตโร
อโหสีติ อยเมตฺถ อธิปฺปาโย. เสสํ สพฺพตฺถ อุตฺตานเมวาติ.
                    ปปญฺจสูทนิยา มชฺฌิมนิกายฏฺกถาย
                     กุกฺกุรวติกสุตฺตวณฺณนา นิฏฺิตา.
                              สตฺตมํ.
                           -----------
@เชิงอรรถ: ๑ ฉ.ม. อุปสมฺปาเทสิ             ๒ ฉ.ม. อยํ ปาโ น ทิสฺสติ


เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๘๐.
http://84000.org/tipitaka/read/attha_page.php?book=9&page=80&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=9&A=2009&pagebreak=1
http://84000.org/tipitaka/atthapali/th_line.php?B=9&A=2009&pagebreak=1#p80