ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๘ ภาษาบาลี อักษรไทย ม.อ. (ปปญฺจ.๒)

หน้าที่ ๑๓๖.

โอโรหนวาตา. กุจฺฉิสยา วาตาติ อนฺตานํ พหิ นิกฺขมนวาตา. ๑- โกฏฺฐาสยา วาตาติ
อนฺตานํ อนฺโต วาตา. องฺคมงฺคานุสาริโนติ ธมนีชาลานุสาเรน สกลสรีเร
องฺคมงฺคานิ อนุสฏา สมฺมิญฺขนปสารณาทินิพฺพตฺตกวาตา. อสฺสาโสติ
อนฺโตปวิสนนาสิกวาโต. ปสฺสาโสติ พหินิกฺขมนนาสิกวาโต. อยเมตฺถ สงฺเขโป.
วิตฺถารโต ปน ยํ วตฺตพฺพํ สิยา, ตํ สพฺพํ สทฺธึ ภาวนานเยน วิสุทฺธิมคฺเค วุตฺตํ.
    คามมฺปิ วหตีติ สกลคามมฺปิ จุณฺณวิจุณฺณํ ๒- กุรุมานา อาทาย คจฺฉติ,
นิคมาทีสุปิ เอเสว นโย. อิธ วาโยสํวฏฺฏกาเล โกฏิสตสหสฺสจกฺกวาฬวิทฺธํสนวเสน
วาโยธาตุวิกาโร ทสฺสิโต. วิธูปเนนาติ อคฺคิวีชนเกน. โอสฺสวเนติ ฉทนคฺเค,
เตน หิ อุทกํ สวติ, ตสฺมา ตํ "โอสฺสวนนฺ"ติ วุจฺจติ. เสสมิธาปิ ปุริมนเยเนว
โยเชตพฺพํ.
    [๓๐๖] เสยฺยถาปิ อาวุโสติ อิธ กึ ทสฺเสติ, เหฏฺฐา กถิตานํ มหาภูตานํ
นิสฺสตฺตภาวํ. กฏฺฐนฺติ ทพฺพสมฺภารํ. วลฺลินฺติ อาพนฺธนวลฺลึ. ติณนฺติ ฉทนติณํ.
มตฺติกนฺติ อนุเลปมตฺติกํ. อากาโส ปริวาริโตติ เอตานิ กฏฺฐาทีนิ อนฺโต จ
พหิ จ ปริวาเรตฺวา ฐิโต อากาโสติ อตฺโถ. อคารํเตฺวว สงฺขํ คจฺฉตีติ อคารนฺติ
ปณฺณตฺติมตฺตํ โหติ. กฏฺฐาทีสุ ปน วิสุํ วิสุํ ราสิกเตสุ กฏฺฐราสิวลฺลิราสีเตฺวว
วุจฺจติ. เอวเมว โขติ เอวเมว อฏฺฐิอาทีนิ อนฺโต จ พหิ จ ปริวาเรตฺวา
ฐิโต อากาโส, ตาเนว อฏฺฐิอาทีนิ ปฏิจฺจ รูปํเตฺวว สงฺขํ คจฺฉติ, สรีรนฺติ
โวหารํ คจฺฉติ. ยถา กฏฺฐาทีนิ ปฏิจฺจ เคหนฺติ สงฺขํ คตํ อคารํ ขตฺติยเคหํ
พฺราหฺมณเคหนฺติ วุจฺจติ, เอวมิทํปิ ขตฺติยสรีรํ พฺราหฺมณสรีรนฺติ วุจฺจติ, น
เหตฺถ โกจิ สตฺโต วา ชีโว วา วิชฺชติ.
    อชฺฌตฺติกญฺเจ อาวุโส จกฺขูติ อิทํ กสฺมา อารทฺธํ? เหฏฺฐา อุปาทารูปํ
จตฺตาโร จ อรูปิโน ขนฺธา ตีณิ จ อริยสจฺจานิ น กถิตานิ, อิทานิ ตานิ
กเถตุํ อยํ เทสนา อารทฺธาติ. ตตฺถ จกฺขุํ อปริภินฺนนฺติ จกฺขุปสาเท นิรุทฺเธปิ
อุปหเตปิ ปิตฺตเสมฺหโลหิเตหิ ปลิพุทฺเธปิ จกฺขุ จกฺขุวิญฺญาณสฺส ปจฺจโย ภวิตุํ
@เชิงอรรถ:  ฉ.ม. พหิวาตา     ม. จุณฺณจุณฺณํ



เนื้อความอรรถกถาฉบับภาษาบาลี อักษรไทย เล่มที่ ๘ หน้าที่ ๑๓๖. http://84000.org/tipitaka/read/attha_page.php?book=8&page=136&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=8&A=3483&modeTY=2&pagebreak=1 http://84000.org/tipitaka/atthapali/th_line.php?B=8&A=3483&modeTY=2&pagebreak=1#p136


จบการแสดงผล หน้าที่ ๑๓๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]