อรรถกถาเล่มที่ ๔๔ หน้าที่ ๑.

มหานิปาตวณฺณนา ------------- ภูริทตฺตชาตกํ ยํกิญฺจิ รตนมตฺถีติ อิทํ สตฺถา สาวตฺถิยํ อุปนิสฺสาย เชตวเน วิหรนฺโต อุโปสถิเก อุปาสเก อารพฺภ กเถสิ ฯ เต กิร อุโปสถทิวเส ปาโตว อุโปสถํ อธิฏฺฐาย ทานํ ทตฺวา ปจฺฉาภตฺตํ คนฺธมาลาทิหตฺถา เชตวนํ คนฺตฺวา ธมฺมสฺสวนเวลาย เอกมนฺตํ นิสีทึสุ ฯ ตทา ปน สตฺถา ธมฺมสภํ อาคนฺตฺวา อลงฺกตพุทฺธาสเน นิสีทิตฺวา ภิกฺขุสํฆํ โอโลเกตฺวา ภิกฺขุอาทีสุ ปน เย อารพฺภ ธมฺมกถา สมุฏฺฐาติ เตหิ สทฺธึ ตถาคตา สลฺลปนฺติ ตสฺมา อชฺช อุปาสเก อารพฺภ ปุพฺพจริยปฏิสํยุตฺตา ธมฺมกถา สมุฏฺฐหิสฺสตีติ ญตฺวา อุปาสเกหิ สทฺธึ สลฺลปนฺโต อุโปสถิกตฺถ อุปาสกาติ ปุจฺฉิตฺวา อาม ภนฺเตติ วุตฺเต สาธุ อุปาสกา กลฺยาณํ โว กตํ อนจฺฉริยํ โข ปเนตํ ยํ ตุมฺเห มาทิสํ พุทฺธํ โอวาททายกํ ลภนฺตา อุโปสถํ กเรยฺยาถ โปราณกปณฺฑิตา อนาจริยกาปี มหนฺตํ ยสํ ปหาย อุโปสถํ กรึสุเยวาติ วตฺวา ตุณฺหี อโหสิ เตหิ ยาจิโต อตีตํ อาหริ อตีเต ภิกฺขเว พาราณสิยํ พฺรหฺมทตฺโต นาม ราชา รชฺชํ กาเรนฺโต ปุตฺตสฺส อุปรชฺชํ ทตฺวา ตสฺส มหนฺตํ ยสํ ทิสฺวา รชฺชมฺปิ เม คณฺเหยฺยาติ อุปฺปนฺนาสงฺโก ตํ ปกฺโกสาเปตฺวา น สกฺกา

เนื้อความอรรถกถาฉบับภาษาบาลี อักษรไทย เล่มที่ ๔๔ หน้าที่ ๑. http://84000.org/tipitaka/read/attha_page.php?book=44&page=1&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=44&A=1&modeTY=2&pagebreak=1 http://84000.org/tipitaka/atthapali/th_line.php?B=44&A=1&modeTY=2&pagebreak=1#p1