ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๙ ภาษาบาลี อักษรไทย ม.อ. (ปปญฺจ.๓)

หน้าที่ ๓๐.

     นิยฺยาตนฺติ นิยฺยาติตํ. อโนวาทีติ ๑- "ตาตา กสถ วปถ, วณิปฺปถํ
ปโยเชถา"ติอาทินา หิ นเยน โอวทนฺโต โอวาที นาม โหติ. "ตุเมฺห น กสถ น วปถ,
น วณิปฺปถํ ปโยเชถ, กถํ ชีวิสฺสถ, ปุตฺตทารํ วา ภริสฺสถา"ติอาทินา
นเยน ปน อุปวทนฺโต อุปวาที นาม โหติ. อหํ ปน อุภยํปิ ตํ น กโรมิ.
เตนาหํ ตตฺถ อโนวาที อนุปวาทีติ ทสฺเสติ. ฆาสจฺฉาทนปรโม วิหรามีติ
ฆาสมตฺตญฺเจว อจฺฉาทนมตฺตญฺจ ปรมํ กตฺวา วิหรามิ, ตโต ปรํ นตฺถิ น
จ ปตฺเถมีติ ทีเปติ.
     [๓๒] คิทฺธิโลโภ ปหาตพฺโพติ เคธภูโต โลโภ ปหาตพฺโพ. อนินฺทาโรสนฺติ
อนินฺทาภูตมฆฏฺฏนํ. นินฺทาโรโสติ นินฺทาฆฏฺฏนา. โวหารสมุจฺเฉทายาติ เอตฺถ
โวหาโรติ พฺยวหารโวหาโรปิ. ปณฺณตฺติปิ วจนํปิ เจตนาปิ. ตตฺถ:-
            "โย หิ โกจิ มนุสฺเสสุ       โวหารํ อุปชีวติ
             เอวํ วาเสฏฺา ชานาหิ     วาณิโช โส น พฺราหฺมโณ"ติ.
     อยํ พฺยวหารโวหาโร นาม. "สงฺขา สมญฺา ปณฺณตฺติ โวหาโร"ติ ๒-
อยํ ปณฺณตฺติโวหาโร นาม. "ตถา ตถา โวหรติ ๓- อปรามาสนฺ"ติ ๔- อยํ
วจนโวหาโร นาม. "อฏฺ อริยโวหารา อฏฺ อนริยโวหารา"ติ ๕- อยํ
เจตนาโวหาโร นาม, อยเมตฺถ อธิปฺเปโต. ยสฺมา วา ปพฺพชิตกาลโต ปฏฺาย คิหีติ
เจตนา นตฺถิ, สมโณติ เจตนา โหติ. คิหีติ วจนํ นตฺถิ, สมโณติ วจนํ โหติ.
คิหีติ ปณฺณตฺติ นตฺถิ, สมโณติ ปณฺณตฺติ โหติ. คิหีติ พฺยวหาโร นตฺถิ,
สมโณติ วา ปพฺพชิโตติ วา พฺยวหาโร โหติ. ตสฺมา สพฺเพเปเต ลพฺภนฺติ.
     [๓๓] เยสํ โข อหํ สํโยชนานํ เหตุ ปาณาติปาตีติ เอตฺถ ปาณาติปาโตว
สํโยชนํ. ปาณาติปาตสฺเสว หิ เหตุ ปาณาติปาตปจฺจยา ปาณาติปาตี นาม โหติ.
ปาณาติปาตานํ ๖- ปน พหุตาย "เยสํ โข อหนฺ"ติ วุตฺตํ. เตสาหํ สํโยชนานนฺติ
เตสํ อหํ ปาณาติปาตพนฺธนานํ. ปหานาย สมุจฺเฉทาย ปฏิปนฺโนติ อิมินา
อปาณาติปาตสงฺขาเตน กายิกสีลสํวเรน ปหานตฺถาย สมุจฺเฉทนตฺถาย ปฏิปนฺโน.
@เชิงอรรถ:  ฉ.ม. อโนวาที อนุปวาทีติ           อภิ.  สงฺคณิ. ๓๕/๑๓๑๓/๒๙๗ นิกฺเขปกณฺฑ
@ ก. โวหรนฺติ                     ม. อุปริ. ๑๔/๓๓๒/๓๐๑ อรณวิภงฺคสุตฺต
@ องฺ. อฏฺก ๒๓/๑๖๔-๕/๓๑๖ จาลวคฺค (สฺยา)     ม. ปาณานํ



เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๓๐. http://84000.org/tipitaka/read/attha_page.php?book=9&page=30&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=729&pagebreak=1 http://84000.org/tipitaka/atthapali/th_line.php?B=9&A=729&pagebreak=1#p30


จบการแสดงผล หน้าที่ ๓๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]