อรรถกถาเล่มที่ ๔๗ หน้าที่ ๓๑๖.

นิฏฺฐิตํ ฉารตฺตูเนหี"ติ ^๑- อิทํ ทารุจกฺกํ. "จกฺกํ วตฺตยโต ปริคฺคเหตฺวา"ติ ^๒- อิทํ รตนจกฺกํ. "มยา ปวตฺติตํ จกฺกนฺ"ติ ^๓- อิทํ ธมฺมจกฺกํ. "จตุจกฺกํ นวทฺวารนฺ"ติ ^๔- อิทํ อิริยาปถจกฺกํ. "จตฺตาริมานิ ภิกฺขเว จกฺกานิ, เยหิ สมนฺนาคตานํ เทวมนุสฺสานํ จตุจกฺกํ วตฺตติ. กตมานิ จตฺตานิ. ปติรูปเทสวาโส สปฺปุริสาปสฺสโย ^๕- อตฺตสมฺมาปณิธิ ปุพฺเพ จ กตปุญฺญตา"ติ ^๖- อิทํ สมฺปตฺติจกฺกํ. อิธาปิ เอตเทว อธิปฺเปตํ. ตตฺถ ปติรูปเทสวาโสติ ยตฺถ จตสฺโส ปริสา สนฺทิสฺสนฺติ, เอวรูเป อนุจฺฉวิเก เทเส วาโส. สปฺปุริสาปสฺสโยติ พุทฺธาทีนํ สปฺปุริสานํ อปสฺสโย ^๗- เสวนํ ภชนํ. อตฺตสมฺมาปณิธีติ อตฺตโน สมฺมา ปติฏฺฐานํ. สเจ ปุพฺเพ อสฺสทฺธาทีหิ สมนฺนาคโต โหติ, ตานิ ปหาย สทฺธาทีสุ ปติฏฺฐาปนํ. ปุพฺเพ จ กตปุญฺญตาติ ปุพฺเพ อุปจิตกุสลตา. อิทเมว เจตฺถ ปมาณํ. เยน หิ ญาณสมฺปยุตฺตจิตฺเตน กุสลกมฺมํ กตํ โหติ, ตเทว กุสลํ ตํ ปุริสํ ปติรูปเทเส อุปเนติ, สปฺปุริเส ภชาเปติ, โส เอว จ ปุคฺคโล อตฺตานํ สมฺมา ฐเปตีติ. จตฺตาริ ธมฺมปทานีติ จตฺตาโร ธมฺมโกฏฺฐาสา. กตมานิ จตฺตาริ. อนภิชฺฌา ธมฺมปทํ, อพฺยาปาโท ธมฺมปทํ, สมฺมาสติ ธมฺมปทํ, สมฺมาสมาธิ ธมฺมปทํ. อนภิชฺฌาธมฺมปทํ นาม อโลโภ วา อนภิชฺฌาวเสน อธิคตชฺฌาน- วิปสฺสนามคฺคผลนิพฺพานานิ วา. อพฺยาปาโท ธมฺมปทํ นาม อโกโธ วา เมตฺตาสีเสน อธิคตชฺฌานาทีนิ วา. สมฺมาสมาธิ ธมฺมปทํ นาม อฏฺฐสมาปตฺติ วา อฏฺฐสมาปตฺติสีเสน อธิคตชฺฌานาทีนิ วา. ทสอสุภวเสน วา อธิคตชฺฌานาทีนิ อนภิชฺฌา ธมฺมปทํ, จตุพฺรหฺมวิหารวเสน อธิคตานิ อพฺยาปาโท ธมฺมปทํ, ทสานุสฺสติอาหาเรปฏิกูลสญฺญาวเสน อธิคตานิ สมฺมาสติ @เชิงอรรถ: ^๑ องฺ.ติก. ๒๐/๑๕/๑๐๗ ^๒ ขุ.ชา. ๒๗/๑๗๙๑/๓๕๒ (สฺยา) @^๓ ขุ.สุ. ๒๕/๕๖๓/๔๔๘ ^๔ สํ.ส. ๑๕/๒๙/๑๘ @^๕ ฉ.ม. สปฺปุริสาวสฺสโย, ปาฬิ. สปฺปุริสูปสฺสโย @^๖ องฺ.จตุกฺก. ๒๑/๓๑/๓๗ ^๗ ฉ.ม. อวสฺสยนํ

เนื้อความอรรถกถาฉบับภาษาบาลี อักษรไทย เล่มที่ ๔๗ หน้าที่ ๓๑๖. http://84000.org/tipitaka/read/attha_page.php?book=47&page=316&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=47&A=7055&modeTY=2&pagebreak=1 http://84000.org/tipitaka/atthapali/th_line.php?B=47&A=7055&modeTY=2&pagebreak=1#p316