ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๔ ภาษาบาลี อักษรไทย ที.อ. (สุมงฺคล.๑)

หน้าที่ ๒๒๙.

ลพฺภติ, ตฺวํ ปน สยาโน สยาเนนาจริเยน สทฺธึ กเถสิ, กินฺเต อาจริโย โครูปํ,
อุทาหุ  คทฺรภนฺ"ติ ๑- อาห. โส กุชฺฌิตฺวา "เย จ โข เต โภ โคตม
มุณฺฑกาติ อาทิมาห. ตตฺถ มุณฺเฑ "มุณฺฑา"ติ, สมเณ จ "สมณา"ติ วตฺตุํ
วฏฺเฏยฺย, อยํ ปน หีเฬนฺโต "มุณฺฑกา สมณกา"ติ อาห. อิพฺภาติ คหปติกา.
กณฺหาติ กณฺหา, กาฬกาติ อตฺโถ. พนฺธุปาทาปจฺจาติ เอตฺถ พนฺธูติ พฺรหฺมา
อธิปฺเปโต. ตํ หิ พฺราหฺมณา "ปิตามโห"ติ โวหรนฺติ. ปาทานํ อปจฺจา
ปาทาปจฺจา, พฺรหฺมุโน ปิฏฺิปาทโต ชาตาติ อธิปฺปาโย. ตสฺส กิร อยํ ลทฺธิ:-
พฺราหฺมณา พฺรหฺมุโน มุขโต นิกฺขนฺตา, ขตฺติยา อุรโต, เวสฺสา นาภิโต, สุทฺทา
ชาณุโต. สมณา ปิฏฺิปาทโตติ. ๒- เอวํ กเถนฺโต จ ปเนส กิญฺจาปิ อนิยเมตฺวา
กเถติ, อถโข ภควนฺตเมว วทามีติ กเถติ.
      อถโข ภควา "อยํ อมฺพฏฺโ  อาคตกาลโต ปฏฺาย มยา สทฺธึ
กถยมาโน มานเมว นิสฺสาย กเถติ, อาสีวิสํ คีวายํ คณฺหนฺโต วิย, อคฺคิกฺขนฺธํ
อาลิงฺคนฺโต วิย, มตฺตวรวารณํ โสณฺฑาย ปรามสนฺโต วิย, อตฺตโน ปมาณํ
น ชานาติ, หนฺท นํ ชานาเปสฺสามี"ติ จินฺเตตฺวา "อตฺถิกวโต โข ปน เต
อมฺพฏฺา"ติ อาทิมาห. ตตฺถ อาคนฺตฺวา กตฺตพฺพกิจฺจสงฺขาโต อตฺโถ เอตสฺส
อตฺถีติ อตฺถิกํ, ตสฺส มาณวสฺส จิตฺตํ, อตฺถิกมสฺส อตฺถีติ อตฺถิกวา, ตสฺส
อตฺถิกวโต, ตว อิธาคมนํ อโหสีติ อตฺโถ.
      โข ปนาติ นิปาตมตฺตํ. ยาเยว โข ปนตฺถายาติ เยเนว โข
ปน อตฺเถน. อาคจฺเฉยฺยาถาติ มม วา อญฺเสํ วา สนฺติกํ ยทา กทาจิ
อาคจฺเฉยฺยาถ. ตเมว อตฺถนฺติ อิทํ ปุริสลิงฺควเสเนว วุตฺตํ. มนสิ กเรยฺยาถาติ
จิตฺเต กเรยฺยาถ. อิทํ วุตฺตํ โหติ:- ตฺวํ อาจริเยน อตฺตโน กรณีเยน เปสิโต,
น  อมฺหากํ ปริภวนตฺถาย, ตสฺมา ตเมว กิจฺจํ มนสิกโรหีติ. เอวมสฺส อญฺเสํ
สนฺติกํ อาคตานํ วตฺตํ ทสฺเสตฺวา มานนิคฺคณฺหนตฺถํ "อวุสิตวาเยว โข ปนา"ติ
อาทิมาห. ตสฺสตฺโถ:- ปสฺสถ โภ อยํ อมฺพฏฺโ มาณโว อาจริยกุเล อวุสิตวา
อสิกฺขิโต อปฺปสฺสุโต ว สมาโน. วุสิตมานีติ "อหํ วุสิตวา สิกฺขิโต พหุสฺสุโต"ติ
@เชิงอรรถ:  ฉ.ม. ตฺวนฺ"ติ             ที. ปาฏิ. ๑๑/๑๑๔/๖๙, ม.ม. ๑๓/๔๐๒/๓๘๙



เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๒๒๙. http://84000.org/tipitaka/read/attha_page.php?book=4&page=229&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=4&A=6013&pagebreak=1 http://84000.org/tipitaka/atthapali/th_line.php?B=4&A=6013&pagebreak=1#p229


จบการแสดงผล หน้าที่ ๒๒๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]