ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๖ ภาษาบาลี อักษรไทย ที.อ. (สุมงฺคล.๓)

หน้าที่ ๓.

เทสิเต ธมฺเม ตกฺกรสฺส สมฺมาทุกฺขกฺขยาย สํวตฺตมาเน กึ อุตฺตริมนุสฺสธมฺมา
อิทฺธิปาฏิหาริยํ กตํ กริสฺสติ, โก เตน กเตน อตฺโถ? ตสฺมิญฺหิ กเตปิ
อกเตปิ มม สาสนสฺส ปริหานิ นตฺถิ, เทวมนุสฺสานญฺหิ อมตนิพฺพานํ ๑-
สมฺปาปนตฺถาย อหํ ปารมิโย ปูเรสึ, น ปาฏิหาริยกรณตฺถายาติ ปาฏิหาริยสฺส
นิรตฺถกตํ ทสฺเสตฺวา "ปสฺส โมฆปุริสา"ติ ทุติยํ โทสํ อาโรเปสิ. ๒-
     [๕] อคฺคญฺนฺติ โลกปญฺตฺตึ. "อิทํ นาม โลกสฺส อคฺคนฺ"ติ
เอวํ ชานิตพฺพํ อคฺคมริยาทํ น ตํ ปญฺเปตีติ วทติ. เสสเมตฺถ
อนนฺตรวารานุสาเรเนว เวทิตพฺพํ.
     [๖] อเนกปริยาเยน โขติ อิทํ กสฺมา อารทฺธํ.? สุนกฺขตฺโต กิร
"ภควโต คุณํ มกฺเขสฺสามิ, โทสํ ปญฺเปสฺสามี"ติ เอตฺตกํ วิปฺปลปิตฺวา
ภควโต กถํ สุณนฺโต อปฺปติฏฺโ นิรโว อฏฺาสิ. ๓-
     อถ ภควา "สุนกฺขตฺต เอวํ ตฺวํ มกฺขิภาเว ิโต สยเมว ครหํ
ปาปุณิสฺสสี"ติ มกฺขิภาเว อาทีนวทสฺสนตฺถํ อเนกปริยาเยนาติ อาทิมาห. ตตฺถ
อเนกปริยาเยนาติ อเนกการเณน. วชฺชิคาเมติ วชฺชิราชูนํ ๔- คาเม เวสาลีนคเร.
โน วิสหีติ นาสกฺขิ. โส อวิสหนฺโตติ โส สุนกฺขตฺโต ยสฺส ปุพฺเพ ติณฺณํ
รตนานํ วณฺณํ กเถนฺตสฺส มุขํ นปฺปโหติ, โสทานิ เตเนว มุเขน อวณฺณํ
กเถติ, ๕- อทฺธา อวิสหนฺโต อสกฺโกนฺโต พฺรหฺมจริยํ จริตุํ อตฺตโน พาลตาย
อวณฺณํ กเถตฺวา หีนายาวตฺโตติ. พุทฺโธ ปน สุพุทฺโธว, ธมฺโม สฺวากฺขาโตว,
สํโฆ สุปฏิปนฺโนว. เอวํ ตีณิ รตนานิ โถเมนฺตา มนุสฺสา ตุยฺเหว โทสํ
ทสฺเสนฺตีติ. อิติ โข เตติ เอวํ โข เต สุนกฺขตฺต วตฺตาโร ภวิสฺสนฺติ. ตโต
เอวํ โทเส อุปฺปนฺเน สตฺถา อตีตานาคเต อปฺปฏิหตาโณ, มยฺหํ เอวํ โทโส
อุปฺปชฺชิสฺสตีติ ชานนฺโตปิ ปุเรตรํ น กเถสีติ วตฺตุํ น ลจฺฉสีติ ทสฺเสติ.
อปกฺกเมวาติ อปกฺกมิเยว, อปกฺกนฺโต ๖- วา จุโตติ อตฺโถ. ยถา ตํ อาปายิโกติ
ยถา อปาเย นิพฺพตฺตนารโห สตฺโต นิรเย นิพฺพตฺตนารโห สตฺโต อปกฺกเมยฺย,
เอวเมว อปกฺกมีติ อตฺโถ.
@เชิงอรรถ:  อิ อมตมหานิพฺพาน....      ม. อาโรเปติ.        สี. อโหสิ, อิ. อฏฺสิ.
@ ฉ.ม. วชฺชิราชานํ.           อิ. กเถสิ.          สี. อปสกฺกนฺโต.



เนื้อความอรรถกถาฉบับภาษาบาลี อักษรไทย เล่มที่ ๖ หน้าที่ ๓. http://84000.org/tipitaka/read/attha_page.php?book=6&page=3&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=6&A=53&pagebreak=1 http://84000.org/tipitaka/atthapali/th_line.php?B=6&A=53&pagebreak=1#p3


จบการแสดงผล หน้าที่ ๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]