ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๖ ภาษาบาลี อักษรไทย ที.อ. (สุมงฺคล.๓)

หน้าที่ ๘๕.

     กาเมสุ กามสุขลฺลิกานุโยคนฺติ วตฺถุกาเมสุ กามสุขานุโยคํ. ๑- ยถา
อญฺเ เกณิยชฏิลาทโย สมณพฺราหฺฆณา "โก ชานาติ ปรโลกํ. สุโข อิมิสฺสา
ปริพฺพาชิกาย มุทุกาย โลมสาย พาหาย สมฺผสฺโส"ติ เตโมฬิพนฺธาหิ ๒-
ปริพฺพาชิกาหิ ปริจาเรนฺติ สมฺปตฺตํ สมฺปตฺตํ รูปาทิอารมฺมณํ อนุภวมานา
กามสุขมนุยุตฺตา, น เอวมนุยุตฺโตติ ทสฺเสติ.
     หีนนฺติ ลามกํ. คมฺมนฺติ คามวาสีนํ ธมฺมํ. โปถุชฺชนิกนฺติ ปุถุชฺชเนหิ
เสวิตพฺพํ. อนริยนฺติ น นิทฺโทสํ. น วา อริเยหิ เสวิตพฺพํ. อนตฺถสญฺหิตนฺติ
อนตฺถยุตฺตํ. ๓- อตฺตกิลมถานุโยคนฺติ อตฺตโน อาตาปนปริตาปนานุโยคํ. ทุกฺขนฺติ
ทุกฺขยุตฺตํ, ทุกฺขมํ วา. ยถา เอเก สมณพฺราหฺมณา กามสุขลฺลิกานุโยคตํ ๔-
ปริวชฺเชสฺสามาติ กายกิลมถํ อนุธาวนฺติ, ตโต มุจฺจิสฺสามาติ กามสุขํ อนุธาวนฺติ,
น เอวํ ภควา. ภควา ปน อุโภ เอเต อนฺเต วชฺเชตฺวา ยา สา "อตฺถิ
ภิกฺขเว มชฺฌิมา ปฏิปทา ตถาคเตน อภิสมฺพุทฺธา จกฺขุกรณี"ติ เอวํ วุตฺตา
สมฺมาปฏิปตฺติ, ตเมว ปฏิปนฺโน. ตสฺมา "น จ อตฺตกิลมถานุโยคนฺ"ติ
อาทิมาห.
     อาภิเจตสิกานนฺติ อภิเจตสิกานํ, กามาวจรจิตฺตานิ อติกฺกมิตฺวา
ิตานนฺติ อตฺโถ. ทิฏฺธมฺมสุขวิหารานนฺติ อิมสฺมึเยว อตฺตภาเว สุขวิหารานํ.
โปฏฺปาทสุตฺตนฺตสฺมิญฺหิ สปฺปีติกทุติยชฺฌานผลสมาปตฺติ กถิตา. ๕-
ปาสาทิกสุตฺตนฺเต สห มคฺเคน วิปสฺสนาปาทกชฺฌานํ. ทสุตฺตรสุตฺตนฺเต
จตุตฺถชฺฌานิกผลสมาปตฺติ. อิมสฺมึ สมฺปสาทนีเย ทิฏฺธมฺมสุขวิหารชฺฌานานิ
กถิตานิ. นิกามลาภีติ ยถากามลาภี. อกิจฺฉลาภีติ อทุกฺขลาภี. อกสิรลาภีติ
วิปุลลาภี.
                       อนุโยคทานปฺปการวณฺณนา
     [๑๖๑] เอกีสฺสา โลกธาตุยาติ ทสสหสฺสีโลกธาตุมฺหิ. ๖- ตีณิ หิ
เขตฺตานิ ชาติเขตฺตํ อาณาเขตฺตํ วิสยเขตฺตํ. ตตฺถ ชาติเขตฺตํ นาม
@เชิงอรรถ:  ฉ.ม. กามสุขลฺลิกานุโยคํ   ฉ.ม. โมฬิพนฺธาหิ   ฉ.ม. อนตฺถสํยุตฺตํ
@ ฉ.ม. กามสุขลฺลิกานุโยคํ   ที.สี. ๙/๔๒๙/๑๙๐
@ ฉ.ม., อิ. ทสสหสฺสีโลกธาตุยา



เนื้อความอรรถกถาฉบับภาษาบาลี อักษรไทย เล่มที่ ๖ หน้าที่ ๘๕. http://84000.org/tipitaka/read/attha_page.php?book=6&page=85&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=6&A=2120&pagebreak=1 http://84000.org/tipitaka/atthapali/th_line.php?B=6&A=2120&pagebreak=1#p85


จบการแสดงผล หน้าที่ ๘๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]