อรรถกถาเล่มที่ ๕๑ ภาษาบาลี อักษรไทย
พุทฺธ.อ. (มธุรตฺถ.)
หน้าที่ ๓๗๗.

      [๒๓] สมุทฺทา อุตฺตรา เจว         อเหสุํ อคฺคสาวิกา
           โพธิ ตสฺส ภควโต           อุทุมฺพโรติ ปวุจฺจติ.
      [๒๔] ๑- อุคฺโค จ โสมเทโว จ     อเหสุํ อคฺคุปฏฺกา
           สีวลา เจว สามา จ         อเหสุํ อคฺคุปฏฺิกา. ๑-
      [๒๕] อุจฺจตฺตเนน โส พุทฺโธ        ตึสหตฺถสมุคฺคโต
           อุกฺกามุเข ยถา กมฺพุ         เอวํ รํสีหิ มณฺฑิโต.
      [๒๖] ตึสวสฺสสหสฺสานิ             อายุ พุทฺธสฺส ตาวเท
           ตาวตา ติฏฺมาโน โส        ตาเรสิ ชนตํ พหุํ.
      [๒๗] ธมฺมเจตึ สมุสฺเสตฺวา         ธมฺมทุสฺสวิภูสิตํ
           ธมฺมปุปฺผคุฬํ กตฺวา           นิพฺพุโต โส สสาวโก.
      [๒๘] มหาวิลาโส ตสฺส ชโน        สิริธมฺมปฺปกาสโน
           สพฺพํ ตมนฺตรหิตํ             นนุ ริตฺตา สพฺพสงฺขารา"ติ.
     ตตฺถ อุกฺกามุเขติ กมฺมารุทฺธเน. ยถา กมฺพูติ สุวณฺณนิกฺขํ วิย.
เอวํ รํสีหิ มณฺฑิโตติ เอวํ รสฺมีหิ ปฏิมณฺฑิโต สมลงฺกโต. ธมฺมเจตึ สมุสฺเสตฺวาติ
สตฺตตฺตึสโพธิปกฺขิยธมฺมมยํ เจติยํ ปติฏฺาเปตฺวา. ธมฺมทุสฺสวิภูสิตนฺติ
จตุสจฺจธมฺมปฏากวิภูสิตํ. ธมฺมปุปฺผคุฬํ กตฺวาติ ธมฺมมยปุปฺผมาลาคุฬํ กตฺวา.
มหาชนสฺส วิปสฺสนาเจติยงฺคเณ ิตสฺส นมสฺสนตฺถาย ธมฺมเจติยํ ปติฏฺาเปตฺวา
สสาวกสํโฆ สตฺถา ปรินิพฺพายีติ อตฺโถ. มหาวิลาโสติ มหาอิทฺธิวิลาสปฺปตฺโต.
ตสฺสาติ ตสฺส ภควโต. ชโนติ สาวกชโน. สิริธมฺมปฺปกาสโนติ
โลกุตฺตรธมฺมปฺปกาสโน โส ภควา จ สพฺพํ ตมนฺตรหิตนฺติ อตฺโถ.
@เชิงอรรถ: ๑-๑ ฉ.ม. อยํ คาถา น ทิสฺสติ


เนื้อความอรรถกถาฉบับภาษาบาลี อักษรไทย เล่มที่ ๕๑ หน้าที่ ๓๗๗.
http://84000.org/tipitaka/read/attha_page.php?book=51&page=377&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=51&A=8346&pagebreak=1
http://84000.org/tipitaka/atthapali/th_line.php?B=51&A=8346&pagebreak=1#p377