อรรถกถาเล่มที่ ๕ หน้าที่ ๓๐๗.

เขมิยา ตุสิตา ยามาติ เขมิยา เทวา ตุสิตปุรวาสิโน จ ยามาเทวโลกวาสิโน จ. กถกา จ ยสสฺสิโนติ ยสสมฺปนฺนา กถกา จ เทวา. ปาลิยํ ปน "กฏฺกา จา"ติ ลิขนฺติ. ลมฺพิตกา ลามเสฏฺาติ ลมฺพิตกเทวา จ ลามเสฏฺเทวา จ. โชตินามา จ อาสวาติ ปพฺพตมตฺถเก กตนฬคฺคิกฺขนฺโธ วิย โชตมานา โชติเทวา นาม อตฺถิ, เต จ อาสา จ เทวา อาคตาติ อตฺโถ. ปาลิยํ ปน "โชตินามา"ติ ^๑- ลิขนฺติ. อาสา เทวตา ฉนฺทวเสน อาสวาติ วุตฺตา. นิมฺมานรติโน อาคู, อถาคู ปรนิมฺมิตา. ทเสเต ทสธา กายาติ เอเตปิ ทส เทวกายา ทสธาว อาคตา. สฏฺเเต เทวนิกายาติ เอเต จ อาโป จ เทวาติ อาทิกา ฉ ทสกา สฏฺี เทวนิกายา สพฺเพ นีลาทิวเสน นานตฺตวณฺณิโน. นามนฺวเยน อาคญฺฉุนฺติ ^๒- นามภาเคน นามโกฏฺาเสเนว อาคตา. เย จญฺเ สทิสา สหาติ เย จ อญฺเปิ เอเตหิ สทิสา วณฺณโตปิ นามโตปิ เอตาทิสาเยว เสสจกฺกวาเฬสุ เทวา, เตปิ อาคตาเยวาติ เอกปเทเนว กลาปํ วิย กตฺวา มุทฺธิกํ ^๓- วิย กตฺวา สพฺพา เทวตา นิทฺทิสติ. เอวํ ทสสุ โลกธาตุสหสฺเสสุ เทวกาเย นิทฺทิสิตฺวา อิทานิ ยทตฺถํ เต อาคตา, ตํ ทสฺเสนฺโต ปวุฏฺชาตินฺติ คาถมาห. ตสฺสตฺโถ:- ปวุฏฺา วิคตา ชาติ อสฺสาติ อริยสํโฆ ปวุฏฺชาติ นาม, ตํ ปวุฏฺชาตึ ราคโทสโมหขีลานํ อภาวา อขีลํ จตฺตาโร โอเฆ ตริตฺวา ิตตฺตา โอฆติณฺณํ จตุนฺนํ อาสวานํ อภาเวน อนาสวํ อริยสํฆํ ทกฺเขม ปสฺสิสฺสาม. เตสํเยว โอฆานํ ติณฺณตฺตา โอฆตรํ อาคุํ อกรณโต นาคํ. อสิตาติตนฺติ ^๔- กาฬกภาวาตีตํ จนฺทํว สิริยา วิโรจมานํ ทสพลํ จ ทกฺเขม ปสฺสิสามาติ เอตทตฺถํ สพฺเพปิ เต นามนฺวเยน อาคณฺฉุํ, เย จญฺเ สทิสา สหาติ. [๓๔๑] อิทานิ พฺรหฺมาโน เทเสนฺโต ^๕- สุพฺรหฺมา ปรมตฺโต จาติ อาทิมาห. ตตฺถ สุพฺรหฺมาติ เอโก เสฏฺพฺรหฺมา. ^๖- ปรมตฺโต จาติ พฺรหฺมา จ. ^๗- @เชิงอรรถ: ^๑ ฉ.ม.,อิ. ชาตินามาติ ^๒ ฉ.ม. อาคจฺฉุนฺติ ^๓ ฉ.ม.,อิ. ปุฏกํ ^๔ ฉ.ม. @อสิตาติคนฺติ ^๕ ฉ.ม.,อิ. ทสฺเสนฺโต ^๖ ฉ.ม. เอโก พฺรหฺมา ^๗ ฉ.ม. ปรมตฺโตปิ @พฺรหฺมาว

เนื้อความอรรถกถาฉบับภาษาบาลี อักษรไทย เล่มที่ ๕ หน้าที่ ๓๐๗. http://84000.org/tipitaka/read/attha_page.php?book=5&page=307&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=5&A=7858&pagebreak=1 http://84000.org/tipitaka/atthapali/th_line.php?B=5&A=7858&pagebreak=1#p307