อรรถกถาเล่มที่ ๗ หน้าที่ ๑๗๓.

เถโร กิร มคฺคปฏิปนฺโน อญฺตรํ ปาสาทิกํ อรญฺ ทิสฺวา "อิเธวชฺช สมณธมฺมํ กตฺวา คมิสฺสามี"ติ มคฺคา โอกฺกมฺม อญฺตรสฺมึ รุกฺขมูเล สงฺฆาฏึ ปญฺาเปตฺวา ปลฺลงฺกํ อาภุชิตฺวา นิสีทิ. รุกฺขเทวตาย ทารกา เถรสฺส สีลเตเชน สกภาเวน สณฺาตุํ ^๑- อสกฺโกนฺตา วิสฺสรมกํสุ. เทวตาปิ สกลํ รุกฺขํ จาเลสิ, เถโร อจโลว นิสีทิ. สา เทวตา ธูมายิ ปชฺชลิ, เนวาสกฺขิ เถรํ จาเลตุํ, ตโต อุปาสกวณฺเณนาคนฺตฺวา วนฺทิตฺวา อฏฺาสิ. "โก เอโส"ติ วุตฺตา "อหํ ภนฺเต เอตสฺมึ รุกฺเข อธิวตฺถา เทวตา"ติ อโวจ. "ตฺวํ เอเต วิกาเร อกาสีติ. อาม ภนฺเตติ. กสฺมาติ จ วุตฺตา อาห "ตุมฺหากเมว ภนฺเต สีลเตเชน ทารกา สกภาเวน สณฺาตุํ อสกฺโกนฺตา วิสฺสรมกํสุ, สาหํ ตุเมฺห ปลาเปตุํ เอวมกาสินฺ"ติ. เถโร อาห "อถ กสฺมา อิธ ภนฺเต มา วสถ, มยฺหํ อผาสูติ ปฏิกจฺเจว นาโรจเส, ^๒- อิทานิ ปน มา กิญฺจิ อวจ, อริยโกฏิยมหาทตฺโต อมนุสฺสภเยน คโตติ วจนโต ลชฺชามิ, เตนาหํ อิเธว วสิสฺสํ, ตฺวํ ปน อชฺเชกทิวสํ ยตฺถ กตฺถ กตฺถจิ วสาหี"ติ. เอวํ สีลาทิคุณยุตฺโต ภยเภรวสโห โหติ. ตสฺมา อีทิสมตฺตานํ อิจฺฉนฺเตนาปิ สีลาทิคุณยุตฺเตเนว ภวิตพฺพนฺติ ทสฺเสติ. สตฺตมวาเร อาภิเจตสิกานนฺติ อภิเจโตติ อภิกฺกนฺตํ วิสุทฺธจิตฺตํ วุจฺจติ, อธิจิตฺตํ วา, อภิเจตสิ ชาตานิ อาภิเจตสิกานิ, อภิเจโต สนฺนิสฺสิตานีติ วา อาภิเจตสิกานิ. ทิฏฺธมฺมสุขวิหารานนฺติ ทิฏฺธมฺเม สุขวิหารานํ. ทิฏฺธมฺโมติ ปจฺจกฺโข อตฺตภาโว วุจฺจติ, ตตฺถ สุขวิหารภูตานนฺติ อตฺโถ, รูปาวจรชฺฌานานเมตํ อธิวจนํ. ตานิ หิ อปฺเปตฺวา นิสินฺนา ฌายิโน อิมสฺมึเยว อตฺตภาเว อสงฺกิลิฏฺเนกฺขมฺมสุขํ วินฺทนฺติ, ตสฺมา "ทิฏฺธมฺมสุขวิหาริโน"ติ วุจฺจนฺติ. นิกามลาภีติ นิกาเมน ลาภี อตฺตโน อิจฺฉาวเสน ลาภี, อิจฺฉิติจฺฉิตกฺขเณ สมาปชฺชิตุํ สมตฺโถติ วุตฺตํ โหติ. อกิจฺฉลาภีติ สุเขเนว ปจฺจนีกธมฺเม วิกฺขมฺภิตฺวา สมาปชฺชิตุํ สมตฺโถติ วุตฺตํ โหติ. อกสิรลาภีติ อกสิรานํ ลาภี, วิปุลานํ ยถาปริจฺเฉเทเยว วุฏฺาตุํ สมตฺโถติ วุตฺตํ โหติ. เอกจฺโจ หิ ลาภีเยว โหติ, @เชิงอรรถ: ^๑ ม. สนฺธาเรตุํ ^๒ ฉ.ม. นาวจาสิ, สี.,อิ. นาโวจาติ

เนื้อความอรรถกถาฉบับภาษาบาลี อักษรไทย เล่มที่ ๗ หน้าที่ ๑๗๓. http://84000.org/tipitaka/read/attha_page.php?book=7&page=173&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=7&A=4419&pagebreak=1 http://84000.org/tipitaka/atthapali/th_line.php?B=7&A=4419&pagebreak=1#p173