ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๗ ภาษาบาลี อักษรไทย ม.อ. (ปปญฺจ.๑)

หน้าที่ ๓๒๖.

     เอวํ ยสฺมา ติตฺถายตนํ อเขตฺตํ, สาสนํ เขตฺตํ, ตสฺมา ยถา สุรตฺตหตฺถปาโท
ภาสุรเกสรสีโห ๑- มิคราชา น สุสาเน วา สงฺการกูเฏ วา ปฏิวสติ, ติโยชนสหสฺส-
วิตฺถตํ ปน หิมวนฺตํ อชฺโฌคาเหตฺวา มณิคุหายํเยว ปฏิวสติ. ยถา จ ฉทฺทนฺโต
นาคราชา น โคจริยหตฺถิกุลาทีสุ นวสุ นาคกุเลสุ อุปฺปชฺชติ, ฉทฺทนฺตกุเลเยว
อุปฺปชฺชติ. ยถา จ วลาหโก อสฺสราชา น คทฺรภกุเล วา โฆฏกกุเล วา อุปฺปชฺชติ,
สินฺธุยา ตีเร ปน สินฺธวกุเลเยว อุปฺปชฺชติ. ยถา จ สพฺพกามททํ มโนหรํ
มณิรตนํ น สงฺการกูเฏ วา ปํสุปพฺพตาทีสุ วา อุปฺปชฺชติ, เวปุลฺลปพฺพตพฺภนฺตเรเยว
อุปฺปชฺชติ. ยถา จ ติมิรปิงฺคโล มจฺฉราชา น อาวาฏขุทฺทกโปกฺขรณีสุ ๒-
อุปฺปชฺชติ, จตุราสีติโยชนสหสฺสคมฺภีเร มหาสมุทฺเทเยว อุปฺปชฺชติ. ยถา จ
ทิยฑฺฒโยชนสติโก สุปณฺณราชา น คามทฺวาเร เอรณฺฑวนาทีสุ ปฏิวสติ,
มหาสมุทฺทํ ปน อชฺโฌคาเหตฺวา สิมฺพลิทหวเนเยว ปฏิวสติ. ยถา จ ธตรฏฺโ
สุวณฺณหํโส น คามทฺวาเร อาวาฏกาทีสุ ปฏิวสติ, นวุติหํสสหสฺสปริวาโร ปน ๓-
หุตฺวา จิตฺตกูฏปพฺพเตเยว ปฏิวสติ. ยถา จ จตุทีปิสฺสโร จกฺกวตฺติราชา น
นีจกุเล อุปฺปชฺชติ, อสมฺภินฺนขตฺติยกุเลเยว ๔- ปน อุปฺปชฺชติ. เอวเมว อิเมสุ
สมเณสุ เอกสมโณปิ น อญฺติตฺถายตเน อุปฺปชฺชติ, อริยมคฺคปริกฺขิตฺเต ปน
พุทฺธสาสเนเยว อุปฺปชฺชติ. เตนาห ภควา "อิเธว ภิกฺขเว สมโณ ฯเปฯ
สุญฺา ปรปฺปวาทา สมเณภิ อญฺเหี"ติ.
     สมฺมา สีหนาทํ นทถาติ เอตฺถ สมฺมาติ เหตุนา นเยน การเณน.
สีหนาทนฺติ เสฏฺนาทํ อภีตนาทํ อปฺปฏิหตนาทํ. ๕- อิเมสญฺจ ๖- จตุนฺนํ สมณานํ
อิเธว อตฺถิตาย อยํ นาโท เสฏฺนาโท นาม โหติ. อุตฺตมนาโท. "อิเม
สมณา อิเธว อตฺถี"ติ วทนฺตสฺส อญฺโต ภยํ วา อาสงฺกา วา นตฺถีติ
อภีตนาโท นาม โหติ. "อมฺหากํปิ สาสเน อิเม สมณา อตฺถี"ติ ปูรณาทีสุ
เอกสฺสาปิ อุฏฺหิตฺวา วตฺตุํ อสมตฺถตาย อยํ นาโท อปฺปฏิหตนาโท นาม
โหติ. เตน วุตฺตํ "สีหนาทนฺติ เสฏฺนาทํ อภีตนาทํ อปฺปฏิหตนาทนฺ"ติ.
@เชิงอรรถ:  ฉ.ม. สูรเกสรโก สีโห, สี. ภาสุรเกสรสโฏ   ฉ.ม. ขุทฺทกโปกฺขรณีสุ
@ ฉ.ม. ปน-สทฺโท น ทิสฺสติ   ฉ.ม. อสมฺภินฺนชาติขตฺติย...   ฉ.ม. อปฺปฏินาทํ
@เอวมุปริปิ      ฉ.ม. อิเมสํ หิ, สี. อิเมสํ



เนื้อความอรรถกถาฉบับภาษาบาลี อักษรไทย เล่มที่ ๗ หน้าที่ ๓๒๖. http://84000.org/tipitaka/read/attha_page.php?book=7&page=326&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=7&A=8317&pagebreak=1 http://84000.org/tipitaka/atthapali/th_line.php?B=7&A=8317&pagebreak=1#p326


จบการแสดงผล หน้าที่ ๓๒๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]