อรรถกถาเล่มที่ ๙ หน้าที่ ๗๒.

กุจฺฉิยํ อาโกฏิตสฺส กุจฺฉิ ภิชฺชติ, กรีสํ นิกฺขมติ. สีเส อาโกฏิตสฺส สีสํ ภิชฺชติ, มตฺถลุงฺคํ นิกฺขมติ. อวิญฺาณโก ขณฺฑาขณฺฑิกํ ^๑- คจฺฉติ. ตสฺมา เอวมาห. โน วิมชฺชนกฺขโมติ สวิญฺาณโก มณิปาสาเณน วิมทฺทิยมาโน นิลฺโลมตํ นิจฺฉวิตญฺจาปชฺชติ, อวิญฺาณโกปิ วิจุณฺณกภาวํ อาปชฺชติ. ตสฺมา เอวมาห. รงฺคกฺขโม หิ โข พาลานนฺติ พาลานํ มนฺทพุทฺธีนํ ^๒- รงฺคกฺขโม, ราคมตฺตํ ชเนติ, ปิโย โหติ. ปณฺฑิตานํ ปน นิคณฺวาโท วา อญฺโ วา ภารตรามสีตาหรณาทินิรตฺถกกถามคฺโค อปฺปิโยว โหติ. โน อนุโยคกฺขโม, โน วิมชฺชนกฺขโมติ อนุโยคํ วา วีมํสํ วา น ขมติ, ถุเส โกฏฺเฏตฺวา ตณฺฑุลปริเยสนํ วิย กทลิยํ สารคเวสนํ วิย จ ริตฺตโกว ตุจฺฉโกว โหติ. รงฺคกฺขโม เจว ปณฺฑิตานนฺติ จตุสจฺจกถา หิ ปณฺฑิตานํ ปิยา โหติ, วสฺสสตํปิ สุณนฺโต ติตฺตึ น คจฺฉติ. ตสฺมา เอวมาห. พุทฺธวจนํ ปน ยถา ยถาปิ โอคาหิยติ ^๓- มหาสมุทฺโท วิย คมฺภีรเมว โหตีติ "อนุโยคกฺขโม จ วิมชฺชนกฺขโม จา"ติ อาห. สุณาหิ ยสฺสาหํ สาวโกติ ตสฺส คุเณ สุณาหีติ ภควโต วณฺเณ วตฺตุํ อารทฺโธ. [๗๖] ธีรสฺสาติ ธีรํ ^๔- วุจฺจติ ปณฺฑิจฺจํ, ยา ปญฺา ปชานนา ฯเปฯ สมฺมาทิฏฺิ, เตน สมนฺนาคตสฺส ธาตุอายตนปฏิจฺจสมุปฺปาทฏฺานฏฺานกุสลสฺส ปณฺฑิตสฺสาหํ สาวโก, โส มยฺหํ สตฺถาติ เอวํ สพฺพปเทสุ สมฺพนฺโธ เวทิตพฺโพ. ปภินฺนขีลสฺสาติ ภินฺนปญฺจเจโตขิลสฺส. สพฺพปุถุชฺชเน วิชินึสุ วิชินนฺติ วิชินิสฺสนฺติ วาติ วิชยา. เก เต, มจฺจุมารกิเลสมารเทวปุตฺตมาราติ. เต วิชิตา วิชยา เอเตนาติ วิชิตวิชโย. ภควา, ตสฺส วิชิตวิชยสฺส. อนีฆสฺสาติ กิเลสทุกฺเขนปิ วิปากทุกฺเขนปิ นิทฺทุกฺขสฺส. สุสมจิตฺตสฺสาติ เทวทตฺตธนปาลกองฺคุลิมาลราหุลตฺเถราทีสุปิ เทวมนุสฺเสสุ สุฏฺุ สมจิตฺตสฺส. วุทฺธสีลสฺสาติ วุฑฺฒิตาจารสฺส. สาธุปญฺสฺสาติ สุนฺทรปญฺสฺส. เวสมนฺตรสฺสาติ ราคาทิวิสมํ ^๕- ตริตฺวา วิตริตฺวา ิตสฺส. วิมลสฺสาติ วิคตราคาทิมลสฺส. @เชิงอรรถ: ^๑ ฉ.ม. ขณฺฑขณฺฑิตํ ^๒ ก. ทุพฺพุทฺธีนํ ^๓ ฉ.ม. โอคาหิสฺสติ @^๔ ม. ธี ^๕ ฏีกา. เวสนฺตรสฺสาติ ราคาทิวิสํ

เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๗๒. http://84000.org/tipitaka/read/attha_page.php?book=9&page=72&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=1808&pagebreak=1 http://84000.org/tipitaka/atthapali/th_line.php?B=9&A=1808&pagebreak=1#p72