อรรถกถาเล่มที่ ๗ หน้าที่ ๑๕๗.

จ อุปหรนฺเต. ตสฺมา ตํ ลาภสกฺการํ อิจฺฉนฺโต เอวํ จินฺเตตฺวา ^๑- นิกฺขนิตฺวา ปิตขนฺโธ วิย ^๑- ภควโต ปุรโต อโหสิ. ^๒- อิติ โส กุปิโตติ อถ ภควา ตํ อมนสิกริตฺวาว อญฺ เถรํ ปฏิปุจฺฉิตฺวา ธมฺมํ เทเสติ, เตน โส กุปิโต โหติ ภควโต จ เถรสฺส จ. กถํ ภควโต กุปฺปติ? "อหํ ปพฺพชิตกาลโต ปภูติ คนฺธกุฏิปริเวณโต พหินิกฺขมนํ น ชานามิ, สพฺพกาลํ ฉายาว น วิชหามิ มํ นาม ปุจฺฉิตฺวา ธมฺมเทสนามตฺตํปิ นตฺถิ, ตมฺมุหุตฺตํ ทิฏฺมตฺตกตฺเถรํ ปุจฺฉิตฺวา ธมฺมํ เทเสตี"ติ เอวํ ภควโต กุปฺปติ. กถํ เถรสฺส กุปฺปติ? "อยํ มหลฺลกตฺเถโร ภควโต ปุรโต ขาณุ วิย นิสีทติ, กทา นุ โข อิมํ ธมฺมกมฺมิกา อภพฺพฏฺานํ ปาเปตฺวา นีหริสฺสนฺติ, อยญฺหิ ยทิ อิมสฺมึ วิหาเร น ภเวยฺย, อวสฺสํ ภควา มยา สทฺธึ สลฺลเปยฺยา"ติ เอวํ เถรสฺส กุปฺปติ. ปุรกฺขตฺวา ปุรกฺขตฺวาติ ปุรโต กตฺวา, สมฺปริวาเรตฺวาติ วุตฺตํ โหติ. อยํปิ ลาภตฺถิโกเยว, อยญฺหิ ปสฺสติ พหุสฺสุเต ภิกฺขู ปริวาเรน คามํ ปวิสนฺเต, เจติยํ วนฺทนฺเต, เตสํ จ ตํ สมฺปตฺตึ ทิสฺวา อุปาสเก ปสนฺเน ปสนฺนาการํ กโรนฺเต. ตสฺมา เอวํ อิจฺฉติ. กุปิโตติ อยํปิ ทฺวีสุ าเนสุ กุปฺปติ ภิกฺขูนํ เถรสฺส จ. กถํ ภิกฺขูนํ? "อิเม ยเทว มยฺหํ อุปฺปชฺชติ จีวรํ วา ปิณฺฑปาโต วา, ตํ คเหตฺวา ปริภุญฺชนฺติ, มยฺหํ ปน ปตฺตจีวรํ คเหตฺวา ปิฏฺิโต อาคจฺฉนฺโตปิ นตฺถี"ติ เอวํ ภิกฺขูนํ กุปฺปติ. กถํ เถรสฺส? "เอโส มหลฺลกตฺเถโร เตสุ เตสุ าเนสุ สยเมว ปญฺายติ, กทาสฺสุ นาม นํ ธมฺมกมฺมิกา นิกฺกฑฺฒิสฺสนฺติ, อิมสฺมึ อสติ อวสฺสํ มํเยว ปวาเรสฺสนฺตี"ติ. ภตฺตคฺเคติ โภชนฏฺาเน. อคฺคาสนนฺติ สํฆเถราสนํ,. อคฺโคทกนฺติ ทกฺขิโณทกํ. อคฺคปิณฺฑนฺติ สํฆตฺเถรปิณฺฑํ. สพฺพตฺถ วา อคฺคนฺติ ปณีตาธิวจนเมตํ. ตตฺถ อหเมว ลเภยฺยนฺติ อิจฺฉา นาติมหาสาวชฺชา. น อญฺโ ภิกฺขุ ลเภยฺยาติ ปน อติมหาสาวชฺชา. อยํปิ ลาภตฺถิโก ปาสาทิโก โหติ จีวรธารณาทีหิ, @เชิงอรรถ: ^๑-๑ ฉ.ม. จินฺเตตฺวา นิขณิตฺวา ปิตขาณุ วิย ^๒ ฉ.ม. ปุรโตว โหติ

เนื้อความอรรถกถาฉบับภาษาบาลี อักษรไทย เล่มที่ ๗ หน้าที่ ๑๕๗. http://84000.org/tipitaka/read/attha_page.php?book=7&page=157&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=7&A=4001&pagebreak=1 http://84000.org/tipitaka/atthapali/th_line.php?B=7&A=4001&pagebreak=1#p157