ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๔๕ ภาษาบาลี อักษรไทย นิทฺ.อ.๑ (สทฺธมฺมปชฺ.)

หน้าที่ ๔๖๑.

    อนฺตรฆรปฺปเวสาทิโก จ จกฺขุนา รูปํ ทิสฺวา นิมิตฺตคฺคาหาทิโก จ
สทฺธาเทยฺยานิ โภชนานิ ภุญฺชิตฺวา วิสุกทสฺสนานุโยโค จ ปญฺจ กามคุณา จาติ
จตุพฺพิโธปิ ปน กิเลสุปฺปตฺติวเสน อโคจโรติ เวทิตพฺโพ.
    มา ภิกฺขเว อโคจเร จรถาติ จริตุํ อยุตฺตฏฺาเน มา จรถ. ปรวิสเยติ
สตฺตุวิสเย. อโคจเร ภิกฺขเว จรตนฺติ อยุตฺตฏฺาเน จรนฺตานํ. "จรนฺ"ติปิ ปาโ.
ลจฺฉตีติ ลภิสฺสติ ปสฺสิสฺสติ. มาโรติ เทวปุตฺตมาโรปิ มจฺจุมาโรปิ. โอตารนฺติ
รนฺธํ ฉิทฺทํ วิวรํ.
    โคจรนิทฺเทเส น เวสิยาโคจโร โหตีติอาทีนิ วุตฺตปฏิปกฺขวเสน เวทิตพฺพานิ.
อยํ ปน วิเสโส:- จตฺตาโร สติปฏฺานา โคจโรติ จริตุํ ยุตฺตฏฺานวเสน
จตุสติปฏฺานา โคจโร. สเกติ อตฺตโน สนฺตเก. เปตฺติเก วิสเยติ ปิติโต อาคตวิสเย.
    อารทฺธวีริยสฺสาติ สมฺมาอุปฏฺิตจตุสมฺมปฺปธานวีริยวนฺตสฺส. ถามวโตติ ๑-
พลปฺปตฺตสฺส. ทฬฺหปรกฺกมสฺสาติ ถิรวีริยสฺส. ยสฺสตฺถาย ๒- เปสิโตติ เยน
อรหตฺตตฺถาย อตฺตภาโว ปริจฺจตฺโต. อตฺตตฺเถ จาติ อตฺตโน อตฺเถ อรหตฺตผเล
จ. าเย จาติ อริเย อฏฺงฺคิเก มคฺเค จ. ลกฺขเณ จาติ อนิจฺจาทิลกฺขณปฏิเวเธ
จ. การเณ จาติ เหตุมฺหิ จ. านาาเน จาติ าเน จ อฏฺาเน จ, การณาการเณ
จาติ อตฺโถ. อิทานิ วิตฺถาเรตฺวา ทสฺเสตุํ "สพฺเพ สงฺขารา อนิจฺจา"ติอาทิมาห.
    [๑๙๗] อฏฺมคาถาย เอโกทิ นิปโกติ เอกคฺคจิตฺโต ปณฺฑิโต.
    ชาตรูปสฺส โอฬาริกมฺปิ มลํ ธมตีติ สุวณฺณสฺส ถูลํ มลํ ๓- อคฺคิสํโยเคน
นีหรติ. สนฺธมตีติ สมฺมา นีหรติ. นิทฺธมตีติ อปุนภวปฺปตฺติกํ ๔- กตฺวา นีหรติ.
"ฌาเปตี"ติ เกจิ วทนฺติ. มชฺฌิมกมฺปีติ ตโต สุขุมตรมฺปิ. สุขุมกมฺปีติ
@เชิงอรรถ:  ฉ.ม. ถามคตสฺสาติ   ก. ยสฺสตฺตา
@ ฉ.ม. ชลฺลํ   สี. อปุนภวนฺตกํ, ม. อปุนพฺภวุปฺปตฺติกํ, ก. อปุนภวตฺติกํ



เนื้อความอรรถกถาฉบับภาษาบาลี อักษรไทย เล่มที่ ๔๕ หน้าที่ ๔๖๑. http://84000.org/tipitaka/read/attha_page.php?book=45&page=461&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=45&A=10590&pagebreak=1 http://84000.org/tipitaka/atthapali/th_line.php?B=45&A=10590&pagebreak=1#p461


จบการแสดงผล หน้าที่ ๔๖๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]