ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๔๓ ภาษาบาลี อักษรไทย ชา.อ.๙ มหานิปาต(๑)

หน้าที่ ๒๒.

           กินฺนุ สนฺตรมาโนว          กาสุํ ขนสิ สารถิ
           ปุฏฺโฐ เม สมฺม อกฺขาหิ      กึ กาสุยา กริสฺสสีติ ฯ
     ตตฺถ กาสุนฺติ จตุภิตฺติกํ อาวาฏํ ฯ
     ตํ สุตฺวา สารถิ อาวาฏํ ขนนฺโต อุทฺธํ อโนโลเกตฺวา
จตุตฺถํ คาถมาห
           รญฺโญ มูโค จ ปกฺโข จ      ปุตฺโต ชาโต อเจตโส
           โสมฺหิ รญฺญา สมิชฺฌิตฺโถ      ปุตฺตํ เม นิกฺขนํ วเนติ ฯ
      ตตฺถ ปกฺโขติ ปีฐสปฺปี ฯ มูโคติ วจเนเนว ปนสฺส
พธิรภาโวปิ สิชฺฌติ พธิรสฺส หิ ปฏิวจนํ กเถตุํ อสกฺกุเณยฺยตา ฯ
อเจตโสติ อจิตฺตโก วิย ชาโต โสฬสวสฺสานิ อกถิตตฺตา เอวมาห ฯ
สมิชฺฌิตฺโถติ อาณตฺโต เปสิโต ฯ นิกฺขนํ วเนติ วเน
นิกฺขเนยฺยาสิ ฯ
     อถ นํ มหาสตฺโต อาห
           น พธิโร น มูโคสฺมิ         น ปกฺโข น จ ปิงฺคโล
           อธมฺมํ สารถิ กยิรา         มญฺเจ ตฺวํ นิกฺขนํ วเน
           อูรู พาหู จ เม ปสฺส        ภาสิตญฺจ สุโณหิ เม
           อธมฺมํ สารถิ กยิรา         มญฺเจ ตฺวํ นิกฺขนํ วเนติ ฯ
     ตตฺถ พธิโรติ สมฺม สารถิ สเจ ราชา ตํ เอวรูปํ ปุตฺตํ
นิกฺขนิตุํ อาณาเปสิ อหํ ปน เอวรูโป น ภวามีติ ทีเปตุํ
เอวมาห ฯ ปิงฺคโลติ วิกลินฺทฺรีโย ฯ มญฺเจ ตฺวํ นิกฺขนํ วเนติ
สเจ พธิรภาวาทิวิรหิตํ เอวรูปํ มํ วเน นิกฺขเนยฺยาสิ ตวํ อธมฺมํ



เนื้อความอรรถกถาฉบับภาษาบาลี อักษรไทย เล่มที่ ๔๓ หน้าที่ ๒๒. http://84000.org/tipitaka/read/attha_page.php?book=43&page=22&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=43&A=440&modeTY=2&pagebreak=1 http://84000.org/tipitaka/atthapali/th_line.php?B=43&A=440&modeTY=2&pagebreak=1#p22


จบการแสดงผล หน้าที่ ๒๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]