อรรถกถาเล่มที่ ๕๔ หน้าที่ ๕๑๕.

ปรภาเค ภูมิยํ ปติฏฺิโต. มนุสฺสา มคฺเคนาคนฺตฺวา นิมนฺเตนฺติ. โส ปตฺตจีวรมาทาย ปาโรเหน โอตริตฺวา คามทฺวาเร อตฺตานํ ทสฺเสติ. ตโต มนุสฺเสหิ ปจฺฉา อาคนฺตฺวา "กตเรน มคฺเคน อาคตตฺถ ภนฺเต"ติ ปุฏฺโ "สมณานํ อาคตมคฺโค นาม ปุจฺฉิตุํ น วฏฺฏติ, อตฺตโน อิจฺฉิติจฺฉิตฏฺาเนเนว อาคจฺฉนฺตี"ติ วจเนน ขีณาสวภาวํ ทีเปติ. ตํ ปน กุหกํ เอโก วิทฺธกณฺโณ ตฺวา "ปริคฺคเหสฺสามิ นนฺ"ติ เอกทิวสํ ปาโรเหน โอตรนฺตํ ทิสฺวา ปจฺฉโต ฉินฺทิตฺวา อปฺปมตฺตเกน เปสิ. โส "ปาโรหโต โอตริสฺสามี"ติ `นฺ'ติ ปติโต, มตฺติกาปตฺโต ภิชฺชิ, โส าโตมฺหีติ นิกฺขมิตฺวา ปลายิ. ปาปิจฺฉสฺส ภาโว ปาปิจฺฉตา. ลกฺขณโต ปน อสนฺตคุณสมฺภาวนตา ปฏิคฺคหเณ จ อมตฺตญฺุตา, เอตํ ปาปิจฺฉตาลกฺขณนฺติ เวทิตพฺพํ. [๘๕๒] สิงฺคนิทฺเทเส วิชฺฌนฏฺเน สิงฺคํ. นาคริกภาวสงฺขาตสฺส กิเลสสิงฺคสฺเสตํ นามํ. สิงฺคารสฺส ภาโว สิงฺคารตา สิงฺคารกรณากาโร วา. จาตุรภาโว จาตุรตา. ตถา จาตุริยํ. ปริกฺขตภาโว ปริกฺขตตา, ปริกฺขณิตฺวา ปิตสฺเสว ทฬฺหสิงฺคารภาวสฺเสตํ นามํ. อิตรํ ตสฺเสว เววจนํ. เอวํ สพฺเพหิปิ ปเทหิ กิเลสสิงฺคารตาว กถิตา. [๘๕๓] ตินฺติณนิทฺเทเส ตินฺติณนฺติ ขิยฺยนํ. ตินฺติณายนากาโร ตินฺติณายนา. ตินฺติเณน อยิตสฺส ตินฺติณสมงฺคิโน ภาโว ตินฺติณายิตตฺตํ. โลลุปภาโว โลลุปฺปํ. อิตเร เทฺว อาการภาวนิทฺเทสา. ปุจฺฉญฺชิกตาติ ลภนาลภนกฏฺาเน ^๑- เวทนากมฺปนา นีจวุตฺติตา. สาธุกมฺยตาติ ปณีตปณีตานํ ปตฺถนา. เอวํ สพฺเพหิปิ ปเทหิ สุวานโทณิยํ กญฺชิยํ ปิวนกสุนขสฺส อญฺ สุนขํ ทิสฺวา ภุภุกฺกรณํ วิย "ตว สนฺตกํ, มม สนฺตกนฺ"ติ กิเลสวเสน ขียนากาโร กถิโต. @เชิงอรรถ: ^๑ ฉ.ม. ลาภลภนกฏฺาเน

เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๕๑๕. http://84000.org/tipitaka/read/attha_page.php?book=54&page=515&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=12126&pagebreak=1 http://84000.org/tipitaka/atthapali/th_line.php?B=54&A=12126&pagebreak=1#p515