อรรถกถาเล่มที่ ๘ หน้าที่ ๗๖.

รโชชลฺลํ น อุปลิมฺปติ, ปทุมปตฺเต ปกฺขิตฺตอุทกพินฺทุ วิย อุทกํ วินิวตฺเตตฺวา คจฺฉติ, เอวํ สนฺเตปิ สิกฺขาคารวตาย ภควา "ปพฺพชิตวตฺตํ นาเมตนฺ"ติ มหาจีวรํ อุโภสุ กณฺเณสุ คเหตฺวา ปุรโต กายํ ปฏิจฺฉาเทตฺวา อฏฺฐาสิ. ตสฺมึ ขเณ เถโร จินฺเตสิ "ภควา มหาจีวรํ ปารุปิตฺวา มิคารมาตุปาสาทํ อารพฺภ คมนาภินีหารโต ^๑- ปฏฺฐาย ทุนฺนิวตฺติโย ภวิสฺสติ, พุทฺธานํ หิ อธิปฺปายโกปนํ นาม เอกจาริกสีหสฺส คหณตฺถํ หตฺถปฺปสารณํ วิย, ปภินฺนวรวารณสฺส ^๒- โสณฺฑาย ปรามสนํ วิย, อุคฺคเตชสฺส อาสีวิสสฺส คีวายํ คหณํ วิย จ ภาริยํ โหติ, อิเธว รมฺมกสฺส พฺราหฺมณสฺส อสฺสมสฺส วณฺณํ กเถตฺวา ตตฺถ คมนตฺถาย ภควนฺตํ ยาจิสฺสามี"ติ, โส ตถา อกาสิ. เตน วุตฺตํ "อถโข อายสฺมา อานนฺโท ฯเปฯ อนุกมฺปํ อุปาทายา"ติ. ตตฺถ อนุกมฺปํ อุปาทายาติ ภควโต สมฺมุขา ธมฺมึ กถํ โสสฺสามาติ ตํ อสฺสมํ คตานํ ปญฺจนฺนํ ภิกฺขุสตานํ อนุกมฺปํ ปฏิจฺจ, เตสุ การุญฺญํ กตฺวาติ อตฺโถ. ธมฺมิยา กถายาติ ทสสุ ปารมิตาสุ อญฺญตราย ปารมิยา เจว มหาภินิกฺขมนสฺส จ วณฺณํ กถยมานา สนฺนิสินฺนา โหนฺติ. อาคมยมาโนติ โอโลกยมาโน. อหํ พุทฺโธติ สหสา อปฺปวิสิตฺวา ยาว สา กถา นิฏฺฐาติ, ตาว อฏฺฐาสีติ อตฺโถ. อคฺคฬํ อาโกเฏสีติ อคฺคนเขน กวาเฏ สญฺญํ อทาสิ. วิวรึสูติ โสตํ โอทหิตฺวาว นิสินฺนตฺตา ตํขณํเยว อาคนฺตฺวา วิวรึสุ. ปญฺญตฺเต อาสเนติ พุทฺธกาเล กิร ยตฺถ ยตฺถ เอโกปิ ภิกฺขุ วิหรติ, ตตฺถ ตตฺถ ^๓- พุทฺธาสนํ ปญฺญตฺตเมว โหติ. กสฺมา? ภควา กิร ^๔- อตฺตโน สนฺติเก กมฺมฏฺฐานํ คเหตฺวา ผาสุกฏฺฐาเน วิหรนฺเต มนสิกโรติ "อสุโก มยฺหํ สนฺติเก กมฺมฏฺฐานํ คเหตฺวา คโต, สกฺขิสฺสติ นุ โข วิเสสํ นิพฺพตฺเตตุํ โน วา"ติ. อถ นํ ปสฺสติ กมฺมฏฺฐานํ วิสฺสชฺเชตฺวา อกุสลวิตกฺกํ ^๕- วิตกฺกยมานํ, ตโต "กถํ หิ นาม มาทิสสฺส สตฺถุ สนฺติเก กมฺมฏฺฐานํ คเหตฺวา วิหรนฺตํ อิมํ กุลปุตฺตํ อกุสลวิตกฺกา อภิภวิตฺวา อนมตคฺเค วฏฺฏทุกฺเข สํสาเรสฺสนฺตี"ติ ^๖- ตสฺส @เชิงอรรถ: ^๑ ฉ.ม. คมนาภิหารโต ^๒ ม. ปภินฺนจรวารณสฺส ^๓ ฉ.ม. สพฺพตฺถ @^๔ ฉ.ม. ภควา หิ ^๕ ฉ.ม. อกุสลวิตกฺเก ^๖ สี. สํสาเทสฺสนฺตีติ

เนื้อความอรรถกถาฉบับภาษาบาลี อักษรไทย เล่มที่ ๘ หน้าที่ ๗๖. http://84000.org/tipitaka/read/attha_page.php?book=8&page=76&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=8&A=1933&modeTY=2&pagebreak=1 http://84000.org/tipitaka/atthapali/th_line.php?B=8&A=1933&modeTY=2&pagebreak=1#p76