อรรถกถาเล่มที่ ๖ หน้าที่ ๗.

[๙] เตนุปสงฺกมีติ กสฺมา อุปสงฺกมิ. โส กิร จินฺเตสิ "อวเสสํ ตาว สมณสฺส โคตมสฺส วจนํ สเมติ, มตสฺส ปน อุฏฺาย อญฺเน สทฺธึ กถนํ นาม นตฺถิ, หนฺทาหํ คนฺตฺวา ปุจฺฉามิ. สเจ กเถติ, สุนฺทรํ. โน เจ กเถติ, สมณํ โคตมํ มุสาวาเทน นิคฺคณฺหิสฺสามี"ติ อิมินา การเณน อุปสงฺกมิ. อาโกฏฺเฏสีติ ปหริ. ชานามิ อาวุโสติ มตสรีรํ อุฏฺหิตฺวา กเถตุํ สมตฺถํ นาม นตฺถิ, อิทํ กถํ กเถสีติ? พุทฺธานุภาเวน. ภควา กิร โกรกฺขตฺติยํ อสุรโยนิโต อาเนตฺวา สรีเร อธิโมเจตฺวา กถาเปสิ. ตเมว วา มตสรีรํ ^๑- กถาเปสิ, อจินฺเตยฺโย หิ พุทฺธวิสโย. [๑๐] ตเถว ตํ วิปากนฺติ ตสฺส วจนสฺส ตํ วิปากํ ตเถว, อุทาหุ โนติ ลิงฺควิปลฺลาโส กโต, ตเถว โส วิปาโกติ อตฺโถ. เกจิ ปน "วิปกฺกนฺ"ติปิ ปนฺติ, นิพฺพตฺตนฺติ อตฺโถ. เอตฺถ ตฺวา ปาฏิหาริยานิ สมาเนตพฺพานิ. สพฺพาเนว เหตานิ ปญฺจ ปาฏิหาริยานิ โหนฺติ. "สตฺตเม ทิวเส มริสฺสตี"ติ วุตฺตํ, โส ตเถว มโต, อิทํ ปมํ ปาฏิหาริยํ. "อลสเกนา"ติ วุตฺตํ, อลสเกเนว มโต, อิทํ ทุติยํ. "กาลกญฺชิเกสุ นิพฺพตฺติสฺสตี"ติ วุตฺตํ, ตตฺเถว นิพฺพตฺโต, อิทํ ตติยํ. "วีรณตฺถมฺภเก สุสาเน ฉฑฺเฑสฺสนฺตี"ติ วุตฺตํ, ตตฺเถว ฉฑฺฑิโต, อิทํ จตุตฺถํ. "นิพฺพตฺตฏฺานโต อาคนฺตฺวา สุนกฺขตฺเตน สทฺธึ กเถสฺสตี"ติ วุตฺตํ, ^๒- โส กเถสิเยว, อิทํ ปญฺจมํ ปาฏิหาริยํ. อเจลกฬารมชฺฌกวตฺถุวณฺณนา [๑๑] กฬารมชฺฌโกติ ^๓- นิกฺขนฺตทนฺตมชฺชโก. ^๔- นามเมว วา ตสฺเสตํ. ลาภคฺคปฺปตฺโตติ ลาภคฺคํ ปตฺโต, อคฺคลาภํ ปตฺโตติ วุตฺตํ โหติ. ยสคฺคปฺปตฺโตติ ยสคฺคํ อคฺคปริวารํ ปตฺโต. วตฺตปทานีติ วตฺตานิเยว, วตฺตโกฏฺาสา วา. สมตฺตานีติ คหิตานิ. สมาทินฺนานีติ ตสฺเสว เววจนํ. @เชิงอรรถ: ^๑ ฉ.ม. อิ. สรีรํ. ^๒ ฉ.ม. วุตฺโต ^๓ ฉ.ม....มฏฺฏุโก, สี....มฏฺุโก @^๔ ฉ.ม. นิกฺขนฺตทนฺตมตฺตโก

เนื้อความอรรถกถาฉบับภาษาบาลี อักษรไทย เล่มที่ ๖ หน้าที่ ๗. http://84000.org/tipitaka/read/attha_page.php?book=6&page=7&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=6&A=159&pagebreak=1 http://84000.org/tipitaka/atthapali/th_line.php?B=6&A=159&pagebreak=1#p7