ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๗ ภาษาบาลี อักษรไทย ม.อ. (ปปญฺจ.๑)

หน้าที่ ๒๘๗.

                       ปฏิกูลมนสิการปพฺพวณฺณนา
     [๑๑๐] เอวํ จตุสมฺปชญฺวเสน กายานุปสฺสนํ วิภชิตฺวา อิทานิ
ปฏิกูลมนสิการวเสน วิภชิตุํ ปุน จปรนฺติอาทิมาห. ตตฺถ อิมเมว กายนฺติ
อาทีสุ ยํ วตฺตพฺพํ สิยา, ตํ สพฺพํ สพฺพากาเรน วิตฺถารโต วิสุทฺธิมคฺเค
กายคตาสติกมฺมฏฺาเน วุตฺตํ. อุภโตมุขาติ เหฏฺา จ อุปริ จาติ ทฺวีหิ มุเขหิ
ยุตฺตา. นานาวิหิตสฺสาติ นานาวิธสฺส.
     อิทํ ปเนตฺถ โอปมฺมสํสนฺทนํ:- อุภโตมุขา มูโตฬิ ๑- วิย หิ
จาตุมฺมหาภูติโก กาโย, ตตฺถ มิสฺสิตฺวา ปกฺขิตฺตนานาวิธธญฺ วิย เกสาทโย
ทฺวตฺตึสาการา, จกฺขุมา ปุริโส วิย โยคาวจโร, ตสฺส ตํ มูโตฬึ มุญฺจิตฺวา
ปจฺจเวกฺขโต นานาวิธธญฺสฺส ปากฏกาโล วิย โยคิโน ทฺวตฺตึสาการสฺส วิภูตากาโร ๒-
เวทิตพฺโพ.
     อิติ อชฺฌตฺตํ วาติ เอวํ เกสาทีสุ ปริคฺคณฺหเนน อตฺตโน วา กาเย, ปรสฺส
วา กาเย, กาเลน วา อตฺตโน, กาเลน วา ปรสฺส กาเย กายานุปสฺสี
วิหรติ, อิโต ปรํ วุตฺตนยเมว. เกวลญฺหิ อิธ ทฺวตฺตึสาการปริคฺคาหิกา สติ
ทุกฺขสจฺจนฺติ เอวํ โยชนํ กตฺวา นิยฺยานมุขํ เวทิตพฺพํ. เสสํ ปุริมสทิสเมวาติ.
                    ปฏิกูลมนสิการปพฺพวณฺณนา นิฏฺิตา.
                        -----------------
                        ธาตุมนสิการปพฺพวณฺณนา
     [๑๑๑] เอวํ ปฏิกูลมนสิการวเสน กายานุปสฺสนํ วิภชิตฺวา อิทานิ
ธาตุมนสิการวเสน วิภชิตุํ ปุน จปรนฺติอาทิมาห. ตตฺรายํ โอปมฺมสํสนฺทเนน
สทฺธึ อตฺถวณฺณนา:- ยถา โกจิ โคฆาตโก วา ตสฺเสว วา ภตฺตเวตฺตนภโต
อนฺเตวาสิโก คาวึ วธิตฺวา วินิวิชฺฌิตฺวา จตสฺโส ทิสา คตานํ มหาปถานํ
เวมชฺฌฏฺานสงฺขาเต จตุมหาปเถ โกฏฺาสํ โกฏฺาสํ กตฺวา นิสินฺโน อสฺส,
เอวเมว ภิกฺขุ จตุนฺนํ อิริยาปถานํ เยน เกนจิ อากาเรน ิตตฺตา ยถาิตํ,
@เชิงอรรถ:  ฉ.ม. ปุโตฬิ              ม. วิภูตกาโล



เนื้อความอรรถกถาฉบับภาษาบาลี อักษรไทย เล่มที่ ๗ หน้าที่ ๒๘๗. http://84000.org/tipitaka/read/attha_page.php?book=7&page=287&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=7&A=7341&pagebreak=1 http://84000.org/tipitaka/atthapali/th_line.php?B=7&A=7341&pagebreak=1#p287


จบการแสดงผล หน้าที่ ๒๘๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]