อรรถกถาเล่มที่ ๕๔ หน้าที่ ๔๕๑.

๖. ฉกฺกนิทฺเทสวณฺณนา [๘๐๕] ฉพฺพิเธน าณวตฺถุนิทฺเทเส อิทฺธิวิเธ าณนฺติ "เอโกปิ หุตฺวา พหุธา โหตี"ติอาทินยปฺปวตฺเต ^๑- อิทฺธิวิเธ าณํ. อิมินา อวิตกฺกาวิจารา อุเปกฺขาสหคตา รูปาวจรา พหุธาภาวาทิสาธิกา เอกจิตฺตกฺขณิกา อปฺปนาปญฺาว กถิตา. โสตธาตุวิสุทฺธิยา าณนฺติ ทูรสนฺติกาทิเภทสทฺทารมฺมณาย ทิพฺพโสตธาตุยา าณํ. อิมินาปิ อวิตกฺกาวิจารา อุเปกฺขาสหคตา รูปาวจรา ปกติโสตวิสยาตีตสทฺทารมฺมณา เอกจิตฺตกฺขณิกา อปฺปนาปญฺาว กถิตา. ปรจิตฺเต าณนฺติ ปรสตฺตานํ จิตฺตปริจฺเฉเท าณํ. อิมินาปิ ยถาวุตฺตปฺปการา ปเรสํ สราคาทิจิตฺตารมฺมณา เอกจิตฺตกฺขณิกา อปฺปนาปญฺาว กถิตา. ปุพฺเพนิวาสานุสฺสติาณนฺติ ปุพฺเพนิวาสานุสฺสติสมฺปยุตฺตํ าณํ. อิมินาปิ ยถาวุตฺตปฺปการา ปุพฺเพนิวุฏฺกฺขนฺธานุสฺสรณสติสมฺปยุตฺตา เอกจิตฺตกฺขณิกา อปฺปนาปญฺาว กถิตา. สตฺตานํ จุตูปปาเต าณนฺติ สตฺตานํ จุติยญฺจ อุปปาเต จ าณํ. อิมินาปิ ยถาวุตฺตปฺปการา จวนกอุปปชฺชนกานํ สตฺตานํ วณฺณธาตุอารมฺมณา เอกจิตฺตกฺขณิกา อปฺปนาปญฺาว กถิตา. อาสวานํ ขเย าณนฺติ สจฺจปริจฺเฉทชานนาณํ. อิทํ โลกุตฺตรเมว, เสสานิ โลกิยานีติ. ฉกฺกนิทฺเทสวณฺณนา นิฏฺิตา. ---------- ๗. สตฺตกนิทฺเทสวณฺณนา [๘๐๖] สตฺตวิเธน าณวตฺถุนิทฺเทเส ชาติปจฺจยา ชรามรณนฺติอาทินา นเยน ปวตฺตินิวตฺติวเสน เอกาทสสุ ปฏิจฺจสมุปฺปาทงฺเคสุ เอเกกสฺมึ กาลตฺตยเภทโต ปจฺจเวกฺขณาณํ วตฺวา ปุน "ยมฺปิสฺส ตํ ธมฺมฏฺิติาณนฺ"ติ เอวํ ตเทว @เชิงอรรถ: ^๑ ที.สี. ๙/๔๘๔/๒๑๖, ขุ.ปฏิ. ๓๑/๒๕๓/๑๖๓ (สฺยา)

เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๔๕๑. http://84000.org/tipitaka/read/attha_page.php?book=54&page=451&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=10653&pagebreak=1 http://84000.org/tipitaka/atthapali/th_line.php?B=54&A=10653&pagebreak=1#p451