อรรถกถาเล่มที่ ๙ หน้าที่ ๔.

นิปกาติ เนปกฺเกน สมนฺนาคตา ปญฺวนฺโต. นิปกวุตฺติโนติ ปญฺาย ตฺวา ชีวิตํ กปฺเปนฺติ. ยถา เอกจฺโจ สาสเน ปพฺพชิตฺวาปิ ชีวิตการณา ฉสุ อโคจเรสุ จรติ, เวสิยโคจโร โหติ, วิธวถูลกุมาริกปณฺฑกปานาคารภิกฺขุนีโคจโร โหติ, สํสฏฺโ วิหรติ ราชูหิ ราชมหามตฺเตหิ ติตฺถิเยหิ ติตฺถิยสาวเกหิ อนนุโลมิเกน คิหิสํสคฺเคน, ^๑- เวชฺชกมฺมํ กโรติ, ทูตกมฺมํ กโรติ, ปหิณกมฺมํ กโรติ, คณฺฑํ ผาเลติ, อรุมกฺขนํ เทติ, อุทฺธํวิเรจนํ เทติ, อโธวิเรจนํ เทติ, นตฺถุเตลํ ปจติ, ปิวนเตลํ ปจติ, เวฬุทานํ เทติ, ปตฺตทานํ, ปุปฺผทานํ, ผลทานํ, สินานทานํ ทนฺตกฏฺทานํ, มุโขทกทานํ, จุณฺณมตฺติกทานํ เทติ, ^๒- ปาตุกมฺยํ ^๓- กโรติ, มุคฺคสูปิยํ ปาริภฏฺยํ, ชงฺฆเปสนิกํ กโรตีติ เอกวีสติวิธาย อเนสนาย ชีวิตํ กปฺเปนฺโต อนิปกวุตฺติ นาม โหติ, น ปญฺาย ตฺวา ชีวิตํ กปฺเปติ, ตโต กาลกิริยํ กตฺวา สมณยกฺโข นาม หุตฺวา "ตสฺส สงฺฆาฏิปิ อาทิตฺตา โหติ สมฺปชฺชลิตา"ติ วุตฺตนเยน มหาทุกฺขํ อนุโภติ. เอวํวิธา อหุตฺวา ชีวิตเหตุปิ สิกฺขาปทํ อนติกฺกมนฺโต จตุปาริสุทฺธิสีเล ปติฏฺาย ยถาพลํ พุทฺธวจนํ อุคฺคณฺหิตฺวา รถวินีตปฏิปทํ มหาโคสิงฺคปฏิปทํ มหาสุญฺตาปฏิปทํ อนงฺคณปฏิปทํ ธมฺมทายาทปฏิปทํ นาลกปฏิปทํ ตุวฏฺฏกปฏิปทํ จนฺโทปมปฏิปทนฺติ อิมานิ อริยปฏิปทานิ ปูเรนฺโต จตุปจฺจยสนฺโตสภาวนารามอริยวํสปฏิปตฺติยํ กายสกฺขิโน หุตฺวา อนีกา นิกฺขนฺตหตฺถี วิย ยูถา วิสฺสฏฺสีโห วิย นิปฺปจฺฉาพนฺธา มหานาวา ^๔- วิย จ คมนาทีสุ เอกวิหาริโน วิปสฺสนํ ปฏฺเปตฺวา อชฺช อชฺช ^๕- อรหตฺตนฺติ ปวตฺตอุสฺสาหา วิหรนฺตีติ อตฺโถ. สุปติฏฺิตจิตฺตาติ จตูสุ สติปฏฺาเนสุ สุฏฺุ ิตจิตฺตา ^๖- หุตฺวา. เสสา สติปฏฺานกถา เหฏฺา วิตฺถาริตาว. อิธ ปน โลกิยโลกุตฺตรมิสฺสกา สติปฏฺานา กถิตา, เอตฺตเกน ภิกฺขุสํฆสฺส อุปสนฺตการณํ กถิตํ โหติ. [๓] ยาว สุปญฺตฺตาติ ยาว สุฏฺุ ปิตา ^๗- สุเทสิตา. มยํปิ หิ ภนฺเตติ อิมินา เอส อตฺตโน การกภาวํ ทสฺเสติ, ภิกฺขุสํฆญฺจ อุกฺขิปติ. อยเญฺหตฺถ @เชิงอรรถ: ^๑ อภิ. วิภงฺค. ๓๕/๕๑๔/๒๙๗ ^๒ สี. จุณฺณทานํ มตฺติกทานํ เทติ ^๓ ฉ.ม. จาฏุกมฺยํ @^๔ สี. นิปฺปจฺจาพนฺธมหานาวา, ฉ.ม. นิปฺปจฺฉาพนฺธมหานาวา ^๕ ฉ.ม. อชฺช อชฺเชว @^๖ ฉ.ม. สุฏฺปิตจิตฺตา ^๗ ฉ.ม. สุฏฺปิตา

เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๔. http://84000.org/tipitaka/read/attha_page.php?book=9&page=4&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=79&pagebreak=1 http://84000.org/tipitaka/atthapali/th_line.php?B=9&A=79&pagebreak=1#p4