บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.) หน้าที่ ๒๓๗.
๖. อรูปธาตุกถาวณฺณนา [๕๑๗-๕๑๘] อิทานิ ๑- อรูปธาตุกถายปิ อิมินาว อุปาเยน อตฺโถ เวทิตพฺโพ. อรูปธมฺเมสุ ปน เวทนากฺขนฺธเมว คเหตฺวา เวทนา ภโวติอาทินา นเยเนตฺถ เทสนา กตา. ตตฺถ กินฺเต อรูปิโน ธมฺมาติ สงฺขคตา ๒- เวทนาทีสุ อญฺญตรา โหตีติ เอวมตฺโถ เวทิตพฺโพ. เสสํ เหฏฺฐา วุตฺตนเยเนว เวทิตพฺพนฺติ. อรูปธาตุกถาวณฺณนา นิฏฺฐิตา. ---------- ๗. รูปธาตุยาอายตนกถาวณฺณนา [๕๑๙] อิทานิ รูปธาตุยา อายตนกถา นาม โหติ. ตตฺถ เยสํ "รูปี มโนมโย สพฺพงฺคปจฺจงฺคี อหีนินฺทฺริโย"ติ ๓- สุตฺตํ นิสฺสาย พฺรหฺมกายิกานํ ฆานนิมิตฺตานิปิ ๔- อายตนาเนวาติ กปฺเปตฺวา สฬายตนิโก เตสํ อตฺตภาโวติ ลทฺธิ เสยฺยถาปิ อนฺธกานญฺเจว สมิติยานญฺจ, เต สนฺธาย สฬายตนิโกติ ปุจฺฉา สกวาทิสฺส, ลทฺธิยา วเสน ปฏิญฺญา อิตรสฺส, อถ นํ ยํ ตตฺถ อายตนํ นตฺถิ, ตสฺส วเสน โจเทตุํ อตฺถิ ตตฺถ ฆานายตนนฺติอาทิ อารทฺธํ. ตโต ปรวาที ยํ ตตฺถ อชฺฌตฺติกานํ ติณฺณํ อายตนานํ ฆานาทีนํ ๕- สณฺฐานนิมิตฺตํ, ตเทว อายตนนฺติ ลทฺธิยา ปฏิชานาติ. พาหิรานํ คนฺธายตนาทีนํ วเสน ปุฏฺโฐ ฆานปสาทาทโย ตตฺถ น อิจฺฉติ, ตสฺมา เตสํ โคจรํ ปฏิเสวนฺโต ๖- ปฏิกฺขิปติ. ปฏิโลมปญฺหสํสนฺทนปเญฺหสุปิ อิมินาว อุปาเยน อตฺโถ เวทิตพฺโพ. [๕๒๑] อตฺถิ ตตฺถ ฆานายตนํ อตฺถิ คนฺธายตนํ เตน ฆาเนน ตํ คนฺธํ ฆายตีติ ตสฺมึเยว ปรสมเย เอกจฺเจ อาจริเย สนฺธาย วุตฺตํ. เต กิร ตตฺถ ฉ อชฺฌตฺติกานิ อายตนานิ ปริปุณฺณานิ อิจฺฉนฺติ, อายตเนน จ นาม @เชิงอรรถ: ๑ ฉ.ม. อยํ สทฺโท น ทิสฺสติ ๒ ฉ.ม. สงฺขํ คตา ๓ ที.สี. ๙/๘๗/๓๔ @๔ ฉ.ม. ฆานาทินิมิตฺตานิปิ ๕ ฉ.ม. ฆานาทิกํ ๖ ฉ.ม. ปฏิเสเธนฺโตเนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๓๗. http://84000.org/tipitaka/read/attha_page.php?book=55&page=237&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=5333&modeTY=2&pagebreak=1 http://84000.org/tipitaka/atthapali/th_line.php?B=55&A=5333&modeTY=2&pagebreak=1#p237
จบการแสดงผล หน้าที่ ๒๓๗.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]