บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๔๓ ภาษาบาลี อักษรไทย ชา.อ.๙ มหานิปาต(๑) หน้าที่ ๙๓.
สรีเร ลาขารสํ สิญฺจิตฺวา ลทฺธปฺปหาเร วิย ผลเก นิปชฺชาเปตฺวา นทิยา วุยฺหนฺเต มเต วิย จ รญฺโ ทสฺเสสุํ ฯ มหาชโน ตํ อุปกฺโกสิ มหาราช ตุมฺเหสุ ธรนฺเตสุเยว ตว รฏฺ โจรา วิลุมฺปนฺติ มหาชนํ ฆาเตนฺตีติ ฯ เทวีปิ ราชานํ วนฺทิตฺวา นิวตฺตนตฺถาย คาถมาห อฏวิโย สมุปฺปนฺนา รฏฺ วิทฺธํสยนฺติเต เอหิ ราช นิวตฺตสฺสุ มา รฏฺ วินสฺสา อิทนฺติ ฯ ตตฺถ อฏวิโยติ มหาราช ตุมฺเหสุ ธรนฺเตสุเยว อฏวิโย โจรา สมุปฺปนฺนา ฯ รฏฺนฺติ ตถารูปํ ธมฺมรกฺขิตํ ตว รฏฺ วิทฺธํเสนฺติ ฯ เอหิ ราช นิวตฺตสฺสุ อิทํ ตว รฏฺ มา วินสฺสตุ ฯ ตํ สุตฺวา ราชา มยิ ธรนฺเตเยว โจรา อุฏฺาย รฏฺ วิทฺธํเสนฺตา นาม นตฺถิ สีวลีเทวิยา กิริยา เอสา ภวิสฺสตีติ จินฺเตตฺวา ตํ อปฺปฏิภาณํ กโรนฺโต อาห สุสุขํ วต ชีวาม เยสนฺโน นตฺถิ กิญฺจนํ รฏฺเ วิลุมฺปมานมฺหิ น เม กิญฺจิ อหารถ สุสุขํ วต ชีวาม เยสนฺโน นตฺถิ กิญฺจนํ ปีติภกฺขา ภวิสฺสาม เทวา อาภสฺสรา ยถาติ ฯ ตตฺถ วิลุมฺปมานมฺหีติ วิลุมฺปมาเน ฯ อาภสฺสรา ยถาติ ยถา เต พฺรหฺมาโน ปีติภกฺขา หุตฺวา สมาปตฺติสุเขน กาลํ วีตินาเมนฺติ ตถา วีตินาเมสฺสามาติ ฯ เอวํ วุตฺเตปิ มหาชโน ราชานํ อนุพนฺธติเยว ฯ อถสฺส เอตทโหสิ อยํ มหาชโน นิวตฺติตุํ น อิจฺฉติ นิวตฺเตสฺสามิ นนฺติเนื้อความอรรถกถาฉบับภาษาบาลี อักษรไทย เล่มที่ ๔๓ หน้าที่ ๙๓. http://84000.org/tipitaka/read/attha_page.php?book=43&page=93&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=43&A=1916&pagebreak=1 http://84000.org/tipitaka/atthapali/th_line.php?B=43&A=1916&pagebreak=1#p93
จบการแสดงผล หน้าที่ ๙๓.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]